海港薈

營業中

休息中

呢間茶樓真係好熱鬧，成日都見到食客排隊等位，氣氛非常好。雖然裝潢唔算特別，但人們坐埋一齊，傾偈食飯，感覺好輕鬆自在。今次我試咗長腳蟹，價錢$298一斤，真係平過街市買，非常之抵食！本來我想叫隻五斤至六斤嘅，但去到嗰陣時只剩下四斤幾嘅細蟹。蟹肉鮮嫩，味道都幾好，雖然冇咩特別驚喜，但整體表現唔錯。總括來講，呢度係一個適合朋友聚會或者家庭聚餐嘅好地方，雖然食物唔算特別突出，但開心地食飯、傾偈就係最重要。

在會展做嘢就試吓飲茶點心，3個人這次品嚐的點心組合既有經典款式，也有創新之作，整體體驗令人滿意。  流沙煎堆仔（$34）外皮酥脆，內餡流沙濃郁，甜而不膩，是完美的開場。明月帶子卷（$38）則以鮮嫩的帶子為主角，外層酥香，口感層次豐富，值得一試。  南翔小籠包（3件/$38）始終唔係上海店，皮厚有肉汁，一般般啦 ，略顯普通。肉松炸兩腸（$38）結合了肉松的鹹香與腸粉的滑嫩，創意十足，但腸粉稍厚，影響了整體口感。  西班牙黑毛豬叉燒包（3件/$44）個名就勁，但係似一般叉燒包，醬汁甜鹹適中。沙爹金錢肚（$34）燉得入味，沙爹香氣撲鼻，但份量稍少，略顯不過癮，必點之選。。整體價格（總計$249）與品質相符。  總結：這家店的點心在傳統基礎上加入了創新元素，尤其推薦流沙煎堆仔和明月帶子卷。

跟朋友飯聚，十四個人圍坐一桌點了一圍菜，熱鬧非凡！這次的海鮮選擇真讓人驚喜，有珊瑚蚌、鮑魚、帶子等，特別新鮮，而且上菜速度很快，沒有讓人等得太久。更棒的是，整體味道自然，味精用量不多，令人吃得放心。至於肉類的款式相對較少，對我這個對肉類興趣不大的‘淡肉派’來說，倒是額外加分。不得不提他們的海鮮炒飯，蛋和飯粒炒得粒粒分明，香氣十足，真的非常合我胃口！這一餐讓我充分感受到食物與朋友相聚的雙重美好！"

聽咗同事呀朋友呀都話這間酒樓性價比高，適逢有一個大夥兒生日聚餐晚飯，就不如試一試。我哋叫了的套餐有以下菜式，款款份量十足，食物不錯，地方都闊落，大家都吃得滿意，不過在香港用餐，除非去一些比較高級的地方，服務就不要有什麼要求，人手不足，只好儘量體諒。

今日叫左魚兩味 龍蝦伊面 水晶蒸蛋白 醉鴨舌 芥末牛柳粒 魚兩味 - 蒸魚還好 只係偏油左少少 西芹炒球 好鹹 龍蝦伊面 伊面好硬身 胃唔好絕對唔好食 最後淨返哂d伊面 明明平時會爭伊面 😞😞水晶蟹蒸蛋白 普普通通 但蟹新鮮度一般 芥末牛柳粒 全肥 一食 一口油 服務方面 明明碟蟹未食完 行過黎問仲要唔要 三個人都答佢未食完 但係我地有我地講 佢有佢收 擋唔住 佢已經將另一碟野放左上去 仲諗住俾返我地 我地話唔洗啦 仲黑面拎走 之後加茶 佢直情係我面邊過 衛生方面 水壺入面有洗走既茶葉 鉸剪上污漬一行人都決定真係唔會再黎

朋友慶生日，選擇食蟹慶祝。有好幾個朋友都推介呢間酒樓海鮮一味幾食，一於試一試。由於好幾位朋友都推介食阿拉斯加皇帝蟹，幾番掙扎，應該點選那種烹調方式，最後選擇了避風塘式炒。果然一試難忘，非常惹味，蟹肉非常嫩滑，肉汁滿滿。另外點了叉燒，沒什驚喜。肉質及調味都不過不失。有點失望。由於人數少，點了兩道菜後已經食飽飽，所以另外只點了炒菜。服務不錯，尚算殷勤。環境稍為嘈吵，可能由於附近周圍大多是飲酒宴客。質素屬於同區中中等。

係新年第一日吃圍菜本應是一件開心的事，但這次經歷卻大大失望。12位圍菜收費$3600，連茶芥都不包，已經覺得有點過分。11:30準時叫上菜，九個字過去才上了三道菜，吹催了幾次竟被告知廚房「冇單」？！最終所有菜到齊已是1:40，等待時間長到連肚子都餓過頭了。菜色雖有乳豬、燒鵝、蒸魚和炒飯等傳統圍菜，但經過這麼長時間的等待，味道早已變得無關緊要。餐廳最後免了兩位的茶芥以作補償，但泊車已經拍了三小時，根本不值。這樣的服務，真的讓人十分失望。嬲到要寫第一篇食評。以後不會再來，這次新年飯可謂「等到飽」的最糟體驗！

－直都知道呢間的阿拉斯加長腳蟹出名好食，今日3/12/2024 與朋友午餐聚會，梗係要食長腳蟹啦。另外叫咗佢哋嘅6人「喜宴」午餐，真係食到飽一飽呀。阿拉斯加長腳蟹5.1斤，－上枱 大家都嘩嘩聲，大大隻，就相機食先。每人一隻腳，啖啖肉，啲蟹膏，蟹汁撈白飯，超正。「喜宴午餐」，款款都美味，燒鵝皮脆肉嫩；岩鹽燒六頭鮑魚好咬口；龍蝦伊麵，肉質新鮮；欖豉蒸龍躉班，魚肉嫩滑。仲有 啫啫芥蘭煲，濃雞湯煲花膠，臘味糯米飯，真係講唔晒！甜品：紅棗糕，熱辣辣，新鮮出爐。大滿足，食到舔舔脷！值得推介！

點咗幾款主打海鮮菜式，包括阿拉斯加長腳蟹、韭香蠔仔水晶粉同西蘭花炒帶子珊瑚蚌，每一道菜嘅食材新鮮，味道豐富，絕對係一個令人滿意嘅海鮮盛宴。阿拉斯加長腳蟹阿拉斯加長腳蟹係呢餐嘅亮點之一，蟹腳非常巨大，肉質飽滿。長腳蟹肉質鮮甜，帶有天然嘅海水香氣，食落去肉質細膩而有彈性。蟹腳肉非常豐富，輕輕一撕就可以拎出大塊蟹肉，超級鮮甜，完全唔需要過多嘅調味已經充滿咗海鮮味。呢道菜絕對係海鮮愛好者嘅必點選擇，每一啖蟹肉都令人回味無窮。🦀🍽️韭香蠔仔水晶粉韭香蠔仔水晶粉係一道非常有特色嘅菜式。蠔仔新鮮味道鮮美，水晶粉吸收咗蠔仔嘅鮮汁同韭菜嘅香氣，口感彈牙，味道濃郁。韭菜嘅辛香同蠔仔嘅鮮甜互相襯托，令整道菜色香味俱全，係一道既清爽又富有層次嘅好選擇。🦪🥢西蘭花炒帶子珊瑚蚌帶子煮得剛好，保持咗鮮嫩嘅口感。珊瑚蚌帶有海味嘅鮮甜，口感爽脆，為整道菜增添咗一層獨特嘅咬口。西蘭花煮得翠綠鮮嫩爽口。呢道菜色彩繽紛，味道清淡但鮮味十足！🧑‍🍳🥦海港薈嘅海鮮料理真係高質，特別係阿拉斯加長腳蟹，鮮甜多汁，令人難忘。

今日去參加一個中午聚餐，－共開四枱所以有一個包房（V1)，房間闊落，冇侷促感。本以為套餐水準係一般。但上第一個菜：乳豬全體就已經有驚喜，估唔到係熱嘅。入口乳豬皮鬆化，跟住落嚟食呢啲菜，個個都有水準。嗰個炸蟹鉗已經唔係一般酒樓嘅行貨，好有水準。西蘭花帶子更加係要加分。食到最尾見紅棗糕更加令人驚奇，上枱時仲熱辣辣，好有紅棗味，平時唔食甜品嘅我，都食咗三件。可能係包房關係，啲侍應睇到親切，招呼周到。這間酒樓出品值得一讚。

海港薈位於海港商場3樓會展站兩分鐘左右便到達，交通方便🎊餐前小食醃蘿蔔 🍽️清爽開胃花膠螺頭爵士湯🍈用料充足，有花膠、螺頭、蜜瓜，瘦豬肉等材料煲成，滋陰清潤，味道鮮甜香濃據聞此湯是鄧肇堅爵士十分喜愛的私房湯方而命名的🏅成都水煮牛肉🐮小麻小辣，牛肉嫩不太會吃辣的朋友，可以一試新鮮菠蘿咕嚕肉🍍肉質外脆內軟多汁，汁醬酸甜醒胃黃金蟹肉蝦球伊麵🍤蝦球份量算多灣仔區相對較大衆化的酒樓，位置方便，地方大容易有位，食物質素合格，CP值可以👌

行完書展， 8:42pm 落單，我地先叫 鮑魚雞煲 同 勝瓜茄茸浸魚腐雞煲食到一半，叫2碗飯。 點知白飯都冇，仲叫我可以叫揚州炒飯。有冇搞錯。白飯冇，又有炒飯🫠， 你一早講，我就叫少個餸啦，🙄甘大間酒樓白飯都冇！算，我地都冇發嬲。跟著雞煲食哂，個菜都未到。_________叫左西裝部長黎問問我：我地個菜未到部長（拎起張單）： 咩菜呀？我：勝瓜部長，唔出聲行開，我心諗你唔識字唔識睇咩__________隔左幾分鐘，另一個呀姐，執緊隔離台，叫過黎話：勝瓜冇哂😡甘勝瓜冇哂，仲有咩呢，又冇講，點處理又唔講妖，唔追單，都唔講，點做生意！_________仲話送2個壽包比我，痴線🤢壽包係死人食，送都唔要啦壽桃包都唔識講，學人做酒樓，

（又時光倒流寫食評😜）10/11/2023家母生日，去咗灣仔海港薈 （家母之前同佢啲朋友幫襯過好幾次，每次都會食長腳蟹）最近做緊優惠$188/斤，所以我哋都去試吓。我哋四個人，叫咗一隻大約4斤幾嘅蟹 （埋單隻蟹大約八百幾），另外叫咗牛柳粒、櫻花蝦椰菜粉絲煲、壽包。一開始梗係食蟹先啦，勁大隻，啲腳勁粗，啖啖肉好好味。佢會另外有一兜蟹膏（黃）起咗出嚟方便食，如果點埋啲蟹肉食真係正。基本上我哋食完隻蟹都覺得有7、8成飽（其實係有啲滯）🤪🤪牛柳粒炒得好有鑊氣，好香。不過牛柳粒嘅份量勁少（同埋都有少少肥）、反而冬菇茄子嗰啲就大量😬😬櫻花蝦椰菜粉絲煲，完全見唔到食唔到聞吾到櫻花蝦🫠🫠椰菜就好多啦，粉絲份量都多。不過味道就一般啦。我相信去呢間酒樓食長腳蟹都係主打，因為都差唔多有八成嘅枱，都係食長腳蟹。（家母話平時就$288/斤的）

公司團年多數去酒樓，而今次這間曾經飲過茶食點心，圍菜就未試過，平均價唔算貴，點了個六人餐：1. 海港薈燒鵝(半隻)：鵝皮夠脆，肉又滑嫩，這種情況很快就冇，因為它只是用個小蠟燭烘，根本不足夠保持剛上枱時的溫度，到後期食肉質已經咬唔開凍冰冰。2. 上湯焗澳洲龍蝦伊麵(斤半)：龍蝦分量多&多肉，伊麵底夠多，夾極都仲有，食唔曬。3. 蟹粉扒豆苗：蟹粉加勾芡鋪豆苗，豆苗幾好食，其他冇特別。4. 岩鹽燒 6 頭鮑魚：明顯不是燒是油炸鮑魚，上枱已凍冰冰，加上口感煙韌又乾，好難食。5. 杏汁花膠濃雞湯：原盅上枱夠熱，杏汁夠濃，花膠好冧好好食。6. 私房欖鼓蒸龍躉斑：其實任何斑類薑蔥+豉油已經好好食，轉用欖鼓多此一舉，又鹹又唔好食，仲浪費左條魚，都唔岩搭。7. 蠟味糯米飯：有蠟腸蠟肉蛋絲花生，夠熱已經好好食，好快就清曬。8. 健康紅棗糕(蒸)：即蒸夠熱。圍菜連加一茶芥，圍菜有專用姐姐負責上菜睇進度，感覺良好。但食物質素有進步空間，整體都滿意。

今早訂位時接電話的前檯伙記很冇禮貌，未講完就收線，垃圾級服務，所以我們一班同事取消了今日原本在此的午飯，改到另一個飯堂。另外亦因你班惡伙計鬧客兇狠經歷，以後亦不會再在此晚餐聚會。情願北上都不會再幫襯