海德花園酒家

入到鯉魚門有多間酒家不知如何挑選，最終選擇裝修稍有特色的海德。可是食物質素不如期望。總括：貴、份量少、不新鮮1龍蝦伊麵有中的龍蝦明顯不足秤2蒸扇貝不新鮮有異味3蒸魚有部分現紅色未蒸熟依個價錢完全俾唔到相對質素我，以前試過鯉魚門中另外兩家酒樓，雖然價錢一樣都唔平，但起碼質素俾到我。依間咁既野真係去茶餐廳都無咁嬲。而且服務一般，茶餐廳程度，以人均800來講唔合格，唯一可以讚的地方就係環境唔錯，裡面有戶外空間感覺舒服。…查看更多

鯉魚門常常給本地人「劏客」的不良印象，但其實也有用心經營的商家，海德花園是一例，值得大家來吃價格合理的海鮮餐。由於店面藏在球場後，又在許多餐廳的後方，地利位置欠佳，所以主要是熟客光顧。我已經光顧了好幾次。你可以告訴店員你的預算，例如每人$600，他們就會幫你算可以吃到什麼海鮮，海鮮都是現選新鮮的。如果你點的東西不多／不貴，店員會很誠實地告訴你預算可以定低一點。他們不收加一，明碼實價，還會送魚湯、甜品（腐竹薏米糖水）、果盆（不隨便的），和酒／汽水。當天是慶祝我媽媽生日，店員告訴我們龍蝦最近比較貴，所以我們就點了阿拉斯加蟹，經我們同意，預算由$600/人加到$700/人。其實顧客很多時候不介意多付一點，只要有商有量就好。順帶一提，他們不另收切蛋糕費用，還借一把蛋糕刀給我們。食物質素很高，我們很滿意，詳見相片。進餐過程，店員不斷替我們換碟，相當細心，而且菜就一個一個上，不會讓菜涼掉。小朋友很喜歡店內的鯉魚池。我們就這樣花了差不多三小時（沒有時限），渡過一個愉快的晚上。經濟不景氣，希望這家老實的店可以做下去！…查看更多

朋友生日約好星期一放工後一起去鯉魚門海德公園酒家食海鮮。如果經官塘坐小巴落車站行過去大約需要5-7分鐘時間。這酒家位置就在紹香園店對面，大家仲可以在這紹香園老店買琥珀合桃，因為這裏買會新鮮啲而且仲平過出面添。我哋一到達後就到他們介紹的海鮮店選海鮮，好新鮮的海鮮，我們選了6款海鮮而且仲點了兩款蔬菜。賴尿蝦新鮮又肥美；扇貝鮮甜加上蒜蓉粉絲同豉油混合一起食可以講係絕配。上湯大𧎚米粉餅好有驚喜，無想過隻𧎚可以大到好似隻細Size 龍蝦咁，而且爽甜彈牙，加上煎香的米粉餅配合就好似食上湯龍蝦伊麵一樣。但米粉餅有些焦香感覺，如果喜歡食飯焦嘅朋友一定喜歡。聖子、花螺及炒菜比較一般的味道，而奄仔蟹就非常出色，可能新鮮又多膏所以好好味。而最驚喜的菜色竟然係酥炸茄子，外脆內軟好豐富口感。最後，酒樓仲送了水果拼盤，糖水給我們。全餐飯好滿足，值得提介。…查看更多

❤️《鯉魚門 Lei Yue Mun – 海德花園酒家》Date of visit: 11.03.2022 黎得鯉魚門行山⛰️ 梗係要係鯉魚門食埋海鮮啦🤪朋友介紹揀左哩間 今次6個人（HK$805 pp）🤓 1️⃣❤️蒜蓉蒸蟶子2️⃣✅象拔蚌刺身【少少腥】3️⃣❤️XO醬炒象拔蚌頭4️⃣❌辣酒煮花螺 【太咸唔夠辣】5️⃣❤️椒鹽鮮魷6️⃣❤️椒鹽瀨尿蝦7️⃣❤️油焗奄仔蟹8️⃣❤️豉油王大蝦9️⃣✅瑤柱蛋白炒飯*除另有説明 否則好正好新鮮🤤 幾抵食😌有啲無影到相因為食得太開心😂Drinks : Chardonnay x 1 + Beer x ? 😂結論： 好介紹😋 要原班人馬再encore🤓 一大班人食海鮮最開心😆——————————————————海德花園酒家 (鯉魚門海傍道中44號地下)…查看更多

有朋友喺美國返香港，話想食海鮮，經朋友介紹去咗一間地點比較隠蔽鯉魚門老字號。同行有老有嫩，所以有齊炸既蒜蓉風沙，蒸魚，上湯龍蝦，甚至乎咕嚕肉。飯後水果同埋腐竹蛋糖水好好味 💕 自己睇相啦 …查看更多

家裡有長輩生日，一年X度入鯉魚門食海鮮，似乎係指定動作。喺海德酒家食圍餐就最划算。連蕎頭小食都咁大粒，見微知著，就知道餐廳用料足啦！避風塘瀨尿蝦，乾身左D，好多蝦尾。蒜蓉粉絲蒸扇貝，豉油全部喺底，係咪怕客人覺得太鹹，所以要自己舀？感覺應該上檯前淋上一層豉油吧？鮑魚爽口彈牙，絕對係新鮮既保證。波士頓龍蝦伊麵：不過不失吧，伊麵少左D，轉一圈幾乎都無曬D麺底了。龍蝦肉算彈牙，但可以更加鮮味。香港匯聚中西文化，但一家人圍在一起共享美食既文化，始終係我最愛。飲杯！酒樓貼心為我地準備冰塊飲Whiskey，讓我地盡興一番。最最最推薦既菜：鹽焗奄仔蟹！啖啖肉！天然鹽巴同蟹肉咸香簡直無得頂！隻隻漲卜卜！飯後水果：香甜到爆既本地芒果。如果唔係當晚突然落大雨趕住走，一定會問邊度買，真係好香！感謝餐廳為老人家送上壽包，飽餐一頓後已經無位擺壽包了。就等我地帶住呢份祝福，翻去再食吧！…查看更多

第一次帶隊食海鮮，完全不知哪一間好。查看某網誌，聽說這間大廚不錯，再看過環境，乾淨企理，於是就膽粗粗試了這一間。去到酒家坐底就有三碟小食，花生、皮蛋和橋頭蒜，三碟收費已$90。預左在那裏食海鮮，又無相熟的人，實會被人劏，就豪一次吧！這間酒家直接在明月海鮮檔揀取海鮮，價錢全由老闆娘定段，沒有明碼實價。當晚，我們選取了蝦、蜆、鮑魚、生蠔、星斑、聖子、龍蝦和蟹，個人認為七個人點八樣海鮮，夠誇張吧這間的大廚把海鮮烹飪得不錯， 火候控制得剛剛好，海鮮都非常鮮甜肥美，調味又合到好處，不太鹹不太淡。 只是生蠔及龍蝦伊麵差了點，生蠔不夠鮮甜，上湯龍蝦伊麵過於漏。 菜式出場次有點慢及亂。 本以為頭盤食生蠔，誰知食了幾款後才到它出場，還要我們提醒侍應才有它的出現。 我們的菜式是食完一碟再隔一段時間才出第二道，有點兒等得不耐煩。前往這間酒家是穿過走廊，走廊柱上寫住食滿$3500 送炒蜆或另一道菜式（忘記了哪一道） 到了結賬時，才發現那是隔離那一間的，有點兒混淆顧客，但最後都有海鮮湯、水果盤及糖水送。 大家前往這間酒家要問清楚是否有柱上寫住的promotion。總結這間的食評， 海鮮是美味的，服務就有點慢及亂。至於價錢，因沒有比較其他酒家，不只值不值，還是給人大劏了。…查看更多

好食，明月買再到海德食，一站過，蟹夠肉，蝦夠鮮，不過皮蛋不太夠味，而貝類是大隻的，粉絲多而味道很好，最後送的糖水又正，加上員工的服務都幾好，整體來說是中上級品質…查看更多

海鲜加工很棒，味道非常赞👍定了包厢，服务很好。推荐白灼虾，赖尿虾，蒸扇贝，小鲍鱼，圣子，田螺，石斑，等等。每种味道都很好。货真价实，不宰人。业界良心。强烈推荐…查看更多

趴走完亞公岩道一帶，食過早餐後，會合大隊，乘旅遊車出發往啟德道公園參加慈善步行籌款活動。驕陽以火，烈日曝曬下，即使踏入初秋，也幾乎中暑了﹗步行完畢，一行六十人乘車跟領隊到鯉魚門吃海鮮。跟團吃圍餐海鮮，好極有限，一早已有心理準備了。是日用餐，乃海傍道，籃球場後方的海德花園酒家。酒家遠離密密麻麻的海鮮大街，環境衛生較佳，地下不會濕漉漉，空氣中也沒有半點腥臭味。團餐乃七餸一湯，白飯任添，份量頗大碟的。枱上也有白水和茶水各一壺，唯一惹人詬病的，乃餐具只提供用完即棄的紙杯膠碟膠碗和竹筷子。由於出過汗水，大家飢腸轆轆，故急不及待地搯了一大碗軟硬適中且香糯的白飯。蛋花粟米魚肚羹濃稠度剛好，調味得宜，魚肚頗具嚼勁，稍嫌粟米未夠香甜。白灼海蝦簡單味美，蝦肉鮮爽彈牙。生炒菠蘿咕嚕肉拌入青紅椒、菠蘿和咕嚕肉同炒，酸甜開胃，伴飯吃一流，酸度可稍稍提升少許。魷魚魚片炒西芹炒得頗為濃香，爽滑魷魚挺富咬口和嚼勁，魚片鮮美爽彈，西芹也清爽可口。欖菜是潮汕食品，是用芥菜葉，配以青橄欖和鹽等醃製而成，鹹味適中且油香甘醇。這一道以欖菜入饌的欖菜蒸倉魚甘香美味，肉多骨少，適合小童和老人家吃用。白切雞烹調得頗為入味，中間部份雞塊較為嫩滑，其餘略嫌肉質過份嚡口了。清蒸豆腐除了濃香豆味外，食味欠奉，一定要淋上豉油和蔥花伴吃。此外，豆腐質感頗為粗嚡，未算精品也。最後，來一道清簡的白灼生菜，淋上豉油同吃，清嫩且鮮美。吃飽飽，又是時候，出發去最後的目的地 - 上水古洞火龍果農莊，吃農莊有機紅肉火龍果，兼親手製茶粿。…查看更多

例牌周年公司開年飯, 收工後20几個同事浩浩盪盪出發入鯉魚門... 我地去左明月揀海鮮, 然後就去海德花園餐廳加工... 前菜小碟有三款, 酸薑皮蛋非常味美, 酸薑甜美不太辣加埋皮蛋既甘香, 醒胃非常!頭盤是冰鎮牡丹蝦, 爽脆鮮甜, 肉質結實, 而且SIZE 都几大... 豉油皇牡丹蝦蝦頭, 味道可以, 但油太多, 不夠脆身....粉絲蒜蓉蒸貴妃蚌 - 貴妃蚌肥美肉甜, SIZE 雖大, 蒸得剛剛好!果皮蒸鮑魚仔 - 雖說是鮑魚仔, 但我地揀地都唔係細隻, 連穀都有9-10 CM, 加埋鮑魚本身都好鬼新鮮, 果皮清香配埋淡味的豉油汁, 美味!椒鹽癩尿蝦 - 癩尿蝦質素麻麻, 質感好水同埋冇膏, 蝦肉仲有D痴殼添, 可能唔係當灶啦, 只吃到椒鹽的味道, 沒有鮮味.... 薑葱炒肉蟹 - 肉質厚實, 但欠了少少鑊氣, 但蟹肉的鮮味搭夠... 辣酒煮花螺 - 花螺肉質鮮嫩, 可惜煮得不入味, 辣酒有辣酒的辣, 花螺有花螺自己的鮮... 清蒸海斑 - 海斑肉質鬆散, 沒有魚味, 懷疑可能係養斑, 幸好沒有蒸老, 否則真係唔會想食... 1碟炒清+鮮湯浸時蔬都好好味, 中和一下先前濃烈既味道.. 椒鹽鮮魷屬一般貨色, 魷鮮不夠厚, 只可以說是普通酒家的質素... 巨型果盤 - 好大一盤, 仲凍冰冰的, 芒果超甜, 比得咁大個果盤你, 就知呢餐埋單唔惹少啦.... 好彩老細請唧... 比得咁既價錢, 有番咁上下質素是應該的, 沒有很大驚喜, 但這一餐也相當滿足!…查看更多

其實這家海德之前都食過 ge , 今次就再去幫襯 , 但覺得好食左喎 , 同埋招呼都改善左 , 因這家都似無其他的咁熱情同老實 D 因有朋友之前做導遊推介 ge , 所以他們都唔會亂推介食貴夾唔飽 ge , 但他的椒鹽瀨尿蝦真係好好味啵 , wok 氣又夠 , 重有好大隻聖子 好鮮味呀 重有好大條石班添佢地的蒸魚鼓油都好好味架 , 重有好大隻蟹用薑蔥抄就一定最 match 嘻嘻 , 最正就係個個飯後生果盤又我地最喜歡的芒果 同 西瓜 重有 哈蜜瓜 真係砌得好靚架 …查看更多

老豆生日, 到鯉魚門食海鮮。每次都是到明月買海鮮, 然後到海德開餐, 貪明月老闆娘老實, 不會亂叫客人買海鮮 :清蒸美國珍寶蠔 - 隻蠔只是肉也有成人手掌那麼大, 每人半隻已經很夠 (老闆娘提議的, 謝謝你, 可以試多款嘢), 鮮甜無比 - 正果皮蒸鮑魚 - 本來還郁來郁去的鮑魚, 蒸熟後還是很大隻, 放不下飯碗, 只好放在碟上吃, 非常鮮味, 但又不韌蒜泥粉絲蒸蟶子 - 6吋長蟶子, 蒸得有點過火, 不過味道還好星班連皮炒球 - 三斤多重的星班, 一大碟, 啖啖肉 - 又爽口, 又好味星班炆頭腩 - 又是一大碟, 沒有多餘的汁, 結果太多吃不完,打包走麵醬唐生菜 - 好味上湯蝦伊底 - 又是每人半隻, 飯碗放不下的size, 超爽口, 超多膏海鮮湯 - 酒家送付竹意米糖水 - 酒家送果盆 - 酒家送六個人, 連汽水六罐, 埋單二千二百五十個大洋, 超抵食。在這裡開餐好幾年, 價錢都是差不多, 沒有加價, 但今次很明顯海鮮湯比之前少了鮮甜, 付竹意米糖水比以前少了一些意米,果盆以前是每人半個芒果, 現在只剩下西瓜,木瓜和哈密瓜, 是最低工資28元的效應嗎???????不過仍然是一頓十分滿意的飯…查看更多

不是沒有到外面吃飯…只是近來公司很忙…幾乎沒有時間能夠空出來寫食評…這家本來是打好的…一當機就什麼都灰飛煙滅了…周末要加班…收工之後吃了數個小卷蛋…飽了七成…正當不知道應該吃什麼填滿剩下的三成…突然有人提議不如去鯉魚門吃海鮮…也好吧~反正我從來都沒有到過鯉魚門…由尖沙咀坐巴士到藍田再轉小巴…然後步行到鯉魚門…原來都不是我想像之中那麼遠…由於有相熟的人的關係…我們避過重重的障礙…一支箭的走到幾乎是海鮮街的盡頭…本想去挑選海鮮先…不過店員熱情的招呼我們坐下…沖好茶而且送上子薑皮蛋…皮蛋夠溏心…是很不錯的餐前小吃…吃過皮蛋喝過茶…就由店員帶領我們到海鮮檔選海鮮…海鮮種類很多…最後就選了這些~美國即開生蠔…其實我還是頭一次在吃類似中菜的地方吃即開生蠔…生蠔很肥美…味道大概就像我平常在吉之島買到的珍寶蠔一樣…廿多元一隻…很抵吃~豉油王中蝦…中蝦很大隻…蝦肉新鮮彈牙…蝦頭有膏…豉油王汁夠惹味…味道適中而不會過濃….白灼墨魚…很邪惡的一道菜…膽固醇超晒標…墨魚灼得剛剛熟…不會太老…鮮味彈牙…簡簡單單卻又非常好吃~蒜蓉蒸扇貝…新鮮的扇貝其實沒有不好吃的理由了…~辣酒煮花螺…二人份量的看起來好像比人吃了一半似的…辣汁夠濃但不夠香…不過勝在螺肉夠爽甜…挽回不少分數~最後附帶的還有薑汁炒芥蘭, 炒飯和魚湯…芥蘭非常之大棵…而且都沒有菜葉的…炒飯炒得不錯…夠乾身而且有蛋香…不過份量太大…兩個人根本吃不遠…豆腐魚湯中規中矩…我本身對魚湯一般…幸好這個沒什麼腥味…好容易就喝掉…..最後還有生果和糖水…..真的豐富得有點過份…~…查看更多

爹吔識個老闆娘，所以尋晚就去捧吓場囉，我地十二個人叫咗十幾樣嘢都有，海鮮新鮮，酒樓都煮得好味，仲有芥菜豆腐湯、生果盤同腐竹雞蛋薏米糖水送，服務都唔差，下次嚟都會幫襯番呢間。臨走仲係附近既紹香園買好出名既合桃食，買咗成七包都有呀，好誇張。…查看更多