海底撈火鍋 (九龍行)

營業中

休息中

一行9日去打邊盧。。食物ok, 價錢公道，服務超好，充滿娛樂性的一餐！冇 la la 有位表演的人出現，變臉！十分中國大陸風，全家人睇到嘩嘩聲！生日亦有員工唱生日歌！ happy birthday to you

哈哈哈哈哈哈！請容許我大笑一陣，海底撈終於開到了香港，打分口味給了3，服務給了5，也算很公平。說實話，香港好吃的火鍋很多，但是海底撈這個價錢能吃到這樣的食物，這樣的服務，我覺得也沒有什麼好去貶低的。那今天就不談食物，談服務。1，全程笑臉。2，吃蝦還幫去皮。3，小朋友送蒸蛋和玩具。4，拉麵小哥好溫暖好有禮貌，即使普通話不標準也很努力說。5，服務員很熱心，看到我們缺什麼立刻遞上來，收拾碗碟也很快，一點都不閒麻煩。在香港也能培訓成這樣，實在驚嘆！一句話，要吃多麼高端的食材，請您移步；想要舒舒服服吃餐飯，和朋友們喝點啤酒看大山，24小時歡迎你！下次等娃睡了再去😏

今日好彩立即有位因琴日一早book 左，員工好細心照顧周到，食物品質ok 其實比我想像中不是那麼特別，價錢ok，人手拉麵是特色表演ok ，另外手甲服務及遊戲玩意係香港比較小有的特別服務不錯。走時仲有禮物袋👍👍👍👍👍👍👍👍

天氣又轉凍喇❄~ 自然就會想起打邊爐，但Ceebee出世後都無乜機會去了，一來怕危險，二來時間長，小朋友好難咁有耐性。今次比我無意間發現有一間親子有善的火鍋店，照顧大人周到之餘更會幫你照顧埋同行小朋友。 火鍋店內仲有一個細細的兒童玩樂室 (可惜當日無帶Ceebee去...)。雖然幾貴下，但勝在服務一流，而食物質素也OK，又坐得舒服。下次可以試下帶埋囡囡來食多次。

一直都知道海底撈係大陸好出名, 竟然黎咗香港開分店, 太好喇, 不用上大陸都試到.從來都未試過有咁好的服務, 首先佢地知道有三位壽星女, 一早已經係枱面擺上三隻公仔, 好有心思.另外亦都準備咗玩具FOR 小朋友玩,  侍應叫阿文, 不斷有禮貌地告訴我地有咩事可以找他.阿文一開始為我地奉上熱湯, 跟住給我地一人一件圍裙, 怕我地會弄髒件衫, 長頭髮的會給予橡筋紮頭髮,又派透明膠袋入住個電話,  食蝦時又會行過黎幫忙剝蝦穀. 洗手間又會有一些女性用品提供.輪到食物, 蕃茄同麻辣湯底好正, 食物質素係一般,價錢有D 貴. 點板麵會有人黎表演拉麵的, 又有變臉表演睇,餐廳亦提供咗個LED 燈的生日牌給我地影相之用, 只能夠講個價錢係食服務.

行家訂好位，一行8人，6:30pm嚟到唔洗等位，就可以坐低喇。坐低之後，服務員就送上圍裙，等啲汁醬唔會整污糟啲衫。另外再比啲膠袋，裝住手機，驚影相時跌落湯底。我地都係好酒之人，問咗自帶油水，唔收開瓶費。叫咗鴛鴦湯底，麻辣+蕃茄濃湯。佢地食得辣，話個麻辣唔算太辣，仲好香。服務員有兩個人，輪流招呼同幫我地手，服務真係滿分呀。蝦滑好香，夠彈牙。西班牙豚肉質結實有豬味。日本和牛滾兩滾，未至於入口即溶，但油脂同肉汁好平均。沙巴魚肉質結實，唔鯹有魚味，仲好彈牙。老油條索晒啲湯海蝦普通細隻，但係唔洗自己拆蝦殻，服務員幫手拆埋。鴨血唔腥，有口感。豬肉丸、豆腐、菜......等等，都係大路嘢。兩個半鐘頭埋單，唔收加一服務費，我地肯定加時啦。環境舒適，坐得舒服，食得開心。

又是天天火鍋的季節，終於忍不住到香港的海底撈試試。那天九點到，不用排隊就能入座。本來滿心歡喜看到MENU有黃喉，非常興奮，但很失望員工竟然說今天沒貨。。。因為價錢偏貴，一直都是就著就著的叫半分。叫了一些牛，羊，一些滑，還想試試他們的麵條（想看表演）。等了好久，一直沒來。一共漏了兩次單，最後都沒有成功吃到麵條。整體來說，食物是OK的，但真的好貴，有些物非所值的感覺，兩個人叫了少少東西都好快過了＄700。唯一是，服務態度確實好，但應該再也不會幫襯了。

週末和朋友約好是先去逛街，後去海底撈食飯。來的時候正是12點，等位的不是很多，也就十分鐘左右。服務很有條理，剛坐下就給送了綁頭髮的頭筋和套手機的袋子，服務很細心也很貼心。點菜：番茄鍋底+麻辣鍋底，都是我每次必點，特別好吃，番茄鍋底的湯味道很濃，可以直接喝。再點牛肉、蝦、紅薯粉、各種青菜，量不大也不小，基本都能吃完，不浪費很喜歡。海底撈是飲食界的標杆。對於她們的服務無可挑剔比如我舉個例子：上洗手間出來會有人給你織錦擦手，並提醒小心地面滑。

貼心的服務，一直是海底撈的主要賣點。我們提前一個月預訂了貴賓房，為朋友慶生。一到步，職員就馬上提供餐前水果小食，並為點餐提供意見。他們還安排了修甲服務，魔術及拉麵表演，並做了很多額外的準備，為生日的朋友特別慶祝。所有職員都誠懇有禮，令客人賓至如歸。特別鳴謝對工作十分熱誠的施先生（服務組一組）。感謝您周到的安排，帶給我們一個愉快難忘的生日聚會。最優質的服務，食物新鮮，價格合理！海底撈絕對是火鍋及大伙兒聚會的好地方。

有留意過報導既人都應該知呢間野主要係Sell Service啦。報導就話個故事係因為老細以前打邊爐試過間服務態度好差既店，咁就決定開一間Service好好既火鍋店….呢個就「話」係海底撈既由來喇。咁作為一間晌香港既火鍋店，佢D員工既服務態度又的確係好好既! 至少唔會見到你扮見唔到、黑晒口面咁對住你、或者講野口吻勁衰咁。佢除左D 無乜用既gimmick野例如：Gel甲 (咁多人等，到你Gel時你D朋友都食完埋單啦)、即席拉麵 (內地既海底撈拉成分幾鐘，地方又大；香港求其晌你面前拉兩下，地方又細，拉完都唔知睇左乜)、小朋友區 (爆棚等位時乜人都入晒去，小朋友區都變左普通等候區)等等，d detail位例如有毛毯、圍裙俾客用又的確係幾窩心既。而且佢嗰個變臉表演真係掂喎 (當然你唔好拎佢黎同D要俾錢入場睇既表演去相比啦) ~! 另外，我認為佢最好既一個地方係 – 佢只會預留全場既2/3座位俾客訂座，剩返既就會俾D Walk in 客，如果想食又無預訂，好似我咁搵日唔開OT收工即刻仆出去，應該6:45pm前都可以walk in有位既~咁講返D野食先：對比起內地既海底撈，佢免費任食既冷盤就少好多種

同事生日去慶祝，同事鍾意食辣野，遲遲想去內地食海底撈，但無奈唔得閒，所以等香港分店開幕，無咁多人就去試，因為都好怕要等位🙈去到 門口已經有員工 叫哂歡迎光臨，三層式既鋪面，夠大夠光猛，要等位既，但唔洗好耐，慢慢坐住有小食咁等，出名既 可做住指甲等 又有兒童樂園。位置好，見到街，感覺舒服叫左一個蕃茄湯，一個麻辣無渣（可選有渣）我地怕愈食愈辣，麻辣好食，另外你仲想試其他湯，可選多d既格數，咁食哂唔同湯底啦野食未黎之前，有生果 ，小食 ，湯，糖水，可以拎，咁埋好多醬料自己拎，好周到 一個員工 只專服務幾台客，好周到，貼心，服務勁好魚頭好食，所以食完再叫 多左盤😂😂價錢係唔平既，但服務真係勁好，值得要去試下，野食都新鮮，同埋有表演睇，如生日 仲有全場員工為你唱生日歌，所以我會再去😆😆

食物選擇唔多，唔值呢個價錢🤦🏼‍♀️🤦🏼‍♀️唯一可取係服務一流，有表演睇。環境衛生尚可。等位唔算耐，1個鐘左右，等位期間會有娛樂俾你消遣下（捉棋、修甲）令你冇咁悶。湯底方面或者要遷就香港人口味，冇大陸咁麻辣，而且味道一般。同一般打邊爐差唔多。

原本見朋友海底撈試食評價平平都冇打算去試，但細妹話想試，就一定要去，難得佢想去。餐廳比想像中乾淨，光線充足，侍應聽得明廣東話，又有IPAD落單，唔錯。同牛摩相比通道都比較闊，食物方面質素唔錯，貢丸同牛肉都超水準，而且菜種比較多，侍應上菜又快，唔錯。湯底有兩個，辣度都足夠，而且個盤細細個，整整齊齊。最正係叫個拉面，可以睇埋佢表演拉面，一段小表演，都幾精彩。大家坐位都好寬闊，食得都好舒服。星期日4點至5點去係唔洗排隊。不過價錢就比較貴，兩個人都要$750，但質素比其他放題火鍋係高好多，可惜冇變臉表演，時間關係都冇做到美甲服務。我覺得比起好多酒店自助餐兩個人要成$1,000先走到，食物質素好多都麻麻，冇咩野好食，呢度食算係平，其實如果想大吃一餐，除左酒店放題之外，我覺得呢個都唔錯，起碼地方乾淨，食完唔會屙，又唔會烏煙瘴氣，服務又好，有手袖同圍裙戴，唔怕整污糟個身，出面個彌敦道夜景迷人，食幾耐都得，仲有凍提子汁送，正呀。最重要的是，細妹食得開心，我就更加開心，yeah!

一大班朋友聚會傾下計，老公話呢到食物0k，服務一流，今天就來一試，點左番茄湯底及麻辣湯底！一般來說食物質素及湯底都滿意😊！最大動力令到我寫呢篇食評係因為佢地服務做得非常好！每一位員工都面帶笑容服務殷勤！好多地方都做得好好！加油！

公司嘅策略係好，但某些員工質素有待改善。全日最驚喜係個男staff 帶位時突登攞返我哋一個鐘頭前放入雪櫃嘅蛋糕出嚟放喺我哋枱面，慌死唔知生日嗰位知道自己有蛋糕咩。破壞晒啲驚喜!明明一早同staff夾好你哋會有同事唱生日歌+舉牌時出埋個蛋糕。之後同一位女同事講這個情況、其實都係想你哋公司做好啲，但個女同事竟然仲串我，咁你要撇甩個friend ma⋯⋯我哋已經早左成個鐘到，撇甩左個friend成一個鐘準備，咁仲唔夠。我希望貴公司會虛心接納客人嘅意見，反省一下而唔係將責任推落客人度。其實有拉麵表演、有變面表演、又有staff 唱歌生曰歌加舉牌加生日禮物。仲有員工幫你脫蝦殼咁窩心嘅服務，的確係一個慶生難得的好地方。無奈有小量員工破壞了公司的服務質素、本人感到可惜⋯⋯