影片
更多
2017-11-30
3826 瀏覽
原本見朋友海底撈試食評價平平都冇打算去試，但細妹話想試，就一定要去，難得佢想去。餐廳比想像中乾淨，光線充足，侍應聽得明廣東話，又有IPAD落單，唔錯。同牛摩相比通道都比較闊，食物方面質素唔錯，貢丸同牛肉都超水準，而且菜種比較多，侍應上菜又快，唔錯。湯底有兩個，辣度都足夠，而且個盤細細個，整整齊齊。最正係叫個拉面，可以睇埋佢表演拉面，一段小表演，都幾精彩。大家坐位都好寬闊，食得都好舒服。星期日4點至5點去係唔洗排隊。不過價錢就比較貴，兩個人都要$750，但質素比其他放題火鍋係高好多，可惜冇變臉表演，時間關係都冇做到美甲服務。我覺得比起好多酒店自助餐兩個人要成$1,000先走到，食物質素好多都麻麻，冇咩野好食，呢度食算係平，其實如果想大吃一餐，除左酒店放題之外，我覺得呢個都唔錯，起碼地方乾淨，食完唔會屙，又唔會烏煙瘴氣，服務又好，有手袖同圍裙戴，唔怕整污糟個身，出面個彌敦道夜景迷人，食幾耐都得，仲有凍提子汁送，正呀。最重要的是，細妹食得開心，我就更加開心，yeah!
餐廳比想像中乾淨，光線充足，侍應聽得明廣東話，又有IPAD落單，唔錯。同牛摩相比通道都比較闊，食物方面質素唔錯，貢丸同牛肉都超水準，而且菜種比較多，侍應上菜又快，唔錯。湯底有兩個，辣度都足夠，而且個盤細細個，整整齊齊。
最正係叫個拉面，可以睇埋佢表演拉面，一段小表演，都幾精彩。
大家坐位都好寬闊，食得都好舒服。星期日4點至5點去係唔洗排隊。
不過價錢就比較貴，兩個人都要$750，但質素比其他放題火鍋係高好多，可惜冇變臉表演，時間關係都冇做到美甲服務。
我覺得比起好多酒店自助餐兩個人要成$1,000先走到，食物質素好多都麻麻，冇咩野好食，呢度食算係平，其實如果想大吃一餐，除左酒店放題之外，我覺得呢個都唔錯，起碼地方乾淨，食完唔會屙，又唔會烏煙瘴氣，服務又好，有手袖同圍裙戴，唔怕整污糟個身，出面個彌敦道夜景迷人，食幾耐都得，仲有凍提子汁送，正呀。
最重要的是，細妹食得開心，我就更加開心，yeah!
108 瀏覽
0 讚好
0 留言
139 瀏覽
0 讚好
0 留言
張貼
