海底撈火鍋 (九龍行)

營業中

休息中

同友人們約食團年飯，適逢寒風殺到，當然要去打邊爐！友人們揀了這間海底撈，一定要訂枱！限時兩個鐘。入到去感到好乾淨同埋沒有任何邊爐既味道，抽氣做得好好。坐低後職員貼心地給毛巾擦食，並耐性地講解如何點餐及推介食物。未點菜前更可到自助bar拿小食吃及湯飲，不得不讚賞這項貼心服務。我們點了兩個湯底，麻辣及鮮菌湯底，湯底好夠味，不用醬油已好入味所有食材都很新鮮，本人摯愛肥牛，肉質美味，再加上濃郁湯底，唔使再講野。我們還點了海鮮餐，十分新鮮，鮮味好出！但最好唔好放入麻辣湯底，以免蓋了海鮮的鮮味。

之前去工幹，內地同事帶咗我去食必食既海底撈，話係嚟到一定要試嘅餐廳。上次去到真係大開眼界，淨係等食都已經好多嘢玩，又有嘢飲。到食嘅時候見到師傅喺你面前拉麵，淨係俾錢睇表演都已經值回票價啦嗰時同事仲話咁好服務香港好難做到，好難會有分店。估唔到今年香港終於都開咗海底撈! 香港雖然得一間店，但係地方都好大，有兩層，同其他內地分店一樣都有一條龍服務， 有得修甲， 摺紙，印相同埋任飲任食小食等入席。香港間海底撈都係有得睇表演拉麵同剝蝦，而且比其他分店多海鮮選擇。不錯，重點當然係個四格海底湯底啦，可以自選不同味道，啱曬三心兩意嘅朋友 。好彩我哋今次訂咗枱，見到有人一場嚟到相walk-in攞枱撲空，真係一檯難求， 所以大家下次嚟記住要打電話訂枱呀!

服務太好了，熱情周到無得頂，點贊👍剛剛食完，突然幾個職員，舉個生日牌，還有點心蠟燭，唱著生日歌，開始真嚇了我一跳，忘了拍點心的圖片了，手上的小蛋糕是朋友自帶的，還是第一次在吃飯的店里有這樣的待遇，真的驚喜到我了，還給我送上生日禮物和祝福，太贊了謝謝海底撈的職員們，真是感受到了賓至如歸的感覺了，還會再來哦！

終於試到期待已久嘅海底撈，香港未有分店之前，個個都會上大陸食，有讚無彈，真係好好奇係咪真係咁正。.呢度可以單鍋 (一款湯底)、拼鍋 (兩款湯底) 或 四宮格 (四款湯底)。.店員教我地唔好叫拼鍋，寧願叫四宮格，再加兩個清水，咁就抵啲。.咁我地叫左一個麻辣，一個牛肉湯，一個三鮮湯底，再加一格清水 (free)。.叫左蒙古羊肉，which is my favorite，點左落三鮮湯底，既有藥材味，又有羊肉羶味，淥四十秒就食得，正。.鴨血爽滑，無得彈。蚌就還好，無乜鮮甜味。墨魚丸同牛肉芝士丸都彈牙，芝士仲係流心添！一定會encore!

內地最大的火鍋集團在香港開分店，是香港飲食界的大事。寫食記已超過三個月，再介紹食友來食此內地式火鍋。適逢著名台式火鍋已登陸香港，感受良多。顯著變化現在已像國內，24小時服務一，不設預訂。入會可儲分。平日下午茶時段來到，食客寥落。約四檯有一位燙貼服務員。你可要求取咕順墊背。此時段沒有「變臉」表演。空調勉強充足，近窗的一列較熱，通風散氣則佳。洗手間沒有服務員侍候。調味料品種甚多（另有少量糖水，生果），每位收費由28元大幅下降至18元。其實此店湯底濃郁，部分人士可考慮言明不蘸醬。聞說食品的價格亦下調了。任飲飲品則性價比高。每位15元，可添飲酸梅湯，豆漿，柑橘水。豆漿是燙熱🔥，很適合冬季，可要求加糖，黑豆漿有濃郁豆香。酸梅湯亦不俗，梅味突出。柑橘水是新提供的，味道太淡，不推薦。各檯均有一大樽飲品，原來是共用的，你可盡試三種飲品。消費超過300元，有100元贈券，可以下次在16：00前入座使用。晚上22：00後全日制大學生有75折。可見此店調整了策略，以多吸食客。五大撈派撈派是此店特色，重點食品。上篇已評撈派滑牛肉，撈派秘製羊，招牌蝦滑三傑。滑牛肉比廣東麵，粥店的有鮮味;撈派秘製羊調味後羶味大減

要求： 最緊要係同班好耐冇見嘅舊同事相聚食得開心， 時間係就到大家平日收工六點半後。中選原因： 同事揀嘅，而且之前聽說大陸嘅分店，服務好好。服務： 不得了！非常之好！！ 一到步就 提供 橡筋畀我紮頭髮 仲有超熱嘅毛巾畀你抹手，由於我著白色衫，仲會畀條圍裙我用。每枱會有一個服務員好專注為你服務~幫你斟嘢飲，又會主動添加火鍋嘅湯底，非常之細心！中途仲要有變臉表演， 目不暇給@@！有客人生日又會有led生日牌，好似睇緊演唱會咁！男士朋友表示個洗手間好似坐飛機咁好服務~最神奇係會有免費嘅gel甲服務， 簡直難以置信...我哋仲玩咗個即影即有印相服務(需要用微信)嗰度仲有小朋友嘅棋類服務+摺紙工具食物： 送食物嘅速度非常之快，可以響你用個pad落柯打之後十秒左右有職員送到去你檯面，食物亦分一份或半份， 生嘅食物~~腸類肉類都非常之新鮮！調味料選擇非常多，食物都非常鮮美。最深印象係有一個麵條係有職員即時拉，好似表演咁畀你睇， 真係有得睇又有得食。湯底我哋order 4種但最後都淨係食麻辣，麻辣加啲調味料其實幾辣，但係非常之可口，我哋堅食到雪雪聲都食唔停...糖水，就自助形式，都非常之清甜。飲品：都

服務體貼、食品一流、令人一試難忘。以前常常去深圳國貿站的海底撈，食品及服務早已肯定，上年進註了香港，好想先在網上打聽意見後才去試～到店時，雖然還要等三張枱，但是他們已安排小食、飲料、糖水、生果及小遊戲來招呼我們，令我們不冷埸，同時我們也登記輪候做手甲。約🔟分鐘左右，可以上3樓入座，先看到一處任食的小食吧（不鼓勵浪費）包括3款前菜、3款生果🍉🍊🍐、冬蟲夏草花花菇竹絲雞湯、冰糖雪耳蓮子糖水，嘩！唔簡單喎入座後多位服務員向我們打招呼、派熱毛巾、圍裙各様那樣⋯⋯總之是頂級服務招待。我們兩人點了馳名的麻辣湯底+海鮮組合C（巨蠔、鮑魚、象拔蚌及生🦐）+拉麵+半份皇帝菜當我們食蝦時，服務員主動幫我們碌蝦嘩，體貼入微、照顧得無微不致，只可惜小妹愛損蝦頭。隔離客人有生日慶祝，職員舉牌及高唱生日歌，問及職員這服務收費幾多？職員回應是全免及沒有最底消費要求。$15拉麵會有師傳在你面前做表演，相當精彩，令人目不暇給。其他的配套太多，未能一一盡錄，只要你有親身體會，你也一樣一試難忘。最後哩，我倆雖點了不多食品，但加上小食吧的美點十分飽飽，的確是物超所值的選擇

自從香港海底撈開幕後，一直都很想去試下。今晚終於約到一大班朋友一起去試下！六時半去到，因我們已預訂了位置，所以不用等直接入座。海底撈最出名既當然係服務啦，由入到餐廳開始，每個見到既員工都十分熱情，在香港見到呢個情況確實有點不習慣，而負責serve 我枱既就係講普通話既，不過我地照同佢講廣東話都聽得明與內地一樣，用iPad 落單，我們選了三鮮及麻辣湯底，及一些平常吃會點的比較一下。等待期間，侍應送上橡筋，抹電話既布和圍裙，依舊細心。我們點了牛肉，羊肉，魚柳，蝦滑等等。食材的新鮮程度都與內地一樣。可惜，湯底儘管看似一樣，但吃起上來卻很大分別。麻辣湯底只有麻跟辣，卻少了平常有的濃湯味，而三鮮則只有咸味。用膳時間大概2.5小時，由於還有客人在等，所以侍應都有禮貌地叫我們還枱，埋單時每人奉上一粒雪米糍。而價錢其實與內地的不差太遠。但無論如何，還是食物質素最重要，我想我下次還是會去深圳吃吧

以前返深圳玩，臨走之前都一定會去海底撈食晚餐，依家唔使喇，連香港都有分店了🤗聽講晚市非常full, 所以我同女友決定五點半就拎位，咁就可以避開人潮啦😆同大陸海底撈差唔多，香港呢間一樣可以享受到平時無既binno體驗，例如：- 等位果陣有小食、有得修甲- 店員主動有禮，會主動建議你叫咩湯底、食啲乜、份量要幾多 (但普遍只能用普通話溝通)- 有啲窩心位，例如會俾濕紙巾你抺iPad (點菜用)、俾透明膠袋你包住手機、俾埋橡筋你扎頭髮- 如果你係一個人去食佢會俾隻公仔你做伴 (🦐🦐🦐)- 生日的話會有人拎住塊牌兼播生日歌同你慶祝- 有變臉睇 (個男仔幾靚仔，利申非gay)、有得睇拉麵條 (可惜地方淺窄，拉兩野就停手了)叫左四格湯底，一格蕃茄一格麻辣，凈低兩格係水，店員話咁樣好啲喎所有野我地都叫左半份，譬如精品牛肉、西班牙梅豚肉、響鈴卷等。推薦撈派滑牛肉 (右上)，肉質爽滑彈牙，又唔會有大陣穌味呢個作為小食無得輸，唔使放落鍋，直接食已經可以，個人覺得幾惹味最後以綠茶雪米糍作結缺點方面，例如價錢比大陸貴唔少，食物質素唔算好突出，店舖空間唔算大等，不過只論服務，海底撈絕對贏人地九條街😌

在台灣食過海底撈一次，服務員非常細心又貼心，還會特調蘸醬，令我印象難忘，因此返港後總算找到機會一嚐香港的海底撈。店鋪在香港來說算是大，有2層，等待期間可自取小食、水果和飲料，服務員也會主動親切幫忙。我在台灣時錯過了整甲時間，所以這次在等位時便先取輪候票。台灣和內地店的美甲時間只到晚上十時，香港比較好，由中午十二時開始至晚上十二時！所以只要不太晚，幾乎都一定可以做得到。食材選擇有全份和半份，可以按照食量決定份量以免浪費。香港店的食物選擇比台灣少很多，海鮮拼盤是大推薦的，海蝦超新鮮送上來時仍在動，還會有服務員幫忙剝殼。象拔蚌和鮑魚也鮮甜，蠔也是肥美的。有麻辣湯底一定要order羊肉，perfect match鵝腸也很爽脆但令人失望的是老油條在台灣點時外面是脆脆的，浸泡一下麻辣湯再吃很讚！但香港的老油條實在太老，感覺勁油膩...本來還想點麵條，因會有師傅在你面前拉麵。可是看到鄰桌的表演後，我就覺得算了，因為比較沒可觀性，台灣店的師傅表演讚多了！整體感覺是雖然要提供的服務都有提供，像變臉、服務員倒飲料等，但就真的是提供了，點到即止。可能是豬肉在前，當有比較之下，還是覺得台灣店的服務讚得不得了！

之前在深圳食過海底撈火鍋都很不錯湯底是很濃很麻辣。現在不用去深圳都夠食到啦！週未約了朋友一齊再去試一試進駐左香港的海底撈火鍋，大概同深圳的格局都是差不多，地方很大還有兩層的坐位。可能是週未所以都要等位，等位期間都有小食及飲品。 也有美甲服務。等了大概45分鐘便有位入坐。服務員也安排得很貼心，每幾枱食客便有一個服務員，服務很周到和很快速。我們點了蕃茄湯底拼清油麻辣鍋。蕃茄湯底拼清油麻辣鍋都是越滾越入味和濃郁，蕃茄湯底酸酸味味好開胃，麻辣越食越辣好惹味。 蕃茄吃完可向服務員要求再加的。打邊爐期間也有變面表演會全場走到我們面前，同埋會有拉花麵條表演，只要點了麵條便會有一個拉麵條師傅行到我們張枱即時表演給我們睇的。我們還點了半份內蒙古羊肉，精品牛肉，午餐肉，鴨血，響鈴卷，紅薯粉，和一些蔬菜類。總括來說湯底水準都可以跟得上深圳，食物質素還可以，服務便一流。

正所謂猛龍過江，去大陸都食過三次的海底撈，今次第一次係香港食係大陸要排成個鐘,係香港反而唔使排隊，前菜主要有海帶酸蘿蔔，任食，海帶真係好正，辣辣地又開胃叫左4格鍋，價錢同兩格差不多，咁當然要試多d味，食物方面有牛羊豬等肉類，沒有叫海鮮，所以最後都可以維持埋單人均＄200內。店員會問使唔使加＄18任食醬料，個人覺得唔使，因為連清湯的湯底味道都好夠，唔需要點醬，反而要叫多d粉類豆製品，因為可以吸好多湯。海底撈好處就係有好多奇怪的食材都可以叫黎食，例如豬腦，而且佢會比一個兜仔方便煮，以防熟左之後撈唔返😂以食材品質都不錯的火鍋來說，沒叫海鮮$200內的價格算非常不錯，除非好大食，不然比較其他2百幾任食的火鍋仍然是海底撈抵食👍🏻 坐得舒服呀嘛

地方環境唔錯, 服務員殷勤有禮. 食物要讚就係可以選半份, 啱晒啲女士. 食物品質一般, 但有擺設. 尚可, 变面表演, 員工唱生日歌, 十分精彩, 有氣氛. 二十四小時營業, 啱晒夜蒲一族. 收費尚可生海鲜有碎冰墊底边爐汁酱配料 多, 特別, 整齊 生果 西瓜, 火龙果, 橙飲品 不太甜

经常在国内吃海底捞，这次今天一家人再来香港海底捞。这边的比国内的海底捞丝毫不差，Be先生的服务细致，小礼物我们孩子特别高兴，材料特别新鲜，小料和国内一样，本来是想支持国货的，到了才发现吃的人很多，晚到就要排队等候，真的很棒！希望可以坚持，希望国内餐饮大佬勇敢的到香港投资开店。天下美食是一家。更何况，我们大中华美食无处不在，美食当然要遍天下。吃了香港海底捞，找到了到家的感觉，来来来大家都来呀。

好耐冇打過食評啦..因為呢幾個月都忙於工作之中，所以冇時間打食評，但都忍唔住要海底撈既食評因為我覺得佢地值班我特登打反兩個月前既食評真係冇得頂，我未食過大陸既海底撈啦，雖然佢唔係我食過最好味果間麻辣火鍋，但一定拍得住上等麻辣因為我決定黎食之前有一間周刊報導呢間野好劣質，其實都有考慮過黎唔黎，但到最後因為每個人對食物準則唔同所做尬係決定黎試下講述時間又到啦講環境 — 條路就真係窄左少少，個裝修就不過不失啦講服務 — 有上等既服務，我中意呀！侍應生會留意到你需要d乜野，唔洗講就即刻比你需要果樣野你抵讚既講味道 — 一般既麻辣火鍋，不過......係入味既整體分數我會比.......85分啦有改善空間既