海寶漁港 (筲箕灣道)

營業中

休息中

今日我們去那兒飲茶, 點心味道普通, 無論粥, 珍珠雞等, 都是一樣味道; 唯獨地方好坐, 埋單每位四十多, 其實不應苛求.

因為看了廣告賣片皮鴨的關係，又試過向隅，因此一早便訂了今晚七點吃飯，兼預留片皮鴨。七點到，七點半才有。已順帶一提侍應訂時預留片皮鴨，把杯碟碗筷洗過後不到五分鐘，片皮鴨便已上，但包片皮鴨的皮，，醬等通通欠奉，答案是蒸緊，再到時片皮鴨已涼了兼且"擎" 了油!落單時同時叫了一個海報上註明必吃的甚麼豆腐，侍者亦說明要候三十分鐘，結果等了將近五十分鐘才上桌。片皮鴨兩吃，另外一種吃飯選了炒鴨鬆配生菜包，整頓飯連片皮鴨兩吃共叫了四個菜，結果花了兩個小時才上齊，光是等候四碗白飯已逾十五分鐘，也可能是白米短缺的關係，其實也不應該全怪責酒家。眼見全場侍應足夠，可是能看見我們揚手叫喚的卻來去只有一二人，縱使下次有人請客的話還是別客氣好了。

個晚去呢間野食飯...d味道已經唔好...d服務態度又差...又慢(叫極都唔應)...最差係佢唔老實...個時有個promotion$88/斤龍蝦,我地個時叫左一隻只有6兩0既龍龍蝦,個侍應就話10兩,,,都唔緊要!因為屋企人見佢特價,冇所謂啦...誰不知埋計個時又寫左12兩...問返個侍應佢話唔記得作理由,真太可惡!!!得寸進尺!!!佢冇俾芥菜,張單又計錢,真的不明白??生意真係咁難做咩?真呃人錢先可以維生...咁做生意法點會有人肯去食第二次呀!!!!!

晚上同朋友到海寶食飯,其中點了一款(法式芝士球),認真無得頂.海鮮特別抵食,出面好少這麼抵.

ha~因為我剩係o係度飲過茶無食過晚市但依度d水準都唔錯,流沙包好掂~仲有個"俺春"蛋燒賣好好食(依家係咪無左?)仲有個薄"o差"(好似pizza果d),都好好味~~大家~得閒帶埋dady mami黎依度飲下茶啦~!(sorry咁多字唔識字

星期五我不用上班同老媽子和姑姐去飲茶十去到我們坐四人椅我們叫了很多點心其中海寶流沙包叫了兩龍可以比美大榮華的流沙包真是一流每次去都叫流沙包你們可以一試其他心可以接受

為工事而來吃晚飯，雖是Casual的晚飯，心情總與和朋友們大吃大喝有點不同。平日既七點左右，沒太多客人，且從客人的衣著和一言一行，看得出這裡應是做街坊生意的一間酒家。我們一行六人的打扮與這裡竟有點格格不入的感覺。點菜有老大話事，不須費神。老大睇左一陣餐牌，決定了要一個套餐加兩個餸，餸菜如下：冬瓜盅椒鹽賴尿蝦薑蔥花蟹鮮鮑魚燒雞什菌&菜(忘記名字)腰果雞丁老虎斑甜品和果盆冬瓜盅幾清潤，材料也足，賣相亦可；對蝦蟹敏感的我，試少了兩味菜，但各人的評價是不錯的；鮮鮑魚其實是平價貨，不過都算份量夠和有鮮味，可以接受。腰果雞丁是最吸引我的，腰果夠脆，雞丁嫩口，西芹亦爽，是大家最快清碟的一味。再講燒雞，皮就脆，不過肉質不好；老虎斑也太"鞋"太老了，蒸得過了火位，要彈一彈。甜品是紫米露，唔熱唔凍咁，最乞人憎。傳統街坊酒樓，食品服務未有太大驚喜，但也合乎基本要求。

罕有地在東區活動，另罕有地一家人外出吃晚飯，對於筆者，隨了大節與親戚一圍一圍吃外，似乎是久違了的事。晚飯小菜形式最討家人的歡心，酒樓是不二之選，由於不熟東區食肆，見酒樓就登門上坐開卡，沒有太多考慮。1)沙拉骨今時今日，幾乎所有甚麼甚麼骨，其實都已經起好了骨。老一代的人可能不喜歡，因為少了吃骨頭的機會，但對於筆者簡直是好主意。沙拉醬均稱，排骨肉質鬆化，肯定有用鬆肉粉。2)脆皮雞要了一隻，但上半隻，最後又再多上半隻，是廚房出錯是吧。皮也脆，筆者喜愛的胸肉尚好。入味，不用蘸鹽及豉油也可入口。3)雜菜煲平日在家總是多菜少肉，出來吃飯就要多點菜平衡一下。雜菜煲最好，多款菜選擇，又有粉絲，又有菜湯底，當然要計較價錢，這款菜一定給勁賺，不抵食。這家酒樓的晚飯小菜雖不算突出，也有不錯出品。同區食肆頗多選擇，但酒樓就只得一兩間，這間不防一試。

今天晚上到此酒家為做冬節食飯.是晚只有套餐供應,可以理解,大時大節嘛!食物質數一般,收費也比平日調高,我們也不計較.6人套餐800幾蚊,6個(炒飯都無).埋單1043蚊.家人一check單,見有一項收費- 前菜16蚊(花生之類),可能因為人客太多,夥計一時忘記放下前菜,我們告訴該經理並未有享用過前菜...更正後的收費為1041蚊???我們當然問個明白,那經理竟告訴我們要收芥錢(更正前是沒有呢)...但我們連辣油也沒有!???最後不想因16蚊糾纏,付款算了.這麼唔老實的酒家,看來也不會生存多久...最起碼我們不會再光顧哦!

經常於星期日朝早，一行廿多人，特地約阿公阿婆到海寶飲個家族茶。不論食物、服務、價錢都不錯。尤其喜歡該店的蝦餃皇、流沙包。每次到場，必點不可。蝦餃皇的外皮薄而晶瑩；餡料算新鮮，蝦肉爽滑彈牙又没有腥味。最重要是挑走了我最怕的蝦腸！配點辣椒醬就十分美味。實在，本人並不喜歡奶黃，更莫論要獨力吃掉一個奶黃包。不過，自首次於海寶淺嚐了一口流沙包後，每到該店，這道流沙包便成為我們一行廿人，例必劃選的點心之一。包一端上，位位自動襯熱出手，一人手執一包，場面惹笑。至於其他點心小吃亦算不錯，廿多人開2枱，每次結帳，每人僅需HK$20左右，實在物有所值，值得一試！

我們是這裡的常客~父親節晚要了6人套餐+ 乳豬拼盤上湯龍蝦伊麵底的伊麵好好味~蒸班勁好味~最快清晒~翅好有口感~雞ok其他菜ok甜品- 杏仁露太甜基本上次次送的甜品都好甜, 我覺得唔好味~果盤, 屋企人食晒~侍應服務好勤快, 佢地想做多轉生意嘛~埋單$1300~(我見到壽包半打只需$24)

星期日同老婆第一次去海寶漁港飲早茶，十點幾去到都唔洗等位，不過要搭檯。十一點前落單點心茶錢都特價，所以拿拿淋叫了叉燒包、賽螃蟹餃、鮑魚糯米雞和叉燒腸。第一樣上檯係叉燒包：嘩，未見過有咁樣衰叉燒包，好似開到撻哂花，雖然味道OK，但係都冇理由俾佢合格。賽螃蟹餃就冇乜特別。籠鮑魚糯米雞得一隻，其實係鮑魚菇珍珠雞，裏面一舊雞都冇！至於叉燒腸又係唔惦，粉皮“pat”哂。希望佢善食物質素。

大部份點心都ok, 值得一試係佢地既海寶流沙包,佢地原本係買普通既奶皇包, 經自家改良之後就係海寶流沙包, 一人食一籠完全冇問題~

七月一日的晚上和爸媽一起，他們想吃中菜，於是我們三人行到了開張數月的海寶漁港。我們一家都是吃得很清淡的人，所以點菜時要特別小心。不竟不是每家食店都有提供合適我們的菜式。我們點了花膠節瓜蒲、竹笙雲吞雞煲和清蒸石斑。侍應落單後，我順口說了句"唔該少油"，不過只是順口。想不到這間酒家的菜真的可以如此清淡，但又不失鮮味。見到爸媽讚不絕口真在難得。主菜吃完後還有甜品奉送，我要了熱的花生杏仁糊。嘩，真的好味，花生糊不是用粉沖開的那種，而是自己磨的，又香又滑，正！當侍應將帳單拿給我們結帳時，我終於明白菜餚清淡的原因。帳單上除了有每碟菜的名字和價錢外，還加了"少油" 兩個字。那個侍應沒有騙我，真的跟廚師說我們的菜要"少油"。美味的菜式加上細心的服務，三個人二百二十八元，十分值得。