海寶漁港 (筲箕灣道)

營業中

休息中

一去坐底食野啦，都ok！無啦啦問可吾可以搭枱，都未答佢就叫人坐底！真心好過份！甘你就吾好問啦！食完準備叫人攞外賣🥡盒啦，佢同我點左頭！行過黎又去第二枱喎！真心嬲到呢！又吾行過黎問下，就走左！要我叫第二聲先過黎

這晚特意到酒家咁媽媽吃生日飯。我們一行八人叫了一隻很大的長腳蟹。長腳蟹的腳真的很肥美，我們一人一隻吃得興奮。聽說現時的長腳蟹由於繁殖量高所以價錢非常划算。這隻長腳蟹大約$1300。我們還吃了一些燒鵝及叉燒等。個人認為其實略貴，但勝在可以一家人聚聚，也覺得挺開心的。

服務員都好無禮貌!好日都唔放假，今日放假都食酒樓嘅魚雲同春卷，知道魚雲要蒸好耐，所以打咗電話落去先，點知服務員態度好差，我話想叫外賣轉頭落嚟攞， 之後服務員態度好差咁話你要食就自己嚟買啦。態度差到唔想幫襯。

父親生日預早訂了一圍枱10位，又係鐘意食頭輪晚上6點，唔係最旺場時間食，無咁忙時大廚煮野食時點都有心機啲，煮出的味道和水準當然會好啲，伙記服務都好啲。今日選了長腳蟹全包宴套餐，剛好在10月31日前食到，唔知之後會唔會再推出呢。當點完單後伙記就拿來大大隻新鮮生猛長腳蟹出來給我們看和影相才拿去蒸，我們選了蛋白蒸會將蟹切開斬件食時方便些，蒸好的長腳蟹肉好鮮甜。乳豬燒得夠脆皮，隻豬唔會好多肥油，鮑魚都夠彈牙。因沒有早一日去酒樓落訂，原本套餐的炖湯沒有了改做是日炖湯，但一樣清甜好味。套餐的其餘菜式都煮得滿意，份量十足，埋單全包價$4388。

爸爸趁哥哥一家來香港到海寶吃飯。用重本900大元叫了份40兩龍蝦, 等咗50分鐘先上菜。隻龍得除了頭尾還在, 中間肉少得可憐。還有條斑等咗個几鐘還未上, 最後退咗魚, 賣單1900元, 大家空住半肚到太安樓買小吃。西灣河都是做街坊生意, 唔應該咁呃稱呀!

很高明的誤導方式，平面設計師學到嘢👏🏼👏🏼👏🏼👏🏼👏🏼👏🏼圖中箭咀位置莫明奇妙地留空一行，而圈中的小字排放位置，令人錯覺以為圈中為一個item。如果一大班人心急叫餸，冇睇清楚，就中計了。。。咁大個集團用這種技巧，真心有點小家。平心而論，龍蝦份量是足夠的，但味道就同$880的距離還差很遠，啲肉又好硬......。而且追左好耐先上，全枱人都食飽晒，其他餸都食完，碟都收埋先上檯，效率真係奇”快”。俾錢唔緊要，都要服務追得上先得架。

今日同家人一齊到該店慶祝父親生晨Order左一個$1988全席套餐叫做 開心歡樂宴一共11個菜式但第一碟一上菜發現乳豬竟然唔係全體wor其怪咪問下店員佢地俾返個menu黎睇Menu上沒有注明乳豬未非斬件 但電腦收據 則用寫上大紅脆皮乳豬（斬件）大佬 McDonald 個足3兩都會寫明無煮之前有3兩煮完無架啦字眼上嘅清晰係menu上必須嘅但個店長過黎解釋嘅時候 竟然惡言相對 仲好寸禁叫我地報食環處 處理Menu上字眼無法即時解決但服務態度十分差勁永久blacklist!

西灣河出咗名就係美食多，不同國家的美食你都可以在西灣河找到，今日趁星期日就去嘗試一間地道的酒家，這家酒家也是很多人的，而且有電梯適合老人家上落非常貼心，價錢便宜，而且味道不錯，中午飲茶也算是一個不錯之選如果選擇在西灣河飲茶，這也是不錯的選擇

因為最近個個都話吃長腳蟹，怎麼樣好怎樣低吃，聽到她們講到好好吃緊丶緊岩行開同BB在太古廣場玩丶玩完話去西灣河吃野丶行到見到有一間海寶魚港招牌話長腳蟹特價先訂位吃飯10蚊一兩長腳蟹丶見到5點多丶問可以依家訂7點吃嗎？知客話可以丶依時訂左吃丶真的好鮮甜丶好好味先880蚊一只，真的好吃

兩星期前電話預訂$1688的套餐，清楚表明是中午用膳，更刻意查詢是否需要額外收費，答案是《沒有》。今天到店落訂，企喺度呆等之餘，仲畀人嫌阻路，終於等到服務員大駕，她先是說中午不供應這個$1688的套餐，我說在電話訂座時己確認過，她問我邊個落單，嗱，大家學嘢喇，原來打電話book食飯都要問清楚接線生高姓大名㗎，未完，結果部長過來話要加200元喎，唔啱價錢可以唔食！咁嘅，如果唔係已經約好哂人，真係唔食㗎啦，呢間酒樓d員工服務態度之惡劣，真係要祝福佢地嘅老板！

食物質素差，價錢貴，$98 清炒西蘭花，廿粒都無；菠蘿咕嚕肉 $108，得幾粒；燒味併盤，好似食剩咁。28/4 已無宵夜提供，母親節囉！有優惠小菜又收埋，問都話無，好在識人，才知道可提供。肥部長服務態度差（每次去都係），先前食幾千蚊套餐，就理吓您。伙計生手，餸汁倒瀉在人客手機上都唔知；伙計無記性，叫個飯要催幾次。全間酒樓只係得一個舊伙計正常，唔係游雲就係無禮貌，好似無出糧咁。唔係 D 間嘢就腳，收得夜，真係揾鬼去。先前食過幾次長腳蟹，嚴重唔夠秤，係要賺，唔好咁盡啦！

今日約咗幾位舊同事去西灣河飲茶，呢間海寶漁港非常近接近西灣河地鐵站，交通非常方便，今次我們叫了$268午市超值商務套餐，列明此四位用套餐是免收加一的，有著數！我們叫了脆皮燒腩仔－件件脆口、蟹籽燒賣皇－即叫即正、煎蝦米腸－係傳統蝦米腸煎得香又煙韌、芝士蝦春卷－大蝦好新鮮，又有淡淡軟芝士，乃中西合璧自作、鮑魚雞粒炒飯－香濃又充滿鮑魚味，而且雞粒有多。估唔到細細間酒樓咁有驚喜，唔怪得之咁多街坊食客來幫襯啦。

媽咪上次做左呢間野會員,有50蚊現金券就食埋佢, 咁啱做緊皇帝蟹優惠,就訂了蟹去到現場爸揀了5斤幾既游水皇帝蟹清蒸, 超大隻,呢種蟹本身有鮮味,清蒸最perfect,上到枱面d腳都差唔多2隻手指咁粗仲有好多蟹膏,不過其實我地唔好食膏，得阿爸一個支撐大局4人真係可以食蟹到飽當埋預祝情人節另外叫多2個小菜就搞掂: 豆腐花膠煲同燒鴨蟹加小菜大概千幾

服務態度差，完全趕收工，上菜又不穩，啲汁倒瀉哂，更倒落客人電話上，非常貼近客人臉前上菜，非常危險。上菜空間不夠時，撞開客人，事前並沒有說不夠位，事後又當無件事。

一上到去先知星期六、日個菜牌唔同，要成百幾蚊一碟餸。落單個陣，叫兩碟野，阿姐已經白眼：「兩樣咋？」.但因為好多情況，無得走啦，咁我同阿姐講，其實都可以收返埋平日個牌，唔好引人誤會。唔知係咪咁激嬲左阿姐呢？碟金銀蛋覓菜鹹過海水，食完飲左幾杯茶，我個口而家仲乾緊。最嚴重係食完之後我係廁所痾咗兩次。.同時，都聽到隔離枱投訴隻乳豬得肥膏，完全無肉。.之後阿姐仲刻意叫人唔好俾西瓜我地個枱食。.啲野又難食，服務我覺得用「勁差」都表達唔到我想講既意思。呢啲咁既餐廳，唔好再幫襯！！.真係未試過食飯食到咁嬲！最後我地三個人，食一碟金銀蛋覓菜、一碟黑椒牛柳，飯都無叫，要三百幾蚊！！請大家唔好好似我地咁中計中伏！