海寶漁港 (筲箕灣道)

營業中

休息中

父親生日預早訂了一圍枱10位，又係鐘意食頭輪晚上6點，唔係最旺場時間食，無咁忙時大廚煮野食時點都有心機啲，煮出的味道和水準當然會好啲，伙記服務都好啲。今日選了長腳蟹全包宴套餐，剛好在10月31日前食到，唔知之後會唔會再推出呢。當點完單後伙記就拿來大大隻新鮮生猛長腳蟹出來給我們看和影相才拿去蒸，我們選了蛋白蒸會將蟹切開斬件食時方便些，蒸好的長腳蟹肉好鮮甜。乳豬燒得夠脆皮，隻豬唔會好多肥油，鮑魚都夠彈牙。因沒有早一日去酒樓落訂，原本套餐的炖湯沒有了改做是日炖湯，但一樣清甜好味。套餐的其餘菜式都煮得滿意，份量十足，埋單全包價$4388。