影片
以上資料只供參考, 請與餐廳確認詳情
行過見到裝修咁靚，就同朋友去試一試，週末，竟然得一兩枱客，已經覺得中伏了。硬着頭皮，坐低睇吓個餐牌，點知，冇餐牌的，所有都係海鮮價，都唔知點叫。想叫個炒飯、炒河粉，全部冇價錢的，根本就冇餐牌。啲職員話，呢度係海鮮酒家，係咁㗎啦！咁啲海鮮價錢呢？都係海鮮價，每一樣都要問，都有啲驚！海鮮都OK，新鮮嘅，唔會差得去邊！但係小菜同炒粉麵，就真係把鬼，小菜喊到不得了，炒粉麵，仲衰過茶餐廳，一碟楊州炒飯，仲要收我兩舊水，問過職員，佢話見我哋多人，同我哋加大半份喎！全晚都係得一兩枱，伙記就多，個個都懶懶間，叫夥計沖返壺茶，凍嘅！明明未到收工時間，就已經開始在你四周圍不停拖地，開行冷氣，跟住仲要熄埋燈趕你走！個廁所仲要臭到不得了！成間酒樓咁大，男廁只係得一格，仲要個職員霸住半個鐘頭，反鎖喺入邊，唔俾人用。都唔知係咪做生意嘅！
繼續閱讀
親戚請食飯。成圍。親戚本身識個部長。部長之前響連鎖酒樓做。之前食過一次覺得佢啲嘢都真係唔錯。去間嘢要上十幾級樓梯。入到去啲裝修有啲渣，地下有啲濕(但當日係潮濕嘅) 但有游水海鮮缸。食兩次都覺得佢蒸魚真好食，佢真係蒸到啱啱好，啲魚肉滑到呢！只需落好少豉油已經好好味。食咗條杉斑同瓜子都好味。另外就係個咕嚕肉！真係脆皮！唔洗汁都好味嗰嘢癲！我食咗起碼十舊😂當晚仲發現，佢個豉油皇炒麵都好正！食到麵時已經好飽！但都竟然覺得好食，所以真係好食！麵好幼但彈牙，足料，唔會太油，但唔係重豉油味嗰隻。當晚唯一覺得差啲嘅就係龍蝦，因為啲肉唔彈牙，雖然個汁做得好好，配煎米底好夾。總結：嘢食係好食嘅，但抵唔抵食就唔知。
繼續閱讀
今日嚟到旺角食海中寶海鮮舫，啲嘢食真係好正，嗌咗芝士龍蝦伊麵，啲芝士好濃，每一隻龍蝦爽口彈牙，每一旦麵都會果住啲芝士，仲嗌咗個炸子雞，每一個部位都好多汁，個皮又薄又脆，為食嘅我左側邊嘅一塊蝦片，有幾好味喎哈哈
繼續閱讀
千祈唔好食炒海鮮，幾碟一齊炒份量每枱唔平均，炒鮑魚一碟得兩隻，炒聖子叫5隻分糧得3隻，反影海鮮分量比唔足時冇反應，經理服務態度唔得，3碟小菜，3碟海鮮，5人埋單$18xx，物非所值😡😡😡
繼續閱讀
在這裡吃過數次晚飯 👍🏻 都是預早訂咗菜式。經輝哥（經理）推介- 不時不食， 每次都沒有失望最近一次吃的泥鯭粥 - 功夫多😅在酒樓吃，乾手淨腳而且美味。這次吃什麼？ 先來一個黃皮老虎斑兩味🤤🤤跟着鵝掌海參燴鮑魚有青菜🥬伴- 冇得彈。再嚟煎海蝦伴香脆蘿蔔糕 - 特別 😋跟着蜜桃🍑京都骨跟炸饅頭 🤪之後便是薑蔥芽菜炒麵及泥鯭粥 - 非常有水準👏🏻👏🏻最後少不了芝麻煎堆球及合桃糊 - 也是水準之作 🫶🏻🫶🏻🫶🏻
繼續閱讀