浦和日本料理

營業中

休息中

午市套餐 都好幾個Set 可選每個餐也包括 沙律、主菜及甜品牛扒賣相一般 都好大片煮得還可以，不是太乾 燒汁配白飯味道幾好。食哂個飯仍有牛肉。甜品啫喱無特別。 消費160左右午餐來說不算便宜覺得貴了點

很久之前來過這餐廳吃放題，食物的水準是可以的。那次去試它的午餐。每個Set也接近百元，在上環來說算是中上價錢。一個Set有沙津，湯和飲料。刺身的份量很多，大大件厚切三文魚。花化戀及壽司也十分大件，而且三文魚新鮮。其實一個壽司Set的份量挺大，細食一點的女生未必吃得完呢。

lunch食過幾次。今日冇book位，好彩都有位唔使等，不過就坐吧檯。lunch有廿幾款set，價錢由90-150左右。食或者唔食魚生的朋友都有多款選擇。今日叫左鮭魚set，兩件花之戀，三件三文魚刺身，兩件三文壽司。前菜有沙律。沙律都唔求其，次次食都唔同，今日係蟹棒，之前食過海葡萄。仲有野菜烏冬。跟飲品推介柚子蜜。要加一。

整體來說都不錯,食咗佢地三百幾蚊的放題,刺身質素也很新鮮,賣相都好靚.而熱盤都唔會太差.而甜品就有我最鐘意既雪米磁.飲品方面都有果汁气水可以任飲.但食物由落單到上檯就要好耐,要催佢先嚟!(店員的態度和服務也ok)

為慶祝生日，朋友今次帶我吃浦和日本料理晚間放題～由於預約好，不用排滿隊便可按時入座。餐廳開揚，人多熱鬧但不算太嘈吵，座位滿舒適。基本上，我點了很多最愛的甜蝦、海膽、三文魚及多款刺身。上菜時， 大大盤的刺身很有吸引力，多隻甜蝦色澤鮮紅，肉質滑嫩，嚐到蝦的清新鮮甜味，口感一流厚切的三文魚及油甘魚，油而不膩，鮮味十足朋友則大讚海膽份量多，甘甜味美，入口即溶甜品的雪糕也美味可口，非常滿足臨結賬時，店員貼心送上甜甜的一口小泡芙，為這餐劃上完美句號。總結，一分錢兩分貨，大滿足，好抵食！

Happy Friday當然要獎勵一下自己，同事興致勃勃地說要吃日本菜，想起很久沒來浦和便來了。這間餐廳在同區日本料理中算是比較貴的一間，但經常座無虛席，如不想等太久，建議提早訂位點了壽司拼盆套餐，加州飯卷內有三文魚和芝士，味道挺不錯，而且有三大件魚生壽司不過不失，甜蝦較出色有鮮味，海膽亦沒有腥味。套餐包一個迷你湯烏冬，可選牛肉或叉燒，選了牛肉烏冬，呈上時牛肉仍微紅，怕生的可能會不喜歡，而且肉質較嚡，烏冬亦比較腍，加上吃畢九件壽司後已經飽，吃了幾口也沒有意慾再吃套餐奉送的沙律也不少，蔬菜新鮮挺不錯記得之前吃都是送雪糕糯米池做甜品，今次難得有驚喜，可惜味道一般，口感像慕絲，但味道又像燉奶

上次試完荃灣，今次輪到試上環分店的浦和喇日本餐係我男朋友最喜歡的餐種，我地都係好講究既人，所以做左好多research,今次我地試上環浦和既極上放題，一黎到服務員已經好快咁安排左張卡位俾我地坐，介紹了餐廳不同既放題資料給我們聽，之後幫我地安排左個刺身拼盤好新鮮，海膽好像是加拿大海膽，估唔到放題都可以食到咁大隻炸物入面我最讚不絕口既係芝麻雞翼，熱騰騰的放在我面前，Yummy!!串燒入面我建議大家一定要叫帶子串燒！超大隻！我同男朋友一共食左6隻而牛柳粒亦都係唔小得，因為俾人夾得太快，唔記得影俾大家睇.....但記得要叫甜品方面，當然唔小得我最喜愛既雪糕喇是次晚餐非常滿足，但提提大家記得訂位，因為我離開時見到好多人等位

首先呢間放題係分唔同價錢set，我估計最大分別在食物種類 數量兩方面。一落到去（在地庫），由頭到尾一句歡迎光臨都冇講，d staff黑口黑臉 半點笑容都冇，行過我地果張桌，仲明目張膽偷睇我朋友whatsapp（係一路行一路射呢眼咁望，都唔知有咩好睇），佢地黑口黑臉都算，態度又唔係好，好故意同語氣差咁講「唔該」（例如：你地d飲品唔洗寫落紙到 唔該！ 你地d骨同殻阿擺落碗到阿 唔該你地！ ）聽落真係好難聽 食都唔開心啦，影相既心情都冇。仲有佢地d冷氣好唔夠，坐低到走果一刻都好焗我地一行6人，叫左最平$248果個試下，加埋一都成$273啦，比咁少野比人食？唔係掛？我依家先知自己咁好記性，叫左幾round野食咋，我已經識背佢個menu既7-8成，種類太少，種類太少，種類太少！食物方面都只係一般，刺身有d鮮味既 起碼叫好過MK果d 但價錢係兩個grade。好老實講，$273*6=$1638呢個價錢我地去元氣食一定食得開心過呢到，多野食過呢到。蒲和既$338set先同出面放題既質素差唔多，唔明點解咁貴，可能因為唔限時掛，但咁既質素，都唔會想留係果到咁耐 即使會坐到咁耐都係因為唔想蝕姐！

大時大節與家人生日，吃甚麼慶祝向來是最困難的決定。這次家姐生日加上母親節，還是由我付費，一餐過慶祝晒就最好不過。既然一家三位其中兩個在中上環上班，在這附近找吃自然是最方便的吧。平時吃放題不外乎吃90分鐘或2小時，每次也像吃得趕頭趕命，辛苦的要命。難得看到浦和供應的不限時放題，任坐任吃，自然吸引了我們的目光。由6pm-11pm的不限時放題，除了基本的精選放題外，還有升級、極上及超級放題三種吃得更多、喝得更多的貴價放題，而我們選的則是升級放題($338/位)。有別一般放題有十多張分門別類的點菜紙任剔，浦和用的方法則較為簡單，客人在同一款點菜紙上自行填寫食品的編號及數量，感覺較為環保。先來些罐裝飲品，還有那柚子蜜少得可憐的熱柚子蜜。不久店員便送上第一道食品了。每枱升級放題均附送升級刺身拼盤一客，但細看來其實大部份刺身都可在能點選的項目中找到。當中以帶子及甜蝦最為鮮甜，鮑片及劍魚腩的清爽也算討好。雖然有放題較少見的三文魚腩，可惜不夠肥美。至於海膽，質素只屬一般。其他刺身則點了翡翠螺、油甘魚、白玉豚及希靈魚，當中以白玉豚的爽甜最令人動容，厚肉大粒的翡翠螺也嚼勁十足！放題不吃飯是我家的奇慣習慣，但

2015收爐，當然連lunch都要食好啲。咁我地一班同事就去左食日本野。套餐分別有帶子，甘蝦同三文魚，件件都好大件好新鮮。甘蝦: 鮮甜味美 帶子: 入口即溶三文魚:好大件好肥美另外叫左叉燒拉麵，豬骨湯的確濃郁美味，但叉燒肉不夠軟身、麵條又不夠彈牙燒牛肉拉面算做有驚喜。比起吉野家嘅牛肉仲好食，牛肉好入味，燒汁帶出左牛肉既鮮味，值得一試。最後仲有沙律送總括黎講，食物質素唔錯，今餐收爐無對唔住自己。

早幾日同人去食,因為人地介紹佢個位係地鐵隔離, 超A級方便(方便過趙完鬆XD)去到, 叫左一炸刺身(有三文魚, 北寄貝呢D例牌)賣點就係比其他放題店的有鮮味, 有魚味, 唔會太重冰味...而鋪頭任飲的泡菜國檸檬茶都好正, 超重茶味食左兩個鐘 , 好回味埋單一位都差不多300...間唔中一次半次都OK(詳細食評唔多寫, 來來去去都係魚生果類)燒牛肉粒OK 有水準蜆肉湯都可以, 有蜆味海膽刺身...都係海膽味~~總結: 80/100分

每次午飯時間經過上環地鐵站，這間浦和總是塞滿等位的人。但看餐牌，每個套餐連加一都高達$120或以上，這麼高的價格還大排長龍一定有它的可取之處。這次終於可以試試上環店，一嚐真偽。店內的燈光比較暗，一排排高及天花的酒櫃擺滿了清酒及日本娃娃，很有日式風味。店內最近主打挪威三文魚，強調食材來源新鮮。午市套餐有32款定食，跟餐有沙律及餐飲，選擇都頗為豐富。是日的跟餐沙律 - 蟹籽沙律芝麻雞翼地獄拉麵 配 香芒魚生卷 - $108雞翼非常好吃，外皮炸著金黃香脆，內裡的肉還保留嫩滑有肉汁。地獄拉麵略嫌辣得不過癮。蒲燒鰻魚飯 - $118大大塊鰻魚，外皮燒得微脆，但是飯的份量不多，比較適合女生胃口。照燒美國極品牛肋骨 - $128牛肋骨燒至焦香，味道極好，配白飯一流。因為牛肋骨的肉質比較韌，建議最好叫店員拿一副刀叉。自家制奶凍 - $16跟餐可以以優惠價加一些小食或甜品，奶凍軟綿香滑，綠茶味濃郁，不錯。埋單的時候，侍應還給我們每人送了一球雪糕，為這頓午餐畫上完美句號..

雖然經常都說放題的食物質素一般都比較低檔，但以兩三百元便可大吃刺身，對很多人來說，仍是一個好大的誘惑。今夜約定了成班同事食飯，當中不少也是大食之人，選擇放題似乎是明智之舉。浦和日本料理的上環店位於地鐵出口隔離，非常易找。這店並非全做放題，有單點食物和套餐供應。至於放題價錢，比其他店較貴，分四個價格，最平的也是每位 $238，最貴去到 $608。我們本來想選最平的，但見 $328 (升級版)多了海膽，便決定揀這個。究竟這店的放題貴在哪裡?我認為坐得舒適是個原因，像我們有8個人，便可坐日式榻榻米房，私隠度大增。而另一賣點是可吃足五小時，由黃昏六點吃到十一點，像一場馬拉松式放題。當然要先點刺身和壽司吧!一大盤海膽，加上厚切的立魚、三文魚、三文魚腩、元貝、螺片、甜蝦等，非常肥美豐富，亦處理得宜，但美中不足的是竟然沒有吞拿魚，難度要$600才有?海膽除了刺身外，亦有做成壽司。我喜歡吃左口，但這次的左口魚壽司似乎有點霉的感覺。熟食海鮮方面，有芝士焗元貝、芝士焗生蠔、燒魷魚、串燒雞皮、燒羊架等還有關西風味的章魚小丸子，但沒甚彈牙感。大夥兒吃了幾Round刺身和熟食，似乎還未夠喉，仲點了火鍋。較特別的

浦和上環站食完一排又心思思想去食了，話明放題就特別放肆，哈哈，一坐低就一份靚靚刺身頭盤送上枱了，升級版有梅酒，清酒任飲，少不免醉一醉呢^^今次主攻焗蠔，焗帆立貝，好好味，焗完上面的漿汁香脆，𥚃面的蠔，帆立貝仍然鮮嫰。我至愛的天婦羅不管是蝦或番薯、南瓜都好味，只是脆漿可以再薄一些就更好 嘩，有鮑魚粥呀，又綿又香，來一碗吧！配上薄片的炸魚皮，正斗！不能錯過好味的燒羊鞍，仲有燒多春魚，仲有燒串一口番薯，太多好野食啦，好豐富呀！好幸福呢^^當然要留肚食甜品啦，話明升級版，朱古力火鍋、炸香蕉、燉蛋、甜番薯和心太軟，樣樣都要食，哈哈，居然真的仲可以食咁多款甜點，女生的肚皮係有兩個是真的 ;)

現在日本放題的店每間都有出名的地方這次是公司的聖誕派對選了來蒲和.原因是不會限制時間,可由入座到店關門的時間都可以.只要不介紹店員時常走來收東西,來打攪你談話.服務的經理好勤快,要下單時立即來收,公司一行數多人,上菜的速度很快.而且要的所有菜餚是上齊的.值得一讚其次是有生日月份的客人,餐廳會送一大碟的雪糕船,還會關暗燈一起唱生日歌,一大班人真的很有氣氛和熱鬧其他的客人都會和我們這邊的方向說HAPPY BIRTHDAY1) 店內環境比較迫了一些,這張檯要坐10人,2) ORDER紙,內有不同款的食品可選擇,爐端燒的雞軟骨和鯖魚比較出色,雞軟骨不油膩,而鮪魚加了檸檬汁更鮮和香口.另外一款是海膽手卷,海膽觧甜,必食.3) 印有櫻花的柸和碟,餐具潔淨4) 刺身拼盤-厚切的三文魚塊,脂肪比例平均,我愛吃希靈魚爽口(原來台灣叫做黃金魚,)加上八爪魚和北極貝很有嚼勁.5) 生日的雪糕船-大家已經十分滿足之時,有個雪放在檯上,女士們立即戰鬥力再提升起來.大家來拆船~呵呵~