洪記麵家 (沙田商業中心) (已結業)

呢間洪記麵家， 有幾間分店，今日去咗火炭呢 一間叫咗個崩沙腩飯，凍奶茶。值得一讚，佢個崩砂腩，食材新鮮，爽口彈牙， 飯嘅份量亦都足夠。 奶茶係正常茶餐廳嘅味道， 服務態度良好，環境尚算清潔， 埋單總共 70 蚊，尚算合理。…查看更多

難得放假喺火炭四圍行吓，行到沙田商業中心呢間有幾間分店嘅粉麵店，一於入去食碗麵，麵店環境光猛乾淨，叫咗碗牛腩麵，牛什河，見隔離枱兩個人食四碗，我地都唔執輸叫多碗淨雲吞，另可加配飲品。牛腩麵，牛腩係普通牛腩，見到有層脂肪以為係靚嘢，食落無乜調味牛味唔重有少少硬，麵無乜 鹼水味有蛋香，麵質爽彈。牛什河，牛什無異味炆得唔錯味道偏咸，河粉夠滑溜。淨雲吞唔知係包得唔好定煮得唔好，味道其實可以，但夾口位好似唔多熟，雲吞皮都煮唔透，感覺差過超級市場包裝雲吞。凍咖啡唔錯。罐裝可樂唔夠凍勁扣分，飲咗一半頂唔順掉咗。…查看更多

又來到火炭喱個工業區，真係唔知有乜好食，行行行行到喱間洪記麵家，一裡面環境又幾乾淨冇異味，決定入去試試。坐抵睇睇餐牌，決定嗌碗牛腩河試試，當然要多蔥啦，加杯熱奶茶添。唔駛5分鐘，大大嘅牛腩河放喺面前，首先，好香好多蔥；然後，好多腩。牛腩肥瘦均衡而且夠腍，湯底唔太濃味幾清甜。熱奶茶夠滑夠濃絕對唔係某連鎖餐廳嘅奶水，埋單 $49 算係幾抵。後記：餐廳阿姐幾細心，見我碗河粉清湯比較少，主動埋黎問要唔要加返少少湯比我，真心抵讚。…查看更多

膳長今日光臨火炭洪記麵家，豪花$43品嘗一碗牛雜湯河。牛雜鮮嫩入味，河粉煙韌滑溜，湯底更是香濃惹味，令人食指大動。雖然價格略高，但味道的確令人回味無窮。膳長一邊啖啖牛雜，一邊心想：「這碗湯河，撫慰了我疲憊的靈魂，值得！」若能價格再親民一點，簡直完美！膳長大快朵頤後，滿足地離開，期待下次再訪！🍜😋…查看更多

我哋一家假曰一定要出去食或叫外賣，所以今日嚟咗依度，今曰出奇地要等位，等咗5 分鐘到就有位la! 我哋叫咗牛腩，崩砂腩，韮菜鮫，魚片頭河，崩砂腩同牛腩差唔多，但崩砂腩貴十幾蚊，所以牛腩性價比高d 👍🏻! 其餘各樣嘢都ok.. 正常發揮，係火炭有得食吓呢款麵家，已經算唔錯😌…查看更多

通常假期就係想食魚蛋粉牛雜麵，呢啲令我覺得舒服嘅嘢食。😂😂今次叫左牛雜魚皮餃河粉，佢嘅牛雜嘅量係幾多嘅。有腸、牛肚牛肺仲有金錢肚，份量都好夠，每款大概有兩件。另外魚皮餃佢似係自家製，唔似叫貨嗰啲，個皮好煙靭！而且個餡料都好豐富。值得一讚嘅係，我外賣叫佢多青，佢真係多青咗俾我。😂😂另外我哋散叫咗一個牛坑腩淨食，每一件牛腩都好靚，肥瘦均勻，同埋真係俾坑腩位你，軟硬入味！而且佢仲有啲芥蘭鋪底，真係入晒味好好味，雖然138有少少貴，但係值得一試！…查看更多

呢一間餐廳之前喺東涌都食過佢嘅分店，覺得質素同埋性價比我哋都覺得幾高，咁啱今日喺沙田呢邊又見到以為本身剩係得東涌嗰間🙈🙈 本身都諗住搵個下午茶食，所以就入嚟食，間同東涌就唔係好同，呢一間就坐得舒服啲同埋大啲🙈🙈我都係照舊叫咗牛腩/牛雜米，牛腩嘅質素我覺得就東涌嗰間好少少，可能咁啱呢一個部位有少少太肥，每一件牛腩都有一層比較厚嘅肥膏，食落嘅口感比較油膩，不過整體發揮我覺得都可以嘅，牛雜都做得唔錯，都係比較鍾意食佢嘅牛肚，整體呢一個價錢同埋質素，我覺得都會再返嚟幫襯🙈 比出邊連鎖嘅魚蛋粉麵質素還高…查看更多

今日喺火炭 做完嘢，簡單揾間食店醫肚， 見到有 洪記麵家就 入去 食碗粉麵， 我叫咗個牛三寶河 同墨魚丸 麵牛三寶河, 三寶有 金錢肚,牛腩同牛筋, 金錢肚本身比毛肚高級，洪記就用上較高成本的金錢肚，牛肚， 牛筋，牛腩都入味， 軟硬度啱啱好， 唔會太腍亦不失口感，另外墨魚丸麵 面質剛剛好唔會太淋， 墨魚丸有五粒 ，爽口彈牙有墨魚味，真材實料👍。牛三寶比雙拼更抵食，之前試過叫雲吞牛腩麵雙拼要加8蚊，份量仲少，加了錢牛腩又少咗，雲吞只有兩粒，嬲…查看更多

某夜下雨的一個晚上，到火炭女友的工作室，她說想吃雲吞牛丸和腐乳通菜，剛好知道在火炭沙田商業中心開了一間新的麵家，此店馬鞍山分店我堂食也吃過一次，感覺抵食的，今次外賣，店員答沒通菜，那吃油芥蘭吧，三粒九丸三粒雲吞，河粉，湯另上，有蔗，木做餐具奉上，叫給多份也不需加錢。店開至九店，在火炭食夜的多個選擇選擇。至於味道芥蘭菜好味不老，幼的芥蘭苗油不是太咸，合我口味河粉一般的，牛丸色澤淺看像豬肉丸，爽口雲吞較細粒64元冇飲品跟貴了…查看更多

數數手指原來已經有兩年多沒分享過火炭區美食，一來疫情過後要上班的關係已很少在這區出沒；二來火炭區內可以分享的實在不多（還未跟大家介紹我最愛的大排檔）！可農曆新年前後就發現有店鋪更換正在準備開業，而且還要是這地區很缺（也應該是整個沙田區很缺）的粉麵檔～牛三寶 （牛腩、牛肚、孖筋） $50淨雲吞 $38凍奶茶 $6（加配價） $18（單點）一個人吃了以上幾款好像很誇張，只是我把早午晚餐的份放在這裡一併享用再埋頭苦幹碩士的功課而已～ 先說牛三寶吧！一碗包含牛腩、牛肚跟牛筋三款是入門級，會否二擦就看她了～ 份量蠻多，河粉幼身順滑容易掛湯也不會易發脹，惜牛腩汁湯頭味道偏淡，跟外邊吃到的略有不同就看個人喜好！牛腩看起來偏瘦近乎沒有脂肪，沒有想像中的乾和柴，扎實有𡁻勁，但會認同如果肥瘦相間的話會更好；牛肚口感爽脆，處理等很好沒奇怪味道；至於牛筋炆得軟腍，很喜歡這種帶少許黏牙的質感，有種吃到滿滿膠質的滋補感覺～ 要數入味程度的話依次為牛筋 > 牛腩 > 牛肚，有點可惜只有牛筋才像樣有五香的味道，牛肚最差就只有單純的鹹味牛的部份不過不失，反之這碗淨雲吞是有驚喜的！一碗有7粒雲吞，size比平常吃到的小一點但隻隻飽滿，蝦肉跟豬肉比例各佔一半，兩者的肉質同樣新鮮爽彈，豬肉的調味很好，跟小時候吃到雲吞的味道差不多，是充滿懷舊的回憶，下次可以再來吃一碗雲吞麵～翻查網路資料才知道店家算是一家連鎖店，連火炭店已經有5間分店呢～ 裝潢以木系跟粉綠色為主調，半身玻璃櫥窗令空間感增加，座位寬敞坐得舒適，始終開業不足一個月的關係整個用餐環境還是很好沒有太大問題，對這區工作的朋友來說肯定是福音，多一個選擇加上性價比不錯（當然價錢來說其他區別應該還有更便宜的粉麵），算是在多點新意吧，生意方面這店應該不會太差啊…查看更多