洪記餃子雲吞糖水

營業中

休息中

完全估唔到餃子粢飯糖水小店都會大排長龍😂🙈食完就知點解😂🔺韭菜煎餃🥟 $40/10隻每隻餃子都好飽滿 新鮮熱辣 餃皮煎得脆 即使外賣都食到香口 如果佢有菜脯配搭一齊食 應該會再惹味？😂🔺即包粢飯 $25份量都大 餡料有炸得香脆既油炸鬼 + 榨菜 +肉鬆 口感豐富👍🏻🤩🔺楊枝甘露芋圓 $36🔺芒果西米桃膠芋圓 $36兩款糖水都好足料👍🏻 芒果大舊唔酸 芋圓有咬口😍楊枝甘露加芋圓 幾特別～柚子肉略嫌有啲澀🔸總體而言:食物質素唔錯 性價比高 種類多 仲有小食/飲品/中式糖水 下次會想試下其他～

呢間位於📍大埔寶鄉街的人氣小店，主打自家製餃子/糖水，沒有堂食供應，只做外賣，7點幾去到，人龍不少，等咗大概15分鐘左右就拎得⏰✨粟米拼韭菜煎餃🥟雙拼每款5件，拎到返去外面仲脆的，粒粒都飽滿，夠足料，不過略嫌個底太油，這點可以改善。✨多芒小丸子糖水全部大大碗，入面有芋圓同小丸子😻小丸子口感軟糯，芋圓咬落去煙韌彈牙，全部都是我最愛🫶🏻✨多芒楊枝甘露芒果大大粒，夠甜，口感豐富又滿足🫶🏻呢個價錢，真心低食💯 下次有機會一定要試埋其他野食😋

🥡掃街 🐻#炸物控 🐻‍❄️#新奇控——————舖頭離大埔街市好近，本身街市都有出名嘅大埔美食，但🐻🐻‍❄️已經掃咗一輪，都就飽，就入咗呢間買嘢飲～💯芒果好椰$28芒果🥭味飲落幾重，入面有又多又大塊嘅芒果肉，珍珠咬落軟糯。$28嚟講幾大杯，又真材實料，味道完贏唔少要$4x一杯嘅打卡飲品店，性價比非常高💯💯推薦！其實舖頭最出名係一桶多芒小丸子，不過太飽就無叫，大家試過可以comment吓🤣

是日早收工，經過見到呢間外賣店排晒隊，原來係糖水店，一於買黎試下有咩咁特別。除咗糖水，餐廳亦有粢飯、餃子及炸小食賣，係等外賣時亦見到不斷有客人幫襯，雖然店舖唔大，但等候時間都唔太長。即包粢飯 :粢飯成隻手掌咁大，打開後超足料，差唔多爆餡咁滯，糯米煙煙韌韌，包住肉鬆、榨菜及油炸鬼，榨菜鹹香爽脆，加上微甜嘅肉鬆，整體味道好夾。粟米煎餃 :即叫即煎熱辣辣，外皮煎到脆卜卜，內餡好足料，食落好多肉汁，粟米嘅甜味令人食慾大增，一份有十件，兩個人share剛剛好。多芒楊枝甘露 :天氣熱最適合食芒果，大大粒夠晒鮮甜，配上微酸嘅西柚，消暑一流，芋圓令楊枝甘露更有飽腹感。綜合芋圓燒仙草 :有芋圓、紅豆、仙草、西米及珍珠，配埋椰汁底，完全滿足晒我嘅願望，食落味道唔太甜，芋圓煙韌、珍珠Q彈、加上滑溜嘅仙草，有齊唔同口感，真係大滿足。

大埔區大人氣小店 主要售賣餃子·粢飯同中式糖水小店沒有堂食 只做外賣🥡所有食物都係即叫即做 .🫧 韭菜煎餃 $40韭菜煎餃煎至外表金黃酥脆 咬落去會聽到卡～的聲音👍🏻內餡鮮嫩 韭菜的香氣撲鼻讓人一口接一口附送辣椒油及醋搭配一齊食更有風味😚😜.🫧 養生桃膠雪燕 $30女人必點的養生滋補糖水😍😍😍桃膠粒粒彈牙有口感 雪燕清爽可口 食完即刻覺得年輕左😆😆.🫧 粟米生餃子 $40 & 韭菜生餃子 $40天氣涼涼地 買啲生餃子番屋企打邊爐😝兩款餃子都好足料👍🏻 皮薄餡多粟米生餃子有粒粒清甜粟米🌽有口感 大人細路都岩食韭菜生餃子的韭菜比較香

大埔人氣粢飯小店 Ꮚ･ꈊ･Ꮚ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ 近期在大埔新開的洪記餃子雲吞糖水店，吸引了不少食客前來光顧。儘管是一間新店，但總是能見到長長的排隊人龍，這充分顯示了其受歡迎的程度。這是我第二次光臨這家餐廳，上次品嚐了糖水和煎餃，感覺非常不錯，因此這次特意前來嘗試他們的粢飯。♡ ✧*｡♡ ✧*｡♡ ✧*｡♡ ✧*｡♡ ✧*｡🤍粢飯 $25 粢飯的份量相當足料，配料包括肉鬆、油炸鬼和榨菜。油炸鬼外脆內軟，口感相當愉悅，肉鬆的香氣也為整道菜增添不少風味。吃了一半後，已經感到相當飽足，讓人感受到物超所值的滿足感。🤍韭菜生餃子 $40 韭菜生餃子共有12粒，每粒都大而飽滿，餡料新鮮，皮薄餡多，韭菜的香氣撲鼻而來。🤍綜合芋圓燒仙草 這道甜品集合了紅豆、仙草、西米、珍珠和芋圓，色彩繽紛，口感多樣。特別是芋圓，軟糯適中，搭配仙草的清香，令人感到清新。這裡的份量也相當慷慨，讓人感受到性價比之高。

🌸粢飯🌟🌟🌟🌟份量十足，滿滿鹹香嘅肉鬆包裹着脆口的油炸鬼及爽脆的榨菜，被糯米飯包裹着。每一個粢飯都是即叫即做，所以需要時間等待。🌸煎韭菜餃子🌟🌟🌟🌟🌟每一隻餃子都大大隻，滿滿嘅韭菜及豬肉碎，每一隻餃子都煎得很脆。🌸多芒楊枝甘露芋圓🌟🌟🌟🌟🌟大大杯的楊枝甘露，配搭超甜的芒果，煙靭的芋圓，滿滿的西柚及濃郁的椰汁。🌸多芒仙草🌟🌟🌟🌟🌟大大杯的仙草，仙草口感滑捋捋，滿滿的超甜芒果配濃郁的椰汁，好味道不得了。

經過寶鄉街見到幾間食店都以外賣為主，一於睇吓有咩正嘢買啲返去同家人分享。洪記餃子雲吞糖水，標榜以純手工制作，無添加劑，而且要排隊的多是好味道，有傳統糖水，新式甜品，煎餃子，即炸小食，各類特飲，即叫即包粢飯，仲有生肉餃子雲吞可以售買。多芒楊枝甘露，有好滿嘅芒果加上西米 椰奶 西柚，小小酸多多甜嘅配搭正正就係楊枝甘露。綜合芋圓燒仙草，有西米 珍珠 芋圓 紅豆 仙草，豐富又足料，整體甜度適中，唔會過甜，多重口感多種美味。粟米煎餃，有粟米 木耳 豬肉餡料，好飽滿大隻，即叫即煎，餃子皮煙韌煎到脆卜卜，豬肉餡香甜木耳爽。咸蛋黃煎餃，每粒餃子中間都係豬肉包住咸蛋黃，粒粒都有好咸香嘅蛋黃味，好味道。

提起大埔美食，除了傳統老字號外，近年更多了不少後起之秀💥洪記便是其中之一。其出品的無論是餃子、小食🥟或者糖水、甜品🍫全都大獲好評，但這次光顧卻令我覺得有點名過其實🧐———————————————————————煎餃是以半煎炸的方式烹調，整個外皮都煎得脆卜卜，非常香口🔥但與此同時亦令煎餃變得油膩，負擔感大增😣味道方面，韭菜餡菜肉比例得宜😋韭菜香氣四溢之餘亦有豬肉香味，同時也有少許肉汁，韭菜控表示滿意😎相比之下，粟米餡則較為失色🌽粟米比例太少，每顆餃子都只有幾粒粟米🤏🏻入口豬肉味濃，粟米的爽甜雖然未夠突出，但整體調味算是不錯👌🏻鹹蛋黃餡口味創新🤣只是鹹蛋黃的味道與豬肉未算十分配合，個人認為如此特別的口味試一次便夠😅粢飯比坊間常見的大，同時內餡豐富🥰油炸鬼口感鬆化，仍有少許脆度😙榨菜份量適中，未會過鹹👍🏻但肉鬆味道反而偏甜，與其他餡料略為格格不入😮———————————————————————洪記的出品雖然未算很具特色，但大部分都能做到應有水準，加上價格親民😊難怪短短時間便廣受街坊歡迎💕

洪記雲吞糖水屬於大埔區人氣小店， 每次經過 都有條人龍， 今日雖然都係要排隊但係我決定買嚟試下😂。 佢哋嘅甜品款式都好多， 有芒果系列， 芋圓系列， 亦有傳統嘅糖水， 有粢飯， 水餃， 飲品 。我買咗綜合芋圓燒仙草，粟米煎餃同 鹹蛋黃鮮肉生餃子。果然係人氣少店， 食物都好有質素。 綜合芋圓燒仙草： 材料好豐富入面有仙草，西米，珍珠，芋圓 ，紅豆， 珍珠煙韌q彈， 仙草好滑溜， 口感有層次， 甜而不膩， 美味大滿足👍粟米煎餃: 即叫即煎新鮮熱辣 ，40蚊一盒份量都好多, 好抵食。 煎餃煎得好靚， 黃金酥脆， 餡料豐富飽滿。鹹蛋黃鮮肉生餃子：第一次食鹹蛋 鮮肉黃餃子 ，我用黎做湯餃， 餡料鮮嫩多汁， 每一口都食到鹹蛋黃香味，美味👍

大埔名物美食多籮籮，今次去到大埔墟街市附近嘅洪記-餃子雲吞糖水，睇見大排長龍 ，當然有番佢嘅實力啦，價錢大眾化我叫咗韭菜煎餃🥟，真係皮脆肉汁滿滿，好juicy 呀，而且韭菜嘅香味撲鼻，好正呀！另外叫咗三碗芒果系列嘅糖水同家人一齊分享。酸甜醒胃嘅楊枝甘露芋圓、Q彈嘅多芒小丸子和好養顏嘅芒果西米桃膠芋圓。我很喜歡依度嘅糖水用好多新鮮芒果🥭而且不會好甜，真係食得健康好多，放心好多！家人都非常之滿意👍🏻yummy

小店主打多款甜品及小食長期都有人龍 可見人氣十足甜品足料出色甜品愛好者真的要來試試 ⍢綜合芋圓燒仙草 $40充滿紅豆 仙草 西米 珍珠 芋圓材料非常豐富 而且很足料燒仙草入口滑溜 芋圓珍珠口感煙韌 爽滑的西米再配上微甜的紅豆整體口感多層次 不太甜 美味又滿足芋泥西米桃膠芋圓 $36滿滿芋泥微甜香濃綿密 啖啖充滿着芋頭粒粒及桃膠再加上煙韌的小芋圓口感豐富而不膩香茜煎餃 $40/10隻煎餃煎至金黃色皮薄餡料豐富 豬肉混合了滿滿芫荽但芫荽味比想像中不算太濃相信大部份人都能接受～粟米煎餃 $40/10隻外皮同樣煎至金黃酥脆餡料亦很飽滿吃得出粟米本身的甜味脆卜卜很好吃⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐洪記餃子雲吞糖水📍大埔寶鄉街47號地下D2號舖

小店嘅糖水好多大埔朋友食過都話正，有經典嘅紅豆沙綠豆沙，亦有新式嘅多芒系列🥭芋圓、芋泥小丸子等🥥另一主打係餃子🥟除咗大路嘅韭菜、粟米、芫茜☘️鹹蛋黃餃子都好吸引🎈海帶綠豆沙綠豆沙有起沙口感，加上海帶絲同粒粒軟綿綠豆，帶點臭草獨有味道，好正宗，買嗰時係熱嘅，個外賣盒好硬淨，可以雪凍食都好正🥣🎈多芒仙草芒果控心心眼嘅一款用料十足，大大粒芒果肉，加上滑溜仙草同小丸子，以椰奶做底，濃郁椰子香，好味又滋潤🥥🎈粟米鮮肉水餃🥟煎餃外型飽滿，餡料夠晒多裡面有粒粒粟米，加上豬肉餡，肉汁豐富外脆內juicy,口感特別好🥢🎈韭菜餃一盒12隻手工水餃，粒粒飽滿，用嚟打邊爐或者煮麵食都好正

去大埔搵親戚都會喺度買小食，每次都有好多人排隊。小食店有糖水，餃子，粢飯，飲品，小食。芋圓糖水咁多款都唔超過$40抵，價錢好合理。綜含芋圓燒仙草 $40 紅豆＋仙草＋西米＋珍珠+芋圓材料好多，芋圓新鮮，糖水味道剛好。雖然買到返屋企出晒水，但係魚蛋依然好食，好大粒炸得好脆，冇食麵粉嘅感覺。自己屋企有茄汁，或者沙律醬點嚟食都好味。粢飯好煙靭，材料同飯一比一👍粢飯而家好少地方有得賣，難得仲有人整又好食要支持吓。肉鬆俾好多要讚

入大埔探朋友，順便喺佢樓下附近買啲嘢上去一齊食😆😆佢推介呢一間洪記糖水雲呑餃子✨招牌雲吞餃子即叫即煎，新鮮熱辣，仲有多款糖水揀！🔹粟米煎餃、香茜煎餃煎餃熱辣辣煎起，大大隻食落好飽滿，粟米香甜有多汁，香茜又夠惹味！🔹即包粢飯拳頭咁大嘅粢飯夠晒足料，飯粒煙韌軟糯，包住油炸鬼、肉鬆、咸酸菜等，一啖食落層次感十足！🔹芋泥西米桃膠芋圓有齊我鍾意食嘅配料！香甜芋泥配大大粒彈牙西米，仲有份量超多嘅軟滑桃膠，同埋煙韌有咬口嘅芋圓，飽肚之選～洪記糖水雲呑餃子✨📍大埔寶鄉街47號地下D2號舖