泰Cool

營業中

休息中

和少年相識的朋友難得相聚，講多過食，口水多過茶。這裏環境很好，夠寬敞。價格亦合理。食品方面，炒金邊粉可以，略嫌多油。炒飯亦不錯。兩樣吃過都沒有口渴的現象。可選擇手機落單。有機會會再去，淘大附近也可以行山。

之前係觀塘食過泰cool晚餐，估唔到係淘大都靜雞雞咁開左分店呢個鋪位原來好大喎真係好寬敞，位得好舒服呀👍🏻👍🏻👍🏻下次搵班朋友入雀龍坐先🤣Lunch 價錢好合理呀👏🏻👏🏻👏🏻岩晒有得自己點餐💡👍🏻Yeah泰式船面😋😋😋好正喎，份量足！最喜歡係多蔬菜呀👏🏻👏🏻！湯底都清味喎，唔會太濃👍🏻嘩，好吸引呀😋呢個咖哩唔辣架🤣岩我呀！係牛腩比較實，韌左啲小食：生菜包，仲辣過咖哩🤣但放好肉碎上碟又幾好喎。小食：春卷👍🏻👍🏻👍🏻好正呀。😍熱氣都要食呀！

聽屋企人講呢間餐廳好好食，但睇食評就好一般，一於同朋友試下先，而且佢有波睇，仲大電視，好吸引！入去坐低，職員即刻帶位，為左睇電視，見到有個客啱啱走，未執枱都坐埋去，職員即刻幫手執乾淨，仲好細心抹，加分。啲野食幾吸引，叫左椰青海鮮飯，小食拼盤，馬拉盞炒雜菜。椰青海鮮飯：本身以為同其他餐廳一樣，細細個得一兩碗飯。點知一上枱，OMG! 巨型椰青飯，我估有4碗飯左右，佢仲將開椰青既椰青水俾埋你，我從未見過有餐廳咁好，變相送左一杯飲品。椰青入面啲炒飯好好食，用椰青肉炒，所以有椰青味。如果海鮮一齊炒，會效果更好。小食拼盤：呢個都唔錯，蝦餅同魚餅都好食，唔會好粉。馬拉盞炒雜菜：朋友想食雜菜，我想阻止，因為通常出面餐廳既雜菜都唔好食同唔新鮮。但係呢間泰菜既雜菜都好新鮮，馬拉盞好夠味道，又有炒既獲氣，一改我對雜菜既感覺。整體成餐飯都好好味，環境好闊落，又靚，唔明點解咁多負評，佢既質素好過淘大另一間泰國菜。將來一定會再試下佢既其他菜式。

今次同同事去咗泰cool食午餐，呢度環境都算好闊落，坐得幾舒服～午餐全部都係$58 ，仲可以追加美食或者甜品😋我叫咗個泰式蝦金邊粉 ($58)😗講真金邊粉我就覺得一般般，佢嘅調味偏淡，如果可以濃味啲就比較好😉四隻蝦都算爽口嘅，份量幾足～另外追加咗肉碎生菜包兩件 ($10)，反而我幾鍾意佢個生菜包，啲肉碎滿瀉，而且調味好惹味，真係有泰式正宗嘅感覺😋另外我亦都叫咗一杯特飲，斑蘭椰子奶 (加$12)～雖然已經叫咗少甜，但係泰式飲品普遍都係比較甜，椰子味好重，整體嚟講都算一般～雖然佢嘅主食唔算特別出色，但係呢個價錢，又算坐得幾舒服，我覺得都算okay啦～

上次中秋去睇花燈見到開左呢間泰國菜，之後就忘記咗啦！今日落雨行過，又要搵嘢食，近近哋入咗去！同自己講唔好有期望就唔會失望。餐廳好大，好多位，好闊落！仲有大電視播緊世界盃！叫咗兩個餐一個海南雞飯，一個蝦金邊粉！追加咗蝦餅，同埋泰式鳳爪沙律！金邊粉好有鑊氣食到尾都仲熱蝦都好大隻海南雞用油飯好食海南雞都好滑！鳳爪沙律25蚊，但好大兜有啲辣！蝦餅已經等咗十分鐘先食但仲係好熱！咖啡奶茶冇乜特別總括嚟講，可以再去！試服務態度唔錯！食品都幾好！推薦一下！！

等左40分鐘都未齊野食，問個saff 又hea答冇下次。個金邊粉等左就黎成粒鐘，我入去煮仲快過，唔會再比機會，你想等可以入去食嘅，我就唔建議啦。啲嘢唔係話好好味，一般般。

呢一間泰cool有室外位亦都有室內位。 而裝修好有特色， 用雀籠作為特點。佢嘅青咖哩甜味十足， 有強烈的椰青味。配上薄餅香甜可口。菠蘿炒飯實在太多油， 有待改善。生菜包不過不失，調味重，適合重口味人士。

估唔到泰國菜都可以唔好食！好少會寫食評 今次真係忍唔到😤3個人嗌咗個菠蘿海鮮炒飯、雞肉串燒、蝦餅、咖喱軟殻蟹同燒牛肉沙律食左6百幾蚊 又貴又唔好食菠蘿海鮮炒飯1. 炒到一patpat 完全唔乾身2. 食落好油3. 話海鮮炒飯 得兩隻雪蝦。。雞肉串燒乾到好似雞肉乾咁蝦餅油益味食落好油膩咖喱軟殼蟹一般般 軟殼蟹都係有油益味燒牛肉沙律係咁多樣最正常 但都係一般水準總之冇下次又唔平唔怪之得明明新開 星期日晚去都冇乜人呢個價錢 有大排選擇啦

兩年前食過觀塘泰 Cool，印象中食物雖然唔算得上驚為天人，但亦絕對唔差。最近佢喺九龍灣開咗分店，不過網上就有唔少負評，為咗求證，我當然要親身去試一次。呢間泰 Cool 前身係客家好棧，地方好大，有兩層。我哋今次一行八人，坐樓下雀籠大圓枱，望落雖然幾 grand，不過枱面同座位之間空隙太大，食嘢時要俯身向前，真心幾攰。食物方面，我覺得飯同粉麵較出色，例如原隻椰香海鮮焗飯，椰子味香濃，海鮮份量都算多，仲跟配埋杯清甜椰青水，真心唔錯；泰式鮮蝦金邊粉賣相好靚，水準亦絕對正常；至於蟹籽蟹肉炒飯就略嫌淡咗少少，冇咩鑊氣。其他食物則水準有啲參差，蒜蓉炒椰菜苗雖然入味但唔夠乾身，碟底水多咗啲；炭燒豬頸肉肉質尚算 juicy 彈牙，可惜唔夠香口；泰式燒雞感覺有啲生；甜品就好正常，椰汁西米糕同芒果糯米飯都足料好食。總結：又冇評論咁差，但絕對有唔少進步空間，加油呀💪。

放假帶狗仔去淘大探朋友朋友話哩度有間室外座位既泰國餐廳喺淘大第四期帶左狗狗落黎食下午茶始終係星期一下午時段，餐廳冇咩人坐低叫左海南雞飯，雞肉夠滑、黃薑飯夠熱夠香啲泰式柚子沙律、佢既生蝦全隻剝殼幾貼心，出面好多間食柚子沙律生蝦仲有半個殼喺度要自己咬開，柚子都幾鮮甜夠，岩哂鍾意食酸嘢嘅人豬肉生菜包D豬肉真係炒得好辣，邊飲青邊食哩個生菜豬肉包飲品叫咗椰青、裏面啲椰青肉好易刮出嚟、食落去甜到好似椰汁糕咁又林又夠甜最鍾意呢間餐廳有室外好多位可以帶寵物去食到一半嘅時候，隔籬枱都帶咗隻貴婦狗嚟寵物友善餐廳

不推薦大家去，浪費錢浪費心情其原因有下1.菜品質素非常之差。我點嘅豬頸肉同金邊粉都是屬於溫，不是算熱。我猜測這些菜可能都不是現炒，而是成品稍微溫了一下就給客。問題是這個價錢不太合適給客人上這種半成品菜！旁邊亞泰來同等價位都是現炒至少是熱辣辣的！菜品完全不值得這個價錢！而且我點的椰青等到我們吃完了還沒有上給我們。2.服務員態度勁差，如上，當我們一家人已經食完，抹完嘴啦，椰青都未上。我家人多次示意員工，但員工並未跟進，不睬我地。我只能大叫，員工叫我等陣，之後慢吞吞來說小姐咩事，態度勁差，我們話劃掉椰青，她並不理我們，只係端了上來，我話不要了，她態度幾串話你地依家先點點⋯之後埋單我見單上竟然仲有椰青算入去，我指出，她幾不爽，不講嘢，奇奇怪怪。我花錢仲要睇員工面色，而且上一杯嘢飲要幾耐啦？明顯有問題，發氣給客人。大大家真係不要去，態度差菜品差。沒有影像實在太生氣

之前一直都有聽過泰CooL，話佢好食又吾算貴不過分店一間就觀塘一間鰂魚涌，所以一路都冇去試。琴晚落勁大雨，諗起呢間泰國嘢就同老公去試吓食，因為朋友們都話其他分店唔錯，而我睇OpenRice食評既評語都係讚嘅，入到去地方真係好大，我哋坐咗去最後嘅卡位，左右隔離都冇人，地方幾乾淨，卡位好似一個雀籠咁，幾得意。又有大電視可以睇。我哋叫咗個金邊粉，泰式生蝦同埋冬陰功烏頭。3樣野黎都系好熱，好正。因為我哋食泰國嘢都係食呢幾樣，就唔知道其他質素係點，但呢三樣嘢的確同九龍城熟食中心嘅味道都差唔多。因為我哋試咗好多間泰國嘢都搵唔到好食過九龍城熟食中心 泰CooL條魚只係唯一一個缺點係條魚佢淨係刮咗中間魚身部份嘅魚鱗，個頭同埋條尾既鱗好似無刮過甘，所以一食落口就成口都係魚鱗呢一點真系扣分見啲人收現金，即刻問一問佢收唔收信用卡，好彩佢依家大部份支付工具都會收，純粹係佢未update上網比人知～ 但最後張單係會收加一，呢一樣我都唔係幾同意，因為佢系手機落單既，我覺得冇需要收服務費嘅必要。但整體來講如果唔想去九龍城食嘅話呢間都算唔錯

今日百無了賴同honey 搵地方午餐，見OpenRice 啲朋友仔話差 唔掂，我哋身為牛頭角之友，一定要去親身體會，跟某食評點了青咖喱魚飯 及海南雞飯。喂喂！我食左 唔係咁差 ，青咖喱味道👍🏾👍🏾👍🏾，海南雞肉嫩 不是全胸或翼 。不過杯凍咖啡少甜少糖 變咗冇糖🤣🤣🤣。凍檸茶OK 至於環境好 少人 冷氣勁 ，我坐鳥籠卡位 近斜路出口 乾淨呵 。可能多劣評 佢而家做返好D 飯熱😁😄都可以再去午餐。因為有大啲嘅圓枱 可以約吓朋友仔一齊食嘢😆價錢二人吃了$128

係陶大商場新開一間泰國餐廳.餐廳設計獨特設計.餐廳內部以雀籠式及卡式座位設計.牆身掛有泰式掛畫及大象飾物.中間有棵金葉樹幹掛有金猴跳躍.餐廳外還有個沒有空調的位置.顧客可帶同寵物前來一起享受美食.感覺好像在外國大自然露天茶座中！今天與家人一起到來棒吓場.我哋被安排坐喺四人卡式座位.環境及座位都唔錯（舒服）.但係我覺得呢度侍應好似有點問題.好難找到侍應落單.有啲侍應忙著執枱.落單要由指定侍應落單.今日點餐如下： 1. 海南雞飯＄64元 跟餐.芒果沙冰$16元.追加生菜包＄10元。 2. 泰式蝦金邊粉＄64元 跟餐.班蘭椰子奶＄12元.追加春卷＄10元。 3. 巨型麵包釀咖喱牛腩＄64元 跟餐.香芒椰子奶＄12元.追加春卷＄10元。 4. 泰式喇沙油麵（牛）＄64元 跟餐.青檸薄荷梳打冰＄12元.追加蝦餅＄25元。最後來個總結：餐廳裝修設計一流.有預埋養寵物人仕.可以話有愛心的店家.其實間舖點樣好.都無用.啲食物品質Keep唔到.同埋店舖啲人手問題.我哋啲食物食哂.飲品都未到.最後好難先找到侍應追單.叫咗其他侍應一味話等吓嗱！我哋望住隔離枱.遲嚟先上岸.人哋都飲完.都未層到我哋！最終我哋查

淘大新開左呢間泰國菜，新裝修都幾有格調，雖然位置比較偏僻，唔喺商場入邊，要刻意走去淘大商場第四期才能找得到。餐廳地方很大，午市套餐只是$58 ，唔使+1服務費，仲可以加小食。大概2:30去到，餐廳並沒有太多人，一入去侍應哥哥話：自己搵位，鍾意坐邊就坐邊。OK冇問題，坐咗單邊卡位，一坐低，嘩，椅上面上有水，濕的。算數，攞紙巾抹咗佢，見到椅下邊仲有咖喱漬喺度，都算叫咗一個海南雞飯，一個青咖喱魚配白飯，肉碎生菜包及鳳爪沙律。海南雞飯，全雞胸+1隻雞中翼，雞肉好鞋口，醬汁偏酸。生菜包，一攞起肉碎好多水，生菜🥬係穿窿，肉碎味道還可以，問題係太多水。鳳爪沙律，鳳爪非常辣，如果吃不了辣的，就要考慮一下。青咖喱魚配白飯，青咖喱味道可以，魚就是普通的龍利柳。感覺和連鎖快餐店的青咖喱魚飯差不多。非常後悔叫了一杯泰式奶茶，因為好奇心，以為泰式奶茶有什麼不同，點知係好大香精的味道。反而熱咖啡就正正常常，普普通通。還有一點是侍應姐姐係執枱的時候非常粗魯，醬汁彈咗出嚟，好容易會整污糟客人的衣服。買單$151 ，這個價錢，唔算貴，但真係好普通，感覺唔好食，如果味道質素不改善，真的不會試下一次了。