泰 (銅鑼灣廣場二期) (已結業)

Came to this new Thai restaurant for dinner and had their dinner set for two! It was a bargain as the set came with a lot of choices and also large in portion! Salad arrived really quickly and filled with a lot of cucumbers and fresh tomatoes. Skewers then came after, it was huge in portion and has been glazed with honey. Alongside also provided a peanut butter sauce of dipping into for more kinds of flavor. We love their skewers and soup as it filled up with a lot of seafood like a huge squid 🦑

近排成日深夜睇到泰國街頭美食，睇到流哂口水，好掛念泰國陣酸辣酸辣嘅味道🌶所以我一定要食泰國野！！入到去發現環境好寬敞，而且座位闊落裝修有種泰國風情，好適合密密針😝我哋坐低點左青木瓜沙律🥗同埋半打串燒做前菜，店員都好有心地等我地食完前菜先上主菜，可以趁熱食到每道菜！以青木瓜沙律作開胃菜，酸酸辣辣咁刺激下個味蕾😆🌶之後半打串燒係十級推薦！豬牛雞各兩串，上枱嘅時候燒到表面微焦，配埋個沙嗲醬超過癮，三種肉我都覺得幾新鮮，特別鐘意個牛，食落好有牛味，好嫩滑！個牛串串真係大推😋😋我哋都點左個馬拉盞炒通菜，馬拉盞食落充滿咸香，係黎泰國餐廳必食嘅一道菜，水準之上👍🏻另外我地都點左個乾炒牛河，食第一啖嘅時候覺得同中式酒樓一樣咁夠鑊氣，唔同嘅係牛肉大大塊又多左啲菇菇，食落無咁膩！最後以芒果糯米飯配大椰青作結～超級滿足嘅一餐🥰🥰🥰

🇹🇭Thaiology (銅鑼灣)銅鑼灣駱克道463-483號銅鑼灣廣場2期6樓無得去泰國，唯有食泰國菜一解相思。今晚嚟到銅鑼灣，餐廳裝修簡單而典雅，侍應有禮貌。主要係叫咗個晚市二人套餐（$438）🥘明爐冬蔭功海鮮湯（+$12）少少辣，酸味適中，飲落好順喉，而同好足料，有兩隻大蝦+青口+墨魚+菇。🥗青木瓜沙律青木瓜爽口，酸酸地凍凍地幾開胃，不過記得要撈勻先食，我一開始無撈就食，搞到有啲無酸味😂🍢泰式串燒（2豬2雞）好有炭燒味！豬同雞都夠軟腍，沙嗲醬好有花生味，好正，食完仲想encore！🐟原條青檸明爐烏頭魚（+ $ 38）烏頭完全無泥味，有魚味，魚肉都幾滑，而且旁邊仲用青口墨魚等海鮮伴碟，幾有誠意。🥬泰式炒雜菜呢個幾有驚喜，唔似有啲餐廳好淡味，呢碟炒菜齋食都唔會寡，有鮮味。🥥椰青（餐飲+$28）清甜可口，而且夠大個。🍚油飯（2碗）淡淡油香。另外仲叫咗🐥海南雞半隻 $128皮爽肉嫩，有肉地，仲有醃蘿蔔酸酸地，幾好。總括而言，套餐都幾抵食，想食泰國菜一定會再嚟。

同朋友都好鍾意食泰國嘢，見這間都幾多人去，就去食下。2人晚餐真係超抵，而且食物超多！晚市2人套餐啱曬咩泰菜都想食，又有選擇困難症嘅人，$498 就可以成枱食物，有串燒、冬陰功、炒金邊粉、明爐🐟等，非常超值😍店員服務亦好好，見我們點了2人餐，就立即幫我們轉去4人枱，食得舒服d🌟泰式鮮蝦炒金邊粉炒得幾出色乾爽，配上絲絲蛋香，口感和味道都調得剛剛好。🥘明爐冬蔭功海鮮湯這款都好出色，入面超多海鮮，有蝦、青口、八爪魚🐙，蝦更加係海蝦來，食材quality太好了😍😍😍冬陰功湯超辣香，辣味較重，辣得來好過癮😋🥬泰式炒雜菜看似平平無奇嘅泰式炒雜菜，亦非常好味，炒得好香爽，而且好入味，估唔到菜都可以咁好食。🍢泰式咖哩串燒串燒同樣出色，無論是豬肉還是雞肉串，都出乎意料地厚肉，而且燒得外脆內軟，椰香creamy 沙爹汁更加係重點，配在一齊好好食🐟原條青檸明爐烏頭魚大大條魚配上熱香青檸湯和青口，魚肉厚實，非常抵食～青木瓜沙律都好辣香惹味～另外還加配了榴槤麻糬，入面的榴蓮真的非常濃香，軟軟texture好滋味下次可以叫多d人來一齊再食抵食套餐😋又好食又唔駛諗order咩～大滿足！

同老公講起疫情前時去泰國旅行啲開心事，即時想搵間泰國餐廳食下泰國嘢感受吓⛱泰國氣氛😍銅鑼灣廣場好多嘢食㗎嘛上次食完韓國嘢已經見到呢間泰國菜㗎啦 今次真係試下呢一間泰國菜感受一下泰國嘅感受啦 入到去裝潢都好有泰國feel金色綠色 好清幽 都好多人添呀😍😍快啲睇下叫乜嘢先第一時間梗係叫個冬陰功、泰國小食拼盤、黃咖哩雞、 馬拉盞炒通菜、shake shake海鮮桶、油飯同芒果糯米飯做甜品Shake Shake 海鮮桶有三個size，細size可以揀三種中size就可以揀五種而大size仲可以揀八種海鮮添😍😍種類都好多㗎😁大蜆、墨魚仔、虎蝦、鮮蝦、藍青口、扇貝、小龍蝦、墨魚圈、翡翠螺、 鮑魚👍加88蚊仲可以升級轉龍蝦或者加108蚊仲可以升級專大肉蟹㗎😍我哋揀咗細size，而細size可以揀三款海鮮嘅有大蜆、墨魚仔同虎蝦😁 原來係凍食㗎，有個碟載住啲海鮮仲膠袋同消毒濕紙巾同手套畀我哋，服務員好細心教我哋點樣做，就係將啲海鮮倒落個透明大膠袋度跟住就到埋啲醬汁落去就開始shake佢啦😁shake到啲醬汁全部好均勻咁喺啲海鮮度，攞返出嚟就食得啦😋😋好得意呀！而且喎仲好好味添👍啲醬汁佈滿曬所有海鮮食落去

泰菜一向係好友嘅心頭好，所以只要跟住佢搵食，就一定唔會中伏。最近朋友就介紹左銅鑼灣廣場一間開業超過大半年嘅泰菜館「Thaiology」畀我。據說餐廳由資深泰廚主理，除了主打各式經典泰菜，如咖喱炒新鮮大肉蟹、泰式串燒、冬蔭功湯等外，還有泰式版嘅 Shake Shake 海鮮供應。餐廳環境優雅，以簡約風格為主，一室墨綠色裝潢配以牆上掛飾，氣氛輕鬆隨性，令人感覺非常舒服。食泰國菜，一定唔少得泰式小食拼盤 ($148)，睇下幾豐富，除了魚餅、蝦餅、雞翼、春卷各 2 件外，仲有 4 串沙嗲串燒。魚餅加入左泰國香料，食落香辣有咬口。蝦餅香脆彈牙，蝦味濃郁，愈食愈鮮甜！雞翼炸得酥香入味、一咬肉汁四濺。春卷新鮮炸起，咬下脆卜卜，香口不油，蘸泰式酸甜醬，更添滋味！沙嗲串燒亦值得一讚，入口外微脆，內封汁，加上自家調配的沙嗲醬，味道微辣帶甜，有花生香，超惹味，用嚟配串燒吃，一流！另外呢款 Shake Shake 海鮮 ($298)  亦係必食之選，海鮮有 3 個唔同嘅價錢可供選擇，分別包三款、五款或八款海鮮，客人可按個人喜好自選配搭。我哋揀左墨魚仔、扇貝同大蜆。食法好簡單，店員會將預備好嘅海鮮放入真空袋，再

放工約咗朋友去銅鑼灣食飯，諗起好耐冇食泰國菜就揀咗呢間餐廳，貪地點夠方便。環境好舒服，兩個人坐都安排咗個卡位俾我哋。食物選擇好多，咩都想食同朋友都揀咗好耐先決定到食咩！原個鮮椰青$58朋友要咗個鮮椰青，佢話好清甜，我見佢仲有不停刮啲椰肉嚟食，好正咁！椰汁珍多冰$48食泰國菜飲珍多冰真係一個好好嘅享受，飲品好香椰汁味，唔會死甜或者係溝水好淡口咁！馬拉盞炒通菜$88平時食泰國菜必點呢個馬拉盞通菜，呢碟嘅味道都夠哂惹味！炭燒雞腎$38雞腎燒到脆卜卜，勁快比我哋清哂！佢仲有酸酸甜甜嘅汁俾你點！生菜包$88食泰國菜最鍾意食生菜包，因為豬肉碎再加生菜包住呢個配搭真係好清新，呢度嘅豬肉碎唔算炒得好辣，味道唔錯！青檸明爐烏頭$208除咗烏頭魚之外，佢仲有其他海鮮好似青口同埋墨魚仔咁，都幾特別，條魚好新鮮，肉質結實味道鮮甜。炭燒原條茄子$88原條茄子再加咗少少酸甜醬去燒，所以食落酸酸甜甜咁，平時比較少食到呢個食法，都幾特別。芒果糯米飯$88最尾梗係要食個甜品，泰國菜唔少得嘅芒果糯米飯，份量好多食完之後飽哂！

Lunch 時間到啦～ 又食泰菜啦～ 銅鑼灣廣場二期不嬲都唔多人，食飯唔駛排長龍👏🏻👏🏻👏🏻店裝潢有泰式雕花，坐位寬敞，坐得好舒服～～明明已到深秋，但天氣依然熱， 叫咗個香脆雞扒撈檬，凍凍哋，好開胃～舊雞出奇地香脆，肉質仲鮮嫩juicy，好好食😋配菜又多又夠fresh~ 碗檬望落唔算大碗，但原來碗好深，所以份量都多，食得好飽😂😂😂Set lunch 仲有小食可以追加😌 有炸蝦餅、素菜春卷、豬牛雞串燒等～ 我就要咗個牛串燒，啖啖肉，陣陣烤香～ yummy~~個set仲包飲品，可以揀奶茶、咖啡、檸茶或檸水咁～ 哇～ 幾抵喎～ 抵過喺灣仔食茶記，而且坐得勁舒服～

拎咗消費卷同事們不停咁shopping 同eating 。今日放工齊齊去銅鑼灣祟光買嘢，之後去咗附近一間叫泰 Thaiology食飯，餐廳地方都好大，裝修擺設高雅，座位寬敞舒適。泰式小食拼盤：魚餅、蝦餅彈牙，雞翼皮脆肉嫩、春卷脆口、串燒肉熟度燒得啱啱好，肉質唔鞋重好入味，點些沙嗲汁更惹味！海南雞半隻：半隻份量都唔少，除咗雞翼其他全部已經去骨，肉質鮮嫩，配以三款醬汁，有辣有唔辣味道各有特色，另外還有爽口的酸蘿蔔條可以醒醒胃。干炒豬肉河粉：炒得都夠鑊氣，上檯時香氣四溢，大大片豬肉有口感，河粉滑溜，好味！泰式鮮蝦炒金邊粉：足料夠味，鮮蝦大蝦又爽口，金邊粉彈牙，加埋芽菜更添口感！泰式生蝦刺身：泰國的生蝦刺身無論是外型、味道、口感都十分良好，味道清淡，肉質爽口彈牙! 點些泰式酸辣汁可提升味道！凍檸茶：茶味香濃，不會太甜。

見到openrice 好多食評讚好，咁就訂左呢間餐廳同老公試下。由於老公入座先，所以我去到見到座位安排有點愕然，我地同其他食客坐得好近但中間冇透明板擋住，最後我要求坐第二度，好在職員都好好咁安排番個二人位俾我。本身想叫套餐抵d, 但冇我想食的野，就叫左單點。叫左：1.生蝦刺身，味道幾好，醬汁酸酸辣辣，好正，但食到最後一舊時，感覺到蒜片有酸酸地。2. 菠蘿炒飯，味道唔錯，菠蘿好甜。個飯幾開胃。3. 椰汁雞湯，用爐加熱番湯，好得意，味道好正，飲到停唔到口。4. 芒果糯米飯，我的最愛，但偏偏最唔好食，飯唔算好熱，芒果唔似係泰國個隻，係普通香港的芒果，唔甜。呢個下次唔會再叫。總結黎講，呢間不過不失，冇咩特別突出，冇其他食評寫得好味到CP值咁高，叫做有得揀下黎試下。如果有得揀就揀套餐，會抵食過單點係真嘅

炭香四溢的炭燒豬頸肉，餐廳選用咗脂肪比例高嘅豬肉，相信喺近豬面頰嘅肥豬肉，口感軟滑爽彈，味道正宗，風味絕佳！外層塗滿蜜糖醬汁，餐廳落足心機烹調，將豬頸肉燒得惹味焦香，令我哋難以抗拒。蒜香牛油雞翼，餐廳掌握炸粉的份量，炸雞翼果時唔會令其太厚粉，炸起來雞翼外皮酥脆惹味，唔會食落很硬，仲蓋滿牛油的口感！酥脆的香酥薄餅，配搭帶有椰香的南洋風味咖哩醬，薄餅沾附著吃非常搭！泰式生蝦刺身相當新鮮，肉質豐腴甜美，味道鮮甜，口感有嚼勁！泰式沙嗲肉串分別有牛肉、豬肉和雞肉，各樣有兩串。每一串外層脆卜卜，口感油脂豐富，仿佛食幾多串都唔會膩，令人難以抗拒。芒果糯米飯味道正宗，椰香味重，芒果又大又鮮甜！

🔻shake shake 海鮮3款 $298揀左帶子，魷魚仔，虎蝦配生蝦汁，酸酸辣辣本來幾惹味可惜海鮮overcooked，嘥曬😢🔻泰式串燒半打 $108豬牛雞各2串，燒得幾香又唔乾👍🏻🔻香酥薄餅 $48食親泰國嘢都必點😝$48蚊重跟埋咖哩汁，開心😋🔻椰汁西米糕 6件 $58以為係煙煙韌韌個款泰式椰汁糕🤷🏻‍♀️結果唔係，唔好食

一直都好想試下shake shake 海鮮，今次終於嚟試下🥳 餐廳係銅鑼灣樓上舖，舖面比較大，坐得好舒服～而且食物選擇由小食到湯到麵飯全部都齊曬，好岩一班人黎食飯😎🍴shake shake 海鮮三款 $298我地簡左藍青口(8隻)、扇貝(4隻)、大蜆(8隻)，啲海鮮好鮮甜，加埋冬陰公汁甜甜酸酸勁好食，加上係自己shake，有得玩又有得食🤪 餐廳仲會比埋手套呀鉗呀你～唔洗整污糟隻手🍴青芒果沙律 $88所有蔬果都切成絲，唔會食下跌下咁lols 啲菜都好爽脆，加上個汁酸酸地咁，作為前菜超級超級開胃～上面仲有啲櫻花蝦仔添🍴香酥薄餅 $48熱辣辣咁上枱，攤左一陣等到啲皮涼少少食就岩岩好，外脆內軟嘅感覺！點埋咖喱汁食一流🧡🍴泰式炒粉絲 $88乾濕度炒得岩岩好，好香口而且好彈牙～加埋有蛋有配菜唔會太dry，但味道亦唔會太重，攞嚟做主食係一個幾唔錯嘅選擇～

真係太耐無得去泰國，係香港不斷搵泰菜頂下癮！今次由朋友帶路，去左銅鑼灣既泰國菜，聽閒主廚係泰國人，所以經常要打去Book 位。我地Book左7:30pm，等左一陣，就有位啦。 餐廳以金色為主，似泰國宮典的設計。餐廳有卡位，空間會寬少少，而且會好坐一點，建議大家坐卡位啦！我們點了幾款又覺得好味可以跟大家分享的泰國菜，包括： 1. Shake Shake 海鮮3款佢有$386 任選 3款海鮮，連原隻龍蝦，跟足泰國夜市的玩法，由自己將煮好的海鮮和泰式酸辣醬汁放入袋內，Shake 幾下，就倒出來盤面戴手套開餐！龍蝦大隻、肉質彈牙、配搭酸辣醬，超開胃呀！扇具和大頭蝦都很新鮮，而且份量也不算少！2. 冬蔭功火鍋在香港很難找到好味的冬蔭功，雖則這家也沒有加入泰國冬蔭功應有的香茅和檸檬葉，但南薑 、乾葱、芫荽、辣椒就好足料，而且湯底都好辣，加上已經好入味幾隻大頭蝦，整體不差！3. 雞、豬、牛肉串燒在泰國夜市必食的一款小食當然就是串燒啦！雖然餐廳只有幾款串燒，但味道也是經典的！用上特濃的燒汁，令上碟時的串燒非常香口又入味，值得一提的是，各式肉質不至燒到很乾身，吃入口很有肉汁又爽口呀！最後，提提大家，飲品

同老公又想食泰國菜啦，之前朋友有講過講到有一間商場上面嘅泰國菜好好食，所以今次就去試吓，預先book咗位，因為怕太多人要等位，上到去都可以即刻入座，坐低咗之後睇Menu就揀咗一個頭盤，當然係生蝦，係我嘅至愛，然後就叫咗一個冬陰功湯，一個馬拉盞通菜，一個薄餅，同埋一個咖喱炒軟殼蟹，等咗一陣之後生蝦就嚟到，入口唔差，都感覺新鮮，終於食到生蝦嘅我表示滿足，然後就嚟左冬陰功湯同埋馬拉盞炒通菜，冬陰功湯都好好飲，不過酸咗少少，但係湯料好足夠，有兩隻大蝦，兩隻大青口，而冬陰功湯亦都會比個迷你酒精爐熱住俾你慢慢飲，唔會凍哂，好有誠意，越飲越開胃，然後就輪到咖喱炒軟殼蟹同埋薄餅嚟咗啦，薄餅會俾咗一小碗醬料俾你沾嚟食，平時出邊食泰國菜嘅薄餅都唔會有呢個提供，但係佢哋有呢樣真係值得加分，因為平時我哋就一定係預咗薄餅要另外再叫一個咖喱嘅料理去配嚟食，但係佢哋可以唔需要你額外叫一個咖喱，都有配料俾你去沾薄餅食👍🏻👍🏻👍🏻非常好，但係我哋唔知道，所以都叫咗一個咖喱炒軟殼蟹，先講咗個軟殼蟹，軟殼蟹啖啖肉，比咖喱汁包圍着，好惹味，唔錯唔錯，不過軟殼蟹比較難搵，會好似尋寶咁要喺咖喱醬汁當中搵佢出嚟，至於薄餅真係好酥脆