泰雲

營業中

休息中

住喺將軍澳嘅朋友仔有福啦，Popcorn新開咗呢間泰國菜，鍾意食泰國嘢嘅我梗係要去試吓啦！呢度環境都幾大，坐得好舒服，店員服務都好細心呀，會推介唔同嘅嘢食俾我哋！我最鍾意食就係佢哋嘅「黃咖喱炒蟹」，一上枱嗰陣勁大碟，嘩咗出聲！個咖喱夠香口之餘又唔會太辣，食落去啖啖肉，啲咖喱用嚟餸飯都一流👍🏻另外佢嘅「炸冬陰功軟殼蟹」都係大大份，炸漿唔會好厚，我自己食咗三件😂食泰國嘢梗係唔少得火山排骨啦，呢度嘅火山排骨嘅肉質好嫩滑，基本上帶咗手套撕開啲肉就甩出嚟，同埋佢唔會太辣，啱晒我呢啲唔係食得好辣嘅朋友仔！

將軍澳popcorn新泰菜 菜單選擇夠豐富🇹🇭 首推大大份同朋友仔一齊share的黃咖哩炒蟹($488) 咖喱醬汁炒得夠蛋香 唔會好辣 原隻蟹斬件份量都好多 蟹肉夠鮮甜🦀 另一款馬莎文咖喱燒羊架 ($168)都頗特別 唔辣偏鹹香帶少少甜 羊架有三件再配搭左花生粒🥜 而小食方面泰式煎蠔餅 ($98)亦係誠意之作，蠔仔多到傻 蛋味十足 唯一挑剔係偏厚身所以唔脆而炸冬陰軟殼蟹 （$98/2件)就夠晒香口 咁樣酸辣配搭都幾特別開胃～ 炒粉麵除左經典泰式口味 比價推薦大家可以試下大頭蝦粉絲煲 ($188) 大大隻蝦夠彈牙 粉絲好乾身 整體鑊氣又夠 帶微微藥材香氣🦐 甜品食泰菜一定要點芒果糯米飯 ($68) 芒果好甜不會略嫌糯米飯唔夠黏糯 如果可以煙韌些會更加正🥭

是日立秋不良，仲熱過大暑，身處熱過東南亞嘅香港，唯有學泰國人食泰國嘢避暑，嚟將軍澳呢間泰國餐廳開大餐前菜就食個沙律先，呢碟沙律豬頸肉仲多過啲菜，可謂沙律冚真豬，份量超級驚人，沙律同豬肉都好爽口蠔餅係食泰國菜必食嘅菜式，平時就好怕會太濃味，但呢碟蠔餅唔會太鹹，啲蠔肉好大嚿，而且不失鑊氣平時只會諗起冬陰功湯，不妨試吓椰子蝦湯，椰子裡面嘅湯，有好幾隻大蝦同菇菜湯酸酸鹹鹹幾開胃，而且勁香椰味，蝦肉仲好入椰味同好嫩主菜一定要食黃咖喱炒蟹，唔好睇Menu好似係一般份量，其實大得驚人，醬汁好香咖喱味，隻蟹非常巨大，淨係蟹蓋都有好多蟹膏，蟹肉就非常之嫩滑，又索晒咖喱香Phad Thai 都係泰國必食嘅菜式，呢間俾雞蛋包住平平無奇咁，唧吓青檸汁再撈吓佢，鑊氣瞬間湧現，仲有兩隻炸大蝦都好有肉地最後甜品當然要是芒果糯米飯，一碟有兩嚿糯米，甜甜地質感幾綿，芒果上面仲有椰絲同脆脆，更加豐富口感平時飲開檸檬茶，呢度竟然有青檸茶，而且有熱嘅𠻹芒果冰都冇坊間嘅咁甜，好有果香，冰得嚟又唔會太沙，好smooth好消暑

最近天氣非常炎熱，令人胃口不佳，逛街時見到新開的泰國菜，即時勾起食慾，一於試試。燒豬頸肉沙律 ($98)豬頸肉份量多，味道酸辣，為悶熱的味蕾帶來清爽感覺。馬莎文咖喱羊架 ($168)入口軟腍富肉香，肉汁豐富，咖喱香甜中帶微微辣味，相當醒胃。醉貓炒河 ($88)香氣四溢，啖啖香辣惹味，帶來一分刺激過癮的滋味，讓人不禁一口接一口！椰子蝦湯 ($138)使用椰青殼當作器皿，賣相一流，風味十足！相當足料，有5隻蝦，大隻厚肉且札實。味道豐富，濃厚椰香中散發陣陣香料味，好喝又好看。椰汁雪糕 ($58)椰味濃厚口感嫩滑，味道清甜，加上炸綠豆、椰肉、椰絲及粟米，增加口感層次。椰汁冰 ($42)沙冰入口即溶，有陣陣椰香，味道清爽香甜，解暑一流！

懷疑老闆或者職員有睇OpenRice，小編今日去食真係要為佢做一個大平反🥹價錢冇變，但係份量真係大咗好多！喺商場營運一間餐廳都唔容易，尤其係小店更加值得大家支持👍🏻冬陰功炸軟殼蟹軟殼蟹炸得酥脆，冬陰功粉唔會太嗆侯，咬落去真係啖啖蟹肉，勁有泰國街邊嘅風味！👍🏻泰式煎蠔餅份量驚人到不得了，粗略估計用咗五至六隻蛋以致蛋香味充足！而且蠔肉大粒飽滿，底部更加墊有芽菜，帶兩分juicy同爽口！👍🏻冬陰功冬陰功做到酸辣鮮香，冇一種味道過分嘅喧賓奪主，整體令人胃口大開，而且用上熱火爐保持住佢嘅温度，香茅味相對出眾，亦都欣賞佢嘅配料有充足嘅菇菌、蕃茄以及大蝦。👍🏻黃咖喱炒蟹一盤份量驚人，黃咖喱連同蛋白炒得香滑又濃郁，蟹身亦都預先爆油後炒入咖喱當中，食落鮮甜，肉質實淨，非常適合多人分享。👍🏻泰式鮮蝦金邊粉 金邊粉用咗蛋皮包住，賣相吸引，可以自行吱上青檸同撈上花生碎。金邊粉帶幾分濕潤，口感煙韌不痴咀，幾好食！👍🏻椰汁雪糕、芒果糯米飯 最後當然少不了兩份招牌泰式甜品，芒果🥭甜度極高，襯上軟糯淡身嘅米飯更是合適；椰汁雪糕更加有海底椰嘅點綴，特別適合炎炎夏日。👍🏻芒果冰 、菠蘿冰飲得出用上新鮮生果去打成，入口冰爽

不得不開ACC講, 同小朋友去食LUNCH, 價錢偏貴算, 質素差得過份啲雞冇味, 多肥膏, 串燒凍, 一陣味, 蛋包金邊粉非常一般奶茶已經叫小甜, 完全得個甜字, 完全冇泰茶味

我好少打食評，因覺得好麻煩，今日經過呢間野肚餓入去食晚餐，服務員，座位都幾好，但食物真係好一般。泰式濕河，豬肉片又乾又Un，好似煲湯豬肉咁，真係全瘦，一些肥都無，結果成碟野淨係食剩d 豬肉片。 金邊粉賣相幾靚，但蛋包面頭淋了好多甜酸醬，剛好我本人係唔食甜酸醬的，但係我平時係外面食，都冇見到面頭有甜酸醬的，所以估佢唔到，如果我知道有，肯定唔會嗌。另外裡面的麵抄得非常之濃味，我食到一半已經頂唔順要狂飲水，我本人平時係比較環保，食唔哂都會打包或者盡量食，好少浪費，但今次我只係食左一半，亦都冇打包，真係覺得自己好浪費，但係又好無奈！又唔可以話好差，泰式餐廳的價錢，樓下茶記的質素..... 如果求其食下，我覺得還OK，但追求味道，我覺得唔合格！

Located at Pop Corn 2 in Tseung Kwan O, Mekha 泰雲 is a casual Thai restaurant that offers a wide array of authentic and affordable Thai cuisine in a relaxed and easy-going atmosphere.  The menu is thoughtfully designed to cater to a variety of budgets, providing customers with an extensive selection of classic Thai dishes and regional specialties.燒豬頸肉沙律(HK$98)The char-grilled pork jowl salad combined with fresh herbs salad has a nice texture and delicious flavor.冬蔭功湯（HK$108）What you can expect fr

popcorn新開張泰國菜，行街行到攰想食個下午菜，見到餐牌價錢ok就入佐黎了，仲唔駛排隊🫣海南雞冬蔭湯河粉 $48🥘冬蔭湯湯底都夠味，唔太辣，河南雞都算滑，係成個份量都好少，不過都理解，因為係下午茶時間🫣青咖喱豬肉碎米線 $45🍜青咖喱配上九層塔葉，好有泰式風味，以為青咖喱會比其他黃、紅咖喱辣，原來又唔係🫣米線似泰國米線，整體黎講都可以一試，又係好快食完🫣下午茶餐會配一杯汽水，可樂及雪碧都有，如果想配泰式奶茶就要另外加錢了🤫

今日約左朋友係將軍澳PopCorn二期食飯，朋友話呢間泰國菜長期好多人，好受歡迎咁，所以就一早幫我拎定位😂😂餐廳Menu都幾多選擇，而且價錢比起市區唔算太貴，大部份都係百幾蚊起，價格尚可接受！🦪泰式煎蠔餅 $98 🉐冇諗過呢間泰國餐廳竟然有煎蠔餅，由於我太耐冇食過潮州菜，所以一見到煎蠔餅就好吸引！一嚟到，就見到好多粒蠔仔，而且仲要有大粒又肥味，食落口感受到好juicy同埋好滑嫩！🦀炸冬陰軟殼蟹 $98一聽到炸軟殼蟹，配上冬陰功嘅醃料，一聽到都感到邪惡！食落辣辣地，帶有少少冬陰功嘅酸味，味道還可！🥩泰式燒牛柳 $138🉐泰國餐廳比較少見到有燒牛柳，所以今次見到就決定要試吓！同時都好surprise牛柳勁軟熟，唔會overcook, 好嫩口！而且份量好多！值得一推！🍗椰子雞湯 $108🉐超級鍾意佢嘅份量剛剛好，兩個人都飲得晒！而且味道酸酸甜甜，真係好開胃，而且入面既雞亦好軟滑，勁快就同朋友清晒！🐟泰式酸辣明爐烏頭 $178條魚都幾香辣，但好好彩好嫩口唔會煮得過份熟，湯底拎黎送飯一流！🥘醉貓炒河 $88我承認一開始俾佢嘅名吸引咗，但其實食落有啲似泰式既香辣肉碎炒河，辣度都幾勁，唔食得辣既朋友

行街經過Popcorn見到以前香港地個位新開咗間👉🏻泰雲👈🏻一聽個名就知食泰國菜，見到門口都幾多人等位，咁我地都等埋一份😂🐔泰式海南雞飯雞件都幾多,肉質嫩滑,雞皮唔算肥🥓燒豬頸肉豬頸肉燒得好香，份量都幾多🌋火山骨火山骨肉質軟嫩，配合埋泰式酸辣汁味道非常惹味😋🫖香茅蘭葉茶飲落非常香香茅味，整體甜甜地幾好飲🍹橙汁整體嚟講食物質素中上,都算係幾正宗嘅泰國菜,不過可能因為午市多人等位,我地啱啱起身準備埋單職員已經叫咗下一枱客入嚟

將軍澳最近新開咗間泰國菜餐廳真係人頭湧湧，平日晚飯去到都要拎飛等位～餐牌有好多選擇，所以今次都食咗唔同種類嘅菜式燒豬頸肉沙律🥗泰國菜一定唔少得嘅就係燒豬頸肉沙律，豬頸肉夠滋味之外，底層沙律仲有青瓜青木瓜絲蕃茄等等，亦都好入味🫶🏻泰式煎蠔餅真係好欣賞呢個泰式煎蠔餅，首先佢嘅做法唔係一般嘅炸蠔餅，而係煎，油膩減少咗好多，而且蠔仔全部都好大隻，完全冇腥味，配埋少少辣醬成件事好夾，賣相都好靚，真係睇得又食得☺️火山骨主菜就嗌咗火山骨，份量好多之餘，亦都十分之入味，酸酸甜甜咁，餐廳仲有埋手套俾你拎住嚟食，夠晒貼心👍🏻👍🏻👍🏻冬蔭功湯🍤🍲冬陰功湯都有幾隻大蝦，而且飲得出又好香嘅椰奶味，入邊亦都有唔同嘅配料，例如草菇等等鮮蝦蛋包金邊粉🍤有個蛋絲包住金邊粉個賣相好吸引呀，面頭仲有兩隻蝦，金邊粉將所有嘢撈埋一齊食，好有泰國嘅風味🥢芒果糯米飯甜品有點少得芒果糯米飯呢，啲芒果有兩大嚿而且好鮮甜，糯米飯反而質感就偏實，要配埋芒果同椰漿一齊食😗🥭椰汁雪糕🍦🍨除咗主角有兩球椰汁雪糕之外，仲有個好特別嘅烤粟米，如果配埋粟米肉一齊食個層次豐富好多，亦都好特別，佢仲有少少海底椰嘅配料，成件事多咗唔同嘅口感😻總括嚟講樣樣嘢

將軍澳popcorn新開嘅泰國菜「泰雲」，一開張都見好多人食，今次閒日去都係座無虛席見menu好多選擇，睇相好吸引，出餐好快👍🏻啱晒我趕住食完即刻返屋企湊女😆🥗燒豬頸肉沙律$98好惹味，燒豬頸肉夠味又香口，連埋沙律菜食好清新😋🉐🥥椰子雞湯$108好鐘意飲泰式椰子湯，有椰子香微甜，加上微辣，味道超正，仲好多菇、雞肉等配料，最後飲晒㗎😋🉐🦪泰式煎蠔餅$98呢款似蠔炒蛋多啲，蛋味十足，無煎到好熱氣，蠔真的超多，啖啖肉👍🏻🉐🦐大頭蝦粉絲煲$188勁大煲粉絲煲，好入味有鑊氣，蝦都好大隻🦑原隻燒鮮魷魚$138好爽口，又食晒成碟，見好多人都order呢款🉐🦀黃咖喱炒蟹$488哇哇哇，不得了‼️勁大隻蟹‼️色澤超得，蟹肉勁多啖啖肉，最正係啲黃咖喱汁，唔辣又香，撈飯/ 配多士勁正🉐🥭芒果糯米飯$68芒果好甜，糯米飯好飽肚🦋蝶豆花奶茶$38🍋‍🟩泰式青檸檬茶$30兩款好有泰國風味嘅飲品🚩泰雲 (將軍澳) @mekha.hk 📍將軍澳唐俊街9號PopCorn 2 1樓F69號舖

餐廳係11:30開張，我11:30到達前面得一張枱我隨即幾分鐘落咗order 所以其實我之前order最多都係得一張枱落咗兩個餐，得一個餐嚟左在35分鐘之後，第二個餐都係冇嚟到發覺周圍嘅人得三份一嘅人係有嘢食嘅可想而知，出餐有幾慢同時嘢食質素都一般，有啲overpriced

將軍澳站上蓋商場裡的泰國餐廳並不多，不過六月頭在popcorn 二期開張了一間 - 泰雲 Mekha 。眼見在這兩星期，路經此店門前必有一大堆人等著位，今天就索性在下午六時半就來。同行的是我老友及其夫人，一個年年都去泰國旅行的老朋友，他算是半個泰國人，請他來聚聚舊及嚐嚐這店的出品，讓他評一評這泰國餐廳，合不合乎泰國的味道。知道商場舖地方有限，早些來總算還有少許座位就入座了。看到餐牌的菜式之多，也不遑九龍城的地道泰國餐廳多讓，還以為開在商場裡，廚房的位置應該有限，就不會有大多的菜式了。先來椰子花甲清湯，以濃郁的椰子水浸花甲，中和了泰國菜必備的酸辣，先開胃口再迎接以下濃郁味道的泰菜。炸冬蔭軟殼蟹，炸得香脆伴上冬蔭公湯料，口味獨特已是伴啤酒的美味。泰式煎蠔餅，帶著泰國風味的煎蠔餅，蠔肉粒粒大隻，碟裡鋪滿了粗肥的泰國牙菜，話不是泰菜也難。火山骨 - 我也吃過泰國的火山骨，雖然這店的火山骨陣容沒像地道泰國的像一座山般那麼澎湃，但惹味的香辣青檸醬汁，酸酸辣辣完全是泰國的口味。黃咖哩炒蟹，香濃的黃咖哩帶甜味配搭著新鮮的肉蟹，令人百吃不厭。咖哩汁吃剩建議大家不妨帶走，回家來過二食，加些什麼海鮮就悉隨專