泰雲

營業中

休息中

一心想食泰國菜，剛好經過這間餐廳，就決定試試。因不用等位，就直接入去食晚飯。我哋嗌咗一個河粉、一個飯、一份雞翼，同埋一杯飲品。當碗粉送到時，我想俾朋友試一啲，所以分咗一小碗俾佢，然後輪到自己食。結果發現，整碗河粉竟然已經冇咗河粉，只剩下一堆芽菜同埋伴菜，完全唔覺得自己食咗啲乜嘢。雖然我本身食量唔大，但食完呢碗河粉，真係覺得自己好似冇食過嘢。我朋友問我要唔要再嗌其他食物，但我堅決唔再俾機會它，我覺得賺錢係應該的，但唔係要賺到咁盡。碗粉小到誇張，只有碗係大。之後朋友嗌嘅豬手飯，啲肉又嚡，啲飯亦唔好食；雞翼好乾，奶茶完全冇茶味。後來我睇返其他食評，佢哋都話呢間餐廳嘅河粉食咗好似食空氣，我完全領悟到佢哋講緊乜。價錢並唔算平，而餐廳六點幾仲係完全冇客人，我都知自己中伏了。果然，冇人幫襯嘅店舖真係有原因。希望老細睇到呢篇文章，明白賺錢唔應該賺到咁盡，否則遲早冇人再上門！

今日星期日商場周圍都好多人見到呢間泰國菜有位所以就入咗去幫襯座位算係坐得舒服但係食物方面真係唔太抵食食物份量少到食完都唔飽要出去再搵嘢食兩碗船河 個碗就大但係可以睇吓湯個水位比個碗一半還要低可想言之份量有幾少？基本上食兩三啖就完完全唔飽味道一般 普普通通絕對稱唔得上好食以下呢個最經典係跟餐加$18加嘅小食兩粒蝦餅 成為$9舊一細份木瓜絲沙律 成惠$18至於茶水方面 非常一般低於一般茶餐廳水平整體嚟講非常之唔抵食唔會再去幫襯唔怪之得唔駛等位以呢個價錢嚟講食過湯粉連小食加嘢飲每人平均$115但係完全唔知食咗啲乜完全唔飽肚性價比非常之低

話說上星期日，當晚正值晚飯高峰期，想試的餐廳都幾長隊，所以朋友話食過呢間「泰雲」都OK、所以就直接入座。點了3樣菜，鮮蝦金邊粉、香茅雞翼，和芒果一口牛。樣樣都有水準，屬於色香味俱全。本人最喜歡芒果牛柳粒、因為芒果香甜、陪牛肉好夾，個醬汁酸甜微辣夠惹味，最後當然是全部清碟、每個餸都大量蔬菜做配搭、絕對係兼顧到營養。另外，金邊粉的鮮蝦雖然只有2顆，但好鮮味，醬汁更是另人齒頰留香！值得一試的餐廳。所以個人認為、並非一定要多人讚的餐廳才是好餐廳、偶有驚喜才是人生！

要預祝情人節，去了這家泰國菜。基本上喜出望外。手法十分正宗。本來想叫明爐烏頭魚。點知賣曬。唯有叫三個，一個醉貓炒河，一個炸軟殼蟹，和一個豬雞沙爹。第一個來醉貓炒河。基本上是搶住食。炸軟殼蟹也很脆。至於沙爹那個沙爹醬冇得頂。應該是曼谷的廚房，特別推介醉貓炒河，夠微辣，有點kicks。基本上是搶住食。三個餸，連加一也是$290。一定會再來, 因真的很方便, 就在腳下。記得以前將軍澳中心有個Food Court, 有間泰國菜，幾好食。呢間泰雲的廚房應該是哪裏來的。

去左試佢個下午茶，價錢其實都唔係好平，點左個菠蘿炒飯同焗蜜糖多士，菠蘿炒飯好有誠意，落咗好多肉鬆同菠蘿，但焗多士好腍，好似平時麵包加個雪糕喺頂，飲品方便，可樂較為冇氣。大家如果試，推薦菠蘿炒飯。

跟同事來此新開的店舖食LUNCH，出奇地竟然好少人，未知是否位置問題？食過以後又覺得唔算太伏丫，唔知點解無咩人幫襯。船麵(配豬肉片及豬肉丸)+泰式奶茶$88湯汁未算好濃稠，味道鮮甜帶微微辣味，河粉掛湯唔錯，豬肉片及豬肉丸發揮正常。帕能咖哩(雞肉)跟白飯+泰式咖啡$106帕能咖哩味道鹹甜中帶有微辣，撈埋白飯一齊食好開胃，雞肉都頗多，嫩滑不鞋口。要講唯一缺點是泰式奶茶及泰式咖啡都偏濃偏甜，要再加熱水沖淡較好。

將軍澳餐廳好難經營，因為香港人好挑剔。真係要好食先可以經營得到。今日去咗新開嘅泰國菜本身都冇太大期望，但係食落去真係幾唔錯喎，所以推薦比大家。菠蘿炒飯越食越多，其實菠蘿器皿好深，都幾多下。最鍾意另外放上的腰果和肉鬆。好似去新食泰國嘢都一定要叫芒果沙冰。龍眼冰亦都係一定出現在枱上。值得一提係小食拼盤，炸斑斕葉包雞好好味，一啲都唔乾，好Juicy。問吓侍應先知道原來都係廚師喺餐廳製造絕對冇叫貨。最後就到串燒啦，因為真係即叫即燒，所以小心熱親呀，而且醃得好入味，沙嗲醬一流。當日餐廳位置唔多，但係都坐滿晒人呢間我一定會再幫襯。

【西貢區】【泰雲】同美女朋友去行街，行將軍澳嗰幾個商場。行到有啲攰，就諗住搵間嘢坐吓。一男一女唔係吓吓都要用酒店嚟休息，有時坐吓餐廳都可以嘅。本身我對泰國嘢唔係太熱衷，但係見到呢間泰國嘢門口有易拉架寫住有吐司食，就有興趣。所謂吐司，咪即係多士。佢發辦叫嘢食實在太高興，我就只係開把口幫手食就得咁。咁呢啲自費項目唔係 job，自由度大好多。我哋食咗份 $58 嘅「菠蘿椰子蜜糖吐司」，普普通通啦，有美女朋友陪食就梗係好食好多。跟住食 $52 嘅「芒果糯米飯」，唔算大，亦唔算好好食，一般。我哋都有叫飲品，美女朋友飲 $15 嘅凍「泰式青檸檬茶」，佢覺得正常。我飲都係 $15 嘅凍「香茅蘭葉茶」少甜，我覺得都可以嘅。不過可能佢哋唔係主力做甜品，兩款食物我覺得都非常平庸，反而飲品就好啲。價錢方面加埋一就 $156，合理價錢囉算。。。（地址：將軍澳唐俊街9號PopCorn 2 1樓F69號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food

同朋友係將軍澳搵野食，見間舖頭新開就試下，野食好味，亦好大份。服務員亦好有禮貌，中途我地2個女仔打算自拍打下卡、服務員都好主動問駛唔駛幫我地影。個年青哥仔仲好有誠意咁幫手影左幾張。🤣

去到將軍澳揾食諗住試下新野，本身見openrice comment一般所以期望不大😛但食完比想像中好食，有驚喜😇🐱醉貓炒河🌶️叫左少辣但都真係唔可以睇少佢既辣度🥵係要邊食邊飲野嗰種🫣份量好多而且好足料，有豆角、肉碎、粟米仔、蕃茄蘿蔔、青黃椒🫑河粉偏闊身幾有咬口🫶🏻🦀香脆蟹肉奄列整體份量都多，食到有唔少蟹肉碎，但食落比較油，唔特別推薦😛🐟泰式酸辣明爐烏頭同炒河一樣，酸辣比好出，啲汁足足浸滿左成條魚😆有唔少細骨食嗰時要小心👀同埋魚冇刮到魚鱗，所以有啲拮口🧐我地當日去嘅時候酒精飲品做緊買一送一，但係只限同一杯飲品❗️我哋試過杯蝶豆花園嘅椰子汁味幾重，好易入口☺️除返開大概30幾蚊杯，同普通非酒精飲品差唔多，幾抵飲🤗 (⚠️不過餐廳無寫優惠做到幾時，建議大家到時要問吓仲有無)

叫兩碟炒嘢都有發泡膠，仲要一碟有幾粒，大家諗下平時食咗幾多落肚，明白芽菜有時會有發泡膠，但都應該洗乾淨啲，兩碟都有，食落口以為有啲煙韌嘅感覺，點知原來係發泡膠，每碟唔只幾粒，係兩三粒兩三粒咁黐住😱😰😰，最後仲要加一，無下次😡😡😡！叫兩碟炒嘢都有發泡膠，仲要一碟有幾粒，大家諗下平時食咗幾多落肚，明白芽菜有時會有發泡膠，但都應該洗乾淨啲，兩碟都有，食落口以為有啲煙韌嘅感覺，點知原來係發泡膠，重要唔止唔只幾粒，係兩三粒兩三粒咁黐住😱😰😰，最後仲要加一，無下次😡😡😡！

PopCorn新開嘅泰菜！唔使去九龍城都食到正宗口味。🌟炸冬蔭軟殼蟹 $98軟殼蟹香脆肉厚，面頭嘅冬蔭粉酸酸辣辣好開胃。🌟燒豬頸肉沙律 $98豬頸肉燒得好香，厚切彈牙，撈埋辣勁十足嘅醬汁，感覺清爽又惹味。🌟椰子雞湯 $108好少喺九龍城以外飲到口味咁正宗嘅椰子雞湯😆。酸味同椰香好平衡，香料味道好濃。🌟黃咖喱炒蟹 $488好大隻而且超多肉，呢個價錢幾抵食。黃咖喱香甜而且充滿蛋花嘅滑滑口感，撈飯就最啱。🌟泰式燒牛柳 $138表層燒得好香，裏面仲係好靚嘅淡粉紅色，肉質嫩滑仲有陣陣油脂香。🌟大蝦粉絲煲 $188蝦肉彈牙鮮甜，有好重胡椒、八角同埋泰式香料嘅味道，連粉絲都好惹味。🌟芒果糯米飯 $68芒果🥭特別甜！糯米飯煮得軟糯易咬，撈埋椰絲味道好香。🌟泰式青檸檬茶（凍） $30有陣陣香料味嘅泰式茶底，飲落去同平時嘅檸檬茶好唔同。🌟芒果冰 $42好滑好幼細嘅沙冰，芒果味好濃。

將軍澳新開泰菜餐廳！嗰日去朋友屋企玩，順便去樓下商場搵嘢食，就試吓呢間啦～環境幾靚幾打卡✨Menu上有好多選擇！大蝦粉絲煲 $188好高質！好鍾意食粉絲煲🤍火山骨 $168好開胃！朋友鍾意食呢個菜式～泰式海南雞 $118好滑、啖啖肉😋黃咖哩炒蟹 $488好吸引！😍大家都讚👍🏻椰子花甲清湯 $108幾清甜😋推薦👍🏻鮮蝦柚子沙律 $88柚子好甜，好鍾意呢個沙律🧡甜品：芒果糯米飯 $68椰汁雪糕 $58兩款甜品都幾好味🤤嗰陣做緊雞尾酒買一送一！（同款）蝶舞可樂撻 $68青檸咖啡G&T $68椰青 $48

將軍澳有不少的商場，這當然也有很多的餐廳可以選擇。最近就發現到一間吃泰國菜的餐廳。泰雲 主打地道泰國美食，星期五晚上有不少人在掛隊。最後被安排坐在吧桌的位置，那就大約等了15分鐘左右。價位都是偏高，不過放在將軍澳這區還是在商場內就好像見怪不怪。點了個 冬蔭功湯海鮮蝦河粉 (HKD 88)湯底的辣度很夠，酸味並沒有很重。香茅味較濃且愈吃愈覺得惹味。河粉就是將湯全部吸收了，夾起來不易爛這點不錯。海鮮有青口、蝦和魷魚，蝦是半拆了蝦殼就吃起來比較方便。馬莎文咖喱燒羊架 (HKD 168) + 油飯 (HKD 18) 點咖喱沒有配飯要另外點，那就加個油飯吧。近乎吃不出辣度的馬莎文咖喱，倒是有著淡淡的焦糖甜味和堅果香。另外羊架不論從貌相和吃落去的味道口感都與我的認知不太一樣。

超鍾意食泰國嘢，每次食泰國嘢都唔識飽！所以繼續眼闊肚窄，嗌咗超多份量！剛開業見到人流太多，所以冇去到幫襯，最近先醒起要試吓😂！整體味道中上，價錢適中，有啲餸份量都算大，多人一齊分享超級適合！可以再幫襯！鮮蝦蛋包金邊粉，粉口感偏濕，有兩隻蝦，蝦幾好食。泰式豬手，份量大，好多肉，有多豬手汁、林身，上面有鹹酸菜同埋有醬料提供，點埋一齊食勁好食 燒豬頸肉，好味，切得薄身口感好蒜蓉炒芥蘭，啲菜炒出嚟望落新鮮，味道適中