泰金國

營業中

休息中

六點幾黎到己有十幾個人排緊隊，一路都絡繹不絕，大概等左二十分鐘先有得入座！⏰餐廳由樓面，收銀同廚師都係泰國人主理，環境比較狹窄，衛生情況都一般般，但價錢相宜，選擇繁多，吸引好多食客幫襯！ 🦐生蝦擺盤有心思，蝦身以刺身上，蝦頭炸得鮮脆🍤。有8隻蝦，蝦肉彈牙厚肉，再沾埋泰式辣汁，個汁有好多蒜蓉同辣椒碎，又香又夠酸，相當之惹味！🐣泰式燒雞翼雞翼全隻上，火喉控制得好好🥰皮脆肉嫩，好有bbq既感覺，而且18蚊一隻，有人幫你燒埋又調左味，已經物超所值！🥩燒牛肉幾乎每檯都會嗌既菜式🤓即叫即燒，有得揀要五成或者七成熟。肉味濃郁多汁，份量澎湃🐄，入口嫩滑，性價比高，雖然有小小筋不過都可以接受。食既時候再點酸酸辣辣既泰式醬汁，味道好夾！記得要趁熱食，攤凍左肉質會變得比較硬，要咬耐啲🫣🍤皮蛋炸蝦餅餐廳招牌菜之一，蝦味突出，不過蝦餅唔係即炸，口感唔夠酥脆☹️，好彩皮蛋配埋蝦餅食有驚喜，糖心同蝦味好夾，蛋白亦都中和左炸物既油膩感！🥢濕炒河叫左濕炒雞河🐥，河粉係一般湯麵用個種，個芡汁好水汪汪，火喉唔夠，好似食緊打左芡既湯河。食多幾啖河粉仲要痴埋晒，要格硬分開，整到爛溶溶，好難食！🤢📍泰金國 九龍城侯王道9號地下A號

肉碎會與大量的香料和調味料一起炒製，例如蒜蓉、辣椒、洋蔥和香菜等，這些香料賦予了菜肴獨特的泰國風味。香料的香氣會充分釋放出來，讓整道菜肴散發出誘人的香味。泰式肉碎炒河的口感豐富多樣，肉碎的香辣味與柔軟的炒河相互融合，每一口都帶有濃郁的味道。

_泰金國 @ 九龍城🇹🇭泰國菜永遠都深受香港人歡迎😋而九龍城出名多泰菜我諗無人唔知喇呱🤣小編今次就為大家介紹九龍城呢間超人氣泰菜「泰金國」🥳當日是平日未到7pm門外巳經排哂隊👍🏻可想而知呢間食店幾受歡迎先得架🤣幸好小編二人巳齊人可先入座，如果唔係都可能要排一段時間，所以建議大家晚餐最好6點就黎排隊，因為人齊方可入座。💥招牌必食燒牛肉 HK$88基本上入到去都會聽到每一枱落單時都會點燒牛肉😋即叫即燒真係好好食，面頭有幾舊仲係有少少肥😍食一舊滿口油脂🤣而且肉都算嫩，肉汁豐富😋不過當晚我呢碟牛就好似熟左少少，如果生返少少應該更好🤩另外佢會跟一碟泰式醬汁，少少辣好香好惹味👍🏻👍🏻 評分 : 8.5 / 10💥泰式生蝦刺身 HK$108擺盤好鬼靚🤩好有誠意連埋炸蝦頭上碟👍🏻不過真係襯冰溶就好食喇，如果唔係就淋哂🤣🦐9隻蝦呢個價錢真係唔過份，重點「新鮮·彈牙」每隻蝦都大大隻而且好厚肉😋除左燒牛肉我覺得呢碟生蝦都一定係必點👍🏻👍🏻 評分 : 8.5 / 10💥泰式燒雞翼 HK$18/1隻燒雞翼我鍾意食，大大隻皮脆肉嫩，都算入味👍🏻普普通通不過不失🤣👍🏻 評分 : 7 / 10💥馬拉盞炒通菜 HK$7

終於再次食到泰金國啦！！！離開咗九龍城區後好耐無食，每次經過餐廳門口都大排長龍，就算幾熱的天氣都有人排隊，犀利！上星期趁假期特別過去九龍城逛一轉，見門口無人，入面又有位，即入！坐低！叫嘢食！燒牛肉餐廳必食item，即叫即燒，所以要等大約15分鐘。我選擇咗50%熟度，肉味好濃郁，而且爆多汁。我最鍾意嘅部分係，一大塊燒牛肉，最中間肯定會燒到5成熟，至於兩側的牛肉的確會比較熟少少，但又不致於熟至乾韌，更覺得食到另一種口感而開心，keep得住水準，大推！豬肉碎炒泰式粉絲主食方面分量比較大，女仔絕對可以兩份share住食。豬肉碎炒泰式粉絲好有鑊氣，略嫌稍鹹咗少少。泰式炒飯賣相雖然普通，但食落好有火候，鑊氣十足。而且有炒蛋、泰式腸仔、蘿蔔粒、豆角粒等等，都幾足料。飛天炒通菜麵豉醬汁過濃，有點過鹹。芒果沙冰難以抗拒的經典泰式飲品，用餐當日幾乎每枱都見到芒果沙冰的蹤影。椰汁沙冰大大杯，同樣超讚！

超好吃的泰式燒牛肉，人均150吃到扶牆走九龍城，泰國菜就得來這燒牛肉必點，胃口大的點兩份也可以泰式豬頸肉，值得試一試，但是豬頸肉不太喜歡泰式香草碎牛肉拌飯，你就找不到一道不好吃的主食，根本找不到

因為真係生氣！我黎食野點解要受氣？呢位姐姐拎錯碟送俾我哋，我準備想同佢講野時⋯⋯我：唔該～我剩係好聲好氣講左句唔該，都未講送錯野！佢掉張單俾我！！！就掉頭走what?!!!好似我做錯事咁。呢下我就真係嬲嬲地，我特登搬返碟送過去，見到佢見到我過黎（佢實知我想做咩啦！）佢扮見我唔到，掂行掂過，我話俾返張單佢，佢唔接仲當我無到😑於是我就掉返俾佢。其實佢啲同事個個態度都麻麻，都好無禮貌！-好多人叫燒牛肉，可以叫5成或7成，我哋叫左7成，硬硬地，普通。-芒果糯米飯唔錯，但係熱食，個人喜歡凍。-仲叫左碗海鮮湯河，足料！

今日去九龍城試咗一間泰國菜🇹🇭味道都好不錯🐓黃咖喱雞黃咖喱雞超好食，咖喱微微辛辣，咖喱汁混入好多滑蛋，用嚟撈飯100分💯雞肉嫩滑，份量好大🐷燒豬頸肉燒得好香，外表光到少少脆，咬落去有少少肉汁🧄蒜蓉包有六塊，蒜蓉牛油煩燒得好香，外脆內軟🥥椰子沙冰味道清新，唔會太甜，好適合鍾意椰子味道嘅人整體黎講，呢間泰國菜餐廳嘅餸菜同埋椰子沙冰都好好味😋😋🤤🤤餐廳係泰國人開，每樣菜式都好地道，而且價錢實惠，份量亦多，好抵食👍🏻

泰金國係我喺九龍城最鐘意嘅一間泰菜但夜晚實在要排太耐隊所以今次就試下外賣返屋企外賣大約等左20分鐘就有得拎-今日叫嘅都係我平時必叫嘅幾款❤️泰式豬頸肉沙律 $88分數：8/10豬頸肉調味好香不過都幾辣如果食唔到辣就唔建議叫呢個啦🙊-燒牛肉 $88分數：10/10呢個燒牛肉就係我愛上泰金國嘅原因一打開就聞到好香嘅炭燒味$88大大份質素又好真係好抵食👍🏻-馬拉盞炒椰菜苗 $88分數：8/10椰菜苗好新鮮 因為味道偏咸所以配飯嘅話就岩岩好-泰式乾炒海鮮河 $88分數：9/10乾炒系列係第二樣必食嘅野炒得夠乾身 食到尾盒底唔會有好多油料亦都好足-今次第一次叫佢嘅外賣比我預期中好唔會因為外賣無甘好食野食依然好香好夠鑊氣十分推薦😋

雖然等好耐但好彩無令我失望好好味好好食炒飯，超級有鑊氣分量超級足三個人食都要打包豬頸肉好入味又香口外皮酥脆好高質腐乳通菜好搭唔會好鹹唔會好老起渣恰到好處😚😚😚😚👍🏻

🇹🇭 🇹🇭 🇹🇭去完泰國旅行，掛住泰國菜，即係返去九龍城食下好耐無幫襯既泰國菜平時有食開都唔會失準，今次再介紹多次俾大家參考下生蝦刺身($108)係隱藏menu，餐牌同落單app都無，要直接同職員姐姐落單生蝦有八隻，隻隻都好多肉，又冰凍又彈牙，好有鮮味，沾左佢既酸辣醬汁，相當惹味仲炸埋蝦頭，好脆口入面亦有少量蝦膏，中意食埋蝦頭既朋友成隻食埋好滋味👍🏻👍🏻👍🏻燒牛肉($88)每次都order，之後都介紹過，今次確認係七成熟，製作15分鐘，切開細細件，一口牛既感覺好滋味，肉質好嫩唔乾唔韌，亦都唔會話好生👍🏻👍🏻👍🏻燒烏頭($158)天氣熱想食烏頭但唔想食明爐燒，所以order依隻燒烏頭，製作需時30分鐘烏頭算大條，好多肉好厚，外面燒得乾，但入面肉質好juicy，係肚既位置釀左好多香茅等香料，仲有少少檸檬香，令到附近既魚肉都好有香料味，附有同燒牛肉一樣既醬汁去沾，但個人比較喜歡配生蝦既酸辣醬汁

High expectations of this Thai restaurant due to many positive views, was a letdown 🙁☹️Pad Thai: Lacks flavour and very bland.☹️Deep Fried Prawn Cakes 🦐: Good that they were hot and crispy. However, there were not a lot of shrimp inside.☹️Stir Fried Morning Glory in Thai Style 🥬: Flavourful dish as the sauce is very flavourful. However, the saucers very soupy. Vegetables need to be fresher. There are several rough bites. ☹️Chargrilled Chicken Wings 🐔: This dish is better than the others. The chicken

📍泰金國 （九龍城）呢間餐廳係九龍城出名嘅泰菜，bookmark左好耐，整體黎講，呢度嘅野食喺九龍城抵食之選，但建議只叫燒牛肉同蝦餅，主食都較一般🙈🔸燒牛肉 $88招牌走唔甩係燒牛肉🌟似係燒牛扒😆唔怕生嘅記得叫5成熟，肉質有烤嘅香味得黎又保持到鮮嫩，唔會太韌，份量亦好多，配泰式辣醬夠惹味👍🏻🔸皮蛋炸蝦餅 $88呢樣係另一招牌🌟蝦餅彈牙香口，本人較少食皮蛋，但夾埋蝦餅食有流心嘅感覺，外脆內較，有surprise! 🔸泰式炒椰菜苗 $35炒椰菜苗不過不失，份量多，勝在抵食👍🏻🔸海鮮炒飯 $78海鮮有蝦同魷魚等等，足料👍🏻但味道較淡，食落有啲似食緊港式楊洲炒飯🥲🔸泰式肉碎生菜包 $88姐姐漏左單，生菜包等左半個鐘，懷疑太急補上菜關係，肉碎未調好味🥲生菜包叫左小辣但肉碎味道太淡，整體無咩泰式嘅香口同辣味，肉碎亦比較油，小失望🤧 今次未開店之前就黎排隊，點知已經有人龍，好彩大概排15分鐘入得😋想食記得早啲拎位👍🏻味道：🌟🌟🌟🌟環境：🔸🔸🔸

友人好好咁早到，排咗成個鐘（30幾度，排一個鐘💦），我放工一去就有得食😭太滾動！。我哋得3個人，叫咗6餸1湯3飲，好crazy，飽到3個鐘後都仲打緊飽「嗝」🫣樣樣嘢都大大份，又好味！。🥗『泰式木瓜沙律』$68🦐『活蝦刺身』🐟『明爐烏頭』$188🐮『燒牛肉』$88🥬『泰式炒芥蘭』$78🌶️『泰式冬蔭公(S)』$98🍤『泰式拼盤（大）』$148⋯⋯🥥『泰式椰子沙冰』$35🍉『泰式西瓜沙冰』$35🍋『泰式青檸沙冰』$35「青檸沙冰」有驚喜，飲落好似virgin mojito，有薄菏味；另外兩款就原汁原味。📍 泰金國 (九龍城)九龍城侯王道9號地下A號舖。好味指數：🌕🌕🌕🌕🌕回味指數：🌕🌕🌕🌕🌕

每次講到九龍城有咩食 都推薦既 #泰金國 〰️非常地道既泰國菜🇹🇭每次去都要排隊 大概15分鐘至20分鐘左右🕖味道方面真係不錯 特別推薦一定要食既係燒牛排😝！正常價位 性價比高既泰國菜🫶燒牛肉 $88即叫即燒既牛肉 上碟份量都幾大份 牛肉燒得剛剛好 好嫩 唔會太肥 保留到肉汁而且好香牛味🐮另外可以配埋酸辣汁一齊食 酸酸辣辣好惹味🌶️！醉貓海鮮炒河 $88第二次叫醉貓炒河 海鮮唔算多 都係魷魚片 🦑蝦仔🦐味道無第一次食咁好食 而且係普通河粉 相比soi.29就遜色少少🤏無比較無傷害🤣肉碎煎蛋 $78一開始以為有配飯 點知係小食 有啲似屋企既煎蛋🤣蛋入面有大量洋蔥🧅同肉碎 味道比想像中有驚喜 食落好香而且係好厚既蛋🥚如果配飯應該會好正〰️😝🍹青檸梳打 $28🍹泰式青檸沙冰 $35青檸梳打偏酸 沙冰會偏甜啲 兩款夏天飲都非常爽❄️🧊

曾经于旧舖试过晚餐，乌头鱼及咖哩蟹都令人一试难忘。睇过最近期评语后，一于旧地重遊，点不知........。时间晚上五点半，还是早，未有咁多人，一于早些进场，两位唔该，正所谓希望越大失望更大。但今次试新舖，品尝烧牛肉及招牌泰式咖哩虾，虽然份量系足够，整体而言，真教人失望😔。牛肉烧得唔香，暖暖地，五分钟不到就上枱怀疑系预制品。食落去，有渣，咬唔断，失望。咖哩虾，鸡蛋沟咖哩，甜甜地，咖哩味不香浓，失败。无论招呼与食物，都系旧舖好。本是想重搭回味的感觉，可惜叫我失望。而店员管制住你坐的位置，枱又窄又细，坐得唔舒服。临走时，见到有吉枱未有安排人坐，但外面就有多人等紧位，此举系咪想做到要等位受欢迎的策略，真叫人莫名其妙。