泰金國

營業中

休息中

由等位到用餐完結，俾咗錢先知係俾錢買難受，慶幸都算食得飽！帶位阿姐惡到好似追數咁，一副有得俾你食就好聽指揮咁樣，唔講以為佢哋做緊善事派飯，嘢食飛落枱，認清係咪自己落單㗎，可以一錯再錯㗎！食物質素普普通通，但相對份量夠大，味道都合格嘅！到埋單走，同一個帶位做埋收銀阿姐一樣人如其膚色，黑得發亮，唔講又以為差佢錢咁！不過，我認識嘅泰國人姐姐個個都好有禮貌，第一次嚟呢間咁嘅餐廳，大開眼界🫣#忙可以理解，但惡到咁樣wow#消費者想嚟食餐飯啫，唔係差你錢

一路都知道哩間泰國菜好出名，今次星期五收工專登約左fd黎試下😌7點到左就發現已經大排長龍，我哋排左一個鐘先入到去🤣食到先知原來排隊係有原因，啲野食全部都好滿意👍燒牛肉🥩好大一份.可以揀熟度，我哋揀左7成👌對我哋黎講啱啱好，牛肉表面稍微有啲焦焦哋，非常香口，唔點汁都已經好好食🤤個汁係鹹酸口，點落好開胃泰式炒粉絲唔知大家鍾唔鍾意食粉絲？我超級鐘意因為可以好入味！哩個粉絲就係入味嘅好範本，肉碎配上少少辣味，真係好正👍燒雞翼好味好味，係蜜糖味可以食冬陰功湯料好足！

#泰金國 CP值高1️⃣燒牛肉 $88🈵💯必叫一碟起碼成15件⬆️，超扺🤤🤤仲要佢嗰啲牛肉好淋，juicy 有肉味仲要好窩心，咁樣有得俾你揀5成定7成本人推介5成就fit2️⃣馬拉盞炒通菜 $78炒得好有鑊氣同埋惹味🌶️仲有得小咸小辣任客選擇裏面仲有好多櫻花蝦3️⃣泰式冬陰功(細) $98湯裏面有好多料有兩隻分咗一半嘅蝦🍤，仲要係有蝦膏嘅，海量菇🍄同herb 🌿但係我覺得可以再辣啲，再好味D4️⃣皮蛋炸蝦餅$88有8件，仲要啲皮蛋係流心嘅🫶🏻蝦餅同皮蛋比例好平均，仲要係彈牙下次會再叫5️⃣蒜蓉包 $28 （6件)好香蒜蓉味，下次如果烤得再脆，就💯6️⃣肉碎煎蛋濃郁蛋味，撈飯一流7️⃣生蝦好爽，佢將蝦頭炸埋，脆卜卜，好惹味，成隻食曬，唔會浪費8️⃣串燒雞翼即時燒，熱焫焫，ho juicy 評分:CP值🤤🤤🤤🤤🤤🤤🤤🤤/10環境👣👣👣👣👣👣/10價錢💸💸💸💸💸/10Encore ❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥/10📍泰金國 (九龍城)九龍城侯王道9號地下A號舖

原來九龍城嘅泰金國平日係有午餐㗎！跟住平日12點幾嚟到排，冇諗過都係full House等咗大概40分鐘先入到去🥹🍴泰式豬頸肉沙律 $88 (8/10)味道係比較酸酸辣辣，食到中間又有少少鹹香，豬頸肉份量好多好爽口，加埋生菜包住食！感覺第二次食好似偏酸咗啲咁🤣🍴燒牛肉 $88 (9/10)燒牛肉係炭燒，有一浸碳香嘅味，有少少醃過嘅甜味，牛肉食落去軟滑有牛味，份量都好足，泰式辣汁比較鹹，偏鹹辣都幾惹味 ！🍴泰式炒金邊粉 $68 (8/10)金邊粉超級大份，可以兩個人食！一個人會飽到反肚😂好有鑊氣，入邊有雞蛋芽菜，豆乾蝦花生碎，食落去濕濕地甜甜地，呢度係比較偏甜少少嘅，但食落去口感好豐富好足料。🍴泰式船河 牛 $68 (8/10)泰式船河轉左金邊粉，湯嘅金邊粉口感比較煙靭細滑，個湯香濃帶少少甜味，好有牛味！牛肉係安格斯靚牛肉，軟腍有牛味，份量仲要好足🥹好食！🍹泰式椰汁沙冰 +$15 (7/10)好似冇上次咁濃，但都ok！朋友飲嘅芒味就又假又甜，不了。推薦指數: 8/10平日午餐抵食到真係佛心，大碟飽肚又好食，下次都會再嚟！

今日係九龍城做野，九龍城出名食泰國嘢。同事帶我黎一間好地道嘅泰國🇹🇭餐廳，晏晝超多人食，出面排晒隊，要搵位都唔易，啲位有少少逼。📍九龍城泰金國我今次食左冬陰功肉碎金邊粉💰58本身我都好鐘意食泰菜甜甜辣辣好開胃，食辣黎講我係bb級平時譚仔係食5小辣，但是食泰菜都冇乜問題。今次真係睇小左呢間餐廳，個湯底真係好堅。🔥🔥🔥🔥勁辣對於一個食辣bb級黎講，但係好正🤩🤩🤩食得好爽，可能本人有自虐傾向😂😂😂，個餐本身係河粉仲可以免費轉金邊粉✨✨✨餐包汽水10分滿分）價錢：7.5/10味道：7/10環境：6.5/10

九龍城出左名係多泰國菜既地方，所以想食泰國菜必定會諗起九龍城，今次就上侯王道9號泰金國，好多人排隊，目測大約20人等緊，等左半個鐘就有位，餐牌上種類多，推介一定要食燒牛肉，即燒好香好好味

九龍城真係好多間唔同既泰國菜，今次就黎左呢間泰金國佢有個拼盤幾正，有個炸皮蛋，炸蝦餅etc，幾特別，都幾好食，我覺得佢既炸野係唔錯金邊粉有d普通，但未算去到唔好食，有d乾同唔算好入味唔知係咪趕收工，炒既野全部都打風咁款😂馬拉盞通菜係唔錯既，唔算好辣，食落都幾入味不過呢間衛生情況好一般，環境都唔算好舒服，有改善空間，同埋價錢上，九龍城係有其他性價比較高既餐廳，除左炸皮蛋，試一次就夠了，唔洗再黎都得

約左朋友去九龍城食野～九龍城都係岀名食泰菜 所以揾左陣就決定食呢間泰金國🇹🇭聽講係長期排隊的餐廳但我地可能太晏 只係等左兩張就有得入☺️三個人叫左好多野食食完之後每次想食泰菜都係黎呢到😝▫️燒牛肉印象最深刻係燒牛肉！果然好岀名係有原因🤣🤣有炭燒味～美中不係叫左5成 但黎到好似7,8成咁🥲但都好彩燒牛肉有牛味，也不韌▫️冬蔭公湯叫左細既 都幾大碗入面落左番茄 酸得黎都幾好飲🙈🙈好多菇同有三隻大蝦 開左邊食得方便少少▫️皮蛋炸蝦餅炸得都好香同彈牙 但覺得皮蛋味唔重怕皮蛋既朋友都可以試下但我鐘意皮蛋就俏嫌唔夠味🤣🤣🤣▫️泰式肉碎生菜包生菜包同外面賣既味有少少唔同好似濃味少少 汁都深色啲( ◜‿◝ )*.✧但都幾辣 如果唔食得辣記得叫少辣！▫️泰式酸辣鳳爪好大盤！無諗過份量咁大同其他地方味道相似▫️泰式金邊粉好食！朋友話係香港top 3既金邊粉都有海鮮 份量都幾多飲品方面叫左芒果同椰子沙冰芒果沙冰好似用新鮮芒果無糖水味👍👍總結而言 食物味道好 服務都好好 ♪( 'ω' و(و"下次會黎試下咖哩蝦 見到好似好好食🤣📍 泰金國 (九龍城)九龍城侯王道9號地下A號舖

今日經過九龍城，來到出名的泰金國食午飯。我和朋友等了10分鐘才能入座。我們點了泰式豬肉炒粉絲，泰式冬蔭功肉碎湯河和燒牛肉。炒粉絲份量多，味道不錯。燒牛肉我們點了5成熟，非常嫩口香脆，不會咬不開，配上醬汁非常好味。

以前食泰金國啲嘢係一種享受，而家食係俾錢買難受，好久冇去食過今日過開九龍就同朋友去食下，坐哋見啲樓面服務態度就只能用呵呵兩個字代表🤣🤣用餐時間75分鐘我哋笑了應該係香港最短嘅用餐時間吧？算啦！反正我哋會係75分鐘內吃完走人😅兩個人叫一個生菜包一份牛肉一個金邊粉想嗱嗱聲食完走人，結果生菜包像水煮肉多一點吧？燒牛肉又韌又多筋有啲都咬唔爛嘅我哋都好奇怪點解會變成咁？上網一查原來呢間泰金國已經轉讓出去了，真正泰金國搬左去大角咀以後應該不會有下次了呢間可以say Goodbye（完）

從舊店吃到搬新店，吃了快5年，暑假剛去完泰國🇹🇭依然覺得這家店是我心目中的第一5年吃過不同菜式，以下幾樣，是我每次去必點。☀️燒牛肉🥩可以選5成熟或7成熟，有時候7成會燒成9成熟，變過熟燒得好時，中間的肉粉嫩粉嫩的肉質香口肉嫩，最最最精粹的是醬汁，酸酸辣辣，超級惹味，跟牛肉絕配👍🏻☀️燒雞翼🐤有炭燒的香味，醃得很入味但有時會烤焦，很看運氣，雞翼和牛肉都是即叫即燒，大約等15分鐘。☀️醉貓肉碎炒河個人較喜歡河粉，多於金邊粉，河粉炒得乾身，但每一條都沾滿醬汁，每一口都很香，很有鑊氣，份量大，是必點的主吃☀️馬拉盞通菜不吃辣的可以選小鹹、小辣，鑊氣十足，馬拉盞有XO醬的鹹香味通菜也炒得爽脆☀️芒果沙冰有人說太甜，但其實可以選少甜，是用新鮮芒果製作而成沙冰配上辣辣的泰國菜，一流。之前還吃過生蝦、冬陰功湯、燒豬頸肉、蒜蓉包、生菜包、泰式金邊粉、咖喱、明爐烏頭，但覺得跟其他泰國菜店差不多所以比較推薦以上的菜色。💰俾大家參考，兩人大約$350

食泰國菜一定會諗起九龍城，黎到九龍城有好多間大大小小的泰國菜餐廳。今次同朋友食泰金國。因為今日晏左食午餐所以晚餐重好飽，只係叫左少少野黎食下。泰式金邊粉酸酸甜甜的醬汁加上金邊粉，上菜速度快，一上到枱熱騰騰的，真係好吸引🤩泰式凍蝦有d餐廳碟凍蝦真係好冰凍，但這裡的凍蝦上枱時唔會凍到超硬成舊石頭咁，軟硬適中加上佢個泰式醬真係無敵泰式鳯爪比生蝦醬更惹味,因為個汁做到辣辣地，配無骨鳯爪真係好得。食到停唔到口。芒果沙汁泰國餐廳的芒果沙冰比飲品店飲的味道更香濃雖然店面唔算好大但係食物好好味🤤

嚟到見門口好長一條人龍，咁啱有2人枱，我同朋友都未開始排隊已經入得（前面排緊啲人應該憎我哋🤣🤣🐮燒牛肉 $88 （9.5/10）份量勁多，五成熟口感嫩滑，有牛味，配搭微辣嘅泰式辣汁，非常惹味。好抵食..肉質真係啖啖軟嫩. 而且肥瘦適中.燒烤味好出...牛味出色！總之就cp値高🙋🏻🐚白灼螄蚶 $98 (8/10)唔算太多地方有得食，見到即時要試下。肉質鮮甜同埋洗得好乾淨。抵讚呢個係配生蝦汁refresh，比牛肉嗰隻汁辣好多🌶️惹味好多！！即刻忍唔住嗌杯嘢飲（可以揀生啲/熟啲～細心🦐蝦膏炒飯 HK$78 (7.5/10)蝦膏味道唔太突出，但有啲蝦乾炒香幫補下，蝦都算新鮮。賣相雖然普通，但食落好有火候，鑊氣十足。而且有炒蛋、泰式腸仔、蘿蔔粒、豆角粒、蝦、蕃茄等等，足料 ٩(˃̶͈̀௰˂̶͈́)و 🇹🇭 泰式奶茶$25 (7.5/10)少甜下都屬偏甜，有別於港式奶茶嘅偏茶濃奶香，呢間茶味比之前食嘅其他泰菜更出，同時奶香亦夠！口感滑身唔澀🧋

📍泰金國🇹🇭｜九龍城九龍城泰國菜一直享負盛名而 #泰金國 更加係出名人龍店每次都起碼要排半個鐘左右······························✷ 燒牛肉｜$88必叫招牌菜之一，見度檯檯都有碟咁濟牛肉內裡粉嫩，肉質嫩滑且多汁✨配埋泰式酸辣醬汁更加開胃✷ 泰式炒金邊粉｜$78金邊粉炒得乾身唔油膩，頗有鑊氣有蝦、蛋、花生碎等配料，大碟又足料♡✷ 炒馬拉盞通菜｜$60通菜炒得爽脆🥬味道鹹香，非常惹味✷ 椰青🥥｜$42

好多人話九龍城泰金國非常之好食，平時排隊排到傻，平日晏晝見冇乜人就試吓，基本上每樣嘢都好食，係皮蛋蝦餅有啲食得唔係太習慣可以唔使叫，豬頸肉同埋燒牛肉係一定一定一定要叫嘅真係非常之好食！🍴泰式豬頸肉沙律 $88 (9/10)豬頸肉份量好足切得很薄，爽口彈牙，好有泰式風味辣辣地，佢加咗青檸味道肉更加清新，中和豬頸肉肥膩感，生菜係一片片嘅生菜，好似生菜包豬頸肉咁食法幾得意！🍴皮蛋炸蝦餅 $88 (7.5/10)蝦肉好彈牙好有蝦味，配上皮蛋嘅澀味，加上泰式酸辣汁，一種新鮮特別嘅味道！🍴燒牛肉 $88 (9.5/10)份量勁多，五成熟口感嫩滑，有牛味，配上香就辣嘅泰式辣汁，非常惹味。🍴泰式海鮮炒粉絲 $88 (8/10)粉絲份量好足，炒得香口乾身，入邊有蝦仁魷魚蕃茄同炒蛋，一啲都唔辣都幾好食。🍹泰式椰汁沙冰 $35 (8.5/10)椰汁沙冰好香椰味，椰汁味非常濃郁同出邊嗰啲椰汁沙冰好唔同，就算少甜都好夠味好好飲！🍹泰式芒果汁沙冰 $38 (8/10)芒果喺新鮮芒果去打？成杯嘢係非常杰撻撻，又係好濃郁好好飲，唔會太甜。推薦指數: 9/10真心幾乎每樣嘢都好好食，價錢都唔貴，真係食飽咗仲可以食兩啖嗰