泰金國

營業中

休息中

除左日式第二好就係泰國嘢小妹特別好泰國生菜包太耐無食真喺好掛住問下我男朋友哩個美食字典佢話有次搭車經過九龍城見到有檔泰國菜排隊轉幾個彎不如今日人少少好“朝聖”一下出發去到當然唔少得排隊環節粗咯估計都排咗30分鐘非繁忙時段仲要星期四睇完menu我哋決定叫四個最穩陣嘅作品「炒金邊粉」味道尚算可以,不過我唔好澱粉,所以無乜太大感覺「生菜包」好新鮮,分量好足而且啲肉碎有特別加咗調味.感覺同出面啲好唔同「燒牛肉」成餐飯靈魂所在，我覺得佢啲燒牛肉同出面牛扒水準差唔多.絕對算得上有驚喜肉質鮮嫩，好有咬口，紅紅哋咁樣望落好吸引「酸辣鳳爪」唔算特別出色,可能有燒牛肉“泰出息”嘅出現.無咩令到我有特別記憶點成餐飯埋單420+ 整體嚟講確實喺好食不過如果要排一個鐘 我未必會繼續排而家聽聞延遲營業時間去到十二點真喺想食寧願搏佢夜晚嚟無咁多人味道：🌟🌟🌟🌟🌟環境：🌟🌟🌟服務：🌟🌟🌟性價比：🌟🌟🌟🌟📍 泰金國 (九龍城)九龍城侯王道9號地下A號舖

太太最好的泰國餐廳, 講左好多次, 終於黎食。有勞太太排隊一小時, 我收工過到黎岩岩好入得。聽聞以前係人手落單, 因為有限時75分鐘, 只可以落一次單, 冇得加單。但依家升級左QR code自己落, 唔夠食就可以加單, 又或者落住先又好, 唔洗咁緊張話一定要一次過叫齊。上菜速度快, 唔洗幾耐啲野就齊晒。4個人, 叫左生蝦, 冬陰公湯, 醉貓海鮮炒金邊粉, 烤牛肉, 同燒鰂魚, 外加三杯沙冰。除左個冬陰公湯太咸之外, 其他野真係好食。依家好後悔冇叫烤雞亦同烤豬頸肉。可以一戰。

今日同同事去泰金國食午飯，午飯時間非常多人，我們等了20分鐘才被安排入座。我們用了QR code落單，我點了冬蔭功肉碎湯河，附送忌廉。冬蔭功湯底香濃惹味，辣味十足，整體不錯。我聽到周圍的食客好多都點了燒牛肉，下次再來會試試。

✨泰式乾炒豬肉金邊粉有豬/牛/雞三選一，我地揀咗豬肉🐷反而三碟之中 金邊粉最好食🫢🤩佢炒得好有鑊氣，好有鹹香，食唔停口！粉係幼身，但唔會痴埋一舊舊咁。而豬肉都有唔少舊，硬度適中，亦有適當嘅調味，碎炒蛋幾好食。✨馬拉盞炒通菜喂..呢個貨不對辦嘅，同手機落單嗰張圖唔一樣，我仲預佢係冇咁多辣汁，以為係普通蒜炒通菜。加左啲辣汁係開胃少少，味道特別啲，不過我覺得唔加應該會更好食(●°u°●)​ ✨燒牛肉佢製作時間約15mins㗎～真係燒得好香，以為去食燒和牛😂😂呢款生牛肉其實食落好香和牛嗰種燒味，有幾細舊偏肥。最可惜嘅係佢真係超級難咬😭😭韌到傻。。最鍾意佢嘅特製辣醬！唔會好辣，好有泰式風味。✨泰式芒果沙冰食咁多味精嘢辣嘢都需要飲凍嘢解一解😋呢一種相對冇平時飲嗰啲芒果沙冰濃芒果味，但又飲得出唔係芒果醬嗰種味

放假休閒地由北角搭船去九龍城，九龍城太多選擇但最後都係揀返泰金國。因為太掛住佢地個燒牛肉同燒雞翼😋😋今次5點幾已經去到排隊，最後都排左差唔多一個鐘先有得食。今次叫左1️⃣燒雞翼：雖然雞全翼食落比較麻煩，但燒全翼先可以保留到燒雞翼既肉汁。💟2️⃣燒牛肉：燒牛肉要半生熟 當然今次都係好好味牛肉燒得恰到好處👍3️⃣白灼螄蚶：唔算太多地方有得食，見到即時要試下。肉質鮮甜同埋洗得好乾淨。抵讚👏4️⃣泰式海鮮遊船河：湯底有特色同平時船麵唔同。5️⃣馬拉盞炒通菜：炒得好香而且唔會太咸👍

特意帶兩老到九龍城第一泰國餐廳試試佢！六點排隊 排左差唔多一個鐘大熱天時 完全無阻大家想食泰國野既意欲 條隊愈排愈長 我地八點左右食完仲見到大隊！ 一入餐廳坐低就叫飲品食泰國野必叫椰青！上菜速度好快！ 但唔好預有服務落單都係全自動～泰式海鮮沙律 $88- 有啲青口，蝦，肉碎， 酸酸辣辣，做開胃菜幾好 ！蒜蓉包 $28- 外脆內軟～用爐燒係唔同啲！- 點咖哩好食！- 蒜蓉味道同其他泰國餐廳既都差唔多～明爐烏頭 $188- 比我揀多次我會係冬天先會再叫火爐魚- 首先大家都坐到好迫，雖然餐廳有冷氣 都係一身汗 - 加上條魚原來都幾辣，事先唔知道咁辣 😆泰式濕炒海鮮河 $88- 比起金邊粉，我地比較喜歡濕河- 圖中所見海鮮無太多 - 有啲似菜遠肉片炒河，廣東濕牛河的經典之一馬拉盞炒通菜 $78- 超多汁，夠味唔太鹹！最緊要食完唔口渴！同埋超大碟～ 唔係小菜幾條！抵食！泰式咖哩炒青口 $158- 點蒜蓉包真係好好食！ 呢個比起明爐烏頭/海鮮沙律真係一啲都唔算辣 ！- 青口新鮮程度正常發揮！泰式拼盤（小） $108 - 四個人黎講好似叫得太多野食，如果揀一個SKIP我會揀呢個拼盤 。- 唔係太突出

#港女覓食到九龍城今次同4位友人去食下泰國菜，我地揀左餐廳泰金國去朝聖下！餐廳12點開門，我地12:07pm去到已經有人龍要排隊，排咗一個鐘先有得食🫠值得一話係佢所有野食真係熱辣辣上枱，但你要去食嘅話就真係要有心理準備要排隊😂基本上餐廳全部菜式都係即叫即整，耐心等候下就會有得食架啦。✨泰式拼盤 $148入面有蝦餅、魚餅、炸雞卷、皮蛋炸蝦餅，全部新鮮即炸熱辣辣，魚餅香茅味好香好食，而炸物啲粉唔會太厚。✨泰式炒金邊粉 $68第一碟上嘅菜式，所以覺得特別好食，繼續係熱辣辣上枱，欣賞佢金邊粉唔會痴埋一嚿，而個汁甜甜地岩岩好，蝦仁食到冇雪味。✨馬拉盞炒通菜 $78個馬拉盞嘅蝦味好出，唔會太辣~✨泰式冬蔭公 (細) $98酸酸甜甜好開胃，唔會覺得係用粉溝出黎，食落真材實料!✨泰式肉碎生菜包 $88肉碎好香，岩岩入口以為唔太辣，點知啲辣係後勁先出，但可以接受夠惹味。✨燒牛肉 $88啲牛肉燒得有啲過左火候食落有啲韌，有啲失望；但佢個汁調得好惹味，點埋就可以提升肉嘅味道。✨泰式菠蘿沙冰(少甜) $35最遲上嘅一杯嘢飲，因為佢沙冰真係逐杯整；菠蘿味好味，飲落唔會覺得係用糖漿假嘢整，係飲得出有真水果菠蘿味

同朋友收工黎食平日2人五洗等太耐😍多數大枱要等——-所以野都係我去親必食😍🔹燒牛肉 $88可自行選擇5成/7成我呢d野人就食5成剛剛好！唔會鞋，都唔會血淋淋，放心❤️🔹燒雞翼 $36@2隻好似去左bbq食既燒雞翼甘燒物全部都即燒👍🏻🔹生蝦 $108算大隻～好新鮮～唔會霉蝦頭炸到好香口👍🏻🔹招牌泰式咖喱炒蝦🍤 $218好大碟～最少有8隻大蝦🍤佢個汁好好吃配飯/蒜蓉包都正🔹蒜蓉包 $28/6件唔會太硬～蒜蓉味好香👍🏻🔹飛天通菜 $78可選擇辣度係豆瓣醬,辣椒🌶️炒平時出面都小有🔹泰式菠蘿沙冰.泰式椰汁沙冰🍧 $35@1係我必叫既飲品🍸好smooth仲有得少甜📍門口有咪錶泊車好方便

這間位於九龍城的泰國菜餐廳，必定是泰國菜的首選，經常有長龍排隊的情況，所以提前多點時間是必要的。但是，我可以告訴你，它值得等待！這家餐廳的招牌菜是燒雞翼，每隻只需18蚊。這是一種全隻上菜的燒雞翼，色澤金黃，外皮烤得香脆，內裡多汁嫩滑。咬下去時，你可以感受到肉質的鮮美，絕對是一種令人難以抗拒的美味享受。另外，他們的燒豬頸肉也是一絕！肉質有彈性，咬下去時帶來即時燒烤的感覺，讓你彷彿置身於泰國的街頭美食攤中。這道菜物超所值，口感絕佳，絕對能夠滿足你對於泰國燒烤的渴望。除了這些招牌菜，餐廳還提供各種傳統泰國菜式，如泰式拼盤、冬蔭功湯等，口味地道，豐富多樣，記得試埋佢Ｄ沙冰，都好好飲。雖然，餐廳的服務就一般一盤般，可能人客多人手少，但有效率，食物都上得好快。總而言之，這家九龍城的泰國菜餐廳是一個值得一試的地方。它以燒雞翼和燒豬頸肉為招牌菜，味道美味，價格實惠。如果你喜歡泰國風味的燒烤美食，這裡絕對是你的首選！

招牌燒牛肉韌咗，小食出色，嘢飲滿分，整體還是愛的🫶・・・・・・・・・・・・・・・・・・・・🥩 燒牛肉 5成熟 HK$88・味道：依然牛味重，黑椒香🫶・口感：但韌咗好多🥹多筋sad⋯⋯🐤 泰式酸辣鳳爪 少辣 HK$88・味道：冇乜味，白烚為主，酸辣味亦欠奉☹️・口感：爽脆desu🥬 泰式生菜包 少辣 HK88・味道：肉碎好重香料味，正！・口感：爽口新鮮的～🦐 蝦膏炒飯 HK$78・味道：冇乜蝦膏味啵，不過有啲蝦乾炒香幫補下，蝦都算新鮮。・口感：蝦唔夠爽，有啲淋淋地但又唔係霉。飯係炒得夠乾身的～🥦 飛天通菜 少辣 HK$78・味道：好食，好喜個隻泰式豆鼓keke，炒得幾香但穫氣唔夠重，可能以汁為主。・口感：爽脆唔苦的🍗 泰式燒雞翼 HK$72・味道：呢個出色，醃得入味但唔會鹹。・口感：好嫩滑，每一個位都好嫩，有雞汁添！波爸波妹大讚款👍🍤 皮蛋炸蝦餅 HK$88・味道：皮蛋同蝦餅幾夾，不過比起上次皮蛋芯實淨咗，軟返啲會更好食～但呢碟係惹味好食的！・口感：外脆內彈口keke🥥 泰式椰汁沙冰 少甜 HK$35・味道：好香椰汁味，少甜對0甜波嚟講啱啱好～・口感：有小小冰粒但OK可以接受🥭 芒果沙冰

終於食到泰金國🥹平日夜晚上都勁多人排隊，又熱又落大雨，排到半個鐘個陣勁想走😂😂 舖頭都算坐得多人，環境就普普通通~⧐冬陰功蝦湯🌶🥣冬陰功係用大虎蝦🦐肉質尚算新鮮嘅🤔辣度揀左小辣，個人覺得唔夠酸，整體都ok的！⧐ 燒牛肉🥩重頭戲燒牛肉係我最愛🤤👅點左5成熟，好有牛味，點埋泰式醬係一流🫶 果然無令我失望🥹⧐ 泰式炒粉絲本身嗌左金邊粉，但黎左個濕炒粉絲😂味道亦都同泰國差唔多👍👍⧐馬拉盞炒通菜炒菜好大碟🙌比起岀面無咁濃味 ，鑊氣夠🫶⧐芒果🥭冰沙、提子🍇冰沙冰沙唔知係咪加左好多糖水，芒果個杯超甜😹😹提子就正常野~

六點幾黎到己有十幾個人排緊隊，一路都絡繹不絕，大概等左二十分鐘先有得入座！⏰餐廳由樓面，收銀同廚師都係泰國人主理，環境比較狹窄，衛生情況都一般般，但價錢相宜，選擇繁多，吸引好多食客幫襯！ 🦐生蝦擺盤有心思，蝦身以刺身上，蝦頭炸得鮮脆🍤。有8隻蝦，蝦肉彈牙厚肉，再沾埋泰式辣汁，個汁有好多蒜蓉同辣椒碎，又香又夠酸，相當之惹味！🐣泰式燒雞翼雞翼全隻上，火喉控制得好好🥰皮脆肉嫩，好有bbq既感覺，而且18蚊一隻，有人幫你燒埋又調左味，已經物超所值！🥩燒牛肉幾乎每檯都會嗌既菜式🤓即叫即燒，有得揀要五成或者七成熟。肉味濃郁多汁，份量澎湃🐄，入口嫩滑，性價比高，雖然有小小筋不過都可以接受。食既時候再點酸酸辣辣既泰式醬汁，味道好夾！記得要趁熱食，攤凍左肉質會變得比較硬，要咬耐啲🫣🍤皮蛋炸蝦餅餐廳招牌菜之一，蝦味突出，不過蝦餅唔係即炸，口感唔夠酥脆☹️，好彩皮蛋配埋蝦餅食有驚喜，糖心同蝦味好夾，蛋白亦都中和左炸物既油膩感！🥢濕炒河叫左濕炒雞河🐥，河粉係一般湯麵用個種，個芡汁好水汪汪，火喉唔夠，好似食緊打左芡既湯河。食多幾啖河粉仲要痴埋晒，要格硬分開，整到爛溶溶，好難食！🤢📍泰金國 九龍城侯王道9號地下A號

肉碎會與大量的香料和調味料一起炒製，例如蒜蓉、辣椒、洋蔥和香菜等，這些香料賦予了菜肴獨特的泰國風味。香料的香氣會充分釋放出來，讓整道菜肴散發出誘人的香味。泰式肉碎炒河的口感豐富多樣，肉碎的香辣味與柔軟的炒河相互融合，每一口都帶有濃郁的味道。

_泰金國 @ 九龍城🇹🇭泰國菜永遠都深受香港人歡迎😋而九龍城出名多泰菜我諗無人唔知喇呱🤣小編今次就為大家介紹九龍城呢間超人氣泰菜「泰金國」🥳當日是平日未到7pm門外巳經排哂隊👍🏻可想而知呢間食店幾受歡迎先得架🤣幸好小編二人巳齊人可先入座，如果唔係都可能要排一段時間，所以建議大家晚餐最好6點就黎排隊，因為人齊方可入座。💥招牌必食燒牛肉 HK$88基本上入到去都會聽到每一枱落單時都會點燒牛肉😋即叫即燒真係好好食，面頭有幾舊仲係有少少肥😍食一舊滿口油脂🤣而且肉都算嫩，肉汁豐富😋不過當晚我呢碟牛就好似熟左少少，如果生返少少應該更好🤩另外佢會跟一碟泰式醬汁，少少辣好香好惹味👍🏻👍🏻 評分 : 8.5 / 10💥泰式生蝦刺身 HK$108擺盤好鬼靚🤩好有誠意連埋炸蝦頭上碟👍🏻不過真係襯冰溶就好食喇，如果唔係就淋哂🤣🦐9隻蝦呢個價錢真係唔過份，重點「新鮮·彈牙」每隻蝦都大大隻而且好厚肉😋除左燒牛肉我覺得呢碟生蝦都一定係必點👍🏻👍🏻 評分 : 8.5 / 10💥泰式燒雞翼 HK$18/1隻燒雞翼我鍾意食，大大隻皮脆肉嫩，都算入味👍🏻普普通通不過不失🤣👍🏻 評分 : 7 / 10💥馬拉盞炒通菜 HK$7

終於再次食到泰金國啦！！！離開咗九龍城區後好耐無食，每次經過餐廳門口都大排長龍，就算幾熱的天氣都有人排隊，犀利！上星期趁假期特別過去九龍城逛一轉，見門口無人，入面又有位，即入！坐低！叫嘢食！燒牛肉餐廳必食item，即叫即燒，所以要等大約15分鐘。我選擇咗50%熟度，肉味好濃郁，而且爆多汁。我最鍾意嘅部分係，一大塊燒牛肉，最中間肯定會燒到5成熟，至於兩側的牛肉的確會比較熟少少，但又不致於熟至乾韌，更覺得食到另一種口感而開心，keep得住水準，大推！豬肉碎炒泰式粉絲主食方面分量比較大，女仔絕對可以兩份share住食。豬肉碎炒泰式粉絲好有鑊氣，略嫌稍鹹咗少少。泰式炒飯賣相雖然普通，但食落好有火候，鑊氣十足。而且有炒蛋、泰式腸仔、蘿蔔粒、豆角粒等等，都幾足料。飛天炒通菜麵豉醬汁過濃，有點過鹹。芒果沙冰難以抗拒的經典泰式飲品，用餐當日幾乎每枱都見到芒果沙冰的蹤影。椰汁沙冰大大杯，同樣超讚！