泰象館

營業中

休息中

泰象館我幫襯左好多年嫁啦，超過七年了，咁多年來我去親九龍城一定會食泰象館，老闆有人情味，去親都認得我，仲記得我唔太食得辣，一食親就會流汗，每次見到我都會主動提我叫小辣🤣🤣🤣我每一次去泰象館都會叫以下嘅菜式🍽甜酸鳳爪沙律呢個真係好辣㗎，所以我唔太食得辣都會叫小辣，如果叫唔辣就相對冇咁香口好味，夏天食嘅話甜甜酸酸特別開胃🍽炒金邊粉我覺得佢最出色嘅地方係面嗰陣煎蛋厚薄恰到好處又唔太油🤭🤭🤭🤭最緊要廚藝幾高深先做到呢個效果🍽菠蘿炒飯出色好味冇得頂！菠蘿新鮮可口，而且份量都好夠食㗎🤭🤭🍽生菜包配炒豬肉豬肉香口而且唔會太鹹，生菜新鮮爽口，兩樣夾埋一齊嚟食真係好好味呀👏👏🍽炭燒豬頸肉價錢方面，佢個價錢都算係適中，只能講有好多時叫泰國菜，錢就俾咗，但係食落口真係未必會令人開懷。不過去泰象館你一定唔會失望！

宋皇臺站開佐之後，去九龍城食泰國菜真係好方便。7點左右左右去到已經好多人等緊未，既然咁多人等位應該好好食兩個人試佐四款菜蒜蓉包--------------$27味道不過不失，$27有四塊都算幾抵食明爐青檸蒸烏頭---------------$148兩個人食size啱啱好，味道清新，送飯都一流飛天通菜----------------$62價錢略貴，菜太鹹，唔多抵食，下次可以試下其他菜款生蝦--------------$98蛋包鮮蝦金邊粉----------------$76好味道，值得再嗌

大部分人來到九龍城，都是想食泰菜，而這一間老字號泰象館，就好多人食。Menu好多菜色選擇，是泰菜館的茶餐廳版，是迎合港人口味的港式食物。餐廳裝修充滿泰式風味。酸辣豬頸肉沙律，裏面有很多蔥段、香芹菜、洋蔥，還有紅蘿蔔、生菜……等等，酸酸辣辣帶甜，好惹味，連配菜都給我食哂。燒鰂魚面上還帶有一粒粒經燒過的鹽及被燒得帶啡金的顏色，好吸引，魚皮已經被廚師切開 ，隻需輕輕一揭，就可揭開魚皮，裏面一股蒸氣飄出，帶著魚的香味，新鮮熱辣辣。魚燒得剛剛好，非常多肉汁，肉質又嫩又滑的，配上酸甜醬汁，味鮮及惹味~~泰式牛肉濕炒河，湯汁很足，配菜有 芥蘭、紅蘿蔔及秀珍菇，牛肉切得頗薄，有牛味又不會靭。河粉一大片一大片的，滿滿的挂著滿帶著高湯的湯汁，又軟又滑又入味，超美味的，正~~~

最近愛上左去九龍城試唔同嘅泰國菜餐廳🇹🇭今日就試左呢間都好受歡迎嘅泰象館 店內座位唔算好多 想食記得訂位 因為夜晚都幾多人排隊架😆呢到食物選擇非常豐富 淨係咖喱都有多款選擇 仲有燒烤類 真係花多眼亂😍 今晚我哋就食左以下食物：🦀南瓜咖喱軟殻蟹必點👅 份量好多 好有噱頭咁用南瓜盛載住咖喱 賣相吸引🤤 咖喱係加咗蛋花同椰漿 非常美味👍🏻 軟殼蟹有好多件 炸到超級脆 點咖喱汁食一流😋🥖蒜蓉包一客有四件 有好多蒜蓉醬 熱辣辣 就咁食都正 不過點咖喱仲好食☺️🍲泰式濕炒雞肉河份量好多 夠晒重口味 河粉有鑊氣👍🏻 🐟燒鰂魚即燒嘅關係等咗足足45分鐘🥹 火候控制得啱啱好 揭開魚皮 仲有超多肉汁同魚油🤤 魚肉超級嫩滑 點埋個秘製醬汁酸酸辣辣幾好食👍🏻🍍菠蘿沙冰味道清新 食完重口味食物一定要飲杯沙冰🌟

原來多咗屯馬線，去九龍城好方便😁 呢晚入咗去搵泰菜食～ 泰妹最鍾意食泰菜啦😂🎈青咖喱（雞）$78青咖喱好香濃😋 偏重椰汁，而且雞肉嫩滑，仲有啲配菜… 忍唔住要加碗白飯呀🍚💕🎈香葉辣椒河（牛）$60呢個炒河有啲辣喎🔥 炒得幾香，又入味🤭🎈金不換菠蘿沙冰 $30叫咗杯沙冰嚟降火去辣🤣 好奇心重嘅我，叫咗杯金不換特飲，香葉味好突出呀🤣🎈馬拉盞炒椰菜苗$69馬拉盞炒菜係我最鍾意泰式炒菜，咸香惹味，椰菜苗亦好爽甜呀😚🎈芒果糯米飯 $60呢款甜品真係充滿去泰國旅行嘅味道🥹 比起健康嘅黑糯米，我哋更鍾意原味糯米😆 芒果也甜甜㗎

一講起想食泰菜…梗係諗起去九龍城㗎啦… 曇花多眼亂咁多間…決定上網睇…見到呢間咁多好嘅評價…決定去試一試… 食完之後發覺價錢公道…食物質素都真係唔錯…所以決定分享吓…頭先叫咗個午餐set😀泰式菠蘿炒飯...$47 嚟講比想像中大碟…而且炒得都好ok喎… 材料充足…雞肉…雜豆…菠蘿…最畫龍點睛係啲提子乾！！Yummmm！加咗$10轉餐飲做🍍菠蘿沙冰…清甜透心涼…今次呢個午餐體驗唔錯…下次同朋友嚟試埋晚市先…

喺九龍城附近做完嘢…大太陽底下又熱又肚餓…想拿拿聲搵間餐廳醫肚食完就返屋企… 一於揀呢間頗有人氣嘅泰菜坐低啦❤️. ✨海南雞飯 雞件件數多！而且算新鮮！配埋油返食更滋味！如果雞肉可以做得更加嫩滑啲！會更加美好！. ✨泰式菠蘿炒飯炒得粒粒分明！材料有菠蘿, 雞肉, 雜豆, 蛋絲, 臘腸粒, 提子乾！性價比高！係Be差不多每次食泰菜都會叫嘅心水炒飯😌😌. ✨串燒三拼 (共六串)幾抵食！揀咗要三串牛🐂三串雞🐓牛肉燒得剛好！無過韌！而雞肉都醃得入味！靈魂係甜甜哋嘅花生粒沙嗲醬！！. ✨椰汁雞湯非常足料！滿滿雞肉, 菇菇, 仲有小蕃茄！每啖飲得出泰式香料嘅滋味！而且加咗辣椒乾🌶️🌶️辣味慢慢滲出！越飲越惹味！. ✨芒果沙冰：清爽解渴🥭唯獨甜度較淡！✨菠蘿沙冰：🍍熟成度夠！清甜美味！推!!.**想特別一讚店員哥哥服務有效率又有禮**食物價格合理**

九龍城出名食泰國菜,最近又開左宋皇臺站,一出站就有好多選擇,非常方便。Lunch時間人流唔多只有幾枱客人, 午餐時間設有套餐包主菜和飲品, 另外也可以優惠價加配小食, 套餐平均$50有交易。火車頭炒飯, 材料豐富有雞蛋, 雞肉, 蕃茄等材料, 味道不錯。泰式炒金邊粉, 炒得乾身有穫氣, 推薦!泰式飛天通菜跟餐加$35, 通菜份量多夠2人分享, 有少少辣，但非常惹味！串燒三拼,叫了牛雞各兩串, $85六串好抵食，串燒燒得岩岩好，肉汁鮮嫩唔鞋口,沾上沙嗲汁更加分。食完當然要叫番個甜品收結, 職員推介我地食芒果糯米飯, 糯米軟糯適中，加上已調味嘅椰汁, 一個字”正” 。值得一讚是職員好細心, 見我地食串燒食到隻手好污糟, 主動遞上濕紙巾!

📍泰象館九龍城多泰國野食就眾所週知，但要喺咁多間餐廳入面揀一間都唔易架，通常老字號就有保證啲，所以今次就捐左入呢間試下🍴👅 泰式木瓜絲沙律 $65食得辣既朋友就要試下呢個，唔食得辣既就記得叫少辣🥵蕃茄仔木瓜絲都好新鮮，夠汁，魚露有鮮味，配埋有啲花生粒有啲咬口，好食👍🏻👅 串燒三拼（豬牛雞各兩串）$85Total有六串都算抵食，全部都無燒到over哂，有肉汁嫩口熱辣辣～點唔點沙嗲汁都得，夠哂味～同朋友share食最啱😙👅 冬陰公（小）$82食泰國野點少得一碗冬陰公，兩個人既話要個細既就啱啱好，好夠酸，好夠香料，夠哂正宗！蝦亦有兩大隻😋👅 芒果糯米飯 $60最後當然要食個糯米飯做甜品作結，椰汁係暖暖地，芒果都夠甜，份量都幾大份，糯米夠哂煙韌😎

又去左九龍城食泰國野喇，咁多間真係好難揀，今次揀左泰象館，都開左好多年，裝修平實，不過勝在價錢抵啲，而且食物質素都唔錯呀！🔸酸辣豬頸肉沙律🥗天氣咁熱都好想食泰式沙律，泰式酸辣汁酸酸辣辣夠晒開胃，有好多塊豬頸肉！🔸蒜蓉炒椰菜苗$62炒菜好夠蒜味😋🔸黃咖喱雞肉🍛$78泰式咖喱五顏六色，我哋就鐘意黃咖喱🤣唔辣又有椰香味，用黎點薄餅或撈飯食，好正！除咗雞肉，仲有薯仔、三色椒、車厘茄。🔸蛋包鮮蝦金邊粉$76呢度既金邊粉食落比較濕潤，無咁乾。而且酸酸甜甜，配料有素叉燒同蝦。仲落左啲蝦仔調味，味道唔錯😋📍#泰象館 (#九龍城美食)九龍城城南道48號地下➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

今日約左朋友一齊去九龍城買野☺️一場黎到梗係食埋泰菜先走啦😊朋友就推介黎到呢間幾地道「泰象館」睇見餐牌真係樣樣野都想食呀🙌今日我地兩個3餸1甜品食到我地超級飽😎餸菜上得好快😎而且店員服務好親和又細心😆🦐每次必點既炸蝦餅因為即叫即炸😌上枱keep住熱辣辣😊一碟8件蝦餅好彈牙美味🤩🐥辣椒雞肉炒河好夠火候🔥每條粗河粉加上好多泰國菜配料炒味道突出🤤🦆鴨肉生菜包🥬食落較咸用生菜包住食剛好中和返濃味既鴨肉碎👍醬準酸辣又醒胃幾唔錯🙌🥭芒果糯米飯出色😊以紫米及糯米各半🙌糯米暖暖地芒果超香甜🥭咩都唔使加都好好味😋出色！

🇹🇭自從宋皇臺站通車後，去九龍城覓食就變得好方便！今次試左呢間老字號「泰象館」，係一間傳統地道嘅泰國菜，價錢實惠免加一，難怪經常都大排長龍！🐟明爐烏頭清湯（$148）烏頭好大條，魚肉肥美新鮮，有大量肉碎、椰菜、菇菌，湯底越食越香濃，底下嘅粉絲索晒湯汁，酸酸辣辣，開胃好味呀！🍍原個菠蘿海鮮炒飯（$84）香脆嘅肉鬆同腰果鋪滿炒飯面，炒飯粒粒分明，鑊氣十足！內藏大量海鮮，每一啖都食到新鮮菠蘿同蛋絲，口感超豐富！🐷鐵板馬拉盞豬頸肉炒通菜（$94）上碟嘅時候「滋滋渣渣」，豬頸肉份量足，入口爽彈唔肥膩，幼嫩嘅通菜加上大量蒜蓉、辣椒、乾蔥，真係食到舔舔脷！🍉西瓜沙冰（$30）西瓜味濃郁清甜，冰爽解渴一流呀！

返左一日traning 路經九龍城，一於係附近試試出名食泰國菜，資料搜集泰象館網上風評唔錯，而且價錢實惠。南瓜焗海鮮飯$104原隻南瓜盅上枱，賣相討好，瓜肉豐厚、口感鬆軟香甜。加配以豐富材料的海鮮炒飯如鮮蝦 魷魚，香氣滿溢，飯中有南瓜味，南瓜又有飯汁味，色香味俱全，啖啖滿足。馬拉盞炒通菜$64每次去泰國餐廳，必叫一客蔬菜，當中最愛必定是惹味的馬拉盞炒通菜，通菜嫩口，炒得不油膩，有鑊氣，馬拉盞的味道香濃。生蝦刺身$98生蝦大大隻浸過冰水後即叫即劏，啖啖肉新鮮爽口彈牙。泰式酸辣汁惹味開胃，增添鮮味，一試難忘。青檸梳打$26入口清新、鮮檸片酸味重帶激爽口感，在炎炎的夏日解渴，保持涼快。金不換菠蘿沙冰$30驚喜之作，推薦！新鮮金不換榨出後香氣強烈，加埋菠蘿酸酸甜甜味，新奇配搭透心涼！

九龍城呢間泰象館網上風評好壞參半，今晚試左感覺還不錯～餐牌上的沙律款式好多，幾吸引呢日天氣好熱，真係需要靠沙冰，冷盤降溫芒果沙冰 $30 冰打得幼細，芒果味道天然香甜青芒沙律 $63 比木瓜絲更愛青芒果，多了份清香更爽口～燒豬頸肉 $85份量好多，質地爽彈，都值得點燒雞全翼 $18 雞皮外層金黃焦香，雞肉juicy~芒果糯米飯 $60以一整個芒果量來計，$60都幾抵食～糯米軟糯適中，加上調過味微咸暖暖嘅椰汁更好味。

今日同屋企人去九龍城探叔公，順便系九龍城食飯，阿媽話來到九龍城梗係食泰國菜，講完就見到呢間＂泰象館＂，即刻入去試，坐低睇睇餐牌，就點咗個酸甜炸烏頭魚、蝦餅、芒果炒飯同埋一杯椰汁冰。酸甜炸烏頭魚魚一上台，未食先開胃，好靚既擺盤，配有好多的菠蘿、紅、黃椒，廚師把肉起出來炸得剛夠火候，食起來魚肉嫩滑，美味又脆口。蝦餅作為小食而言，份量稍多，炸得好香脆，食得出有蝦味，而且爽口彈牙😋😋一下子就清晒成碟！芒果炒飯炒得香口且粒粒分明，加上而家係芒果當做嘅季節，芒果好香又夠甜，加上粒粒腰果口感都幾豐富㗎🤩其他餐單如下：