泰簡單

營業中

休息中

🏠泰簡單📍謝斐道517號總統戲院頂樓👍🏻唔太簡單既泰簡單✅️銅鑼灣城景 ✅️環境氣氛佳的泰式酒吧✅️高質有水準泰菜✅️定價合理✅️又一悠閒小聚好去處💁🏻‍♀️建議book位🐈餐點1. 冬蔭功湯隨著火爐一齊上臺，熱辣辣🔥湯料都非常豐富，有大蝦同蝦膏，再加上多種菇類，整體湯頭又鮮甜又惹味，非常開胃寒冷冬天係度坐低飲翻碗真係有種小確幸❤️2. 馬拉盞通菜味道濃郁，炒得好香口撲鼻，而且份量都幾足架！食泰國野真係必叫❣️3. 烤豬頸肉沙律豬頸肉燒到脆邊，中間嫩滑有咬口搭配酸酸甜甜的醬汁，真係好正！👍🏻配有新鮮生菜，可以包裹洋葱和香葱一起食用，增添清爽口感，非常惹味又清新4. 皇宮大蝦蛋網炒金邊粉蛋網製作精美，絕對是打卡必備😍份量都好足，面頭大蝦大隻又鮮甜，仲有蝦球爽彈有咬勁金邊粉吸附了濃郁的大蝦精華，炒得惹味又不油膩5.肉碎生菜包都係泰國餐廳必叫既菜式🤤呢度肉碎調味比起其他泰式餐廳有d唔同微酸辣辣地，特別開胃😋配菜有生菜同青瓜，配住肉碎食又惹味又fresh

今次去既泰國餐廳喺銅鑼灣總統戲院嘅上邊，一開門入去，已經覺得好似去咗泰國嘅按摩店，店員全部都係講泰文，非常正宗🧡坐低叫完嘢食之後，去咗外邊睇吓，露天嘅環境都幾好。我哋嗌咗青木瓜沙律，呢個好清爽，青木瓜絲夾住好多細細隻嘅蝦米，另外仲有五六隻爽滑彈牙嘅大蝦，呢個絕對係好開胃嘅前菜。之後叫咗香葉肉碎炒飯，佢配咗一個流心蛋，肉碎都幾多，炒飯好香好乾身，配埋流心蛋，唔覺意食多咗。😍跟住嗌咗個串燒拼盤，豬牛羊各兩吋，仲配咗好香濃嘅沙嗲汁，不過就算唔掂個汁，個肉本身都醃得好好味，尤其是豬肉，勁Juicy。最後仲嗌咗一個椰子雞湯，佢上嚟嘅時候我以為係汁，因為呢個湯嘅料係勁豐富，有雞肉菇蕃茄一啲香葉等等，成個湯層次好豐富，先係椰子嘅香，跟住另外帶少少酸。好開胃，同埋料真係好足。

木瓜絲蝦沙律 蝦仁好新鮮，咬下去彈牙。木瓜絲食落清清哋而且好爽脆，同蝦仁嘅鮮味好襯，生菜就更加清新，食落去爽口又解膩。醬汁嘅味道啱啱好，唔會太重，少少酸辣，提升咗整體風味，又唔會掩蓋食材本身嘅鮮美。不過，如果可以加少少檸檬汁或者蜜糖，可能味道會更加豐富。香煎薄餅 香煎薄餅一上檯，就聞到香氣撲面而嚟。薄餅金黃，表面微微焦脆。咬一口，外層酥脆，內層柔軟，口感層次好豐富。食多咗可能會有啲乾，可以配返碗熱湯或者飲品。雞肉青咖喱 雞肉鮮嫩多汁，咖哩汁啲味滲曬入去，每一啖都充滿香味。青咖喱味道獨特，辛辣中帶少少清新嘅草本香氣，辣但唔燥，配住飯或者薄餅食好唔錯。菠蘿炒飯 菠蘿炒飯勁足料，菠蘿嘅酸甜味同米飯完美融合，令炒飯味道層次更加豐富。蝦仁為炒飯增添咗鮮美嘅口感，而雞蛋呢就可以令炒飯更加蓬鬆。食得出好夠鑊氣，炒得好香~

好在有book位，晚市連室外都幾乎full house。泰國人主理嘅餐廳，serves 同chef都係泰國人，一入去好快感受到熱情。環境乾淨cozy。食物有水準，味道偏濃。 ✦ 冬蔭功湯熱辣辣、真係幾辣辣，冬天飲好舒服。好足料，大大隻蝦、仲有蝦膏，同好多好多菇類。整體好惹味、開胃。 ✦ 馬拉盞通菜味道濃郁、炒得香口，大大盤好抵食。 ✦ 烤豬頸肉沙律豬頸肉嫩滑爽口，醬汁酸酸甜甜。配有生菜，可以包埋洋葱香葱等食，加一份freshness去中和。同樣係惹味嘅菜式。 ✦ 皇宮大蝦蛋網炒金邊粉色香味俱全。蛋網好靚，打卡一流。大蝦大隻鮮甜，蝦球爽彈，金邊粉掛咗濃厚甜甜酸酸嘅醬汁，口感豐富、味道有層次。 餐廳夜晚仲有cocktail可以order, chill住過嘅地道泰國夜。

銅鑼灣泰國菜，呢間係位於總統戲院頂樓，一出lift裝飾佈滿聖誕氣氛。可以好好打卡。前菜小食，每一台會有蝦片好香脆蒜蓉包$37蒜蓉包香脆，一份有4塊紅咖喱雞 $108紅咖喱雞，雞肉肉質嫩滑，咖喱唔算好辣，醬汁帶少少甜可以點蒜蓉包或者撈飯食都得辣椒肉碎炒飯 $118食泰菜必嗌嘅辣椒肉碎炒飯，加埋面頭有隻煎蛋，蛋汁可以撈飯。豬頸肉沙律 $108豬頸肉辣辣地好惹味，食落肉質好爽口，可以包埋生菜一齊食感覺好消油膩

今次試咗間好有泰國風味嘅餐廳，廚師同侍應都係泰國人，餐廳環境好舒服，嘢食都好地道，好有去咗泰國嘅感覺 ☺️★̆̈ 木瓜絲蝦沙律 $94 🥗🦐 食落酸酸辣辣，木瓜絲清新爽口，仲有彈牙嘅蝦，係一碟好開胃嘅前菜！★̆̈ 皇宮大蝦蛋網炒金邊粉 $138 🍤🍳 除咗擺盤嘅兩隻大蝦之外，掀開蛋網之後仲有好多剝咗殼嘅大蝦！金邊粉炒得有鑊氣，蛋香味十足，正🤤★̆̈ 香辣炒蜆 $118 🌶 個汁好Creamy，唔會太辣，再加三色椒提味，蜆肉鮮甜，份量好多，超滿足 💕★̆̈ 咸魚炒芥蘭 $98 🥬🐟 呢道菜好驚喜，咸魚味唔會太濃，反而帶出芥蘭嘅清甜，好特別嘅一碟菜★̆̈ 椰青 $58 🥥 飲落好清甜好透涼，仲可以刮到好多椰肉食，襯埋泰國菜一齊食好夾✨★̆̈ 泰式奶茶 $40🧋茶香奶滑，甜度啱啱好，飲得出係正宗嘅泰式奶茶最後食飽先發現餐廳中間可以行出去，有啲好chill好舒服嘅戶外位，仲有一個調酒嘅bar枱位，好適合打卡！下次要約埋朋友一齊坐出面飲Cocktail🍸

～泰簡單😍銅鑼灣高質素泰國菜👍～豬頸肉生菜包😘好耐冇食過咁正嘅生菜包😘豬頸肉爽口彈牙得黎調味亦都做得非常好👍～蝦肉鬆飯桶❤️非常高質嘅一個飯😘蝦勁新鮮❤️肉鬆份量非常之多😊飯粒分明👍醬汁條配亦都做得好好😘～冬陰功☺️冬陰功湯非常香濃😘味道調配得勁好😊飲到停唔到口啊😍～黃金夢😘鮮菠蘿汁加鮮芒果汁混合出嚟嘅高質飲品😍清甜得去黎非常清新解膩☺️滿分之選👍～順帶一提😛餐廳環境靚😍食物質素高🥳店員服務態度好👍下次一定再嚟食😎📍泰簡單 (銅鑼灣)銅鑼灣謝斐道517號總統戲院頂樓

今日朋友帶我黎呢間泰國菜餐廳食dinner,環境都幾chill,又可以打卡，朋友話呢間係泰國人廚師主理，估唔到又好味，價錢又唔貴。冬蔭公我地叫咗細size,雖然係細size,但d配料都幾豐富，有2隻大蝦，仲有好多菇，味道非常濃郁，酸辣程度啱啱好。烤豬頸肉沙律d豬頸肉烤到面頭焦香，入面肉質仲好juicy,包埋生菜食，勁正馬拉盞炒通菜勁香馬拉盞香味，唔會太咸，仲好惹味。皇宮大蝦蛋網炒金邊粉個賣相好靚，份量都幾多，上面有2隻大蝦，金邊粉炒得好香，酸酸地，勁開胃呢度夜晚有cocktail,但我地今晚唔飲酒，所以叫咗2杯冇酒精野飲黃金夢係用芒果同菠蘿打成汁，所以飲落有勁香芒果同菠蘿味，唔算太甜，好fresh心有靈犀飲落好香石榴味，加埋梳打嘅汽，飲落勁爽，入面仲有奇亞籽同埋雜果，好豐富

原來喺銅鑼灣總統戲院頂樓嗰度有一間好正宗嘅泰國餐廳，廚師同侍應都係正宗泰國人，夜晚仲開埋室外嘅位置好有feel添，啱晒打卡，室內就坐得好闊落，食物都好正宗，啱哂好耐冇去過泰國既我啦🤣木瓜絲蝦沙律 🥗呢個係一個甜甜酸酸嘅沙律，有木瓜絲、蝦同埋花生，有少少辣幾開胃，仲可以用脆卜卜嘅生菜包住嚟食添 😌椰汁雞湯 🥥 想飲一個熱辣辣熱唔辣嘅湯可以揀椰汁雞湯，比較清甜啲，椰汁味好香濃，再配埋香料好惹味😇菠蘿炒飯 🍍 食泰國嘢一定要食菠蘿炒飯，當然係係一個新鮮菠蘿端上嚟啦，有蝦又有肉鬆，好食！飛天通菜 🥬蔬菜方面就揀咗飛天通菜，都係一個必食嘅泰國菜式，少少辣辣地好好食😄黃金夢 🥭 佢嘅果汁係鮮榨㗎😍😍 黃金網係用鮮菠蘿汁同鮮芒果汁整嘅，飲落好鮮甜🥰鮮番石榴汁 🍋‍🟩另外試咗佢嘅鮮番石榴汁，一樣好新鮮🤩

這家低調但超美味的泰式小店，用實際行動證明「越簡單越美味」！🇹🇭✨泰式炸春卷 🥢 - 外酥內嫩，金黃酥脆 - 蘸醬後更是絕配 - 口感：10/10 - 必點小菜！豉油王炒飯 🍚 - 鑊氣十足 - 米粒分明，每一口都香噴噴 - 簡單但不簡單馬拉盞炒通菜 🥬 - 青翠脆嫩 - 調味恰到好處 - 蔬菜控必推！雜菜粉絲煲 🥘 - 暖胃又滋補 - 湯頭清甜 - 完美午餐選擇🍹 飲品推薦：- 越式香茅薑水：清涼提神- 鮮榨菠蘿芒果果汁：天然解暑食唔晒打包咗個飯返屋企叮熱仍然咁好味💯💰 平民價格，碟碟大份⏰ 快速服務🌶️ 正宗泰式風味

泰菜都好地道 ，包括廚師及侍應都是地道泰國人! 銅鑼環境好chill有戶外地方比人揀，環境好寬敞， 適合打卡!! 夜晚還有cocktail可以揀的~~~炒通菜色澤翠綠，炒得油亮光滑，通菜炒得非常嫩滑，保持了脆嫩的口感，入口清爽。冬海鮮陰功湯（有蝦）陰功湯色澤橙紅，湯底濃鬱，蝦子、蘑菇、番茄、香茅等食材漂浮在湯中，整體看起來非常誘人。湯底酸辣適中，帶有濃鬱的香茅和檸檬葉香氣，口感非常豐富。蝦肉鮮嫩多汁，吸收了湯底的酸辣味道，口感非常鮮美。青咖哩咖哩醬濃鬱，配上雞肉、蔬菜等食材，青咖哩醬濃且順口烤豬頸肉豬頸肉色澤金黃，表面微焦，肉質鮮嫩多汁，豬頸肉烤得非常嫩滑，帶有一絲焦香

泰簡單*地址*銅鑼灣謝斐道517號總統戲院頂樓，12月仲有一日就完，心情唔係咁好，約朋友同來傾下感情問題散散心，呢度有泰菜食又有cocktail 飲氣氛一流。炸蝦餅，炸到香口彈牙炒蜆調味濃郁，令人一隻接一隻。炒豬頸肉肉質好彈牙，辣辣地確實是滋味，仲有生菜包在一起食，去一去滯。肉碎炒飯，加了隻太陽蛋，夠濕潤特別惹味。like shake沙冰，爽字呀

銅鑼灣有一間環境舒服又chill嘅泰菜，環境氣氛有種渡假感覺。食物質素頗過，畢竟由泰國人主理，連waiter都係泰國人，絕對不能錯過！冬陰功 又香又辣，香料味濃，亦有椰香。大蝦鮮甜多膏，配有磨菇及秀珍菇。菠蘿炒飯菠蘿起肉炒飯，內有魷魚及蝦，飯粒分明夠鑊氣。飛天通菜本身辣椒炒通菜少少辣，加入豆豉炒，中和番辣味。木瓜絲蝦沙律配有多片生菜，可包著木瓜絲及大蝦一同進食。冬天飲多兩杯熱飲暖身，飲洛神花茶或龍眼茶都係一個好選擇。

店名: 泰簡單地址: 銅鑼灣謝斐道517號總統戲院頂樓銅鑼灣地鐵站D4出口，行2分鐘環境: 4.5/5價錢: 4.5/5味道: 4.5/5環境好chill，有分室內&室外，室外有聖誕裝飾，適合打卡📸菜色氣氛都好地道，包括廚師、侍應都係地道嘅泰國人，菜式方面亦都好正宗，夜晚仲有Cocktail飲添，適合約會或者多人聚會😎冬陰功❤️❤️❤️❤️❤️$92對比一般冬陰功湯味道方面比較特別的是湯的味道偏辣而微酸😙酸辣的口味令人十分開胃，作為前菜是必選的。這碗冬陰功湯剛好適合二至三人享用，除了鮮味的湯頭，還有草菇和鮮蝦，兩者都吸收了湯的味道非常好味😝金枕頭 ❤️❤️❤️❤️❤️$158分量十足好適合一班人分享嚟食🤤咖喱配上蜆肉、肉洋蔥等食材令到味道不會只有咖喱味太膩，咖喱唔辣，最後配上烤過的法包令人食指大動😋香辣炒肉碎（豬）❤️❤️❤️❤️❤️$98有豬、牛、雞可以揀，今次係食豬肉碎。配搭住鮮脆嘅洋蔥、新鮮嘅青瓜片，用新鮮爽脆生菜包裹住，一大啖食落去，有豐富肉質嘅豬肉碎肉汁、微辣的味道外🥳生菜嘅加入唔會令到食得好滯，口感豐富，清爽開胃！😎飯桶❤️❤️❤️❤️❤️$118熱辣辣嘅炒飯內餡豐富🙁有爽脆嘅鮮蝦、欖角、肉鬆作配料，配搭特色醬汁

銅鑼灣比較好食嘅泰式菜一定係位於前總統戲院樓上嘅 泰簡單🇹🇭裝潢充滿泰式風情, 可以坐室內或室外用餐. 菜式以傳統泰式菜為主, 而餐廳廚師同侍應多數為泰國人, 泰式食物亦有一定水準👍🏻今次我點咗幾道泰簡單嘅招牌菜,包括: 大蝦蛋網炒金邊粉,冬陰公湯, 蝦醬炒通菜 同 肉碎包生菜.🔶大蝦蛋網炒金邊粉: Pad Thai 傳統泰國菜, 判斷一間泰式餐廳好壞多數食pad thai就知曉一二. 泰簡單嘅炒金邊粉夠晒足料同鑊氣. 仲有個金黃色靚靚蛋網做點綴, 色香味俱全! 😆大蝦新鮮彈牙, 調味方面鹹甜辣味道均衡, 非常值得推薦!🔶冬陰功湯: 泰式餐廳另一道傳統湯菜. 而泰簡單嘅冬陰功湯唔單止湯味濃郁, 香茅,南薑,青檸配上椰奶, 味道恰到好處, 唔會過於油膩. 而且用料十足. 亦都好值得試試！🔶蝦醬炒通菜: 泰簡單嘅推薦小菜之一, 香濃蝦醬配上清爽得嚟又夠鑊氣嘅通菜. 味道對於香港人嚟講算係啱啱好, 唔會過油或者太鹹, 濃味中帶些清爽. 絕對係菜類小食嘅首選.🔶肉碎包生菜🌱: 除咗泰式串燒之外另一道比較收歡迎嘅前菜. 肉碎除咗豬肉碎之外仲有牛肉同雞肉可以選擇. 肉碎陪上九層塔, 洋蔥,青檸汁,