泰皇閣泰國菜館

營業中

休息中

第一次幫襯午市外賣，見價錢都算幾抵食，$49包飲品。返到屋企打開外賣，見到杯嘢飲係用手搖店嗰啲杯裝住，覺得都幾精美，但一打開盒海南雞飯就知中伏嘞啲雞係勁乾勁柴，仲斬到溶溶爛爛咁，好似比狗咬完咁，我真係笑咗，重點係啲飯係未熟㗎！！！最後夾硬食咗啲雞，成盒飯掉咗而男朋友都話佢盒咖喱豬頸肉麻麻，豬頸肉都係又乾又硬，咖喱偏甜本身見都幾多好評，好多人話燒牛肉好食，想去試下，但今次嘅經驗真係令我有啲卻步…

大家如果想食泰國菜係咪同我一樣第一時間就諗到九龍城呢？我係好鍾意黎九龍城呢間泰皇閣食泰國菜架！佢哋唔單止價錢親民，份量都足，環境都好有泰式風味～泰式木瓜絲沙律🥗$60呢個作為鍾意食泰國菜既我黎講，係每一次必點既開胃冷盤，酸酸辣辣好開胃✌️酸辣豬頸肉沙律🥗 $82朋友就好鍾意食豬頸肉，表皮香脆，肉質鮮嫩，加上酸辣口味簡直係絕配👍蝦油炒飯 🦐$64我晚餐其實係唔鍾意食主食嘅人，但係朋友點左，一擺上黎我就忍唔住想試一下，呢個炒飯香味四溢，飯粒粒粒分明，又唔會好油膩，配菜仲有泰國雞蛋同青豆胡蘿蔔🥕作為主食營養搭配豐富✌️冬陰功海鮮湯🦀️$85呢道菜係我每次必點，我真系太鐘意食酸酸辣辣既口味喇，呢個湯好大一份，三四個人都可以飲到，入面有幾隻大蝦🦐番茄🍅洋蔥🧅等配料，味道好正宗泰式風味，連湯我都飲左俩碗，真系好過癮

＊呢一站九龍城＊😋馬拉盞炒椰菜苗(8.5/10)＊椰菜苗非常爽脆，食落唔會有渣＊馬拉盞炒唔會太鹹，依然非常惹味😍串燒拼盤（雞+豬）(9/10)＊燒得好香，肉質又嫩滑，容易咬開＊串燒豬非常有驚喜，唔似平時豬肉串，形狀長而扁，，好軟腍＊沙爹醬比較重花生味，唔會過份濃郁但又不失沙爹味😍蛋包鮮蝦金邊粉(9/10)＊份量超級多，有大概2至3人分量＊外貌非常精緻，金邊粉有蛋包圍住，而蛋上又有幾隻大蝦作為襯托＊配合花生碎、青檸汁、芽菜及豆腐乾，味道及口感非常豐富＊不會太油膩，整體好味程度會令人狂食😋泰東生菜包(豬)(8/10)＊入口時會先感受辣的味道，然後在口中慢慢才感受到酸的味道＊炒得非常惹味，配合生菜一齊食，減低油膩感＊惟生菜份量相對上較少，包哂所有生菜，還餘三分一肉碎#foodguy666_九龍城#foodguy666_泰國菜

九龍城泰國餐廳林立就係人都知淨係一條街都已經搵到唔同款式嘅泰國菜但未必間間都咁高水準㗎今次就搵咗呢間餐廳同朋友慶祝生日一去到門口就已經勁多人等位雖然佢不設訂枱而且仲要齊人先至可以入得餐廳不過為咗美食 等都係值得嘅👍🏻鹽燒魚✨即叫即燒 成條魚外面脆卜卜 入面嘅魚肉多汁嫩滑 好好味 下次可以再食炸蝦餅泰國菜必叫小食熱辣辣脆卜卜鮮蝦金邊粉分量十足四個人食都夠晒蝦肉彈牙上面淋左甜酸醬非常有泰國風味咖喱比較稀 味道麻麻唔推介燒豬頸肉亦都比較韌本來諗住食生蝦點知餐廳員工唔記得落單😅叫黃咖喱豬 落錯咗黃咖喱海鮮😅

📍九龍城🍲泰式乾炒海鮮河$70🥩燒安格斯牛肉(青檸)$110≡※≡※≡※≡※≡※≡※≡※≡※≡※≡※≡※≡※≡※≡※≡※呢間係位於九龍城嘅泰國餐廳🇹🇭餐廳內部係泰國風嘅設計🥻雖然店面唔大 啲枱都比較密 但座位都唔會太逼夾食物方面✨🍲泰式乾炒海鮮河海鮮就有青口 蜆 蝦 魷魚等🦑份量都幾大碟 佢係用闊河粉嚟炒嘅泰式炒河 唔會太淋 乾炒河嚟講幾有鑊氣👍🏻但係如果擺耐咗就會有少少油 🥩燒安格斯牛肉(青檸)一入到去餐廳就見到唔少人都有叫依個牛肉🤣份量雖然唔係話好多 不過好好食✨ 啲牛燒到啱啱好 好多汁😋一放入口 成個口都充滿牛香味 配合埋青檸酸辣汁🍋味道啱啱好 唔會食到好膩 好開胃！呢個青檸酸辣汁雖然少少辣 但係唔食辣嘅我都覺得OK接受到🌶如果大家鍾意食牛 值得試一試整體來講食物質素吾錯👍🏻環境都算舒服 價錢唔係特別貴 份量適中 我哋兩個女仔去食 叫咗兩份+2杯飲品啱啱好🥰有機會大家可以試一試支持下🤍

星期六同男朋友黎食泰國菜，怕晚餐多人，所以食午餐，冇lunch set,只有主餐牌散叫，但價格合理。冬陰功海鮮湯 ：有一隻蝦，一隻青口，仲有啲菇，個湯基本上都唔辣，酸酸所地同埋吾知係咪錯覺，有椰汁嘅香味。但我覺得幾好飲🥰蝦醬炒通菜：平時馬拉盞炒食得多，今次就試吓蝦醬，唔辣但係都好好食，炒得好香，仲好綠。鐵板蠔仔煎蛋：佢個樣唔似係煎蛋，而係將啲蠔仔加蛋漿炸，用鐵板上好香口，份量都唔少，人多嘅可以試吓。菠蘿海鮮炒飯：佢冇其他幾樣餸甘惹味，但都好足料，同埋都炒得香，有啲咖喱味，底嗰啲（菠蘿入面裝住）會好食啲。椰青：外表睇落去好大，但係呢個椰青得好少水，不過佢啲椰青水係清甜嘅。

之前已經食過泰皇閣，一試難忘，大大杯芒果沙冰🥭🧊。今次閒日晏就嚟食，除咗食大件炸蝦餅、熱辣辣串燒，仲試咗燒豬頸肉，不過最抵食都係午市套餐🤤-午市套餐一共有27款可以揀，冬陰公、湯河、咖喱通通都有🤤🤤每份$49，送特飲，加$6仲可以飲埋沙冰。今次叫咗：▪️6 冬陰海鮮湯河▪️B泰式炒金邊粉 ▪️M 泰式醉貓炒河（辣肉碎）▪️炸蝦餅 $76▪️燒豬頸肉 $80▪️串燒（雞、豬）$82/6串-雖然係午市套餐，但粉麵份量同上次散叫嘅差唔多，嚟到先知係咁大兜，上到枱都仲熱辣辣，絕對係即叫即炒。鍾意食闊麵的話，叫炒河就啱晒。醉貓炒河加入辣豬肉碎，眼見面頭有幾條辣椒，辣得過癮又惹味。燒豬頸肉方面，味道正常，無咩特別。貼心地切開10件再上，蘸泰式辣醬，易夾，啖啖肉。-泰皇閣而家有兩間舖可以坐，所以閒日去到就唔使點排隊，直接入座。

端午節，中午到九龍城逛逛，順便吃午餐，媽媽想吃泰國菜，很久沒來九龍城，毫無頭緒哪家好吃，隨便找家不用等位的店，walk in衙前塱道泰皇閣。看餐牌，樣樣都想吃，點了以下９樣：#柚子蝦沙律：柚子酸酸甜甜，開胃，加了蝦仁和櫻花蝦，不錯。#冬陰功海鮮湯：不辣，酸度適中，湯底濃郁，回味無窮。#泰式蝦餅併春卷：蝦餅Ｑ彈好吃，春卷非常一般，應該單點蝦餅。#海南雞半隻：雞肉去骨，吃起來方便，雞肉嫩滑，份量足，好評。#蒜蓉包：挺好吃的。#泰式炒雜菜：多吃蔬菜，對身體有益。#椰青：清甜，喜歡！#青檸梳打：refreshing！#蛋包蝦炒金邊粉：貪心，後加了這個，賣相佳，但太甜，不好吃！缺點：1) 坐得太擠，疫情下，絕對是個扣分項。2) 餐桌太小，跟本不夠放食物。3) 餐桌邊的膠版放的位置不合適，店員上菜會碰到膠版，上柚子蝦沙律，柚子掉到我身上；上冬陰功湯，差點整碗湯打翻；上海南雞，膠版被撞到鬆開。

同朋友食咗沙嗲串燒同乾炒河，食嘢最基本嘅係熟都做唔好，啲串燒唔熟，6串有4串都唔熟。普通嘅炒河肉完全唔新鮮有陣隔夜嘅除，根本唔值$80幾，沙嗲唔係真沙嗲。叫咗waiter換，但佢地好求其咁換咗兩串，總之要去就諗清楚，係我食過最差嘅泰菜，以後唔會再去食。

九龍城食泰國菜， 必選此店， 一定唔會食到一肚氣。 食物質素一定起碼有7分。 可以放心。2人下午茶時段4點， 2張枱食客， 清靜。咖哩軟殼蟹🦀$220。 8分(保持水準） 一碟餸有3種食物，滿足有咖哩汁， 配蒜蓉包， 又有主角軟殼蟹🦀咖哩汁配蒜蓉包及蟹， 又可送飯。 超正。皇牌招牌炒飯 6.5分即叫即炒， 8成熱， 味道像西炒飯感覺好一般。豬頸肉。4分驚嚇， 豬頸肉沒有切開一片片， 廚師沒有切斷， 夾起一抽肉。肉那我得好林， 但唔燒烤香， 又冇咩味。此餸好失望總評： 6.5-7分。（豬頸肉扣分多了）服務： 7分環境： 7分

星期五同朋友一齊食飯，等咗一個鐘，到我們入座時，一個非常差男同事，同我哋講要人齊先可以入座。我哋只差一位朋友泊車，那個帶位用男同事非常差態度，問題我哋五位，他只有四個位俾我哋，叫我哋坐壁啲，我哋冇問題但到有位他就叫我們齊人先入，只差一位都吾可以入，態度非常之差，再加上而家嘅天氣非常熱，我哋系門口企足一個小時已經濕晒，完全吾會體諒，做一個服務性行業嘅人基本禮貌都冇！所以以後都唔會去🙃

個柚子沙律淡而無味、食完成千蚊嘅晚餐之後叫甜品、要求碟仔或碗員工話要每個收返$5!!!!!問員工點解要收費、佢哋話因為啲碗碟需要洗喎、簡直就係不知所謂!!!!!

不經不覺九龍城開咗好多cafe，但我始終覺得入去係要食泰國菜😂 所以九龍城嘅第一次就去咗極多人推薦嘅泰“黃”閣，果然名不虛傳，賣相靚、味道足、份量大，CP值好高，要大大力支持！

九龍城，梗係搵泰國菜食下啦~ 好彩早少少到唔洗排隊，食完走既時候見到泰皇閣門口企滿人了。 想食既朋友仔要早小小拎定位了~ 同男朋友2個人叫咗: 1.   燒牛肉 $110  *推介* > 燒牛肉多汁, 加埋青檸又幾開胃，辣得黎又唔會接受唔到2.   蛋包鮮蝦金邊粉  $75 > 酸酸甜甜好開胃，相賣精緻的金邊粉被網形的蛋包著，爽口的大蝦，份量十足 3.   馬拉盞炒菜苗 $70  > 就普普通通4.   大大個椰青 $33等入座時間: 小於10分,  6點幾已經開始有小量人流，但仲可以即刻入安排入座環境 : 黃店佈置，小小迫，但都坐得舒服食物份量 : 算大份總評分 : 7.5/10

之前一星期都食兩次，但今次好唔同舖頭門口有一級，輪椅人士需要有人幫先上到去入到舖頭之後見到全部服務員都唔同咗樣，我估應該係轉咗手不過餐牌同價錢都係一樣黃店佈置依然喺度🙈之後就叫咗一個馬沙文咖喱雞配白飯味道到都同之前差唔多，不過我嫌佢有少少唔夠熱凍飲叫咗一個椰汁冰 飲品依然係好好飲😍正常冇乜嘢大問題總括嚟講望落應該似係轉咗手，不過嘢食同埋飲品同埋價錢都冇乜大上落👍🏻希望繼續可以保持落去😋味道: ⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️🚗: 九龍城幾條街都好多錶位不過要等一等