泰灜

營業中

休息中

泰灜是一家，以其正宗的泰國菜肴而聞名，每道菜式都香口惹味。 食物種類多樣性，大份抵食。兩個人叫咗兩個主食share食：菠蘿炒飯，好足料大份，抵食。濕炒河，每一根河粉都裹滿鮮美的湯汁，滑而不膩，新鮮食材，與Q彈的河粉相互輝映。加一個菜健康啲：蒜蓉炒通菜，清新翠綠的通菜，清脆口感，簡單而不失精緻的做法，最大程度保留了蔬菜的原汁原味。最後點少得甜品：芒果糯米飯，金黃的芒果塊，晶瑩剔透的糯米飯，連接著熱帶風情與家的味道的橋樑，讓人在享受甜蜜的同時，也能感受到那份溫馨與幸福。飲品：新鮮的椰青，清澈透明的椰子水富含多種維生素及礦物質，能瞬間喚醒疲憊的身體，帶給人們清涼與舒適，仿佛置身於海島之上，享受著海風輕拂。珍多冰，Q彈的綠色珍多，搭配上濃郁的椰奶，每一口都是甜蜜與清涼的交織，讓人仿佛漫步在熱帶雨林之中，感受著那份清新與自由。

餐廳位於佐敦，上下兩層，主打泰式料理，午市免加一，有多款性價比高嘅套餐，另提供肉類海鮮蔬菜炸物小食甜點同飲品，每日有唔同優惠活動，仲可以Book場Book蛋糕慶祝🍾朋友仔生日所以預先Order咗個玫瑰型嘅芒果糯米飯蛋糕，芒果切成一片片，新鮮製作，酸甜度適中，下面鋪上糯米飯，軟糯可口，色香味俱全。店員仲會搞氣氛，唱泰文生日歌同生日壽星慶祝，真係好鬼正🔥私心喜歡呢度嘅主食，有乾炒河豬、炒金邊粉同蝦膏泰式臘腸炒飯。全部份量大大碟，炒至乾身，好有鑊氣，食落唔算好油，調味適中，唔會過淡或者過鹹，大人小朋友都啱食。推介酸辣椰汁雞湯同蟹肉煎蛋，前者椰味突出，湯底清甜，仲有好多配料，口感豐富、後者鋪滿蟹肉，煎至酥脆，薄身，蛋味香。海南雞同雜菜炒芥蘭都可以試試，雞肉嫩滑，菜品新鮮，食吓食吓都好快清曬。炸物同小食都有幾多選擇，要咗雞棗、炭燒豬頸肉、雞翼同春捲。炸至脆身，外層夠薄，餡料飽滿，點埋酸甜醬更加好味。整體食物質素唔錯，店員服務態度態，值得再次回訪。

今日又泰國癮起想食泰國野😆😆😆就search下佐敦會唔會有機會有泰國野食呢!?又真係比我搵到喎😌😌😌2條友叫左5碟野泰國通表示真係好想食泰國野，而且好多都好吸引！！星期一做緊優惠蝦餅半價，以為會得幾舊仔，點知有８舊而且係大大舊又脆口又彈牙仲要半價先$40幾蚊炸......確實係又抵又好食食泰國野點少得padthai，呢間比我嘅感覺係d野食全部都好大份啊我地仲要叫左５碟野😂😂😂大件夾抵食比較特別嘅係蛋！！平時都係得蠔蛋揀呢間竟然有蟹😍😍😍😍😍！！食緊個陣都見有幾位泰國人入黎食而且門口同舖裡面都「泰」有feel~想念泰國嘅時候就黎呢間當快閃左啦😂

Blue Monday約左fd 去佐敦食下好西，搵左呢間抵食泰國菜餐廳，岩岩佢地做緊每日不同優惠，星期一既優惠系炸蝦餅半價，岩哂我地！炸蝦餅 $98（半價$49）非常優惠既炸蝦餅，份量無變，而且大大件，只要食滿$300就可以半價加蝦餅！沙爹串燒 $98雞同豬各3串，雞肉同豬肉都好易咬開，未點醬前食已經有少少調味，幾香燒烤味。鐵板煎蠔餅 $138蠔脹卜卜，都大粒，呢度以蠔仔炸蛋既做法，吾系煎到一塊脆口薄餅既蠔餅，配泰式辣醬食，另類口感同食法。黃咖哩牛腩 $118蒜蓉包 $38黃咖哩吾辣，有牛筋牛腩、洋蔥、薯仔等等，特別加個蒜蓉包配黎食，蒜蓉包厚身，個人建議浸落咖哩食比較好。

泰瀛是一家地道的泰國餐廳，牆身都掛了很多泰國小擺設，裝潢精緻，感覺置身於泰國一樣，店員姐姐充滿人情味與熱情🌿🍛😊串燒沙嗲雞豬 (各三串) $98串燒經過醃製後燒至金黃色，雞肉嫩滑飽滿🐓豬肉有質感🐖，沾上特製的沙嗲醬，濃郁香氣與微微的甜辣味道交融，每一啖都滿滿的層次感😋🍢小食拼盆 $108小食拼盤有多款泰式小吃，如春捲、炸蝦餅🦐和香脆雞翼🐔，每一樣色香味俱各有特色，雞翼外酥內嫩，還搭配特製的沾醬，炸蝦餅爽口彈牙🤤🍲泰式燒魷魚🦑 $168新鮮魷魚為主角經過特製的泰式香料醃製，然後炭燒至外焦內嫩，煙燻的香氣與酸辣汁🔥每一啖都充滿驚喜😌而且份量都幾多🦑大條又抵食👍🏾馬拉盞炒椰菜苗🥬 $88新鮮的椰菜苗在熱鍋中快速翻炒，保持了脆嫩的口感，並加入了馬拉盞醬，增添了獨特的香氣與風味。這道菜色彩鮮豔，清新可口，是平衡其他濃郁菜品的完美配菜，讓人倍感舒暢。🍃🥬泰式蟹肉炒飯🍛 $108鮮蟹肉🦀炒飯再搭配泰式香料🌿，米飯粒粒分明乾爽，鮮甜蟹肉再加上炒蛋的鹹香完美結合，絕對有豐富的口感層次😍

佐敦泰菜有驚喜💕💕💕💕打卡無得輸！最岩和朋友聚會吃一番！😌獨特有創意的火焔燒春雞，必叫！現場即點火，打卡無得輸！而且燒春雞也很有水準，肉質相當嫩滑美味！附有即棄手套，可以豪爽地撕開雞件來吃！👏🏻👏🏻👏🏻泰國菜當然要吃串燒沙爹，串燒包括雞和豬，各有三串，雞肉和豬肉都很軟腍和彈牙，沾上泰式風味的沙爹醬汁，特別惹味！泰國大熱的泰式蟹肉炒飯也有得吃，蟹肉放面，炒蛋加入炒飯內，很香很有鑊氣！

佐敦吳松街呢間泰國菜真係臥虎藏龍，食咁多樣嘢食都有驚喜‼️食泰國菜唔駛一定去九龍城～～呢度逢星期一至日都有唔同優惠🤩今日係星期二，芒果糯米飯可享半價👍🏻糯米飯係熱的，質感非常軟糯，成件事昇華左好多❤️「虎蝦冬蔭功」飲一啖，即刻「叮」一聲，係好好飲😋啲料好足，酸辣味會令人停唔到口！「虎蝦炒金邊粉」每次食泰國菜都必點嘅炒金邊粉，味道好balance，金邊粉係有適當嘅彈性，唔會炒到碎哂或淋哂‼️不過包左粉漿後嘅虎蝦有啲乾，失望……「火焰燒春雞」即席點火，春雞被紅紅的火光包圍住，相當有睇頭🤩呢隻春雞用左蜜糖叉燒醬醃製，味道甜甜地好惹味，重點係肉質非常嫩滑多汁，好有驚喜😋

虎蝦炒金邊粉虎蝦夠大隻，用蛋漿包裹原隻蝦，食起來夠香，肉質夠爽。我們擠出檸檬汁，提升金邊粉的香味，粉麵旁邊有花生碎，砂糖，調味自由。泰式燒魷魚原條魷魚燒得很惹味，不會燒得過火，魷魚爽口彈牙，配上醬汁，更添風味。火焰燒春雞打卡必定的小菜，店員將酒淋在已燒好的燒雞上面，火光連連，很有儀式感。成班女仔搞唔掂隻雞，店員勁好人，幫我們切件，擺盤勁靚。原隻鮮雞燒至金黃，皮脆肉滑，咬開雞肉仲有肉汁溢出。虎蝦冬陰功冬陰功酸酸辣辣，新鮮虎蝦，草菇，香葉，泰式香料，用料豐富。原鍋上枱仲用小蠟台助熱，湯水要熱辣辣先至好飲。街邊燒牛肉牛肉燒至微焦，外層有微微的焦香味，切開見到肉色嫩紅，肉質嫩滑，牛味濃郁。我們叫左飲品，芒果沙冰夠冰凍，芒果粒多到滿瀉，沙冰磨得幼滑。泰式奶茶岩港人口味，唔會太甜，青檸梳打酸酸甜甜，珍多冰椰香十足，綠豆粉條勁香斑蘭味。

係佐敦俾我搵到這間泰國菜，是泰國人煮理的，而且有種地道感覺，估唔到食品也有驚喜🥰「虎蝦冬蔭功」 味道平均椰香及酸辣，而且不太辣好岩我👍🏻 我飲左2碗呀，而且大蝦新鮮❤️「黃咖喱軟殼蟹」由於怕辣我們揀左黃咖喱，大大隻軟殼蟹炸至金黃色😋「惹味蒜蓉包」食咖喱最好就是配蒜蓉包，好喜歡這款蒜蓉包是厚切多士豐富嘅蒜蓉醬🥰「馬拉盞椰菜苗」食完濃味嘢都要食菜的，椰菜苖有哎口，而且有甜味😎「火焰燒春雞」 真的是火焰呀，會即時再燒燒，打卡岩哂了「虎蝦炒金邊粉」 我們再加了金邊粉，特色有隻大大虎蝦🥰「椰汁芒果糯米飯」 有水準的糯米飯，熱熱地糯米軟度剛好❤️ 芒果🥭好甜

被網上的火焰燒春雞吸引了！今天約了朋友一起來手撕雞～❤ 生蝦 $108基乎每次吃泰國菜都必點的！這裡幫你把椰菜絲，蒜片，辣椒放到小匙中，加上辣醬就可以很方便地倒進口裡，很細心～配上的酥炸蝦頭，送酒好物~⭐ 肉碎生菜包 $98份量比想像中多，酸辣得宜，是比較大眾化的口味，怕辣的朋友也可以吃。⭐ 虎蝦冬蔭功 $128非常足料！虎蝦大大隻，還有幾款菌類，味道傳統，酸辣開胃。❤ 火焰燒春雞 $228沒有抱太大期望，就想來打個卡📸沒想到侍應把酒倒下去🔥燒起來的時候立即香味四溢。待了好一陣子才手撕來吃，裡面還是保持到温度，一口咬下去，嘩！😳 超驚喜！！！超。級。嫩。滑！肉。汁。爆。出！🤤南乳和酒（是玫瑰露？）實在太搭了～好好吃！🤩🤩誠意推介🤩🤩❤ 鐵板蠔餅 $138當大家都以為是中式蠔餅時，來到的是滑蛋炒蠔？但發現原來這個吃法也很好吃！雞蛋嫩滑多汁又不會油～開心新發現～⭐ 馬拉盞椰菜苗$88鹹香的馬拉盞總是讓人很想添口飯🍚鍋氣十足，好吃~ ⭐ 泰國啤酒 (買二送一) $30@剛好有三款，可以來一個泰啤 Tasting，試完後Leo, Chang, Singha，我最喜歡的是偏甜的Singha～⭐

平民化之［泰灜］今次選擇這間地道平民化泰國餐廳泰灜，多菜式選擇，質素不錯，串燒沙嗲(豬牛雞)：沙嗲汁好香，唔太辣，肉質淋， 同沙嗲汁好夾，好好味。小食拼盤：拼盤有雞翅/蝦餅/春捲/魚蛋，份量好足夠，蝦餅好彈牙。麵包咖哩軟殻蟹：十分惹味，軟殼蟹外皮酥脆，肉質鮮嫩，搭配咖哩醬，風味獨特。馬拉盞通菜：口感清脆，搭配馬拉盞醬的香辣味道，十分開胃。虎蝦炒金邊粉：虎蝦炒金邊粉色香味俱全，虎蝦鮮美，米粉爽口，份量很多。椰汁芒果糯米飯：糯米飯淋上椰漿，賣相不錯，切好既芒果片可以撒上白芝麻或脆米，入口脆卜卜，口感豐富，糯米嚼勁同椰漿的香濃、芒果清甜相互交融，作為甜點或小吃，十分不錯虎蝦冬蔭功：湯色澤鮮豔，香氣四溢，酸辣味道令人垂涎，搭配米飯十分夾。

我同朋友雖然細食，但為食，所以揀泰國菜，可以每款試少少又唔貴。而且侍應服務都好好。🍴串燒沙爹🐽+🐤：✨推薦✨因為醃夠時間，所以燒完唔沾醬都好惹味👍🏻。同埋冇燒過火，所以肉唔韌好易咬。串燒醬有兩款：沙爹醬同自製甜辣汁，我就覺得淨食好好味😋。🥢Thai in 燒羊架：✨推薦✨羊架唔羶，同串燒一樣醃得好入味，而且有少量肥邊所以香口又爽口👍🏻。🥢泰式鮮蝦金柚沙律：我中意柚子、腰果、椰子🥥乾、炸蒜片size 相約，同埋mix 均勻。每口口感豐富，有東南亞風味。🥢惹味蒜蓉包：外脆內軟，蒜蓉可以重手啲。🥢芒果🥭沙冰：✨推薦✨根本係將凍芒果打成冰，好似飲芒果醬，味道好濃郁。

今晚想食泰菜，上網揀左呢間比較地道既小店泰瀛，地方不大，但乾淨舒服。價錢亦很平民。泰式無骨鳳爪，味道酸酸辣辣，充滿泰式風味，是道很開胃的小食，仲要無骨食得更加方便。蒜蓉炒椰菜苗，炒得爽脆，沒有水汪汪，沒有苦味，除了蒜蓉炒，還可以選擇泰式或馬拉盞。菠蘿海鮮炒飯，賣相吸引大份，飯粒炒得乾身，粒粒分明，內邊充滿海鮮配料，有蝦，有魷魚，有貝柱粒，飯面有蛋絲，腰果，菠蘿粒，令口感更加豐富。芒果糯米飯是泰菜必食甜品。這裡的糯米飯有熱度，不會太硬身，芒果再熟一些會更好。

佐敦可以話係少數族裔聚居嘅地區😍😍當中泰國人亦佔不少！所以開得係吳松街，相信亦都係泰國地道風味！我地坐低就聽到格離枱慶祝生日，泰國版生日歌一響🤣🤣🤣真係好有生日氣氛！不過言歸正傳，我地點咗泰式酸辣無骨鳳爪，入口係好惹味嘅洋蔥味，鳳爪十分爽脆，辣道係適合香港人舒服食嘅😆作為開胃菜一流另外我哋都點咗個虎蝦冬陰功，飲落椰奶味好濃郁，酸道同辣度我覺得都適中，而且亦有好多菇菇同埋三隻大虎蝦，食落肉質彈牙～推薦😍另外我哋都點咗半打串燒沙嗲，串燒嘅味道本身已經好足夠，肉質滑嫩好有風味，配埋沙嗲醬一粒粒嘅花生粒，令到整體口感更加豐富！對於成枱都係肉嚟講，梗係要點返個菜去平衡返呢一餐啦，我哋點咗馬拉盞炒椰菜苗，椰菜苗好爽口，馬拉盞亦十分惹味，好快就消滅晒成碟啦😆最後我哋亦都嗌咗泰式雞肉乾炒河，味道亦係水準發揮，而且份量足料抵食！

今晚又約了朋友在佐敦吳松街食飯，由於離地鐵站口只需行幾分鐘就見到，所以愛上了這條街，這兩星期已在佐敦開了三次飯。泰瀛門口非常容易認， 因為有兩個泰國女迎賓木像， 加上是玻璃門，可看到內裏是否有很多顧客。暫時人少少，我們就入去食了。內裏裝修簡約，仔細看就很有泰國風情，尤其是牆身 、枱布和茶壼， 是一家地道小店。我們先叫了一個大的小食拼盤，之後再叫串燒雞和豬各三串、麵包咖哩軟殼蟹、 馬拉盞炒通菜、 虎蝦炒金邊粉、虎蝦冬陰功湯，甜品叫了芒果糯米飯作結。小食拼盤有炸蝦餅、炸春捲、炸魚餅和炸雞翼。 個人最喜歡炸蝦餅，因為蝦膠很厚和有彈性，外面就脆卜卜， 點上酸甜醬，食指大動！ 炸春捲也很有水準，外皮硬身且爽脆，無好油膩的感覺， 內餡有新鮮蔬菜。馬拉盞通菜和金邊粉都好有鑊氣！馬拉盞通菜炒得翠綠又香口 ; 金邊粉就酸酸甜甜， 同埋炒到粉條分明，唔會一pat pat。冬陰功湯適合香港人口味唔會太辣。串燒豬肉和雞肉都嫩滑，有兩款醬汁可供選擇。重頭戲： 咖哩軟殼蟹農夫包， 又靚又好食。 估唔到有咁多軟殼蟹， 咖哩比較杰身，配上烘得脆脆的麵包，好好味。芒果糯米飯都有水準，只是我以為會比較大碟。