泰灜

營業中

休息中

虎蝦炒金邊粉虎蝦夠大隻，用蛋漿包裹原隻蝦，食起來夠香，肉質夠爽。我們擠出檸檬汁，提升金邊粉的香味，粉麵旁邊有花生碎，砂糖，調味自由。泰式燒魷魚原條魷魚燒得很惹味，不會燒得過火，魷魚爽口彈牙，配上醬汁，更添風味。火焰燒春雞打卡必定的小菜，店員將酒淋在已燒好的燒雞上面，火光連連，很有儀式感。成班女仔搞唔掂隻雞，店員勁好人，幫我們切件，擺盤勁靚。原隻鮮雞燒至金黃，皮脆肉滑，咬開雞肉仲有肉汁溢出。虎蝦冬陰功冬陰功酸酸辣辣，新鮮虎蝦，草菇，香葉，泰式香料，用料豐富。原鍋上枱仲用小蠟台助熱，湯水要熱辣辣先至好飲。街邊燒牛肉牛肉燒至微焦，外層有微微的焦香味，切開見到肉色嫩紅，肉質嫩滑，牛味濃郁。我們叫左飲品，芒果沙冰夠冰凍，芒果粒多到滿瀉，沙冰磨得幼滑。泰式奶茶岩港人口味，唔會太甜，青檸梳打酸酸甜甜，珍多冰椰香十足，綠豆粉條勁香斑蘭味。

係佐敦俾我搵到這間泰國菜，是泰國人煮理的，而且有種地道感覺，估唔到食品也有驚喜🥰「虎蝦冬蔭功」 味道平均椰香及酸辣，而且不太辣好岩我👍🏻 我飲左2碗呀，而且大蝦新鮮❤️「黃咖喱軟殼蟹」由於怕辣我們揀左黃咖喱，大大隻軟殼蟹炸至金黃色😋「惹味蒜蓉包」食咖喱最好就是配蒜蓉包，好喜歡這款蒜蓉包是厚切多士豐富嘅蒜蓉醬🥰「馬拉盞椰菜苗」食完濃味嘢都要食菜的，椰菜苖有哎口，而且有甜味😎「火焰燒春雞」 真的是火焰呀，會即時再燒燒，打卡岩哂了「虎蝦炒金邊粉」 我們再加了金邊粉，特色有隻大大虎蝦🥰「椰汁芒果糯米飯」 有水準的糯米飯，熱熱地糯米軟度剛好❤️ 芒果🥭好甜

被網上的火焰燒春雞吸引了！今天約了朋友一起來手撕雞～❤ 生蝦 $108基乎每次吃泰國菜都必點的！這裡幫你把椰菜絲，蒜片，辣椒放到小匙中，加上辣醬就可以很方便地倒進口裡，很細心～配上的酥炸蝦頭，送酒好物~⭐ 肉碎生菜包 $98份量比想像中多，酸辣得宜，是比較大眾化的口味，怕辣的朋友也可以吃。⭐ 虎蝦冬蔭功 $128非常足料！虎蝦大大隻，還有幾款菌類，味道傳統，酸辣開胃。❤ 火焰燒春雞 $228沒有抱太大期望，就想來打個卡📸沒想到侍應把酒倒下去🔥燒起來的時候立即香味四溢。待了好一陣子才手撕來吃，裡面還是保持到温度，一口咬下去，嘩！😳 超驚喜！！！超。級。嫩。滑！肉。汁。爆。出！🤤南乳和酒（是玫瑰露？）實在太搭了～好好吃！🤩🤩誠意推介🤩🤩❤ 鐵板蠔餅 $138當大家都以為是中式蠔餅時，來到的是滑蛋炒蠔？但發現原來這個吃法也很好吃！雞蛋嫩滑多汁又不會油～開心新發現～⭐ 馬拉盞椰菜苗$88鹹香的馬拉盞總是讓人很想添口飯🍚鍋氣十足，好吃~ ⭐ 泰國啤酒 (買二送一) $30@剛好有三款，可以來一個泰啤 Tasting，試完後Leo, Chang, Singha，我最喜歡的是偏甜的Singha～⭐

平民化之［泰灜］今次選擇這間地道平民化泰國餐廳泰灜，多菜式選擇，質素不錯，串燒沙嗲(豬牛雞)：沙嗲汁好香，唔太辣，肉質淋， 同沙嗲汁好夾，好好味。小食拼盤：拼盤有雞翅/蝦餅/春捲/魚蛋，份量好足夠，蝦餅好彈牙。麵包咖哩軟殻蟹：十分惹味，軟殼蟹外皮酥脆，肉質鮮嫩，搭配咖哩醬，風味獨特。馬拉盞通菜：口感清脆，搭配馬拉盞醬的香辣味道，十分開胃。虎蝦炒金邊粉：虎蝦炒金邊粉色香味俱全，虎蝦鮮美，米粉爽口，份量很多。椰汁芒果糯米飯：糯米飯淋上椰漿，賣相不錯，切好既芒果片可以撒上白芝麻或脆米，入口脆卜卜，口感豐富，糯米嚼勁同椰漿的香濃、芒果清甜相互交融，作為甜點或小吃，十分不錯虎蝦冬蔭功：湯色澤鮮豔，香氣四溢，酸辣味道令人垂涎，搭配米飯十分夾。

我同朋友雖然細食，但為食，所以揀泰國菜，可以每款試少少又唔貴。而且侍應服務都好好。🍴串燒沙爹🐽+🐤：✨推薦✨因為醃夠時間，所以燒完唔沾醬都好惹味👍🏻。同埋冇燒過火，所以肉唔韌好易咬。串燒醬有兩款：沙爹醬同自製甜辣汁，我就覺得淨食好好味😋。🥢Thai in 燒羊架：✨推薦✨羊架唔羶，同串燒一樣醃得好入味，而且有少量肥邊所以香口又爽口👍🏻。🥢泰式鮮蝦金柚沙律：我中意柚子、腰果、椰子🥥乾、炸蒜片size 相約，同埋mix 均勻。每口口感豐富，有東南亞風味。🥢惹味蒜蓉包：外脆內軟，蒜蓉可以重手啲。🥢芒果🥭沙冰：✨推薦✨根本係將凍芒果打成冰，好似飲芒果醬，味道好濃郁。

今晚想食泰菜，上網揀左呢間比較地道既小店泰瀛，地方不大，但乾淨舒服。價錢亦很平民。泰式無骨鳳爪，味道酸酸辣辣，充滿泰式風味，是道很開胃的小食，仲要無骨食得更加方便。蒜蓉炒椰菜苗，炒得爽脆，沒有水汪汪，沒有苦味，除了蒜蓉炒，還可以選擇泰式或馬拉盞。菠蘿海鮮炒飯，賣相吸引大份，飯粒炒得乾身，粒粒分明，內邊充滿海鮮配料，有蝦，有魷魚，有貝柱粒，飯面有蛋絲，腰果，菠蘿粒，令口感更加豐富。芒果糯米飯是泰菜必食甜品。這裡的糯米飯有熱度，不會太硬身，芒果再熟一些會更好。

佐敦可以話係少數族裔聚居嘅地區😍😍當中泰國人亦佔不少！所以開得係吳松街，相信亦都係泰國地道風味！我地坐低就聽到格離枱慶祝生日，泰國版生日歌一響🤣🤣🤣真係好有生日氣氛！不過言歸正傳，我地點咗泰式酸辣無骨鳳爪，入口係好惹味嘅洋蔥味，鳳爪十分爽脆，辣道係適合香港人舒服食嘅😆作為開胃菜一流另外我哋都點咗個虎蝦冬陰功，飲落椰奶味好濃郁，酸道同辣度我覺得都適中，而且亦有好多菇菇同埋三隻大虎蝦，食落肉質彈牙～推薦😍另外我哋都點咗半打串燒沙嗲，串燒嘅味道本身已經好足夠，肉質滑嫩好有風味，配埋沙嗲醬一粒粒嘅花生粒，令到整體口感更加豐富！對於成枱都係肉嚟講，梗係要點返個菜去平衡返呢一餐啦，我哋點咗馬拉盞炒椰菜苗，椰菜苗好爽口，馬拉盞亦十分惹味，好快就消滅晒成碟啦😆最後我哋亦都嗌咗泰式雞肉乾炒河，味道亦係水準發揮，而且份量足料抵食！

今晚又約了朋友在佐敦吳松街食飯，由於離地鐵站口只需行幾分鐘就見到，所以愛上了這條街，這兩星期已在佐敦開了三次飯。泰瀛門口非常容易認， 因為有兩個泰國女迎賓木像， 加上是玻璃門，可看到內裏是否有很多顧客。暫時人少少，我們就入去食了。內裏裝修簡約，仔細看就很有泰國風情，尤其是牆身 、枱布和茶壼， 是一家地道小店。我們先叫了一個大的小食拼盤，之後再叫串燒雞和豬各三串、麵包咖哩軟殼蟹、 馬拉盞炒通菜、 虎蝦炒金邊粉、虎蝦冬陰功湯，甜品叫了芒果糯米飯作結。小食拼盤有炸蝦餅、炸春捲、炸魚餅和炸雞翼。 個人最喜歡炸蝦餅，因為蝦膠很厚和有彈性，外面就脆卜卜， 點上酸甜醬，食指大動！ 炸春捲也很有水準，外皮硬身且爽脆，無好油膩的感覺， 內餡有新鮮蔬菜。馬拉盞通菜和金邊粉都好有鑊氣！馬拉盞通菜炒得翠綠又香口 ; 金邊粉就酸酸甜甜， 同埋炒到粉條分明，唔會一pat pat。冬陰功湯適合香港人口味唔會太辣。串燒豬肉和雞肉都嫩滑，有兩款醬汁可供選擇。重頭戲： 咖哩軟殼蟹農夫包， 又靚又好食。 估唔到有咁多軟殼蟹， 咖哩比較杰身，配上烘得脆脆的麵包，好好味。芒果糯米飯都有水準，只是我以為會比較大碟。

留意咗呢間位於佐敦既泰國餐廳好耐，喺吳松街食肆一帶，今日終於有機會同朋友一齊去試下😀😀我地星期日幫襯，竟然仲有優惠午餐，$4x起有一個泰式炒飯炒麵，仲唔洗加一，好抵食😝我哋一行幾個人叫咗唔少嘢食，有前菜、小食、主菜、仲有甜品、飲品，埋單都係二百零蚊一個人😝好抵食😚😚泰式無骨海南雞配湯及油飯$65 - 呢個我強烈推介，海南雞肉味鮮嫩，油飯香芬噴鼻，正！😄😄馬拉盞通菜$78 - 非常惹味😝 煮得夠淋夠入味！😍😍串燒沙嗲豬雞焗三串$98 - 呢個好正呀！ 豬同雞各有三串！ 肉質鮮嫩又多汁，好吃！😚😚小食拼盤108 - 有香茅雞翼、炸蝦🍤同春卷😄😄椰青$38 珍多冰$12呢間餐廳真係唔錯！👍🏻 食物夠多元化，價錢又平！ 仲有晚市優惠，真係可以多多幫襯😍😍泰灜 (佐敦)佐敦吳松街141號地舖

超開心嘅朋友聚會，你有你講我有我講，好熱鬧😆，幾年之間第3次嚟，食物水準keep到(好重要)，雖然地方唔大，但服務員有禮細心，洗手間都算乾淨，氣氛好熱鬧，適合喜歡熱鬧嘅朋友。

朋友介紹呢間泰國小店，話嘢食好味得來又夠實惠，所以今晚決定去試吓，店員好熱情，會介紹餐廳值得試嘅菜式，所以每一樣都覺得好值得推介。虎蝦冬蔭功冬陰功湯用熱鍋上，下邊仲有個蠟燭保持溫度，酸度同辣度都啱啱好，仲有幾隻虎蝦，每一隻都彈牙多肉夠新鮮，飲完一碗一碗，推介！青芒軟殼蟹沙律呢款沙律係店員推介，軟殼蟹份量好多，而且炸得好乾身，唔會油淋淋食到好飽好滯咁，青芒果沙律係泰菜入邊比較特色嘅一款，調味辣辣地好開胃！街邊燒牛肉燒牛肉亦都係店員推介，簡直要重點推介俾大家去試，份量多之餘，燒得啱啱好，中間帶點粉嫩，所以一啲都唔靭，再配搭埋特製嘅醬汁，簡直令令味道更加昇華！泰式炒通菜呢度有幾款菜可以選擇，亦都有幾個口味可以選擇，估唔到份量係咁多，性價比十足！飲品方面，餐廳有迎合香港人嘅口味，所以泰式奶茶嘅甜度唔會過甜，奶味重；而龍眼冰就夠晒清爽，仲有粒粒嘅龍眼肉可以食，解膩一流！

好似好耐冇食過泰國菜，講起香港嘅泰國菜正常都應該要去九龍城，但係對我嚟講有啲隔涉，聽朋友講呢一間喺佐敦嘅泰國菜都係泰國廚師，所以就過嚟試吓。佢哋做緊泰國啤酒買二送一，四個人叫做三支嚟試吓味，象啤出名啲真係有佢嘅原因架。不過其實另外兩款都好飲嘅。食泰菜點少得叫返個椰青，呢度嘅椰青都好新鮮，仲有支鐵羹俾你食埋入面啲椰肉，真係好細心架。嘢食方面，首先叫咗個生蝦做前菜，佢呢度特別菜嗰啲蝦頭會幫你炸埋，脆卜卜咁，可以連頭都食埋。而佢啲生蝦都好新鮮，都好爽口，點埋泰式青檸辣汁真係冇得輸。然後又點少得嗌返個海鮮冬陰功，佢個冬陰功湯見到都有啲香料喺入邊，唔係嗰啲開粉嘅冬陰功湯。最重要係仲有兩隻開邊嘅大虎蝦，又係新鮮彈牙，絕對足料。然後叫咗個生菜包，佢個生菜包唔係好辣，小朋友都會食到，但係就保留咗泰國菜嘅酸，夠晒開胃。另外叫咗個鐵板蠔餅，原本以為係我哋中式認知中嘅蠔餅，但原來佢呢個係滑蛋炒蠔仔咁樣，啲蛋係比較濕嘅，但係就好滑，點埋佢個辣椒醬好惹味㗎。菜就梗係唔少得馬拉盞炒椰菜苗啦，佢呢度啲椰菜苗真係BB嚟㗎，唔會好老，完全符合商品說明條例。最後壓軸嘅要講吓佢呢個燒春雞，呢個燒春雞好似睇表演，咁佢會喺你面

在繁忙的佐敦區，隱藏著一家讓人驚艷的泰國菜餐廳，這裡不僅環境幽雅，更讓我在家人生日這天，享受到了一場味蕾的盛宴。一踏入餐廳，那熟悉的東南亞風情便撲面而來，仿佛瞬間穿越到了異國他鄉。我們點的幾道招牌菜，無一不讓人印象深刻。泰式生蝦，新鮮爽滑，搭配特製酸辣醬汁，每一口都是對味覺的極致挑逗；炸蝦餅則外酥裡嫩，金黃色的外皮包裹著鮮美的蝦肉，讓人忍不住一口接一口。泰式炒通菜，簡簡單單的食材卻能炒出不一樣的滋味，清香爽脆，十分開胃；而菠蘿海鮮炒飯，更是讓人眼前一亮，飯粒粒分明，與菠蘿的酸甜、海鮮的鮮美完美融合，每一勺都是滿滿的幸福感。當然，壓軸的還是那道海南雞，雞肉嫩滑無比，醬汁鮮美醇厚，搭配特製的辣椒醬和姜蔥，簡直是味覺上的享受。我們一家人都對這道菜讚不絕口，直呼過癮。總的來說，這家餐廳的泰國菜無論是從食材的選擇、烹飪的技巧還是味道的調配，都達到了相當高的水準。如果你也是泰國菜的愛好者，那麼這家餐廳絕對值得你來一探究竟。相信在這裡，你也能找到屬於自己的那份味蕾上的驚喜。

昨晚與友人相聚，選擇左位於佐敦嘅泰國餐廳 服務員好熱情為我們推薦了幾道招牌菜必點咖喱麵包軟殼蟹。金黃色的咖喱汁濃郁醇厚，包裹著外酥裡嫩的軟殼蟹，麵包吸飽了咖喱的精華，風味十足，讓人不禁一塊接一塊，停不下來。泰式燒魷魚同樣令人驚艷，魷魚鮮嫩多汁，表面燒烤得恰到好處，搭配的泰式酸辣醬更是點睛之筆，讓整道菜的風味層次豐富。我們還點了雞肉豬肉串燒、泰式生蝦、炸蝦餅和泰式炒通菜。每一道菜都充分展現了泰國料理的精髓，無論是肉質的鮮嫩、調料的獨特，還是烹飪手法，都讓我們大呼過癮。餐廳仲好熱情為客人播放泰式生日歌，好有氣氛，好鍾意依間泰國餐廳

泰灜👻呢排成日去九龍城經過好多唔同嘅泰國菜店冇時間入去食估唔到嚟到佐敦就走咗入黎咁樣都搵到好野食🥰.🔅泰式明爐烏頭HKD 198食泰國嘢最signature當然係明爐烏頭原個爐咁樣上用火興住條魚加埋啲泰式配料青檸味同烏頭好夾次次食泰國野都必嗌😆🔅泰式燒羊架HKD 168好少食泰式嘅羊架燒得幾香之餘佢個秘製醬都好有特色個醬香濃之餘又有少少奶香🔅黃咖喱雞HKD 108泰國菜點少得咖哩揀咗唔辣既黃咖哩雞肉都幾多餸飯一流😛🔅肉碎生菜包HKD 98又係最愛既生菜包港式最愛生菜包反而去泰國無得食🤣🔅串燒沙嗲HKD 98沙嗲串燒有雞豬各三串最靈魂係個沙嗲醬真係點咩都咁好食🔅泰式通菜HKD 78泰式既炒菜特別有穫氣少少辣椒絲吊下味又惹味又香口🤭.整體黎講:抵食泰菜 滿足好味😚.🎈 泰灜 (佐敦)佐敦吳松街141號地舖