泰瀾鑊 (北角匯三期)

營業中

休息中

今日揸車入去北角渣華道個邊食泰國🇹🇭菜，人多食野真開心🤩，乜都可以叫d😋，滿足我呢個為食鬼😍我必須說這是一個令人驚喜的餐廳！我和屋企人點了一些菜，首先係泰鑊小食拼盤，當中咩都有齊例如：春卷，蝦餅，魚餅，雞丸，雞翼，各有4件。這道菜色彩繽紛，非常吸引人。每一件都烤得恰到好處，肉質鮮嫩多汁。我最喜歡的是雞丸，因為它去返沙嗲汁好正。魚餅煎至金黃色，口感酥脆😋😋 魚肉質地非常細膩，入口即化👍👍這道菜是絕對不能錯過的！泰式燒安格斯牛小排，邊邊輕微焦香，肉質嫩滑，有咬口😋清邁秘制串燒雙拼 - 雞豬各3串，大大串燒得香口，肉質軟腍濕潤，配上自家調配嘅沙嗲醬，又另一番風味。仲有Tuktuk 車設計🛵 比客人食完飯打下卡別有一番風味🤭屋企人好鍾意❤️好岩我地個人喜好，整體來講係好味嘅食物水準👍🏻分量十足，價錢經濟實惠，服務態度一流👍🏻裏面係好有泰國特色風味，我一定要推介俾朋友啊！

今日同朋友食生日飯 㨂左食泰菜🤓一黎就叫左個椰子雞湯😚好飲🤤呢個係細嘅， 但都夠三個飲喎每人可以飲碗半跟住飛天通菜就唔少得 正常味道偏辣蠔餅又係大大份鹽焗魚就有烏頭同鱸魚㨂我地就㨂左鱸魚，貴30蚊 條魚就唔算大條，不過我地叫左好多野食好彩佢唔大條 如果唔係都一定食唔哂呢個炒粉就真的還好 可能我地叫得太多野食都唔係好食得落佢味道幾好，但係好快凍左變硬個度啲冷氣都係偏凍最後再食多個芒果糯米飯去結束呢一餐今次三個人食，埋單300一位都唔算貴 始終我地叫左好多野食🤭

終於等到開幕，一條間有3間不同的泰菜餐廳，這間經常座無虛席，平日晚上亦要排隊等位！所以選擇避開人多時間的下午茶試一試價錢比午市晚市更親民，還包含飲品！亦有加購優惠，價錢亦比晚市平，所以加購了炒菜試試！心想分量應該比正常少，誰料大大杯飲品，食物分量亦正常，男士們應該滿足！食物質素很好，炒菜亦很有鑊氣，非常野味！剛巧遇上職員用膳，聽到廚房傳來泰文，茶水部亦是泰國人，難怪煮出一手正宗泰菜啦！可能新開張關係，員工亦算新手，唯服務有待加強！但整體感覺很好！有機會會再約朋友們試晚市可試多幾款小菜

見佢新開就嚟試吓 lunch唔係好貴$100內搞掂我揀咗泰式濕炒牛河 等咗多過半個鐘先至上菜 期間催咗幾次 服務態度唔係幾好 我哋都未同佢講係爭邊一個就話：「整緊喇！」但都係等咗一排先上菜佢上菜嘅pattern應該係逐個逐個餸咁樣去整，例如一次過整晒pad Thai先再搞其他，所以好睇彩數建議附近嘅打工仔放lunch得一個鐘嘅，千祈唔好食呢一間。唔係食得急，而係差唔多放完lunch你都仲未上菜食物質素只能說大份夾抵食，但未至於好好食

1）香烤薄餅 — 好似食緊一塊粉皮。雖然係外賣自取，但都識得分塊餅係脆過焗淋咗定根本無脆過。塊餅正正係後者，連餅邊都無脆過。2）青咖哩雞扒 — 青咖哩好明顯係落咗色素，成兜嘢係螢光綠色，無任何咖哩味。雞扒燒到乾曬，啲肉好鞋好難食。3）蛋網鮮蝦炒金邊粉 — 望落係好實好深嘅橙紅色，番茄味有啲太突出，唔難食。4）蒜蓉炒通菜 — 無蒜味。5）冬陰公海鮮湯 — 有蝦、青口同魷魚，魷魚好韌好難咬。6）炸蝦餅 — 8件其實係完整4件切半，不過幾大件幾彈牙，外賣自取都無淋到，係所有嘢最好食。

服務差，早上11:45到，我哋係第一枱客人，居然帶去全店最差位置，要出聲先肯換枱。以為自己眼花睇唔到有好多「人」坐滿哂。講到出品，好差，無骨雞腳太過酸無香味，口感有啲粉粉地，好奇怪，仲有骨。香葉肉碎飯唔香唔辣無香葉，把鬼。泰式炒粉，只係甜，乜味都冇。最慘係沙爹，係油炸而並非燒，油淋淋咁。本來想支持下新店但係令人非常失望，對面就係Dee Kitchen, 價錢差唔多，出品贏幾條街。連阿仔都話難食。寫呢篇文章告誡自己，以後唔會再嚟

上網見到有唔少人介紹專登約埋成班朋友用book枱食 👯‍♀️一行8人 店員話可以盡量安排房我哋坐 因為咁岩我哋係平日去又好好彩當日無乜其他大枱 最後都安排到房俾我地 勁開心！☺️我哋成班朋友都覺得依間真係正！值得推介！ 其中青檸明爐魚同咖哩蟹係一！定！要！試！明爐魚酸辣調味啱啱好 勁開胃😻個人口味覺得唔會太辣 (利申:平時食開中辣)魚肉夠厚滑 無乜骨 個汁好正 仲有火熱住🔥！成班朋友狂搶！好想另外嗌一碗湯拎返屋企煮麵食 認真！🤣 可惜無得另外叫湯 咖哩蟹個咖喱真係世界級！🦀🦀唔知點解泰國菜啲咖喱次次都係蟹先會加蛋，但加左真係好食好多！😻因為依個咖喱，薄餅同蒜蓉包都加左幾次！🤣🤣🤣😻😻 無影到好多相 因為次次一上枱唔搶就俾人食左 但唔緊要 因為一定會再去！依兩樣係最滿意，其他都唔錯，好食過好多其他泰國餐廳，食完有好滿足的感覺 ！☺️☺️☺️

我們一家三口去試午餐。這裏的set lunch有好多選擇。我們點了招牌推介，海南雞飯，及Pad Thai，又叫了沙嗲及跟餐特價的香茅雞翼。海南雞飯雞夠嫩滑，醬汁調校好味，只是飯不夠熱。特別要讚就是服務親切，有heart👍🏻

夜晚過黎食好多人排隊，好彩有訂位🫢叫左咖喱蝦，D蝦好大隻，又彈牙🤤仲有爐仔keep warm 好貼心蠔餅鐵板上，D熱氣*渣渣*聲好正🤣所有野食都keep到溫度👍食物味道都岩岩好，吾會話太濃味尤其佢地自家制D醬汁，一流👍D員工都好 nice整體都吾錯，值得一試

經朋友講北角匯開左間新泰國菜，今晚同屋企人試下，坐底原來會送碟蝦片，味道都幾好，食曬問夥計再送多一碟都幾好，3個人叫左4樣野，串燒雙拼，生菜包，同埋酸辣明爐烏頭魚，火山骨，味道同去泰國食差唔多，問左夥計原來d師傅全部泰國人，用料有d有都係泰國空運過來，所以味道先甘正宗！特別真係要讚下個火山骨，骨肉夠淋，主要靠個醬汁吊起d味，酸辣酸辣帶d清新，正，呢個真係推薦大家可以試下，總體黎講，個人覺得幾正宗泰國菜！

新開既店，緊係要試下啦。只係因此午餐時段真係幾繁忙，等左7分鐘左右先有位。要夾抬，D枱唔算闊，有D逼（我大份sorry😔），我自己食到13：40左右才見有多D位。咁我就叫左個青咖哩燒雞扒飯(多飯😋) （$88）加杯泰式凍啡（跟餐＋$8）。。。唔知係咪錯覺，哩到D野真係睇落大過其他地方。1. 凍啡，我自己鐘意走甜多奶，飲落有少少巧克力味，酸澀程度適中，幾好飲，飲完先發覺真係幾多（食完飯後飲埋80%杯，我成個胃凉左🥴）。2. 青咖哩雞飯，真係哇出黎。烤雞扒夠大夠厚，夾起時見到碟上肉汁，就知佢唔會差得去邊。香嫩、多汁、夠香夠大，真係烤得唔錯。青咖哩都係一番滋味，濃度夠，至少唔係水咁，有青豆條、泰國茄子（好似有大粒切半、細粒整粒上？）、辣椒幾片。整體味道柔和、BB辣（譚XX哥10 or 5小辣左右？）、唔知點解會D嗆。叫左多飯唔加錢，啱晒我哩個飯桶🤤，但係正常份量都好似唔少，見隔離3個人每人都食剩1/4 or 1/5，真係細食又唔想浪費可以考慮下叫少飯/麵。總數加一這餐$106，這價錢食一餐質素算中上/上下既飽肚泰國菜我覺得算值，下次再試其他菜式。😺

1. 座位安排次序不合理當晚攞飛排隊既有3台客，我係第一台2人，另外第二台3人，第三台2人。排左20分鐘，裡面有4個食客埋單離開，理應係我地第一台客入，但個肥女staff竟然安排左第二台3人先入。然後我要再等多10分鐘先安排到入座。如果佢地係卡位既話，我明(但都唔應該)。但佢地唔係，全部係可以移得開既2人枱，咁點解唔係2人既我地先入？然後再安排第三台既2人一齊入呢？而係俾左張3人排我後面既入左先呢？2. 店鋪環境如果本身係設計對動物友善既餐廳，理應喺座位設計上一定會預留足夠空間。但成間鋪既枱櫈密密麻麻，就連佢地最瘦既staff要行去窗邊既位，都係要攝過去，咁究竟點能夠做到動物友善呢？同時對食客，喺咁狹窄既環境亦令到成個體驗係非常差，因會好擔心後面攞住一碟碟餸既職員經過時，會唔會倒瀉落自己度而要左閃右避。3. 食物當晚叫左個青咖哩牛，都理解唔到點樣可以做到連牛肉都有騷味，蒜蓉包同串燒完全係凍既…只有生蝦叫左好食。4. 埋單呢間野我係透過喺Foodie 社交媒體網站介紹，個度寫明，只要show個post俾佢地睇，就可以享有滿$400減$50。但講真，你呢d其實係一個推廣，好心唔好咁孤寒，用

同朋友行行下街發現有間新開既泰式風情的泰國餐廳，仲要係寵物友善餐廳。咁就同朋友一齊入來試下啦～咁我哋就嗌左個清邁秘製串燒雙併，特別想推介秘製串燒豬，肉質厚實有嚼勁，炭火燒過的豬肉挺好味，但秘製串燒雞就差左少小，雞肉雖然嫩彈入味，燒到啲油脂出來，但對比豬，我個人就會揀串燒豬來食🤤頂級蘭王蛋泰式鐵板蠔餅外表煎得金黃色，熱辣辣咁送過來，聞到都覺得好香，然後咬落去，每一口都吃到肥美的蠔仔海味和頂級蘭王蛋濃濃蛋香，吾需要點辣醬都已經好香。值得一試。（雖然無潮洲蠔仔咁香脆，但話曬係2個吾同國家既風味）去到泰國餐廳吾係吾嗌辣肉碎生菜包啊！？肉碎加埋金不換一齊爆炒，同金不換香味結合，肉碎鹹香有致，酸辣度恰到好處，無敵開胃，讓人一口接一口停不下來，可惜生菜份量不太足夠🥲😭🫠之後食泰國野一定要試下明爐魚架啦😆😆咁我哋就嗌左條吾辣既試下，香料望落都好足夠薑、香茅、肉碎呢啲都有。條魚幾乎無鱗。魚肉都好滑，肉嫩鮮甜，而且少骨，真係可以啖啖肉！湯汁都夠味。如果吾係朋友吾食辣，想試下佢條酸辣魚添😭等下次同屋企人來試埋條鹽燒烏頭同酸辣魚總括嚟講，係值得去試下🤤🤤等我下次帶埋屋企人同2隻貓貓都去食嘢先

見附近新開左間泰國菜，專登過嚟試吓新開張乾淨企理，裝修幾靚嗌咗咖喱軟殼蟹，飛天通菜，蘭王蛋蠔餅，小食拼盤，蒜蓉包，芒果糯米飯咖喱好食，軟殼蟹算大隻，飛天通菜夠惹味，蠔餅好香蛋味，蠔仔大隻，食得出係新鮮小食拼盤，魚餅蝦餅春卷唔係現成嘢，好食芒果糯米飯超好食，糯米非常有咬口，唔會太晏，或者啲飯爛晒，又唔會太甜👍🏻👍🏻👍🏻食緊飯嗰陣侍應都有主動過嚟加水，經理又會過嚟問吓啲嘢好唔好食，抵讚👍🏻

見到北角匯開咗間新泰國菜，都幾多人幫襯。諗住試吓，點知中大伏！1. 由一開始坐低起計，足足嗌咗三次要水先畀到，唔知廚房點溝通。2. 嗌咗個肉碎炒飯，等咗20分鐘，然後侍應就黎話肉碎賣晒。講真嗰句，有陣時咁啱賣晒真係冇辦法，但係可以早少少講。咁都算，轉嗌個蝦醬炒飯。點知過多十幾分鐘，侍應又走埋黎話肉碎賣晒，原來蝦醬炒飯都要落肉碎。我都唔知講乜好，可能我孤陋寡聞唔知蝦醬炒飯要落肉碎，但係你侍應冇理由唔知掛。佢問我轉唔轉雞肉碎，但係嗰陣其他餸已經黎晒，等得黎都食晒其他嘢。同埋我已經等咗差唔多40分鐘，唔想再等，叫佢畀咗兩個白飯黎。3. 畀咗兩個白飯黎，點知完全係凍，係少少暖都冇。我都費事出聲，攞啲熱咖哩淋落去拿拿聲食完就算。完全係谷鬼氣。食物質素不合格，服務質素不合格，唔會再幫襯。