泰瀾鑊 (朗壹廣場)

營業中

休息中

今日拍拖周年紀念，同男朋友去咗間好有情調嘅泰式餐廳，環境好舒服，有得坐室外添，好多嘢食都好吸引，所以我哋嗌咗好多🤭我哋每人嗌左一杯嘢飲，試左泰式凍奶茶，奶同茶嘅比例啱啱好，真係好似喺泰國飲嘅咁💕仲叫咗杯龍眼冰，勁多龍眼肉，好有龍眼味，唔會得d糖漿味🤤🤤✅蛋網鮮蝦金邊粉賣相好靚，而且好足料，同埋啲金邊粉好有咬口😋😋✅清邁秘制串燒雙拼（雞豬各3串）都好值得推介，啲肉好多汁，又唔會乾爭爭，配埋個汁無得頂👍🏻✅泰式蝦醬炒飯，好香嘅蝦醬味，而且整得好有心機，會配埋青瓜，有少少蔬菜，感覺好清新😌😌✅炒芥蘭(馬拉盞)都好抵讚，啲芥蘭好清甜，值得一試😆

放工之後約左朋友傾傾心事，都要搵地方食正餐，平是都食開西餐中餐，今次就食呢一間「泰瀾獲」，呢一度全部都係做泰國菜，入到去入面好似去左泰國一樣，好有特式，影返幾張相都唔錯，呢度價錢都好公道合理，服務都好好 🫧炒芥蘭(馬拉盞) (^з^)-☆呢個粉得好香好食，好健康既菜，同埋佢既菜都好嫩，顏色又靚，都食得過既🫧板燒魷魚(^з^)-☆一上到枱已經超級香，啲香味嗅到已經流晒口水，燒到好有口感又好有韌性，仲有泰式甜酸醬，味道好🫧椒鹽蒜香軟殼蟹(^з^)-☆份量好高好滿，呢度幾個人分係剛剛好，軟殼蟹炸得香口又香脆，呢幾款菜式主要既口味都唔同，今次完全食到唔同既菜式，做得好有水準🫧柚子鮮蝦沙律(^з^)-☆呢個沙律係必食既，平時沙律食得多，柚子既沙律都好少食，清清地又帶點酸酸地既口感，原來食到可以咁清新，仲要用料都好足，真係必食 

細佬生日～元朗分店一開細佬已經想試好耐，見佢生日一於等佢發辦啦！ 環境舒適，好有泰國風情～外面仲有架篤篤車喺度，鍾意可以打吓卡。不過夏天梗係坐入邊舒服啲啦～一坐低會有一盤蝦片做前菜，點餸之後每人叫咗個椰青飲鮮甜又大個！一行5人，叫咗一個椰汁雞湯、半隻烤雞、咖喱軟殼蟹、燒豬頸肉、炒金邊粉同馬拉盞炒芥蘭，份量好足！ 最好食係烤雞，燒的夠又唔會太乾，咖喱軟殼蟹除咗有咖喱同軟殼蟹之外，菜底都好多夠晒健康！最正就係有免費泊車！車位真係好足夠至啱泊車人士去！

環境💯滿分既環境，泰國風既裝修，鋪頭大大間，仲可以同篤篤車打卡！店員💯態度好好，會主動收碟清理，又會介紹餐廳招牌菜，服務一流！酸辣青木瓜沙律💯沙律酸酸辣辣，青木瓜絲好爽口，脆脆地，加埋啲蘿蔔絲，成碟都好爽脆！清邁秘制串燒雙拼💯串燒有雞有豬，新鮮燒起，仲有啲焦脆，我中意豬肉多啲，比較腍身，肥肥地又幾香喎！椒鹽蒜香軟殼蟹💯軟殼蟹有一隻咁多，炸脆既軟殼蟹真係好香，蒜蓉同椒鹽令到軟殼蟹好濃味，軟殼蟹仲要有膏添，蟹既咸香加埋蒜香椒鹽香，惹味非常！泰式蝦醬炒飯💯炒飯有份量得黎又香，每啖都食到蝦醬既咸香味，配料有啲蠟腸片蔥粒蛋絲，一啖既口感味道都夠晒豐富！芒果黑白糯米飯💯泰國傳統甜品，芒果又甜又多，糯米飯又粘口又痴身，椰奶又稠又清甜，最佳配搭！

某程度上呢間泰國料理都係我哋一家人經常食嘅餐廳之一，媽咪唔想煮飯嘅時候多數都會係呢一度各自叫一個飯或者面做晚餐。一家人食過大概五次左右有三樣我係覺得幾好食嘅！今次就介紹我最鍾意食嘅三樣嘢！第一樣係滷水豬脾飯，大多數時候都係會食到豬手但係豬脾會相對比較少啲，呢個飯就冇咩泰國嘅味道！但豬脾大大隻又入味配飯幾好。第二樣蘭王蛋香葉辣肉碎飯，平時泰國肉碎都係包菜食，我就係好想配飯食嘅！呢度就滿足左我嘅願望，肉碎配白飯真係好夾，會不自覺地食咗成碗飯，一啖肉碎一啖飯咁樣食！第三樣係蛋網鮮蝦金邊粉，通常唔想食咁大份量就會叫呢一個，感覺面冇飯咁飽。加上金邊粉嘅味道會開胃啲，好熱嘅時候就會選擇呢一個！

朗屏有一間泰式餐廳，環境寬敞舒適，設有户外坐位，可以帶埋毛孩一齊食嘢🐶佢哋嘅泰菜全部都大大碟，約聚餐飲局都好適合👍🏻馬拉盞炒芥蘭十分惹味，馬拉盞濃郁，同芥蘭係最佳組合🥬清邁秘制串燒雙拼分別有雞豬各3串，雞肉燒得多汁，豬串有脂肪所以充滿油香，最緊要要點秘制醬汁，甜甜辣辣，為串燒加分👆🏻泰式蝦醬炒飯鹹鹹香香，伴有泰國臘腸同蛋絲，非常足料🍚蛋網鮮蝦金邊粉賣相滿分，蛋網完美覆蓋金邊粉，金邊粉炒得彈牙，同時食到有芽菜、蔥、花生碎等，口感豐富👍🏻

🔸泰式碎貓雞肉炒河粉🔹「之前同男朋友食過一次，由於實在太好食，所以今次同屋企人一齊，呢間餐廳又大又闊，真係好喜歡係度用餐，同埋泰國餐都好岩成家人食，呢度既環境好休閒，感覺令人舒服，屋企人都話呢度選擇豐富，價錢又抵食，呢碟泰式碎貓雞肉炒河粉整得好好食」🔹炒道菜(飛天)🔸「菜既質感好清爽，又夠嫩，炒到好好食」🔹清邁秘制串燒雙拼（雞豬各3串）🔸「點解食完一次會再來食，因為只能用好食來形容，上次未有機會食到，今日終於可以品嘗，呢度既串燒果然零舍不同，燒得好香，雞肉、豬肉既肉都好鬆軟，但可燒到外層結實，兩種質感，實在好高質」🔸泰式明爐烏頭🔹「呢一碟魚認真有心思，用一個好大既爐裝起，入面超多配料，配料都放到滿滿，酸酸辣辣既味道好容易令人上癮」🔹芒果黑白糯米飯🔸「芒果黑白糯米飯呢一道甜品，就係我第二個胃，當中既椰汁好甜好好味，滿滿既椰汁包著每一粒糯米，真係好正，同時仲食到暖暖地既糯米，再加上香甜新鮮既芒果，非常飽肚既滿足」

菠蘿海鮮炒飯海鮮比想像中多好多，包括蝦🦐青口等等，旁邊仲有肉鬆同腰果，撈埋個飯層次感會更加多！菠蘿粒就放埋喺個飯入邊❣️泰式明爐烏頭同泰式明爐烏頭湯叫得烏頭就叫埋烏頭湯啦！我同屋企人都覺得呢兩樣嘢要一齊食先係最好嘅組合😙烏頭比想像中大份好多，有好多調味料所以魚肉都好入味下！泰鑊小食拼盤 小食拼盤有春卷，蝦餅，魚餅，雞丸，雞翼✨每款小食都有四件， 每一件小食都係熱辣辣，每一件都係炸嘅所以係炸卜卜😇椰青食泰國嘢當然唔可以唔叫椰青啦，但係椰青真係好睇運氣可以酸或者唔甜🥹好彩今日呢一個椰青係唔想但係都唔算特別甜就係好解渴！三色冰椰汁加上啫喱就係平時會飲到嘅三色餅，都係好解渴嘅😗

喜歡食泰菜嘅朋友，相信你哋一定會喜歡·泰瀾鑊·依間位於元朗朗屏嘅泰菜餐廳😃食物飲品款項多，味道正宗，價錢貼地，值得推介😉🪝板燒魷魚：原隻魷魚有前臂咁長，已經切開一件件方便食用☺️魷魚厚肉咬落軟熟，食得辣嘅朋友可以沾多啲辣汁，會更美味😋🪝炒芥蘭(馬拉盞)：馬拉盞微辣，芥蘭爽脆，十分有鑊氣🪝海南雞飯：雞肉又嫩又滑，放入口唔洗點咬就滑入喉嚨🫢雞油飯粒粒分明，帶有香茅同雞油香氣😋🪝青咖喱燒雞扒飯：燒雞扒本身甜甜地，而青咖哩椰香味重，兩者好夾😌

🟠泰鑊小食拼盤🟠♥️⋯⋯⋯⋯⋯⋯春卷、蝦餅、魚餅、雞丸和雞翼各四件，全部都好酥脆，蝦餅既蝦味好濃厚，魚餅亦足料，其他味道都非常好吃。而雞丸和雞翼則是香嫩可口🟠肥牛船粉🟠⋯⋯⋯⋯⋯⋯非常特別的菜餚，肥牛肉片有厚度，比足料，而且入口即化，配上軟綿綿的船粉，口感非常豐富，就算是飲湯汁，味道都非常清爽♥️🟠椒鹽蒜香軟殼蟹🟠♥️⋯⋯⋯⋯⋯⋯⋯都是一個值得介紹既菜款，蟹肉裡面鮮嫩多汁，外皮炸得酥脆，椒鹽的味道又夠惹味，食完可以話難以忘懷。🟠酸辣青木瓜沙律🟠⋯⋯⋯⋯⋯⋯⋯是一道非常清爽的沙律，青木瓜切得很細，口感爽脆，配上酸辣的調味料，味道很開胃♥️🟠泰式明爐烏頭湯🟠⋯⋯⋯⋯⋯⋯⋯好新鮮，而且份量十足，幾個人一起分享，大家都好滿足，除了湯味十足，裡面仲有魚肉♥️🟠三色冰和凍檸茶🟠⋯⋯⋯⋯⋯⋯都係非常♥️適合消暑既飲料，三色冰甜度適中，口感清爽，而凍檸茶帶有微微的酸味，及茶的苦澀味，令人十分開胃。

柚子鮮蝦沙律好清新，好多柚子粒，酸酸甜甜，啲蝦又夠大隻，幾爽彈，加埋啲香蔥蒜片呢啲調味，開胃既沙律！金磚蒜蓉多士好脆口，一條條既多士鋪滿蒜蓉，好香脆，味道好濃，鬆脆到爆！肥牛船粉好大碗，肥牛只係岩岩熟，仲有啲粉色，好嫩澤，牛味又濃，炸豬皮浸少少湯咁食都不知幾好食，啲湯都香牛味，啲粉又唔會好硬，成碗清晒無難度！芒果黑白糯米飯好甜美，芒果好清甜，果香十足，一啲都唔酸，糯米飯好軟糯，煙煙韌韌，椰奶唔會好濃，唔會係死甜，幾飽都要食埋！呢度仲可以食埋裝修，亞熱帶風既裝修，好似去佐泰國咁，環境一流！

👍🏻蛋網鮮蝦金邊粉👍🏻呢個都幾大碟，金邊粉唔會炒到好油膩，都幾乾身，蛋網好薄但又真係可以包住啲金邊粉，食果陣撈勻啲花生碎，辣醬，鮮蝦，蘿蔔絲，再加啲青檸汁，味道豐富！🫶🏻泰式蝦醬炒飯🫶🏻呢個都係大碟既，上枱就聞到蝦醬香，蝦醬味滲晒落飯粒，炒飯粒粒分明，唔會過硬又唔會一pat pat，食果陣有啲豆角蛋絲，口感更好！👏🏻炒芥蘭👏🏻呢個份量都唔少，芥蘭係用馬拉盞去炒，炒得岩岩熟，口感仲係好爽脆，好香馬拉盞既味，好咸香，食到有啲蝦米咸魚粒咁，又辣辣地，惹味！🫰🏻清邁秘制串燒雙拼🫰🏻呢個份量都好適中，雞豬各3串，即叫即燒，夠晒新鮮，唔會燒到好乾，雞肉幾嫩，豬肉幾腍，表面焦焦地，點埋沙嗲醬，特別好食！

全家人嚟咗元朗呢一間嘅泰國餐廳食嘢，今次就豐富啦！我哋叫咗好多嘢食🥰我地叫兩杯飲品，就係🥭芒果沙冰、🍋凍檸茶，非常推介佢哋嘅芒果沙冰，夏天飲就一流，超足料好香芒果味道！酸辣青木瓜沙律，估唔到真係幾辣，好彩佢仲有啲酸味中和到啲辣度，如果唔係我都食唔到(本身食開10小辣🤣)！青木瓜嘅話都幾爽脆，整體感覺好清新。泰國必食海南雞飯🐔，本身配咗個油飯，啲雞肉好滑，啖啖肉連埋皮食真係超正！係青咖喱燒雞扒飯，雞扒同頭先個海南雞飯一樣出色，呢一款就更加重香料味，青咖喱嘅味道都幾濃郁！肥牛 船粉都非常足料，肥牛嘅份量好足，湯底都好好味！

講左咁耐話要食泰國野🥹終於都有得食啦，聽聞呢間都好出名😌次次去親都好多人🥳今次都唔例外，最緊要係好食🥳都唔介意人多既，今次拉埋男朋友專登入黎元朗，呢度好有泰式意境🙂好特別，成間舖都好大，我地叫左少少菜式🌈青咖喱燒雞扒飯🌈男朋友最鍾意食青咖喱，咁岩又見佢有雞扒都唔錯，佢既青咖哩又整得好好食，另外雞扒都有特別再加工去燒出來，味道不錯😍😍🌈肥牛船粉🌈呢個船粉好好食，肥牛好正，牛肉味道好突出，仲有其他配料，佢既船粉又真係幾好食😍😍🌈椒鹽蒜香軟殼蟹🌈炸得好有蒜香既味，份量都好多，椒鹽加上軟殼蟹已經好好食了 😍😍🌈芒果黑白糯米飯🌈呢度既芒果好甜，仲有黑白糯米飯兩款，多重味道好享受😍😍

純粹係IG見到blogger嘅食評，感覺都好似幾好食所以就帶埋爸爸同媽咪一齊去咗試吓新嘢(*≧ω≦)餐廳原來係有分室外同埋室內，室外嘅部份嗰日仲見到有狗狗o(^▽^)o所以如果有寵物嘅主人都可以帶埋佢哋一齊嚟食飯！講返正題先，食物整體嘅質素都不錯！首先，青咖喱燒雞扒飯係爸爸想食嘅。雞扒有燒過所以都整得幾香下，咖喱唔係好辣，就算怕辣都可以食到o(^_^)o第二，椒鹽蒜香軟殼蟹，軟殼蟹都好大隻同埋應該係啱啱炸起所以係脆卜卜，但係就重味少少^o^第三，板燒魷魚有成條魷魚，唔會煮得泰萊熱咬唔到同埋醬汁都好好食！第四，蛋網鮮蝦金邊粉，金邊粉上面有蛋絲撈埋一齊食都幾好食，唔會太過濃味(o^^o)