泰瀾鑊 (朗壹廣場)

營業中

休息中

某程度上呢間泰國料理都係我哋一家人經常食嘅餐廳之一，媽咪唔想煮飯嘅時候多數都會係呢一度各自叫一個飯或者面做晚餐。一家人食過大概五次左右有三樣我係覺得幾好食嘅！今次就介紹我最鍾意食嘅三樣嘢！第一樣係滷水豬脾飯，大多數時候都係會食到豬手但係豬脾會相對比較少啲，呢個飯就冇咩泰國嘅味道！但豬脾大大隻又入味配飯幾好。第二樣蘭王蛋香葉辣肉碎飯，平時泰國肉碎都係包菜食，我就係好想配飯食嘅！呢度就滿足左我嘅願望，肉碎配白飯真係好夾，會不自覺地食咗成碗飯，一啖肉碎一啖飯咁樣食！第三樣係蛋網鮮蝦金邊粉，通常唔想食咁大份量就會叫呢一個，感覺面冇飯咁飽。加上金邊粉嘅味道會開胃啲，好熱嘅時候就會選擇呢一個！