泰沾麵 (希慎廣場)

營業中

休息中

唔講唔知希慎basement變得好文青，除咗有日本同台灣進駐嘅商店之外，美食都有唔少呀！有間泰國菜以鑊氣為名🇹🇭 香港已經開咗三間分店啦！餐牌主食嘅選擇算好多，大約十樣左右，而小食有四款，但遠處已經聞到佢地嘅鑊氣，好香！船麵貴為泰國嘅始創者，呢度做得算出色，同泰國當地食到嘅冇乜分別😜湯底濃郁仲可以走辣，而且佢哋用咗傳統船麵，夠幼又有Q彈感，配埋和牛片同肉丸一齊食，真係可以連湯一滴不留😋招牌泰式沾麵湯底可以選擇青咖喱或者紅咖喱，我選擇後者，甜甜地帶微辣，仲有兩隻大蝦👍🏻配搭酸菜同米線，完美食到紅咖喱嘅香滑濃厚感覺。小食推介大家配炸魚蛋，炸到金黃色而且仲好彈牙，Jacey同弟弟一粒都無留俾我🥹唯一缺點係Lunch Time好多人，大家要預早少少時間搵位呀😆

銅鑼灣性價比高既泰菜🇹🇭位置希慎廣場urbanhood 既泰沾麵絕對係有驚喜🙌🏻🌟青芒果大蝦沙律酸甜爽脆既青芒果🥭搭配大蝦同泰式沙律汁調味食落夠哂開胃👍🏻🌟大蝦炒金邊粉炒得夠乾身又有咬口大蝦新鮮彈牙 擠啲青檸汁再撈埋花生碎酸酸甜甜 食落層次感十足!🌟醉鬼雞肉炒河炒得夠鑊氣同香口雞肉嫩滑而河粉口感煙韌軟糯🌟泰式炸脆魚蛋彈牙既脆魚蛋蘸上當地酸辣醬 好味👍🏻🌟泰式香脆辣雞翼雞翼炸到好酥脆加上辣粉 食落好惹味

估唔到foodcourt都可以食到感覺好當地的泰國菜！由一班泰國人主理的泰菜，位於銅鑼灣希慎廣場的foodcourt！一點也不馬虎，完全把泰國的味道都帶來香港！主要有主食和幾款小食選擇街頭冬蔭功麵跟一般在香港吃到的不同，暑我在香港第一次吃的味道！不是那種橙色的湯頭！但味道絕對不欺場，那種清爽的酸辣就好似泰國小店的湯麵咁，加入炸豬皮、肉碎、青檸汁，有夠解暑的！然後碎貓炒河又夠獲氣！小食必食炸魚蛋，彈牙而且加上靈魂醬汁暑好一個化學組合！青芒果大蝦沙律 ($72)泰式炸脆魚蛋配當地酸辣醬 ($39)街頭冬蔭功麵 ($88)碎貓雞肉炒河($88)飲品點了香茅斑蘭茶和泰式奶茶兩款，兩款都唔係太甜！好解渴！原來小店在尖沙咀和啟德都有實體店，當好掛住泰國時候不妨一試！

餐廳有幾間分店，希慎廣場地庫分店主打幾款人氣麵食同飯類，味道有水準而且價錢合理，仲可以飲到正宗泰式奶茶🥤🎈一滴不留船麵湯底濃郁，口感濃稠夠足料👐🏼我地揀咗豚肉，配料仲有炸豬皮、豬肉丸、芽菜等，配搭九層塔同香葉🌿好有泰國風味船麵麵質煙韌彈牙，十分掛湯，真係食到一滴不留🍜🎈香葉肉碎煎蛋飯 惹味嘅香葉肉碎炒得濕潤，味道微辣帶少少肥肉，啖啖肉汁好香口，充滿泰式香料風味加分位係白飯煮得粒粒分明，口感煙韌，加上燶邊煎蛋撈埋一齊食超正🎈青芒果大蝦沙律 沙律充滿泰國風情，越食越開胃🥢青芒果味道微酸好惹味，好鍾意裡面加咗蝦乾仔，好入味而且增加口感🎈 泰式奶茶 甜度剛好，帶有獨特泰式茶香，大大杯啱晒夏天☀️

廚房班底清一色係泰國人，出品自然滿滿泰國味，好希望呈現到泰國當地嘅地道味道，雖然話就話喺希慎廣場嘅food court入面，但係你會留意到依間餐廳係做泰國菜，但係裝修嘅風格係行型格路線，有別於其他泰國餐廳，以泰國神佛夜叉明王作為設計方向，再加上本地嘅設計師用佢嘅創作線條設計出而家嘅風格🍜一滴不留船麵（和牛） 💰$108船麵基本上係泰國菜必叫嘅嘢食，可以揀豚肉或者和牛，咁我揀左和牛，和牛好夠嫩，配埋個超級濃嘅湯底，湯底係用咗20幾種香料熬足六個鐘，朔晒啲味，幾好食！佢個好濃郁嘅湯底配埋船麵，船麵掛晒汁，好濃味，亦都有泰國直送嘅豬肉丸🍜街頭冬陰功麵 💰$88呢一款嘅冬陰功麵唔係我哋平時食開酸辣嗰種，係用煙靭嘅蛋麵，配上豬肉丸、肉碎、花生、蝦乾、豬油渣、蔥，食緊嘅係街頭冬陰功嘅味道，喺香港嚟講好少餐廳會做，我自己覺得個味道都好特別，少咗嗰種好奶，好酸辣嘅感覺，但係覺得值得去試吓🔥泰式炸脆魚蛋配當地酸辣醬 💰$39魚蛋都整得好好彈牙，唔會炸到乾晒收晒水，配咗當地嘅酸辣醬，唔會太辣，點埋個醬食會更加泰國味🌶️泰式香脆辣雞翼 💰$39雞翼嘅size都唔細隻，炸得都夠香脆，面頭已經有啲辣椒粉，食落去辣

日式沾麵仲話食得多啫 前日行food court竟然見到連泰式都有沾麵咁得意❣️招牌泰式沾麵 $88可以選擇紅咖喱/青咖喱 我哋揀咗奶香味比較濃嘅青咖喱 新鮮青辣椒🫑加上椰奶 食落極香勁滑口 仲有些少檸檬葉點綴 估唔到沾麵都食得幾過癮❣️醉鬼雞肉炒河 $88叫醉鬼但其實無酒嘅成分辣醬爆香雞肉粟米旬 河粉唔係乾身款 重口味得嚟又唔會過膩❣️街頭冬陰功麵 $88店員強力推薦item🍜湯底有別於出邊嘅冬陰功 有香料味得嚟又帶點鮮味 唔係平時見到嗰啲橙紅色湯底 清清地但有點微辣 食完個麵都忍唔住飲埋碗湯❣️泰式青口煎餅 $98每塊都有一粒青口 分得好平均 脆薄香口嘅煎餅食落好似薯片咁 啖啖帶蛋香🥚唔會好似平時啲蠔仔餅咁油膩 點埋少少魚露就啱啱好❣️龍眼茶 $25清澈透明嘅龍眼茶 微甜帶走成餐重口味嘅刺激感 相當清涼舒爽🥤

今次真係 food court有好西，銅鑼灣站一出希慎廣場B2，真係近在咫尺。自己搵位，去餐廳落單，等一陣就有得食。餐廳主打泰式麵食，選擇唔算好多，但集中麵食相信有更好出品。一滴不留船麵 (和牛)$108船麵湯好夠濃，每一口湯都令人好滿足。泰粉幼滑，和牛高質，而且份量足，你估唔到food court都可以食到呢個質素既船麵。青芒果大蝦沙律 $72勝獅啤酒 $38青芒果大蝦沙律有突出的酸辣味，除咗有兩隻大蝦，中間仲有大大隻蝦乾，有鹹香味，又有咬口，飲埋啤酒最夾。街頭冬陰功麵 $88呢個冬陰功麵唔係赤紅色嘅湯，用左大量肉碎蝦乾等配料，湯頭有香濃酸辣味，再加上脆豬皮，肉丸同蛋，非常豐富，絕對有街頭風味。泰式炸脆魚蛋配當地酸辣醬 $39炸魚蛋彈牙到一個點，而另一重點酸辣醬亦到位，兩者互相配合，缺一不可。

銅鑼灣Hysan地庫有一個全新的大改造，B2全層都係Food Court，各種各樣的款式都有，而且岩岩新裝修周圍環境都好舒適乾淨，呢間泰國菜其實一早係佢本店開業時候已經食過，當時覺得幾好食！而且菜品既味道都同泰國相似，今次見到佢地係food court開咗，菜式方面比平時店舖較少，主打主食類同小量小食泰式青口煎餅 $98睇到佢既製作過程，煎餅同蛋漿煎到脆卜卜醉鬼雞肉炒河 $88雞肉炒河佢有兩款，呢款醉鬼炒就係辣啲，如果唔食得辣就記住揀鑊氣炒啖啖蟹肉炒飯 $108都好多蟹肉，但炒飯既味道略嫌較淡，可能前面啲食物比較濃味蓋過咗泰式香脆辣雞翼 $39泰式炸脆魚蛋配當地酸辣醬 $39

📍 泰沾麵 Asuri by Asura📍 銅鑼灣 𝗖𝗮𝘂𝘀𝗲𝘄𝗮𝘆 𝗕𝗮𝘆 • 希慎廣場URBANHOOD B2樓B207〔 Follow me! ♥︎ 〕-自上一次在尖東嚐過《泰沾麵》，已經隔了大概一年在這段時間裡，他們陸續在啟德AIRSIDE和銅鑼灣Hysan Place開設分店，恭喜恭喜🎉-希慎廣場地庫近日翻新完成，舊日的超級市場，現在成為了「URBANHOOD」潮流生活空間新開了不少日、韓、台、泰餐廳、cafe、商舖等B2層是food court空間～雖座位不多，但空間感蠻大其中一家店就是主打特色泰菜的《泰沾麵》店子是open kitchen，下單時看到煮食過程，環境企理而且店員全都操泰語，感覺特別正宗🇹🇭-印象中《泰沾麵》的價位不算低，但開在food court裡，自然價位有所調整，所以比其他分店，這家會比較便宜一點，但同時提供的菜式選擇也少了一點～-招牌泰式沾麵 ($88)Signature Thai dipped noodles看到餐廳名字就知道，「沾麵」一定是他們的招牌菜不是日式沾麵，而是泰式沾麵！上次沒有嚐到，一直感覺有點可惜，這次終於有機會試一下比起一般配薄餅／蒜蓉

🚇交通：銅鑼灣站F2出口，直落下一層地庫。🏠環境：食堂面積大，有許多不同的食店，有Omakasa、蠔吧牛扒，顯得很高級。室內有吧枱和灰色石枱，坐得舒適而又簡單。🤵🏻服務：人手下單，不收取加一。🍽️晚市：提供多款泰式食品，沒套餐。🥢青木瓜沙律🥗 $62配料有蝦乾、蕃茄仔、花生🥜和辣椒🌶️，愈吃愈辣，非常開胃。🥢和牛🐮船麵🍜 $108份量不多，但湯底非常濃味，質地很稠密，猶如吃沾麵，而和牛大塊，入口非常軟嫩又有濃郁牛味，暫時是我心中No.1船麵！🥢大蝦🍤炒金邊粉🍝 $88份量正常，有兩隻開邊除殼大蝦🍤，配料有蛋絲、蔥花、芽菜和粒粒豆卜，整體飽肚而料足，不錯！🥢泰式香辣脆雞翼🍗 $39外脆內嫩，配搭泰式辣醬，有種吃麥記脆香雞翼的味道！🥢泰式炸脆魚蛋配當地酸辣醬 $39粒粒外脆內軟，配搭的醬汁似甜醬油，挺特別！🧃蝶豆花青檸汁 $25重青檸味，清新解滯。🧃香茅斑蘭茶 $25重香茅味，不會過甜。

叫咗pad Thai ，一開始問佢麵入面有咩肉已經態度好差 ， 同同事講泰文笑我。攞咗食物之後我地食到一半想攞多兩隻叉，咁朋友就去攞，攞到返埋位佢追出嚟，目露凶光話你哋唔可以攞我嘅叉架，佢真係好嬲，好恐怖⋯⋯我唔明點解要咁 Ordered pad Thai, we asked about what meat they use in frying the noodle as my friend doesn’t eat pork and beef, she laughed at me with other staff speaking Thai.After we got the food we need some forks and went back to get three. She chased us to our seats and she was furious, told us that we cannot use their forks.

我真係好鍾意希慎廣場地庫嘅URBANHOOD😂😂 今日又嚟呢度食好嘢啦😌我知道正正泰國餐廳泰沾麵喺度插咗旗，梗係要嚟試吓啦😎 呢度係food court嘅形式，揀咗嘢食之後可以自己揀位座👍 泰籍店員姐姐好nice🥰 佢話呢間分店有幾樣嘢食其他店係食唔到嘅，推薦俾我哋試吓🫶🏻 🌟街頭冬陰功撈麵 $88呢個真係好特別🤩 佢嘅面係綠色嘅😬 配料相當豐，有肉碎啦、蝦、炸豬皮、泰式豬肉肉丸仲有好多香料，花生🤩 全部配料撈埋一齊食，再擠上清新嘅青檸汁👏 集齊咗香、酸、辣幾種唔同嘅口味😎 最欣賞佢嘅炸豬皮，脆卜卜，超好食🥰 🌟一滴不留船面（和牛）$108可以揀和牛或者係豬肉👍 首先佢個湯底，超級濃郁又好溫和，我哋真係飲到一滴不留😂😂 和牛兩大片，生熟度剛剛好，估唔到同船麵係咁襯🫶🏻 同樣都係有豐富嘅配料，豬肉丸，炸豬皮等等，食完好滿足🫶🏻🌟泰式脆炸魚蛋配當地酸辣醬 $39呢個都係店員推介嘅，果然冇介紹錯🫶🏻 魚蛋勁大粒脹卜卜，好香魚肉味，而且爽口彈牙👍 酸辣醬偏甜，小朋友都啱食👏🌟青芒果大蝦沙律 $72呢個好有驚喜🤩唔食得辣嘅朋友要慎點囉🫢 越食越辣，勁惹味👏 青芒果帶少少酸，大蝦新鮮彈牙，真係越食

放lunch同同事喺希慎廣場新開嘅美食廣場食lunch~ 美食廣場有好多唔同嘅舖頭，我哋揀咗食泰國嘢！呢間泰國嘢性價比好高！我哋揀咗一齊share木瓜大蝦沙律同小食炸魚蛋～ 木瓜大蝦沙律，超級美味嘅木瓜酸酸甜甜，配埋大蝦好開胃！炸魚蛋配埋泰式街頭醬真係好似喺泰國咁！炸魚蛋大大粒非常之彈牙！我哋仲叫咗和牛船麵，一滴不留！真係好味道可以連個湯都飲晒！啲和牛嘅熟到啱啱好非常之美味！我哋仲揀咗一個超特別嘅綠色冬蔭撈麵嗰啲麵係好似斑斕咁樣嘅顏色！撈起嚟好靚加少少檸檬汁撈埋晒一齊食好多唔同嘅配料有蝦啦花生同泰式嘅配料超級好味！我哋仲叫咗佢鍾意食嘅香葉肉碎煎蛋飯！個肉碎係好多唔同嘅口感層次喺個肉碎入邊feel到製作呢個肉碎真係非常之用心！舖頭都有泰國人，所以可以感受到呢間餐廳係好正宗嘅！

OT完諗住快手食個飯去左希慎地庫嘅food court試左呢間泰國菜🌟招牌泰式沾麵（$88）沾麵可以揀青咖喱雞🐓同紅咖喱蝦🦐我就試左青咖哩雞咖哩嘅香料惹味香濃配料除左有好多雞仲有魚蛋同豬紅芽菜都夠肥又爽口，好食😆至於麵就幫你捲好晒麵質問題所以夾上嚟會痴到實曬唔會散不過一浸返落咖哩就即刻散返開麵嘅口感有少少煙煙韌韌嘅感覺，非常之掛汁美中不足嘅係雞肉🐔為咗辟雪味用咗紹興酒醃但紹興酒味太濃，食落去似醉雞加咖喱🥲同埋啲椰菜應該一早切定，乾曬水仲有少少變色氧化🌟碟豆花青檸汁（跟餐+$15）青檸味ok，唔會好酸飲落都幾清新飲品冇冰提供，但佢隻杯幾保冷食完個沾麵杯嘢飲都keep住凍👍🏻