影片
更多
2024-08-05
411 瀏覽
廚房班底清一色係泰國人，出品自然滿滿泰國味，好希望呈現到泰國當地嘅地道味道，雖然話就話喺希慎廣場嘅food court入面，但係你會留意到依間餐廳係做泰國菜，但係裝修嘅風格係行型格路線，有別於其他泰國餐廳，以泰國神佛夜叉明王作為設計方向，再加上本地嘅設計師用佢嘅創作線條設計出而家嘅風格🍜一滴不留船麵（和牛） 💰$108船麵基本上係泰國菜必叫嘅嘢食，可以揀豚肉或者和牛，咁我揀左和牛，和牛好夠嫩，配埋個超級濃嘅湯底，湯底係用咗20幾種香料熬足六個鐘，朔晒啲味，幾好食！佢個好濃郁嘅湯底配埋船麵，船麵掛晒汁，好濃味，亦都有泰國直送嘅豬肉丸🍜街頭冬陰功麵 💰$88呢一款嘅冬陰功麵唔係我哋平時食開酸辣嗰種，係用煙靭嘅蛋麵，配上豬肉丸、肉碎、花生、蝦乾、豬油渣、蔥，食緊嘅係街頭冬陰功嘅味道，喺香港嚟講好少餐廳會做，我自己覺得個味道都好特別，少咗嗰種好奶，好酸辣嘅感覺，但係覺得值得去試吓🔥泰式炸脆魚蛋配當地酸辣醬 💰$39魚蛋都整得好好彈牙，唔會炸到乾晒收晒水，配咗當地嘅酸辣醬，唔會太辣，點埋個醬食會更加泰國味🌶️泰式香脆辣雞翼 💰$39雞翼嘅size都唔細隻，炸得都夠香脆，面頭已經有啲辣椒粉，食落去辣
🍜一滴不留船麵（和牛） 💰$108
船麵基本上係泰國菜必叫嘅嘢食，可以揀豚肉或者和牛，咁我揀左和牛，和牛好夠嫩，配埋個超級濃嘅湯底，湯底係用咗20幾種香料熬足六個鐘，朔晒啲味，幾好食！佢個好濃郁嘅湯底配埋船麵，船麵掛晒汁，好濃味，亦都有泰國直送嘅豬肉丸
🍜街頭冬陰功麵 💰$88
呢一款嘅冬陰功麵唔係我哋平時食開酸辣嗰種，係用煙靭嘅蛋麵，配上豬肉丸、肉碎、花生、蝦乾、豬油渣、蔥，食緊嘅係街頭冬陰功嘅味道，喺香港嚟講好少餐廳會做，我自己覺得個味道都好特別，少咗嗰種好奶，好酸辣嘅感覺，但係覺得值得去試吓
🔥泰式炸脆魚蛋配當地酸辣醬 💰$39
魚蛋都整得好好彈牙，唔會炸到乾晒收晒水，配咗當地嘅酸辣醬，唔會太辣，點埋個醬食會更加泰國味
🌶️泰式香脆辣雞翼 💰$39
雞翼嘅size都唔細隻，炸得都夠香脆，面頭已經有啲辣椒粉，食落去辣辣地好惹味
🧋泰式奶茶 💰$25
食得泰國餐都一定會叫泰式奶茶，佢呢款泰式奶茶甜度唔太甜，夠奶夠茶味
🍹蝶豆花青檸汁💰$25
蝶豆花嘅味唔算話好出，但係青檸味就夠晒出，飲落去酸酸地甜甜地可以解膩
張貼
