影片
更多
2023-10-28
1101 瀏覽
開咗新商場，地鐵沿線又近，所以有個星期五嘅晚上放工就嚟踩一踩場。其他店舖設施就唔講，餐廳感覺好多，但係間間都好多人等。本身係想試food court入邊嘅餐廳，但係座位少，人流超多，眼見等唔到位。就去咗試呢間泰式餐廳，點知嗰伏就深深中左。。。入到去啲同事真係勁混亂，又唔知枱號喺邊，又唔係好答到問題。落咗單之後我已經聽到隔籬枱係咁催單，但係見同事都算有禮貌所以就冇為意。相信廚師係等齊先一次過煮幾枱嘅食物，因為有啲餸好快就上枱，有啲就催極都無，轉個頭一下子就上晒幾枱。一滴不留招牌船麵基本上每台都叫呢款麵，但可能需求太多，廚師一下子應付唔到，成碗嘢偏鹹，肉同丸同粉都係一般貨色，絕對冇驚喜。青咖哩雞 配薄餅雖然我唔明點解一碟咖喱入面有豬紅（或者係雞）😂但係佢已經係碟餸入面叫做幾好食，隻雞一食就只有雪藏雞的感覺，沒有其他味。薄餅味道正常，慶幸自己食咗一碟冇燶嘅，見到隔籬枱薄餅背面成塊黑色，咁都好意思上俾人食。。豬腩肉炒芥蘭油，鹹。 無其他記憶了香蕉椰子oreo奶昔正常，足料。但如果咁都難飲都無野好講😂唔好食既餐廳已經唔需要再黎，但最最最令我嬲既係員工態度同佢地既記憶力。唔知係咪我哋坐正中間令佢地
本身係想試food court入邊嘅餐廳，但係座位少，人流超多，眼見等唔到位。就去咗試呢間泰式餐廳，點知嗰伏就深深中左。。。
入到去啲同事真係勁混亂，又唔知枱號喺邊，又唔係好答到問題。落咗單之後我已經聽到隔籬枱係咁催單，但係見同事都算有禮貌所以就冇為意。
相信廚師係等齊先一次過煮幾枱嘅食物，因為有啲餸好快就上枱，有啲就催極都無，轉個頭一下子就上晒幾枱。
一滴不留招牌船麵
基本上每台都叫呢款麵，但可能需求太多，廚師一下子應付唔到，成碗嘢偏鹹，肉同丸同粉都係一般貨色，絕對冇驚喜。
青咖哩雞 配薄餅
雖然我唔明點解一碟咖喱入面有豬紅（或者係雞）😂但係佢已經係碟餸入面叫做幾好食，隻雞一食就只有雪藏雞的感覺，沒有其他味。
薄餅味道正常，慶幸自己食咗一碟冇燶嘅，見到隔籬枱薄餅背面成塊黑色，咁都好意思上俾人食。。
豬腩肉炒芥蘭
油，鹹。 無其他記憶了
香蕉椰子oreo奶昔
正常，足料。但如果咁都難飲都無野好講😂
唔好食既餐廳已經唔需要再黎，但最最最令我嬲既係員工態度同佢地既記憶力。
唔知係咪我哋坐正中間令佢地特別混淆啦，首先黑色衫疑似係全職員工定高級啲嘅男同事，都幾冇禮貌，無論對客人定同事語氣都係差。
其次係一晚入面同事應該起碼上錯10次菜俾我！！！頭三次我都可以當佢哋未熟悉枱號，但係去到後期我就嚟食晒，都試勻晒成間餐廳所有同事上錯過菜比我地，有啲仲唔止上錯一次添。除咗影響我哋成餐飯嘅體驗之外，其實真係好煩，印象分扣得好緊要。我一晚講咗10次呢啲唔係我，你哋上錯，真係好炆憎。我係食客會容忍同體諒，但錯咁多次其實我冇義務成餐飯不停咁接受你哋做錯嘅事同教你哋。
最好笑係老細幫我哋收枱嘅時候好抵死咁問中我哋覺得餐飯好唔好食，我答咗味道一般之餘，請佢教導員工， train好先叫同事出嚟。佢話因為開業冇耐，好多同事都唔熟。。但其實係有義務要訓練到佢哋熟晒先可以出得嚟招呼客人，點解要食客不停接受佢哋做錯嘅事呢？
最後埋單發現佢哋連付款系統都係未ready，只可以比現金，或者轉數快俾一個私人戶口….
我希望餐廳各方面可以喺短時間內進步神速，否則下次再嚟應該見唔到你哋😔
張貼
