泰沾麵

營業中

休息中

嚟緊12月尾先有得去泰國🥺先同朋友喺香港食間正宗泰國菜先🥳我哋去咗AIRSIDE 泰沾麵之前有幾個朋友食過都話好好味餐廳間中有不同優惠，更加抵食！我哋嗌咗幾個特色菜式，特別係招牌泰式沾麵$108，日式沾麵食得多，泰式真係第一次，將爽滑米粉，浸進香辣濃郁咖喱 （青咖喱雞湯和紅咖喱魚湯兩款湯汁）啖啖咖喱香味，可配埋伴上酸菜、芽菜、雞蛋一齊食，多重口感🤤其他菜式都好好味✨啖啖蟹肉炒飯$138真係有好多蟹肉，厚身鮮甜，加入蛋絲，濃郁蛋香味，飯粒炒得乾身有鑊氣✨滴不留招牌船麵 （和牛$138/豚肉 $118）我哋食咗和牛，濃郁湯底，和牛軟腍，肉質柔嫩✨即燒豬頸肉$88燒到外脆內軟，豬頸肉保持嫩滑香口，配合埋秘製醬汁更加惹味✨青芒果大蝦沙律$118超大隻蝦，爽口彈牙，芒果鮮甜，酸辣鮮甜又醒胃✨青木瓜沙律$78粗條青木瓜，配埋惹味蝦乾有咬口，味道酸酸辣辣，最啱開胃小菜✨芒果熱情果沙冰 $55足料差唔多滿瀉，鮮甜芒果，透心涼✨蝶豆花香茅梳打$42紫色超靚，淡淡香茅味，配上梳打水，清爽，啱晒食完辣嘢飲

經開啟德search OpenRice睇吓有咩餐廳for晚餐見到呢間餐廳主打泰菜 但係竟然有沾麵食 所以決定試吓🇹🇭👍🏻招牌泰式沾麵 (配青咖喱雞）沾麵醬汁可選擇紅咖喱蝦/青咖喱雞鐘意辣嘅我就選擇咗青咖哩🌶️沾麵配有四舊素麵 配料方面有酸菜、芽菜、紫椰菜、油炸雞蛋、同花生碎粒🍜而青咖喱入面就有雞、魚蛋、豬紅食飯就係只需要將素面同配料放入青咖喱沾滿咖喱汁十分掛汁😋😋😋係有驚喜嘅菜式🙌🏻😋

第一次食 亦唔會有第二次 入去一坐低放個袋 都未坐定 齊陰 矮小 女員工馬上表示可以擺去對面 話隔離要留返等陣其他客人坐 當時座位都非常充裕 明白係好意提醒 但可以有需要時先再同客人講 食物冇特別 一路食員工一路行行企企 留意到有當日負責人在場 員工冇嘢搵嘢做 個蝦餅都未食完 又嚟收走個碟 另外一個員工 又無端端走嚟推一推個碟 唔明白有咩意思 冇嘢做冇必要夾硬嚟 行為舉止好騷擾 想靜靜地食個飯都唔得 真係趕客 俾錢買難受

之前一直聽人哋講依間係airside 既泰國菜幾好食，最特別係佢有一個泰式嘅沾麵，終於有時間同屋企人一齊去食！佢個沾麵真係勁好食，好多唔同嘅材料夾埋，撈勻之後一齊食嘅話口感好豐富，要咖喱亦都令到個面好惹味！仲有個手打蝦餅係必食嘅！口感同出邊其他舖頭真係好唔同！真材實料得來，絕對唔係粗製濫造😍😍😍另外個雪麵真係一滴不留！個湯唔會太濃味，啱啱好令到你飲埋碗湯！仲有臨尾記得要食個芒果糯米飯！熱辣辣嘅糯米飯伴上椰汁同埋鮮甜嘅芒果！芒果仲要勁多啊！

🦐老媽手打蝦餅 $88推介！呢款蝦餅同平日食既好唔同，肉質唔實，好有蝦味好彈口，外層唔係炸得好脆但好好食🐷炸魚露漬豬頸肉 $88推介！第一次食炸豬頸肉，朋友話味道有D似豬大腸，好香唔油，豬頸肉口感爽口，好食🥡大蝦炒金邊粉 $118金邊粉炒至微濕，好香好惹味，兩隻大蝦好新鮮🍜招牌泰式沾麵 $108醬汁有青咖哩雞同紅咖哩蝦簡，我地怕太辣就簡左青咖哩雞，青咖哩香濃，有3件雞同2粒魚蛋，素麵好夾青咖哩醬，如果素麵係熱就正，素麵凍冰冰加熱辣辣咖哩，食落唔係凍又唔係熱🍹芒果熱情果沙冰 $55推介！大大杯好足料，甜甜芒果配微酸熱情果，好夾，好岩食泰菜時飲

Lunch去食的泰國餐，lunch set價錢不低，由98起至138，而且不包嘢飲和加一，埋單找數差唔多150一個，講性價比不算非常高。但味道還是不錯的，非常有泰國特色。

餐廳位於啟德ᴀɪʀsɪᴅᴇ, 環境簡約帶點小清新, 牆上有特式繪畫, 正宗的泰國地道風味美食, 主打沾麵、鑊氣炒粉麵及小食✨我們點了鷄肉鑊氣炒河🐔 寬河粉由泰國新鮮直送, 配上店家秘製醬汁, 雞肉、炒蛋、爽脆清菜, 每一口河粉都充分沾上醬汁, 鑊氣十足、濃稠惹味, 必點推介👍🏻泰式燒鷄🐔 份量十足, 燒得十分均勻, 外皮透薄不油、乾爽酥脆的雞皮, 雞肉非常入味、嫩滑啖啖肉, 拌著酸辣燒雞汁, 美味倍增老媽手打蝦餅🍤 蝦餅炸至金黃色, 外皮香脆、口感紥實有咬口, 非常彈牙, 沾上酸辣汁味道層次更加提升, 非常好味😍甜品芒果糯米飯🥭 每日限量, 足夠兩人享用的甜品芒果肉細緻無渣、清甜多汁, 濃郁椰奶香氣, 糯米飯ǫ彈帶黏性, 非常煙韌飲品青檸沙冰🍋‍🟩香濃青檸味, 口感綿綿冰、入口即溶, 非常清涼芒果熱情果沙冰🍹 滿滿百香果配上芒果, 味道香甜清香又解渴這間泰國菜是寵物友善餐廳, 可以帶毛小孩一同用膳, 服務態度親切有禮, 上菜有效率, 主動加水及收碟, 整體ᴄᴘ值高, 值得再回顧💕

呢一間嘅分店，我覺得環境比尖沙咀更加大更加靚，而且仲可以比寵物入去。見到隔籬枱叫咗雞翼，所以我哋都叫咗一份，新鮮熱辣炸起真係超級好食。金邊粉真係必叫，雖然都知道係咩味，同想像中都差唔多，好食係好食，不過如果你想試吓啲新嘢，可以試吓個炒飯。我真心覺得個炒飯有驚喜喎，因為真係唔係間間整蟹肉炒飯都會整得好食，而且呢間嘅蟹肉份量我覺得真心多嘅，最重要係夠鑊氣。飲品嘅話，叫西瓜沙冰都唔錯，再唔係嗌泰式奶茶都穩陣。

昨日到啟德探朋友之後順道來這個新商場吃dinner。再揀右揀，最後揀咗呢一間泰式餐廳，剛進店就能感受到濃濃的泰國風情，木質桌椅、編織燈罩，以及牆面上點綴著泰國特色的手繪圖案，雖然是身在香港，卻令人感受到異國情調feel。招牌船麵（豚肉） $118一上桌就讓人被那濃郁的湯香吸引，職員還細心提點我們要快點進食，不然麵會把湯汁索去。湯頭帶著泰式經典的輕微酸香辣調，香料層次豐富但不過重，喝起來溫潤濃厚。豚肉片的肥瘦比例剛剛好，煮得軟嫩多汁，搭配豆芽、九層塔等配料，讓整碗麵口感更加立體，軟滑麵條湯吸附湯汁的能力一流，入口每一口都濃厚惹味。🐥泰式燒雞 $128燒雞外皮烤得金黃酥脆，稍帶焦香，內裏卻非常嫩滑多汁，火候掌握得相當不錯。搭配的泰式甜辣醬酸甜適中，另外呢個價錢來說，這個份量性價比真的很高。椰青 $55椰青喝起來清甜自然，能很好地解辣，搭配濃味的船麵或燒雞，都很夾。🥬豬腩肉芥蘭 $78豬腩肉炸得香脆，帶微微鹹香，油而不膩，搭配脆嫩的芥蘭，整體口感非常平衡。豬腩肉令芥蘭加添了肉脂香氣，不錯。泰沾麵 (九龍城)九龍城啟德協調道2號AIRSIDE 2樓L205號舖

店內雖然沒有著住泰服的侍應，但佢哋講廣東話，好有親和力，牆壁掛了一幅有泰國特色的畫像。啖啖蟹肉奄列蛋奄列口感滑溜溜，有絲絲蟹肉，蟹肉清甜，沾上泰式酸辣醬，酸辣野味。招牌泰式沾麵紫椰菜、芽菜、酸菜比較爽口開胃，沾麵清爽，咖哩醬汁香濃但唔辣，蝦肉爽口，爽埋沾麵亦唔覺膩。老媽手打蝦餅手打蝦肉肉質夠滑亦彈牙，炸得乾爽，沾上酸甜醬，酸酸甜甜更有泰式風味。芒果熱情果沙冰西瓜沙冰芒果、熱情果清香的味道，沙冰綿密西瓜清甜解渴。

今日去左啟德行Airside晚飯時段見呢間泰式餐廳要等位但真係好想好想試它的泰式沾麵所以都決定要攞飛等位 //雞肉鑊氣炒河 $98//好懷念曼谷街頭炒河的味道呢個炒河上桌時熱辣辣香噴噴又真係幾夠鑊氣河粉係正宗的泰式闊邊河粉食落口感彈牙雞肉經高溫炒過之後肉質仍然嫩滑果然係名副其實既鑊氣炒河 //招牌泰式沾麵 $108// (青咖哩雞)日式沾麵食得多 泰式沾麵真係第一次見第一次食感覺好特別素麵有四舊 開頭眼見有少少似越南撈檬style沾麵的醬汁可選紅咖哩/青咖哩 我地選擇左甜而不辣的青咖哩 青咖哩湯熱辣辣像日式沾麵的吃法把素麵跟配料沾進青咖哩湯中青咖喱汁入面有雞肉、豬紅等配料幼身麵條好掛汁沾滿了咖喱汁的確惹味沾麵食到最後仲有青咖哩醬汁剩呢個沾麵食後感令人回味 //啖啖蟹肉奄烈 $158//奄列外層煎至金黃香脆蛋味非常濃厚 而且勁多蟹肉每一啖都充滿著蟹肉的鮮味再配搭上少少甜少少香既醬汁鮮味更加突出 //炸魚露漬豬頸肉 $88//呢個係驚喜!豬頸肉煎得焦香半肥瘦既肉質口感外脆內軟漬上了魚露又好夠入味食下食下真係會停唔到口

今日同朋友去咗一間餐廳試新野，門面裝修得幾有格調，招牌燈光柔和，望落幾舒服。一入去，環境都幾寬敞，座位之間唔會太逼夾。先講青芒果大蝦沙律，食落覺得太鹹又太酸，中間仲有啲蝦乾，令人失望，好多蝦乾硬到好似食緊殼咁，完全冇咗沙律該有的 fresh 感。飛天炒通菜，望落翠綠，可惜食落勁硬，好似未熟咁，口感唔太好。啖啖蟹肉炒飯反而令人有驚喜，蟹肉算多，飯粒炒得乾身，每啖都食到蟹肉嘅鮮味，都幾好食。甜品嘅椰子可麗露就唔合格喇，焗燶咗，食落好大浸燶味，影響咗整體嘅口感。服務方面真係要俾個讚，服務員好有禮貌又細心，見到我哋杯水冇咗就不停幫我哋斟水，呢個服務態度真係唔錯。總體嚟講，食物質素參差，服務就值得一讚，希望餐廳可以喺食物上再落啲功夫啦。

來到AIRSIDE都有好多不少餐廳，但正正吸引到我的，正是「泰沾麵」，食物種類不少，而且性價比極高，真係叫多幾款先！鮮椰青味道清甜，清爽涼快，啖啖透心涼。即燒豬頸肉外層焦脆香口，肉質爽彈，帶有陣陣脂香，沾點醬汁才吃更為惹味。鷄肉鑊氣炒河鑊氣十足，河粉滑溜煙韌，炒得香口入味，令人吃不停口。大蝦炒金邊粉大蝦爽口彈牙，金邊粉柔軟彈牙，加上香脆花生粒，令味道更香口，口感更加有層次。椰子可麗露/斑蘭可麗露外層酥脆，內層濕潤，椰香十足，帶有陣陣斑蘭清香，甜而不膩。

我真係勁鍾意食泰國菜，食極都唔厭，啟德airside呢一間聽聞好出色，所以要去試吓！餐廳嘅裝修型格得嚟又好有泰國feel，坐得都幾舒服！仲有一大排落地玻璃窗，日頭嚟影相應該都幾靚！平日嘅夜晚嚟都好full，建議大家book定位呀！之前喺泰國都有食過三臭炒粉絲，一試難忘，三臭其實係臭草、臭豆同醃蒜，一啲都唔臭㗎，一上枱果陣仲勁香口添！上面啲蝦大大隻之餘仲好彈牙，超推介！仲有佢哋嘅燒大頭蝦都係好吸引，係即刻燒出嚟，啲蝦膏多到直接用匙羹咁食，食完真係好滿足😋😋

ASURA·泰沾麵具有濃厚泰北特色嘅泰菜-泰沾麵，落戶在Airside已經好耐，今次係我第一次食。餐廳環境好有泰式風技格，玻璃外牆，景觀開揚。用綠色植物點綴，好chill。牆壁上有大型塗鴉，令人感覺很有氣氛。做為鎮店招牌嘅就係泰式沾麵！老實講，船麵就食得多，呢款米線撈汁嘅食法就幾罕見，同日式沾麵差唔多，佢都係準備好一碟米線，再另裝一碗汁，唔同於日式嘅系佢用各式咖喱加入海鮮或者豬牛肉，食法亦相似，將米線沾汁食。紅咖喱虎蝦沾麵，系用咗酸菜、芽菜、紫椰菜、油炸雞蛋同花生碎做配料，四小卷米線擺盤好精緻，賣相好適合打卡！沾上紅咖喱虎蝦湯汁，鮮香惹味，虎蝦厚實大隻，口感飽滿鮮甜。一滴不留招牌船麵（䐁肉）呢個船麵夠晒正宗！超濃郁嘅泰式船麵湯底，湯底用了班蘭葉、豬骨、洋蔥、白蘿蔔、蒜頭、芫荽頭根、八角、紅腐乳、豆瓣醬和南薑，仲要勁足料！我哋揀咗河粉，河粉爽滑，入口細膩 ，好食到真係一滴不留！醉鬼炒河配和牛餐牌寫咗醉鬼但又不含酒精！炒河夠鑊氣，唔算太油但有啲辣，和牛大塊入味，仲配埋辣醬，好正宗！老媽手打蝦餅一份有三塊，蝦膠味濃郁，口感獨特，配酸辣醬，香口又開胃，值得一試！