泰星匯泰國菜

營業中

休息中

知道泰星匯這間餐廳至少也大有10年，雖然住附近，但一直未有去試。正好今晚朋友到葵芳找我，我又剛好想飲冬蔭公，就來了。餐牌選擇好多，尤其套餐好抵食！晚飯時間人不少。可能懷住無期望的心情，所以當食物入口一刻，真係有驚喜！兩個人點了四個菜，因為覺得食到！先來的泰式炒金邊粉，份量真多，成個小山咁，料又足，除左濕了一點，其他沒什麼挑剔！泰式炒芥蘭又係大大碟，食落那種辣度，帶點咸香，真的和泰國一樣，好惹味。酸辣肉碎生菜包個人認為係必點，大大盤肉碎，夾雜了肥豬肉，平時我比較唔食肥豬肉，但呢個肉碎，瘦肉和肥肉的比例好好，食落一啲都唔乾，仲有粒粒彈牙口感，包生菜真係超正，好好食!!!泰冬陰功海鮮湯呢個真係驚喜，同樣係大大鍋，湯底好夠濃，入面有大大隻蝦及魷魚，夠彈牙爽口~還有菇，飲落好醒胃，加上辣度剛好，飲完會出少少汗。對唔食得辣的人黎講，這個湯算辣，但對我地黎講，同泰國的真係差不多。所以要點杯沙冰解辣，芒果沙冰大大杯滿瀉出黎，有陣陣芒果香，最重要係惠顧晚餐，可以買一送一，10零蚊杯，真係抵飲，仲要好飲！最後意猶未盡再點了4串沙嗲串燒，1豬2牛1雞，燒得唔乾又嫩，又係水準之作，尤其個沙醬真係精粹，粒粒花生

個個都話北上消費, 我就留返響香港支持小店, 葵芳新都會廣場多數都係連鎖店餐廳, 所以我就行左去小區果邊搵野食.行來行去見呢間泰國菜都幾多人, 而且openrice都多食評, 一於試下先.睇餐牌好多選擇, 諗來諗去唔知食咩, 店員就推介呢度既招牌菜芒果絲脆炸鱸魚, 佢話係將D魚肉起左再炸, 起左肉又幾好, 起碼唔驚太多骨.外皮炸得好脆口, 唔油膩, 魚肉仍然保持嫩滑肉質, 上面有D酸酸甜甜既汁, 仲加埋芒果絲, 夠晒開胃, 果然係招牌菜, 無介紹錯.食泰國菜又點少得碳燒豬頸肉, 外皮燒得剛剛好, 帶少少微焦, 特別香口.  但係肉質仲係保持到軟嫩, 仲好Juicy. 而且每片豬頸肉都唔會切到好薄, 咬落有口感.另外仲有特飲, 我見呢度好多款沙冰同泰色飲品選擇, 要左個鮮芒果沙冰.好大杯真材實料, 芒果味夠濃, 唔係溝水既, 沙冰打得剛剛好, 唔會有好多大大粒既冰.

呢輪日日係咁落雨, 又熱又焗, 搞到個人都無晒胃口, 所以諗到食泰國野刺激一下. 又唔想去到九龍城咁遠, 所以去左葵芳呢間平民小店.要開胃梗係食返個柚子沙律啦, 舊舊柚子肉都好大粒, 酸酸甜甜好醒胃, 一D苦澀味都無, 仲有其餘既木瓜絲, 洋蔥絲, 食完個口都清新D.主食要左冬蔭公明爐烏頭, 份量十足, 2個人食剛剛好. 先飲佢地既冬蔭公, 唔算太酸, 好易入口, 而且配菜都好多, 所以帶一點點蔬菜既甜味. 烏頭魚肉質結實, 油脂豐富, 食落甘香, 完全無泥味.仲叫左個菠蘿海鮮炒飯, 雖然唔係原個菠蘿上, 無左儀式感, 但係份量一樣十足.粒粒飯都炒得好分明, 唔會黏住一舊舊, D蝦又大大隻, 好爽口. 仲加埋豬肉鬆鋪面, 個炒飯真係好正.

呢間泰國菜已經唔係第一次食佢啦！但係每一次都唔記得寫，今次就嚟寫返佢啦！呢間泰國菜都好正宗,平時係食晚餐,今日去食個午餐,個性價比都好高,同朋友一齊一人叫咗一個餐，朋友叫嘅係冬陰功海南雞米線，我自己就叫咗個喇沙香茅豬扒米線，份量超多超大碗，朋友都吃不完，兩個仲叫左2杯野飲，本人係超鍾意佢嘅喇沙，椰奶超香，喇沙湯嘅味道濃郁，每次食呢間喇沙係必點的，配埋個炸豬扒，豬扒面果層薄薄噶炸皮吸咗啲湯汁，配搭一流，極力推薦。

除左陰公湯叫正常dd，其他菜色根本就是一場災難。菜單上寫得多好聽，但上桌的味道根本不負責任。一點都不好吃然後服務生的態度冷冷淡淡的，最差的是餐廳的環境。桌子上滿是髒地板上更是一片污漬。他們怎麼不重視環境的清潔呢？這樣的地方我真的無法享受用餐。總之，這次的用餐經驗真的讓我絕望。食物難吃，環境骯髒，建議他們好好檢討一下自己的經營方式。不建議價，中伏中伏中伏中伏中伏中伏中伏中伏中伏中伏中伏中伏中伏中伏中伏

第一次幫襯，全部食物上枱時都係熱辣辣，味道唔錯同埋份量多，特別推介炭燒豬頸肉同埋蒜蓉多士，整體來講屬性價比高，唯一係個菠蘿海鮮炒飯濕咗少少。openrice訂座有八五折優惠，下次都會再幫襯。

聖誕新年期間太多好戲上演, 商場睇完戲都特別多人食飯, 突然醒起呢邊有間泰國野, 之前食過唔錯.佢呢度既沙冰係好多人飲, 不過今日沙冰機壞左, 所以叫左另一款試下.椰汁涼粉冰都好大杯, 椰汁唔會好甜, 清新既感覺, 仲有幾多一塊塊既涼粉, 夠晒口感.想食少少蔬菜, 所以要個豬頸肉炒芥蘭, 豬頸肉唔會好乾, 夠軟腍. 份量都唔少, 芥蘭唔苦夠爽口.仲有要左個泰式芒果絲脆炸鱸魚, 呢款之前食過好味, 份量又足.面頭既芒果絲係凍凍地, 所以入口有D似食緊沙律, 好醒胃.下面既炸鱸魚已經拆骨起肉, 每舊都炸得好香口, 外脆內嫩.

以前響葵芳讀書, 都知道球場對面仲有好多食肆, 今日黎開呢頭做野, 一於搵間餐廳食野懷緬下.見呢間泰星匯最多人, 而且泰國菜都好啱我口味.Menu既第一頁已經見到呢款泰式芒果絲脆炸鱸魚, 個人好鍾意食魚, 而且比起一般既明爐烏頭特別, 所以叫左試下.一上枱已經比佢疊到成坐山既芒果絲, 洋蔥絲填滿眼球, 不禁嘩左出黎.炸鱸魚炸到非常脆口, 一舊舊肉起好晒, 而且起晒骨, 食既過程完全無食到骨, 非常貼心, 啱晒唔識食魚既人.炸蝦餅又係泰國菜必食, 炸到熱辣辣, 蝦肉夠彈牙, 唔會一咬散開既感覺. 點D甜酸醬仲特別開胃.仲有泰國菜必備既椰青, 夠晒清甜又解渴.見餐廳門口仲寫住晚市9點後入座有85折, 下次會夜少少再黎.

間餐廳嘅泰國菜都幾傳統同埋都好有泰國風味，舖頭唔算特別細，坐落多幾舒服👍🏻👍🏻今次叫咗個海南雞飯，啲海南雞都好嫩滑，同埋係冇骨嘅，幾出色唔錯🥳🥳跟住佢個飯係根由飯，佢嘅油飯都好食，係有味道嘅油飯，唔似得出邊有啲餐廳嘅油飯好似白飯咁😋建議大家早啲嚟食，因為見12點零開始就好多人坐滿晒😆今日見人哋識嗰個太陽蛋肉碎飯都好好食，啲肉碎仲多個飯，仲要有得揀辣度👍🏻👍🏻我下次都會去試吓個肉碎飯🤩

想講香葉肉碎炒飯，差唔多成三碗，大顛！一個飯可以兩個少carbs人share, 想像唔到！之前阿媽買，食親呢個飯，我就個胃就好似黑洞一樣，即刻胃口大增。d九層塔同少少辣味，再加肉碎豆角同飯加埋一齊嘅口感, 又惹味又有口感，勁正。雖然個炒飯偏向重味，但可以間唔中咬兩啖青瓜refresh下，balance返成件事岩岩好。雞肉串又係正到形容唔到，啖啖肉又入味，口感好爽，但唔會死死實實。牛串就正常但唔會又老又柴，唔食肉會空虛既朋友，加埋串串就差唔多。

我要投訴泰星匯啊，佢哋嘅食物真係冇天理！每次去食都係浪費錢同埋胃口。佢哋嘅菜色一啲都唔似佢哋嘅宣傳，食落去味道差到爆炸。例如佢哋嘅炒麵，麵條煮得好爛，完全冇彈牙感，好似食返啲糊糊嘢咁。仲有佢哋嘅湯，唔止冇味道，有時仲會用到唔新鮮嘅食材，令人擔心食物衛生問題。而且佢哋嘅服務態度都好差勁。每次點菜，啲服務員都冇耐性聽客人講，經常搞錯訂單或者拖延送餐時間。而我哋提出投訴或者意見嘅時候，佢哋嘅回應就好冷淡，冇一點關心客人感受嘅樣子。真係令人覺得被忽視同埋唔受尊重。我希望泰星匯可以認真對待佢哋嘅食物同埋服務質素，提升菜品水平，改善服務態度啊。如果唔係嘅話，我絕對唔會再去佢哋度食飯，同埋會警告身邊嘅人，唔好再去受慘喇！

我們在該餐廳的用餐體驗非常糟糕，我們感到非常失望。首先，主持人的態度極其惡劣，他的語氣粗魯且不尊重客人。他將我們分配到一間裝修極差的房間，而且房間內冷氣不足，他甚至要求我們把門打開對著街道，方便他們送餐。這種對客人的不禮貌和不負責任的態度完全不應該存在於任何一家專業的餐廳之中。其次，餐廳的菜品質素令人十分失望。我們點了椒鹽魷魚，卻只有四五塊魷魚，其他菜品的品質也非常差。不僅如此，侍應生居然要求我們自己寫上菜單號碼，而且飲品屢次未按時上，我們不得不三番四次提醒才能獲得服務，這種不專業和不負責任的態度令人無法接受。更糟糕的是，我們在其中一杯飲品中發現了昆蟲，而餐廳方面只是將該杯飲品免單，而沒有對其他同類型的飲品採取任何措施。此外，餐廳的裝修和餐具狀況十分惡劣污糟，有成員在用餐過程中甚至看到了二次昆蟲屍體在碗碟上。這樣的用餐體驗讓我們感到極度失望和不滿。我們希望OpenRice網站能夠關注這個問題，並嚴肅對待我們的投訴。我們希望這樣的餐廳能夠受到相應的懲處，並警示其他消費者避免類似的糟糕體驗。

i ordered Catering order thru delivery platform and this restaurant prepared and sent the order an hour late!!! they just sent the order through a taxi driver who didnt know the way and we have to pick him up at the carpark.called the restaurant and they just kept saying on the way. never told me that they asked a taxi driver to deliver who definitely wont send up to your place. i paid $320 for the delivery for this kind of service.NEVER NEVER NEVER EAT AT THIS RESTAURANT!

行開附近,記得呢間野都做左好耐又見到裡面都幾多人就諗住去試下。結果20:05出單等到20:36先拎得。半個鐘頭先出到個外賣，完全不能接受。幾好食都唔會有下一次。希望店家見到可以認真考慮增加人手。

今日約返舊同學係葵芳食飯，去返以前中學飯堂既信芳街搵食🧑‍🏫大部分餐廳都係做開街坊生意，所以更替冇出面咁頻繁，好似震陞、新豐記同信芳廚都已經做超過十年🥸🥘冬蔭功海鮮湯 | $90細份既冬蔭功已經好大兜，貼心地用小蠟燭熱住🕯起碼有4到5碗既份量，用料好足，鮮蝦已經係背上開殼方便食，湯既味道酸辣夠鮮，飲完好過癮😋🦀黃金咖哩軟殼蟹 | $188每次黎食都係必點，因為呢度全部即叫即整，軟殼蟹經過油炸後十分香脆可口👍上菜時係咖哩另上，可以避免炸蟹被汁浸腍，黃金咖哩味道極惹味，份量多到一定要叫埋飯或者酥餅配住食先最識食🦑碳燒魷魚筒 | $98叫款小食就要等耐小小，因為係即叫即處理好再燒，外面有小小焦香🔥筒身口感係爽口彈牙，食魷魚鬚就爽脆有火氣，點埋特制泰式酸汁幾開胃🍛蝦頭膏炒飯 | $75平時食蝦醬炒飯就多，通常比較著重鹹味，今日揀呢款蝦頭膏就會有蝦既獨特香味但味道就溫和適中好多，而且幾乾身同粒粒分明，配料可以揀雞、豬、牛或者海鮮🐓今次揀雞都仲有嫩滑口感，可以咖哩汁食超正😍