泰星匯泰國菜

今日係呢一區附近做嘢，因為想食泰國嘢，又唔想去到咁遠，見到網上推介就過嚟試吓，同朋友一齊食咗之後，真係有驚喜，開頭還擔心會不會不好味，但食完之後覺得下次必須再來。泰式蠔仔煎蛋蛋香味十足，煎到周邊脆口，咬落去一啲都唔油，蠔仔大大隻， 10分足料，一點都唔油膩，雞蛋配蠔仔10分香口。無骨海南雞食海南雞最緊要冇骨，呢一個真係最重要，仲有佢係皮爽脆，肉質嫩滑，一啲都唔鬆散，食落口唔會感覺好嚡口，最怕食雞乾噌噌。這兩個菜是推介菜🥰…查看更多

三五知己簡單聚會，食得開心又抵食，食物豐富到位，正宗泰國菜，最緊要食物新鮮，最怕炸嘅嘢食返炸再返咋，佢呢度即叫即炸，上菜又夠快，完全唔耽誤時間，一樣一樣接上，食物夠晒熱度。去泰國餐廳必然會叫一個泰式拼盤，呢一個係最基本的菜式，但係要好食都要新鮮，佢嘅炸蝦餅就係最出色的，剛炸出來上枱熱辣辣的，咬落外皮脆，裏面軟熟蛋呀四炸春卷塞爆晒粉絲肉碎，一啲都唔油膩，最怕食到春卷係油淋淋，外皮鬆脆。酸酸辣辣芒果絲，再配上淡淡鱸魚肉，夾起幾條芒果絲再加鱸魚，會更加顯出鱸魚的鮮味，鱸魚炸得剛剛好，肉質不會太老，保留魚的肉質嫩滑，不會太實淨。炒菜看似簡單，但是一定要有鑊氣，一上枱渣渣聲，馬拉盞嘅香味已經飄到我鼻上去，香味濃郁，食落口蔬菜不太鹹，但又好濃烈嘅馬拉盞味道，再配上鮮甜的蔬菜，爽口美味。…查看更多

位於葵芳的這家泰國餐廳，是街坊食客的最愛。即使是平日，店內依然熱鬧非凡，座無虛席，四周瀰漫著泰式香料的濃郁氣息，讓人仿佛置身曼谷的街頭美食市場。這裡的料理不僅味道純正，價格親民，更重要的是帶有濃厚的市井風情，是吃一口就能感受泰國靈魂的地方。 🍖沙嗲串燒（兩豬兩雞) 是店內經典的燒烤美味，豬肉與雞肉的搭配讓口感更具層次。沙嗲醬濃郁而帶有微甜，肉質鮮嫩，炭火燒烤的香氣讓整道菜更具吸引力。豬肉帶有適度的油脂，入口滑順，而雞肉則多汁彈嫩，與沙嗲醬形成完美融合。擺盤雖然簡單，但呈現出濃厚的泰式街頭風格，樸實卻誘人。 🍲冬陰功海鮮湯（小）湯頭濃郁，散發出檸檬葉與南薑的獨特清香，伴隨著濃烈的辣椒與蝦醬風味，每一口都是味蕾的震撼。海鮮的鮮味被完美地融入湯底，蝦肉Q彈，魷魚柔嫩，細膩的層次讓人忍不住再喝一口。 🦑香葉炒鮮魷，鮮魷爽口彈牙，香葉的獨特風味與魚露的鮮鹹結合，既刺激味蕾又不會過於厚重。簡單但色彩鮮明，令人食慾大增。 🍝泰式炒金邊粉作為主食，吸收了獨特的泰式醬汁精華，粉條滑順不過於油膩，帶有微甜的回甘，蛋香與蝦仁的鮮味交織，口感豐富。 珍多冰 帶來沁涼的口感，椰奶香濃而不過甜，綠色珍多充滿彈性，搭配碎冰讓整體更加清爽。而 🥭鮮芒果沙則是必點之選，芒果的香甜濃郁，細滑的果肉搭配微酸的平衡，完美收尾整場美食饗宴。…查看更多

抵過返大陸食芒果冰沙（買一送一）鹹檸七凍檸樂泰式拼盤泰式炸皮蛋金邊粉炒蜆送：芒果糯米飯85折後，折實埋單都係$333父親節嗰日食，勁抵食，好過同人迫上大陸。真心抵！推介$98明爐魚（隔離枱嗌到每人一枱，可惜冇預早訂明爐魚，記得訂枱時訂埋。）推介芒果冰沙真係好抵！值得黎試下！可以喺平台訂枱又可以賺里數…查看更多

真係無眼睇，呢間餐廳嘅服務態度同埋處理能力簡直可以用極差形容！上漏單嘅情況離譜到爆，催咗唔知幾多次，每次都係敷衍我哋話緊係整緊，結果我哋等咗成個鐘，先發現佢哋根本冇幫我哋落單，完全係浪費時間！講到芒果糯米飯更加離晒譜，訂枱嘅時候明明話會送，結果又係催咗無數次，等到頸都長埋都冇見到影，俾人感覺就係根本冇心做，成件事好似玩緊我哋咁。食物未到，服務又咁差，真係激到無晒耐性。成個用餐過程都係失望加憤怒，完全冇諗過間餐廳可以咁冇誠意。最後，我哋白白浪費咗一個鐘頭，仲要空手而回，真係一次夠晒數，絕對唔會再幫襯呢間餐廳！…查看更多