泰斗 (中達大廈)

營業中

休息中

今次去到海防道搵食！有一間朋友介紹過好好味嘅泰國菜，就係位於中達大慶嘅泰斗！環境超好！仲有個半露天嘅空間😉 由於當晚食飯有八至九個人，所以都叫咗好多嘢食！每個菜份量都好多，而且充滿泰式風情！值得鍾意食泰國菜嘅朋友去試一試😋泰式生蝦 $128生蝦非常新鮮，入口好彈牙椰香青咖喱雞配薄餅 $138青咖喱份量好多，而且配料都好足，配埋新鮮熱辣嘅薄餅！ 絕配！泰式燒豬頸肉 $138外脆肉嫩！點埋特製醬汁非常惹味架！泰式炒椰菜苗 $138比預期之中辣，唔食得辣嘅朋友可能係點才是要特別通知香芋雞肉焗飯 $138全晚最喜歡嘅菜式！香芋有咬口，而且配返原來係咁夾！泰式炒河 $118最鍾意炒河配多款蔬菜，食落去冇咁油膩！飛天通菜 $98飛天通菜喺泰國餐必點嘅一蔬菜！通菜炒得啱啱好 唔會過老生菜包 $138清新嘅生菜包炒肉碎，亦都唔有泰國風味！必點！芒果糯米飯 $68煙煙韌韌嘅糯米飯，芒果可能唔啱季節有啲酸！

想揀間環境靚少少嘅泰國餐廳，海港城間lady Nara 無位就搵到呢間都好似幾有特色。提前1日book位想揀露台佢話盡量安排， 但去到只安排到走廊位， 餐廳好細間， 每張枱都要同人搭枱。鹽燒牛舌串（2串）$48串燒沙嗲豬(2串）$38串燒無拼盤， 要2串起嗌， 試左2款都好食， 牛舌厚身彈牙， 豬肉帶甜， 燒到好似叉燒嘅樣， 不過豬肉肉質唔係特別出色。原盅椰青冬蔭功湯(2人）$128個人認為必試原盎冬蔭功， 酸辣度適中， 侍應會主動幫你斟同挖埋啲椰子肉出黎，2人份都飲到3碗。小食拼艦(細》$148炸物都好食， 脆得黎唔會食到成口油。椰香青咖哩牛肉 $138烤薄餅 $362個人嗌左好多， 侍應會等我地食完先上其他菜式， 青咖哩偏稀， 配滑牛， 加左個薄餅，但唔係好接得住青咖哩， 薄餅份量唔多， 同埋後上擺到凍左。龍眼冰 $42

我電話訂座備註想坐露台位, 點知去到無露台位都算, 佢俾左張全場最迫既位，同隔離枱係得半個身位距離。食物方面真係不得了, 我地叫左6樣野:小食拼盤: 正正常常既 應該都係直接來貨 就咁炸同翻熱咸肉炒菜: 咸到傻 又水汪汪咖哩牛坑腩+薄餅: 咖哩水+餅乾 唔講了 哂氣豬頸肉炒飯: 一黎到我地望極都望唔到有肉, 淨係得個炒飯, 侍應話應該係炒漏左, 重炒後味道OK炒金邊粉: 正常OK既牛肉沙律: 勁少菜, 得DD洋蔥絲同幾片牛肉... 味道OK<總結> 炒飯炒粉合格,但不是泰國風味的味道, 估計師傅唔係泰菜出身, 咖哩差到離譜 (唔明點解咁多人推薦)

同事Farewell日 九人就book咗呢間餐廳好耐以前都食嗰啲間餐廳，但完全冇記憶大家放工都好肚餓，所以點咗好多嘢食 首先如果各位同我一樣食過嘅 應該感覺同我差唔多😂😂 叫咗杯草莓沙冰，其實都預咗唔會係真正草莓打 但係冇咩味 偏水個人認為最好食係個小食拼盤 正正常常幾好唔錯，魚餅都幾香口，春卷都好食生菜包對比以下嘅食物都好正常（唔好意思太肚餓，所以影得唔好🫣）但係冇香茅嘅味道 香料味唔重 同埋都唔辣嘅，可能佢冇揀辣今晚嘅串燒就極度唔建議大家選擇 因為豬肉食落去梳打粉太多，亦都完全冇豬肉嘅質感同埋完全食唔出係豬 雞都唔新鮮 同事都覺得有浸奇怪嘅味道 牛肉最正常，但係冇牛味😅😅 比單我哋埋嗰陣 check單其實漏咗燒雞同埋魷魚筒 要提佢呢兩樣…..魷魚要點多啲醬就好食雞就唔建議大家叫 冇咩特色⭐️⭐️⭐️💨💨💨呢個蠔仔餅本人覺得好腥 完全唔覺得好食😝 總括嚟講呢間餐廳去食個氣氛 成個環境，如果好食嘅話同類型尖沙咀大把

星期四嘅晚上 約咗朋友係尖沙咀想食泰國菜一search openrice見到佢排得幾前但已經冇得book位就決定去walk in試試估唔到星期四都超級full house餐廳有室內同室外嘅位置 如果唔係咁多人咁逼 其實應該會幾chill最後等咗大約15-20分鐘 餐廳都安排咗個outdoor位俾我地但餐廳可以需要重置下啲餐凳 因為有部份餐凳椅背爛咗只係用膠紙包封住長頭髮嘅女士一靠落去就會被D膠紙痴住頭髮….打開餐牌 餐點款式非常多 睇到眼花潦亂泰式生蝦(7-8隻) $128作為前菜必點之選 配埋生蒜同酸辣汁 幾開胃冬蔭功大頭蝦湯(細 4-5位用) $158味道惹味 湯份量十足 但我覺得2人用都可以 每人飲到2-3碗4-5人用可能就真係淺嚐而且貼心位係會有火係煲底慶住 唔怕凍咗唔好飲小食拼盤(細)泰式雞卷, 魚餅, 蝦餅, 粉絲皮春卷 （四人份）$148我地一行兩人都係叫左一個四人份嘅拼盤呢個性價比十足 可以試曬咁多款小食 同多朋友黎就可以一次過滿足到大家所需我最鍾意嘅除咗蝦餅唔會好粉之外 就係粉絲皮春卷 呢個相對上比較特別就算放足全晚一樣脆卜卜好香口呢個小食拼盤係好適合飲住酒 傾住計慢

泰斗🍽️-▫️設有露天座位▫️超有東南亞feel，有格調餐廳▫️適合朋友/情侶聚餐-餐廳menu同餐具都好靚，好有泰國特色，餐廳比較多菜式係帶有海鮮。-🔹木瓜沙律（蝦） $138有蝦/魷魚/青口揀，我同朋友都揀咗款比較夾嘅蝦，每隻蝦都好新鮮好大隻爽口彈牙，木瓜沙律酸酸辣辣好開胃，而且木瓜絲好爽脆，係一道唔錯嘅開胃菜👍🏻好味：4/5😋-🔹馬莎文咖喱牛坑腩配薄餅 $188呢道菜又係熱門嘅，幾乎每枱都有order，咖喱食落偏甜但帶有小小辣，沾埋薄餅食一流🤤而且牛坑腩好淰，唔韌，會想一塊一塊薄餅接着食好味：5/5😋-🔹串燒雞 + 泰式炒椰菜苗串燒正常，配嘅係偏甜味嘅沙嗲醬，整體不錯。泰式炒椰菜苗係十分有鑊氣😍炒得好好食，但係就稍為太辣，一邊食要一邊飲嘢解辣。好味：4/5😋-食泰國嘢點可以唔飲椰青，呢個夠凍夠清甜，椰肉都好軟熟唔係硬曬好難刮嚟食嗰種。-整體嚟講，絕對會二訪呢間餐廳，下次要約多幾個朋友試多幾款菜🤤每道菜都好食，好似去咗泰國咁！不過當日食食下突然間話廚房有啲事會延誤上菜，中途隔離枱又倒瀉飲品，好多突發嘢發生，但係都無阻我同朋友慢慢享受🥰下次再試下唔同菜式🤩鍾意食泰國菜嘅朋友仔又多一個選擇🤭

每次朋友gathering問食咩，我都會講不如食泰斗，一嚟環境舒服，二嚟食物質素好，地點又方便😜唯一麻煩就係搭lift上去要考智力😂呢款必嗌⭐️脆爆香茅三文魚鮫 $138睇落去好似比啲脆蒜遮住晒，但其實底下份量都唔少，三文魚油香好正，食落又方便，唔係好多碎骨，建議一嚟到就即刻食唔好等啦，熱辣辣最好味🔥⭐️泰式生蝦 $128每隻蝦都好肥好厚肉，無雪味，泰國餐廳基本嘢，食生蝦最緊要都係要點多啲汁，如果唔係會浪費咗隻蝦🤣⭐️菠蘿海鮮炒飯 $168本身同佢request咗唔要提子乾，但最後都係有😅炒飯份量都多，3個人分剛好⭐️串燒沙嗲豬 牛 雞 各$38/2串同朋友一致，覺得豬肉同埋雞都好食，但係牛肉就有啲韌，難咬左少少，但係個沙嗲汁好食，我最鍾意食沙嗲豬😜貪食落去夠彈牙其他例如冬陰功，燒豬頸肉同咖喱軟殼蟹之前黎食過都好好食，飲品又好大杯，如果坐出面嘅話都好Chill，所以都好推薦☺️

泰斗位於海防道，一個商業大廈嘅四樓，本來係貪方便，所以嚟試吓，原來都幾好食喎！價錢都合理。最衰就係因為星期五嘅關係一個半小時要交枱。我哋book咗露天位，環境一流，影相嘅時候好似去咗泰國咁，侍應哥哥幫我哋影相，仲會幫我哋打燈值得一讚😊招牌沙律三部曲….可以是三種特色沙律，帶子、軟殼蟹同埋蝦沙律，每款細細兜，啱晒我哋鍾意每樣事少少嘅人，本人最鍾意嘅係帶子沙律，新鮮帶子加埋泰式沙律，正冬陰功湯….味道正宗😋小食拼盤….又可以是不同種類嘅小食，最鍾意食嘅蝦餅心形芒果糯米飯….芒果甜甜，影相又靚

不過起碼算中流砥柱。四個人，六點五道菜，每人一杯沙冰，每人$400。店舖唔算大，在四樓加有露台比人空間感都算ok。在春天時節嘅當下，起露台食飯嘅感覺唔錯，有微風、冇蚊。但係..........你要幸運地冇人起你格離食煙!!!!!!!!!!!無錯，話明露台就自然比人食煙，相信我，如果有人起正你格離食煙，食龍肉都......煙味啦。所以，前半餐體驗好好，後半餐......想走。木瓜沙津，唔爽脆嘅木瓜，全生嘅豆角，偏辣，唔開胃，失敗嘅前菜。非常辣嘅生菜包，譚仔最多五小辣人士建議唔好叫，味道偏死鹹，冇乜層次，唔開胃，不推薦。一碟兩串牛舌，必點，熱加厚，不過有硬有唔硬，全靠運氣，有一舊朋友直接咬唔落，不過相信大部分都唔係特別硬，依然必點。$238 椰汁唔知加咩小辣青口，明顯細粒急凍青口(冇貶意)，入口幾乎only椰汁味，冇層次，食多幾隻就唔想食。一般貨色。$148 細份小食拼盤，一人一舊，冇特別但係必點。$198 燒牛小排，牛肉質地偏彈身，冇乜肉嘅質地，不過燒得幾香，點埋微酸甜嘅醬都ok，可圈可點，ok啦。$128 海鮮菠蘿炒飯，炒得幾好，粒粒分明。海鮮都有存在感，唔至於比飯完全淹沒。飯中有菠蘿

今日想食泰國菜又想行海旁，所以就㨂左尖沙咀，見到食評話呢間都吾錯，好啦就去試下味先。一入到餐廳，佢係有半露天架，個feel又幾好咼！落單嘅時候個waitress 姐姐都幾有禮貌，又會介紹我地食有啲咩好食，佢推薦我飲芒果沙冰，果然冇介紹錯！佢地用新鮮芒果打，但又吾會酸，好似食緊雪糕咁，勁大杯，可以兩個人share飲。首先嚟左碟泰式生蝦，個醬比平時辣，但又幾好食！個冬蔭公係4-5人份量，但因為想飲所以都照嗌啦！佢連埋個爐上，所以隨時都可以飲住熱辣辣嘅湯。另外叫左啲雞同牛舌串燒，不過不失啦。個泰式飛天通菜都幾大碟，啲通菜又比較嫩，味道吾錯！之後叫左個黃咖哩牛腩，啲黃咖哩真係幾好食，特登叫多左碟蒜蓉包嚟點咖哩，其實應該在要嗌多個薄餅黎點咖哩，但因為太飽所以浪費左啲咖哩汁。整體黎講吾錯，但價錢略貴，食左800幾蚊。不過兩個人食飯氣氛好就得啦！

尖沙咀一向食肆林立，想搵食絕對冇難度，不過如果吃完再吃，就代表D食物出品有保證。今日同朋友再次到訪哩間位於尖沙咀海防道嘅泰國餐廳，之前嚟系日間，坐室外光猛開陽，今次因為戶外已爆滿，就坐室內雅座，舒適適合傾計。▶️燒牛肉沙律($138)泰式酸辣汁撈勻再食，酸咪咪好開胃，不過牛肉燒得過咗少少，如果燒到岩岩熟就完美喇！▶️脆爆香茅三文魚鮫($138)每次嚟都必食嘅一道菜，好熱氣但系絕對要食返件，因為食完會想食多舊😂。三文魚鮫外脆內嫩，炸得岩岩好，出面脆卜卜，但係裡面新鮮嫩滑，多重口感，食到lam lam脷。▶️串燒✨鹽燒牛舌串($48/2串)✨串燒沙嗲牛($38/2串)✨串燒沙嗲豬($38/2串)✨串燒沙嗲雞($38/2串)串燒上枱時色澤光亮吸引，最欣賞個牛舌串，juicy又彈牙，裡面系粉嫩嘅顏色，點埋個泰式酸汁，真係太正喇！▶️辣椒膏炒青口($168)朋友好中意食辣椒膏炒海鮮，今次終於食到。青口大大粒，肉又肥美，加上辣椒膏炒非常惹味，岩曬送飯或者一邊食一邊飲返杯啤酒。▶️泰式凍奶茶($42)/椰汁冰($42)食泰國菜點少得杯凍奶茶，夠濃郁又夠奶香，椰汁冰甜入心，凍冰冰好清爽～

海防道平時成日都經過今次試既餐廳泰斗就位於海防道其中一棟大廈4樓餐廳有部份係室外位置個view都真係幾好望正對面既樹唔知夏天黎會唔會好熱呢雖然見到裝左冷氣今日天氣少少涼又唔算凍坐近室外就正啦首先叫左龍眼冰用泰式奶茶龍眼冰唔算好甜 泰式奶茶一貫奶香泰式春卷係粉絲皮 非常香口鬆脆馬莎文咖哩汁甜甜地 個汁唔會好杰 可以少少地飲兩啖牛坑腩份量唔算好多 但係肉超級腍食咖哩配至愛薄餅就啱晒最後食左冬蔭公海鮮炒飯冬蔭公湯就成日見炒飯又幾特別 雖然唔係話湯咁重味道但係配上香口炒飯都唔會好膩而且都幾多海鮮料總括黎講都算幾唔錯既泰國餐款式選擇多 不過我地得兩個人 試唔到好多款多d人一齊食就可以叫多幾款試難得食既嘢都算幾油 但係食完都無過好口渴美中不足食嘢途中聞到一陣煙味好彩就全餐飯得果一次

依間餐廳環境幾好，坐近露台位係好有係樹林食緊野嘅感覺，好有feel好寫意。野食選擇好多，想食飯、麵、海鮮、菜、串燒、小食定甜品都有齊哂！首先叫左串燒，叫左雞牛豬各兩串($38/2）夠哂大串啖啖肉，燒得幾靚，味道香得黎肉質唔會太老，而且個沙嗲醬好好食，唔辣但好濃花生香味另外叫左馬莎文咖哩牛坑腩配薄餅（$188），依個咖喱係唔辣嘅，偏甜仲有少少酸，有啲似豬腳薑嘅味道，幾得意。牛坑腩肉質好鬆軟，吸埋咖喱汁入口好juicy最後叫左個泰式炒椰菜苗($128)，好惹味，少少辣辣地，椰菜苗口感爽脆，炒完之後好香。野飲方面選擇又係好多，除左酒精類仲有泰式特飲，叫左珍多冰（$42）同龍眼冰（$42），係泰國嘅味道！好飲不過係偏甜嘅。依間真係環境同食物質素都高，選擇又多唔會厭！

人山人海既尖沙咀，附近唔係名牌商店就係高樓大廈，係海防道樓上有一處鳥語花香，感覺置身於泰國園林中既正宗泰菜餐廳！多款正宗泰國菜，高水準處理！泰式燒豬頸肉唔洗講都知必叫！份量好多，足夠二至三人食！豬頸肉肥瘦適中，入口爽脆，絕對有滿足感！豬肉表皮都處理得唔錯，有焦香感☺️再黎推介泰式香葉肉碎炒飯！小小辣，但可以接受！味道好有泰式風味我like🫶🏻🥹睇相都見到每粒飯粒都有沾上左醬料既顏色，所以每一啖都好有味道！鐘意食蝦既朋友唔好錯過佢地既大頭蝦粉絲煲🤤❣️ 大頭蝦都有成五六隻，每隻手掌咁大再開邊處理👍🏻粉絲又係哩道菜靈魂之一，所有鮮味都煮入晒每條粉絲當中，超級入味！☺️飲品我叫左Refresh同Fruit Punch兩杯，我自己比較鍾意Refresh，青瓜獨特既味道，加上有少少荔枝玫瑰嘅甜味，好清新既感覺👍🏻☺️Fruit Punch都不錯，多種水果味道都幾濃郁😍餐廳環境真係好吸引，相信如果晏晝去環境應該仲正！想享受一個泰式moment，可以一試🌴🥰| Fruit Punch $88| Refresh $88| 泰式燒豬頸肉 $138| 泰式香葉肉碎炒飯 $128| 大頭蝦粉絲煲 $298

#尖沙咀 @thaimaster_hk👯‍♀️同朋友提早做冬! 打破食中菜的慣例, 試試泰國菜! 之前去食飯時搭電梯開門時發現呢間泰國菜環境好好, 有露台位, 燈光柔和, 好有氣氛, 今次就試試! 菜式選擇多, 來點基本的試試味道! 🐥泰式香草燒雞 $168/半隻, $268/隻 ~ 即叫即製, 需時20-25分鐘! 上枱新鮮熱辣, 雞皮香脆, 店員表示要趁熱食, 會更好味! 肉質嫩滑又無雪味, 半隻都好大隻! 🐄馬莎文咖喱牛坑腩配薄餅 $188 ~ 牛坑腩好滑, 煮得好腍, 咖喱味好香好濃, 配上香脆薄餅好夾! 🦐泰式蝦肉炒金邊粉 $128 ~ 金邊粉炒得好好, 有穫氣又乾身, 蝦肉大大粒份量多, 配菜不少! 夾上香脆花生碎及青檸汁, 加添口感! 🥥椰汁紅豆冰 $42 & 珍多冰 $42 ~ 紅豆粒粒大粒, 2杯椰汁味都好濃!😱好彩一早訂定位, 超多人!