泰式食

營業中

休息中

政府朝令夕改，使餐飲業經營非常艱苦。每晚六時後停止堂食，更令食肆員工流動基本停頓。我們不敢質然增聘新人，現職員工也不敢請辭，散工亦暫停上班。早幾個星期前，自己公司的泰式餐廳計劃開張，拜託業界友好找到了四名全泰籍地道廚師，完成試菜後，在最後關頭才決定因六點禁食令而延遲啟業。應允上班之泰籍廚師也不欲等待，去如黃鶴高飛另覓良巢了。泰籍廚師香港難找，故市場上是十分搶手的，薪金亦媲美中式廚師，大約兩萬中左右。他們族群有自己生活圈子，加上不諳英語，廣東話也只懂聽說，不懂閱讀及書寫中文。所以，若要聘請泰籍廚子，除非你懂泰文，否則從正常招聘渠道如勞工處、或求職網頁注定是失敗、徒勞無功的。這嘟嘟車是地道曼谷標誌，但銅鑼灣區寸金尺土，店家買回來，佔用了兩張檯位置，反而有點礙眼。舊嘟嘟車平宜，入口香港連運輸費用大概三萬元。許多泰式餐館也買一輛，放在門口招徠客人，成為拍攝焦點。可惜這兒店家忽略燈光及佈景的重要性，照片會顯得陰暗失真，建議加幾盞投射白光，背景掛上一幅曼谷景象海報尤佳。想再說明一下，許多泰國餐廳之室內設計師都習慣性以大芭蕉葉、竹支、及四面佛廟輪廓作為設計藍本，然後多加幾件大象及歡迎光臨合十之人象擺

約咗朋友去銅鑼灣食飯，對呢個地方嘅食肆已無乜印象，因為我係九龍人。抓爆頭就上open rice check 下有乜嘢食啦！揾到呢間嘢，兩個人點咗個套餐，三百幾蚊。冬蔭功湯無乜味又唔辣嘅，不過都有蝦嘅。四串沙嗲豬同雞（各兩串），沙嗲汁無乜味，好希。肉就好細份量，豬肉仲係薄切。辣炒海鮮又唔多辣，食完無乜印象係咩味，只記得個汁太多豆粉。炒通菜叫做ok。甜品兩嚿榚，一嚿無乜味，一嚿有啲芒果味。總括係成餐飯係唔好食！唯一好處係open rice 訂位有得送 Asia miles。

今日晚餐就去左呢間食，因為太耐冇食泰國菜了，叫左個二人套餐，另外再叫多左個粉絲。個青咖哩真心正👍🏻👍🏻仲有個烏頭魚都好好食，可以值得再食多次！另外杯龍眼冰都好好飲。

餐牌午市泰式食 埋單147午餐大幾55-68 +8蚊有特飲湯聽人講以前有得自己拎但依加變成一坐低就比你今日個湯係青紅蘿蔔加陳皮陳皮味好少唔搶蘿蔔味道口錯唔錯之後叫左個6號 香草胡椒肉碎個河間唔中會中會食到胡椒 幾辣口河粉味道適中 多菜少肉 辣味夠香口 河粉唔淋之後仲有個5號泰式抄魷魚米粉冇咩味 主要靠個魷魚同汁花生偏淋 我只係撈左辣粉 覺得可以辣少少而魷魚算係高水平 燒得好 有魷魚香味 食得出原本個種鮮味 只係好似圖咁 得5 6舊 唔夠菜成個米粉餐飲加左兩個特飲正常應有既水平 合理價錢值得一提係地方坐得好 好舒適 裝修又唔錯

開心Girl’s Talk💬♥️·泰式生菜包大家都共同要點呢個食 辣度可以最少 好味 🥬·泰式炒金邊粉炒得好香 成碟食哂都無問題呀不過佢有蝦 好彩對面果個幫我消哂🥰👩🏽呢餐飯大家都食得好開心同聽出耳油🤎

銅鑼灣晚市四圍都係人山人海，金百利廣場算係比較冷清🤪餐廳其實已經頗大，但係八點幾都仲係好多人，都等到差唔多九點先食😵一入到去有架篤篤，仲要帶紫既燈飾，整體都有少少夢幻仙境或者係阿拉丁既感覺😂▪️ 菠蘿炒飯（7/10）💲95以全個菠蘿咁樣上都幾大兜，全部餸包括蝦、青口、魷魚等等都係加上左類似咕嚕肉酸汁，不過個人覺得呢個汁唔係特別夾，我會寧願佢唔加🙈仲有基本既肉鬆同埋腰果，而菠蘿粒稍微硬身，飯粒都炒得乾身香口既😚▪️ 泰式青咖喱雞（7/10）💲98加上左少量椰漿既，咖喱食落帶有椰香，味道亦都唔係好辣，雞件質感尚算嫩滑🐔▪️ 飛天通菜（7.5/10）💲72本身見係一碟菜，咁肚餓之下都無影到，點知呢道係有驚喜最好味既一樣野😱食落係滿滿蝦醬、蒜粒、辣椒，鹹香可口▪️ 芒果糯米飯（7/10）💲60叫左後上，不過竟然變左第一道上🤦🏻‍♀️淋左超多椰漿既黑白糯米飯好暖身，甚至可以用熱去形容，白糯米入口軟糯，黑糯米相對硬少少，芒果亦都頗多，甜度不過不失🤭▪️ 新鮮椰青（7.5/10）💲45椰青夠凍又好甜😎🔎 整體評分（7/10）

最近6點後冇堂食，咁我哋一家三口行完街6點半上咗嚟買外賣。門口開住 餐牌係正餐廳一入去個度。我哋企係度5到10分鐘睇餐牌，途中有waiter經過見到我哋，冇打招呼冇問我哋要點咩餐 我哋一路睇餐牌睇咁耐，佢係我隔離執下單收下野咁耐冇理我哋。好，我哋要點餐先叫佢。佢先至同我哋講:「哦，我哋收咗鋪。」我心諗，下，你唔早啲講？我哋一路傾要食咩食咩佢都一定有聽到 就係唔知點解唔一早見到有客人嚟就提醒人佢收咗鋪。我哋仲睇餐牌睇咗咁耐...24/08/2020 6:30左右

Price: $55尼個價錢尼講，不過不失。河粉炒得唔夠均衡，令到有部份嘅河粉唔上色，亦冇乜味。但上色嘅河粉重口味得黎又唔會太鹹，對得住尼個價錢。配料方面，可以揀牛肉、豬油、雞肉或者雜菜。我每次都係揀雞肉，所以對其他配料俾唔到評價。但我100%極度深信佢啲雞肉完全冇醃製過(啲雞肉白到好似隻雞未出世已經係隻蛋入面搽好十層防曬打底)🤣但肉質方面，無可否應係嫩滑嘅 (話唔定佢搽嘅係完美阻隔UV，同時鎖住細胞水分，清爽不油膩嘅物理防曬)。除左雞肉之外，碟河粉嘅配菜絕對冇hea你 - 有椰菜花，菜心，蘿蔔條，玉米荀同西蘭花( $55 連湯連飲品都算係咁啦)

泰式食在金百利已經開咗都有一段時間，以前成日同朋友嚟宵夜啤一啤，今日嚟到附近，見到佢個廣告牌，上嚟重遊舊地先午市套餐有好多選擇，有炒飯炒麵，亦有咖喱等等嘅菜式選擇，同埋有自助沙律吧，無限供應酸辣湯同沙律，整體嚟講都幾抵食！我食豬頸肉炒芥蘭配飯，豬頸肉炒得爽口，芥蘭就略嫌太老太硬啦，廚師加好多蒜蓉落去炒，所以蒜香十足，鍾意蒜味嘅朋友唔好錯過！值得一提係餐廳枱與枱有充足距離，坐得好舒服，店員亦好有禮貌，令我呢個午餐食得好滿意

今日去左呢間銅鑼灣嘅樓上泰式餐廳 🇹🇭 可能因為疫情嘅緣故😷成間餐廳加埋都唔夠10個人食物方面，泰式菠蘿炒飯🍍只係$55幾抵食 ✨仲包一杯凍飲重點係有自助區，質素唔算係好高但係都算幾抵食🤣

一入去餐廳環境佈置都幾靚，睇得出花過好多心思，唔記得影相有d可惜添。叫左兩個套餐，今日特別送兩個湯，餐牌原本都冇話有湯送。湯出奇地好飲，雖然唔係咩特別，但清清地用d瓜同紅蘿蔔等煲成，冇咩味精。1.泰式海南雞飯海南雞本身冇咩調味，都係幾輕口味，似乎係靠個甜酸醬汁。醬汁普普通通。雞肉倒是有點肉香。肉質一般，不夠嫩滑。油飯只有少少油香。龍眼冰：隨餐附飲品，龍眼冰須加$8。味道都幾甜，最正係有好多粒龍眼，倒非常合我口味。2.菠蘿炒飯：有雞肉及蠟腸粒，亦有紅蘿蔔、洋蔥、青豆粒。味道又係偏清淡，菠蘿粒甜而不酸都好食，但菠蘿粒較少。整體都係普普通通。隨餐可送凍檸茶。檸茶分開糖漿俾我自己落，值得一讚。味道則普通。整體味道偏淡，應該濃一d好食d 。份量整體也大份，夠晒飽肚。

當日經open rice book左七點食，七點三已經落單，一開始上菜速度同食物質素都可以，十分鐘上左冬蔭公同串燒。然後一路等，等左一個鐘都無其他野食到，期間侍應一路有上菜去其他枱，甚至係比我地遲入座既客人都已經有野食，於是就開始催單，催左三次唔同既侍應都話跟緊但過左十五分鐘都仲係未有野食到，大終8點25分終於再上左一碟菜，不過好細份，再上既生菜包又極乾。最後pad thai係完全唔夠味，菠蘿炒飯既飯亦得好少，最後九點先食完所有野。

位於銅鑼灣金伯利廣場8樓泰式食。是一家泰國餐廳。午餐選了這間餐廳原因是提供半自助泰國菜。冬陰功湯及沙律是任食的，味道中規中矩。我叫的主菜是椰青飯，沒有一點點椰青的香味，有種椰青用過之後再重用的感覺，好像是炒飯裝在椰青里一樣，只吃了一半。相比之下，還是他的冬陰功湯及沙律比較正常。朋友點了濕炒牛河味道可以接受。買單人均60幾蚊，性價比還是很高的噢。

飛天通菜呢個係幾好食既 豬頸肉份量黎講佢都算幾多呀味道都唔錯！又大舊 啖啖肉呢個都值得試下呢個我見好多人都嗌但反而我覺得呢個都算幾一般個樣就真係幾靚既 但係個炒金邊我就嫌味道淡左d比既調味料都好少咁反而呢款較為失望呢度價錢都算合理質素都okay 同埋地方都幾大如果係多d人既話都可以應付到亦可以考慮bk左先

作為口味重嘅朋友，泰菜確係不二之選，係香料、香料同超級多香料。先講下環境，甫入門口就有一架篤篤係門口係覺得佢有心打扮下間鋪頭。個人覺得佢嘅2人餐好似太多，3人食剛剛好，叫好野食上菜都上得好快，點知第一個上黎嘅竟然係辣帶子炒飯，是咁的雖然我吾係食緊fine dinning，但我係有超重嘅食飯儀式感，除非我叫係叫左一碟飯，如果吾係主食係應該食左前菜或者小食先上，hmm..但我都有食左，先講個辣炒飯，我覺得有驚喜嘅，因為佢係用左pad thai嘅感覺，辣中帶少少甜，每一啖飯帶點濕潤，帶子似乎係急凍貨，冇得重鮮味，但係佢加咗落炒飯，有少少辣辣地又甜甜地嘅味道，尚算不俗。然之後係青咖喱雞，青咖喱嘅味道唔錯，咖喱有頗重椰奶味，完全唔辣，但係雞就一般啦，或者係我唔係好鍾意食雞，我覺得肉質一般，但唔算係overcook，夾係薄餅都食，都還好。之後送上嚟嘅係遲到嘅豬頸肉同埋柚子沙律，先講柚子沙律，佢係用完隻柚子滅落嚟嘅，加上花生洋蔥等配料，入口有咬碎嘅柚子汁，配上香口嘅佐料，有別於一般柚子碎粒加沙律菜又係另一種柚子沙律嘅體驗，至於豬頸肉係全晚最失望嘅一碟菜，雖然肉質都OK，但係味道有啲似叉燒，係要陪醬食