泰國婆

營業中

休息中

【西貢區】【泰國婆】去將軍澳食飯，除咗可以搵東海棠，仲可以搵美女朋友，佢都係住附近。不過佢 suggest 食泰國嘢就本身非我所喜，對泰國菜唔係太有興趣。加上仲要等位，明見到佢哋死 hold 住張四人檯一陣都唔放，仲冇 booking，都好耐先放兩 pair 人入去坐嗰張檯。美女朋友話佢想食生蝦刺身，所以就點咗 $138 嘅「生蝦刺身」，有八隻，味道唔算好突出，醬汁亦都平平無奇，大半碟我孝敬晒美女朋友就算。我記得我好似唔知食咗一隻定兩隻，本身我對生蝦刺身都唔反感，但呢碟真心麻麻，接近成廿蚊隻真係有啲貴。之後佢食 $88 嘅「鳳尾蝦炒金邊粉」，佢話 okay。我就食 $82 嘅「泰式海南雞飯」同飲 $25 嘅「泰式凍檸檬茶」，影檸茶相嗰陣由於掛住望美女朋友所以 out 咗 focus 抱歉。個飯同杯嘢飲就好一般，冇咩好寫。價錢加埋一埋單 $366，都冇乜機會再食。。。（地址：將軍澳坑口重華路8號東港城2樓238號舖）#1amfoodie #foodie #hkfoodie #thatfoodiething #hkfood #food #instafood #yummy #foodlove

今晚同老公一齊睇中醫，由5:30到7:50先可以離開，真係餓到肚都扁……第一時間衝去坑口搵食。餐廳座位不少，有多張二至四人，仲有卡座，燈光柔和，感覺舒適。餐牌附有部分菜式相片，幾吸引! 分別有小食、沙律、湯類、海鮮類、肉類、咖哩類、粉麵飯、蔬菜類、甜品和多款飲品。******************************新鮮菠蘿海鮮炒飯 ($128) 用原個菠蘿裝住，喜歡! 炒得乾身，不油膩，加了三色豆、雞蛋碎 、新鮮菠蘿粒 、泰式臘腸、蝦仁、魷魚、青口、提子乾同炒， 面頭還有豬肉鬆、腰果， 好豐富。 整體味道吸引，菠蘿超甜多汁，正! ******************************1******************************馬拉盞炒雜菜 ($78) 有多款蔬菜，相當豐富! 分別有椰菜、西蘭花、椰菜花、芥蘭、娃娃菜、粟米芯、甘荀、雜菌、紅椒等，爽口鮮嫩，以馬拉盞醬拌炒，味道稍稍鹹香，唔算太鹹和太油，好岩我口味。******************************鹽燒烏頭 ($138) 即點即製，熱辣辣。魚面舖滿粗鹽，魚肚藏滿香茅、南薑等配料，而魚

✨泰式青咖喱雞配 薄餅青咖喱雞風味獨特椰奶香濃 融合左唔同香料搭配酥脆嘅印度薄餅 別有一番風味 啱晒同屋企人share☺️✨原個椰青焗飯米飯吸收左椰香 香甜濃郁 清新而不膩❤️成個造型拎滿分🫶🏻✨泰式燒豬頸肉嫩滑嘅豬頸肉燒至微焦 外脆內嫩配上特製酸辣醬汁 更添泰式風味～✨泰式南京椰汁雞湯用左椰奶為做底 加入嫩滑雞肉同泰國香料熬煮，濃郁而唔太膩，適合搭配其他主菜享用✨泰式風爪沙律鳳爪同青木瓜、紅辣椒、檸檬汁拌製而成，酸辣開胃，係泰國沙律嘅經典代表✨燒安格斯牛肉安格斯牛肉經精心燒烤，外皮微焦，內裡鮮嫩多汁，搭配泰式香料或醬汁😋✨鮮蝦春卷外皮酥脆，內餡鮮甜，配以新鮮蝦仁、蔬菜，搭配酸甜醬汁：）✨黑糖龍眼冰

今晚同老婆去坑口睇戲，住附近既朋友介紹了間泰國餐廳俾我，反正未試過，就試吓朋友介紹。泰式燒豬頸肉$78燒得好脆，好惹味，唔會太肥，食落唔嚡。串燒拼盤$98有6串，可自由組合，我們選了牛豬雞各2串，牛同豬正常發揮，雞串用雞脾肉做串燒，好嫩滑又唔肥，個沙嗲醬我地都好鍾意。泰式海鮮炒粉絲$98配料有蝦、魷魚、青口同埋青椒紅椒炒埋一齊，香味十足，海鮮都唔錯，份量適中，好好味，如果再多d就好了。泰式蟹肉炒飯$88呢個炒飯炒得好有鑊氣，蟹肉大大梳份量又多，有d驚喜，而且好鮮甜，加少少青檸汁，令個炒飯特別好味。朋友介紹得都唔錯，可以下次再食其他款式。

將軍澳區發展完善, 隨著不少飲食名店進駐, 美食可謂包羅萬有。這間主打海南雞和船麵嘅泰國餐廳位於東港城, 木系裝修清雅舒適。迷你海南雞飯份量精緻, 雞肉已去骨, 肉質好嫩滑, 雞油飯熱暖幼滑有油香。迷你船牛河湯底濃香帶甜味, 河粉幼身彈牙, 牛丸爽彈, 牛肉夠香口。串燒拼盤雞、牛、豬各2串, 串燒好香口, 各款肉質都好嫰滑多汁, 點埋醬汁更加惹味。泰式炸蝦餅蝦餅外層香脆, 蝦肉爽口彈牙, 點配菠蘿肉醬汁, 果甜味令蝦肉味道更鮮美。泰式燒豬頸肉 豬頸肉燒得香口, 肉質爽滑不油膩, 口感爽脆。加配 1件大菜糕, 糕身爽滑, 椰汁味香濃。

泰國婆 (將軍澳)將軍澳坑口重華路8號東港城2樓238號舖今日去咗將軍澳嘅泰國婆，地點係坑口重華路8號東港城2樓238號舖。環境幾靚，裝潢有泰國風情，感覺幾舒服。泰式冬陰功湯，味道真係正！酸酸辣辣，蝦好新鮮，湯底夠香夠味，飲完真係令人暖心。鳳尾蝦炒金邊粉，金邊粉炒得啱啱好，唔會太油膩，蝦肉彈牙，配上蔬菜，口感多層次，食完想再叫多一碗！泰式燒豬頸肉，燒得香脆，肉質嫩滑，味道濃厚，配上一啲醬汁，真係完美！雖然份量唔算多，但絕對值得。泰北清邁雞髀咖喱湯麵（辣），咖喱味道非常濃郁，雞髀肉夠嫩，麵條吸滿湯汁，每一口都好滿足！辣味適中，喜歡重口味嘅朋友一定會愛。泰式檸檬茶清新解膩，酸酸甜甜，非常好飲，飯後飲一杯正好，爽口又舒服。整體來講，泰國婆真係唔錯，無論係環境定係食物，都讓人覺得開心。下次有機會再嚟試其他菜式！如果你鍾意泰國菜，呢度真係值得一試！#hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog #hkfoodblogger #hkcatering #h

坑口新開泰國料理！性價比高又好味😋晚上來到座無虛席！好多人排隊呀～店內以紅磚配木系襯色感覺好warm座位闊落好舒服～店內有多款泰國菜式🇹🇭海南雞、咖喱類、船湯河、泰式炒粉、冬蔭功湯、泰式甜品、飲品都有叫左以外幾款食物😋質素有水準食到飽飽～真系好滿足啊💯🇹🇭🌟泰式太陽蛋香葉炒肉碎飯🌟泰式豬肉炒河🌟炸蝦餅（3件）🌟冬陰功湯🌟泰式奶茶🌟泰式凍檸茶#坑口美食 #香港美食 #香港必食 #香港探店 #香港打卡 #香港旅遊 #香港必喝 #坑口探店 #泰國菜 #香港好去處 #坑口推薦食品

在屯門頗有名氣的泰菜餐廳泰國婆最近在將軍澳開新分店了 很是驚喜位於我也很久沒去的坑口東港城內巷環境是活潑的橘紅配上籐椅跟卡座 空間較狹小也許是新開的關係 晚餐全時段都須候位餐點選擇是最近看過比較齊全的耶主食有招牌船河 菠蘿炒飯 金邊粉等還有沙律 小食 湯品 咖哩 炒菜 甜品 多看一會兒也會有選擇困難 𓋪 泰式南京椰汁雞湯 最近有點喝厭冬蔭公了要轉口味嘻椰汁雞湯擁有一股濃郁椰香 入口帶香茅跟微辛口感湯裡有不少雞肉跟野菌 難得雞肉煮得不柴𓋪 新鮮菠蘿海鮮炒飯會用菠蘿殼上桌的餐廳真的買少見少了堆成小山丘的菠蘿炒飯海鮮也塞好塞滿 有青口 魷魚 大蝦等 飯粒呈吸睛的黃金色 還加上提子乾跟鹹香肉鬆兩個人分享很剛好𓋪 芒果糯米飯以紅糯米白糯白組合成特色芒果糯米飯椰漿略嫌不夠多 芒果香甜一點會更完美比較可惜的一道甜點𓎾 菠蘿梳打友人吃的清爽飲品底部也有菠蘿果肉 增加酸爽跟口感坑口真的很缺乏比較特色的泰國菜看來泰國婆也很受大家的歡迎

見到東港城新開了間泰國菜館，想要試但人好，最後搵左日唔太多人的時間去試。坐落望下餐牌，都幾多唔同既菜式，由粉麵到飯，到咖哩到小食到甜品，可以選的種類超多。最後我叫左一碗泰式船河。碗麵都好快上桌，第一眼望都去都唔錯，望落幾足料，有丸、蘿蔔、牛肉、芽菜、炸豬皮。第一時間試個湯底，ok唔差都好香濃。炸豬皮有沙沙油益味，丸ok唔錯，至於牛肉，望落去覺得煮得老，食落係又鞋又老，一啲都唔好食。78蚊碗仲要加一，其實唔需要好靚既牛肉，至少唔係又老又鞋，真係好難食我就唔會再幫襯架啦，淨係碗麵都令人失望，唔會覺得其他野會好好多

坑口有間新泰國菜🇹🇭，裝修幾有型🥸，一於試試佢。鳳尾蝦炒金邊粉🙌金邊粉炒得濕潤，唔係炒到啲麵好乾果類做法，令成碟金邊粉都保持咗一種柔軟又有彈性嘅口感😋。味道方面，比起其他食過嘅泰式炒金邊粉🎖️，佢嘅酸味算幾突出，為成碟麵帶嚟咗好好嘅平衡，唔會有好油膩嘅感覺👍。再加上有四隻非常大隻嘅鳳尾蝦🦐，口感鮮嫩，非常大方🤝。新鮮菠蘿海鮮炒飯🍍新鮮菠蘿海鮮炒飯材料好豐富🎊！有大大隻嘅蝦、青口、魷魚，仲有提子乾，當然仲有最重要嘅菠蘿🍍啦～你仲可以自己加肉鬆同腰果☺️，令成碗炒飯嘅口感更加有層次😋。另外，大大個菠蘿做成嘅碗裝著炒飯，唔單止適合打卡影相，仲令到炒飯保持濕潤同埋散發住菠蘿酸酸甜甜嘅香氣。🏆泰式奶茶泰式奶茶非常絲滑，亦都保持返泰式奶茶一貫偏甜🇹🇭嘅味道，茶底都好香。泰式椰子沙冰🥥泰式椰子沙冰口感滑溜，唔會咬到一舊舊結塊嘅冰🍧，反而每一啖都係綿密嘅椰子味🥥，鍾意椰子嘅話千其唔好錯過🙌！

係屯門已經食過幾次，咁岩見到係將軍澳開咗新分店，食物質素、份量和價錢都好合理，一定會再回頭幫襯！串燒拼盤雞肉、牛肉、豬肉任你揀，我哋就揀咗四串雞肉兩串牛肉。串燒好有炭燒香，雞肉牛肉都充滿肉汁好Juicy，點埋沙嗲醬更惹味！泰式燒豬頸肉食泰國野點可以唔食豬頸肉，燒到燶邊脆脆，夠爽口！泰式菠蘿刨冰菠蘿打成刨冰，泰式小食偏重口味又熱氣，飲番杯刨冰即刻平衡返，又甜又透心涼！泰式黃咖喱牛腩 配薄餅唔食得辣嘅朋友仔都可以放心叫，呢度嘅黃咖哩絕對唔稱得上辣，反而有香濃椰香同鮮甜嘅感覺，牛腩仲炆得好腍！記住黃咖喱配埋薄餅食就最perfect match！芒果糯米飯糯米飯微暖，配上濃稠嘅椰汁，好香呀！ 糯米飯食落煙韌軟熟，配上泰國正宗水仙芒，必試佳品！

好少去坑口個邊食飯，難得約左住將軍澳的朋友食飯，試左地膽推介的平食價泰菜當晚八點食完出來見到外面勁多人仲排緊隊，應該真系人氣食店泰式乾炒豬肉片河粉$78炒河粉用左厚身粗身河粉，超級有嚼勁豬肉片份量唔算多，勝在炒得有鑊氣泰式船湯河$78船河湯底好濃郁，濃郁的牛血湯底，配河粉好好食牛丸彈牙，牛肉片爽口蒜蓉炒雜菜$78食番D菜中和下D肉味幾好泰式街頭椰子粟米雪糕$58次次去泰國都一定要食的椰子雪糕，底下仲有軟糯糯米飯原個椰青$42 & 泰式凍奶茶$25飲品價錢好相宜，食咁多野叫埋飲品就perfect

《新開親民泰國菜🇹🇭》———————————————-#泰國婆 👵🏻-坑口新開咗間泰國菜餐廳，木質裝潢同裝飾環境充滿了泰國風情，性價比高，價枱親民，好適合同朋友或者屋企人嚟食開心share🤩-🇹🇭 泰式拼盤拼盤十分豐富，包咗蝦餅、魚餅、春卷同雞翼，份量十足，新鮮出爐熱辣辣，惹味香噴噴，口感酥脆🤗-🌴 泰式南京椰汁雞湯熱鍋一上枱說覺得香氣撲鼻，椰汁香十分濃郁🥥雞肉肉質鮮嫩，湯底帶有酸酸辣辣，非常開胃😝-🐔 海南雞飯海南雞肉質嫩滑，唔鞋口，尤其係雞皮爽彈唔肥膩，雞味濃郁🐣 而且個油飯亦好高質，粒粒分明，雞油味好突出，配搭埋清甜嘅冬瓜湯，十分豐富😙-🥭 泰式芒果蛋卷甜品好特別，充滿泰式風情～斑蘭糕口感煙韌，唔會死甜，然後卷住芒果，簡單但好味🤤-💰 參考價錢泰式南京椰汁雞湯：$88海南雞飯：$82泰式四拼盤：$148泰式芒果蛋卷：$45

星期六去東港城shopping ，無意中發現呢間新既泰國菜餐廳，個名好鬼正，好彩時間尚早唔使等好耐，我哋食完嗰陣已經有好多人喺門口等位.用QR code落單幾方便，Order完好快有得食！泰式燒豬頸肉豬頸肉彈牙又惹味，邊帶點微焦好惹味，大大塊配上秘制醬汁，個個都食到舔舔脷！泰式炸蝦餅賣相好吸引！蝦味濃，口感彈牙，炸得非常香脆！原個椰青焗飯原個椰青上枱有睇頭！令人食慾大增，味道出乎意料地唔錯。如果平時鍾意食甜味嘅飯，應該會好鍾意呢個菜式！椰青肉香軟，椰汁味好香濃又唔會太膩，整體帶點微甜，配料仲有新鮮蝦肉！生蝦刺身大大隻生蝦，厚肉得嚟又夠彈牙，加埋惹味泰式辣醬，正！

東港城新開咗間泰國菜《泰國婆》人氣都幾高menu選擇都幾多ღ半隻泰式燒雞 $128泰式燒雞外皮燒得香脆可口肉質多汁配搭醬汁好香口ღ鳳尾蝦炒金邊粉 $88金邊粉軟硬度適中，味道酸甜醒胃鳳尾蝦新鮮肥美，配料仲有肥大芽菜、蛋絲同豆腐乾ღ飛天炒時菜 $78通菜入口爽脆，炒得香辣惹味可以單叫白飯送小菜🤤ღ 泰式椰子沙冰 $38ღ 泰式檸檬茶 $25飲品選擇都多，沙冰幼細綿滑，泰式檸檬茶飲落好清新〰️ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ 〰〰️〰️〰️〰️ღ