泰出色泰國餐廳

營業中

休息中

服務非常差。在點菜時，我朋友問了一下菜的煮法和味道，服務員並不可以詳細解答，並且有點嘲笑我們的問題的感覺。點完菜後，三個服務員在離我們桌子不遠處，大聲討論我們剛剛問的問題，繼續嘲笑我們。這種行為十分不專業。魚非常不新鮮，吃起來很腥。菠蘿海鮮炒飯味道一般，沒有十分滿意。這樣的食物配上這樣的服務，簡直是令人失望透頂，以後絕對不會再去。結帳時，我們都已經付好錢。站起來準備離開時，另一個服務員就大聲說：「你們埋了單沒。」

我哋今次試咗幾款滿意嘅菜式 1. 沙嗲串燒豬肉雞肉(半打 $78) 🍢🐖🐔沙嗲串燒豬肉,雞肉, 兩款串燒都燒得啱啱好，調味又好，加上帶著沙爹醬 ,係有水準嘅串燒2. 泰式炸皮蛋蝦餅 ($88) 🍤🥚泰式炸皮蛋蝦餅新鮮熱辣炸起，紮實彈牙，用上靚皮蛋。3. 燒蒜蓉珍寶海虎蝦($88/per one) 🦐🔥蝦肉新鮮肥美，每一啖都非常爽彈。搭配大量的蒜蓉4. 泰式蝦頭油海鮮炒飯 ($108) 🍤🍚炒飯唔油膩 ,配搭蝦頭油炒得非常香口 , 絲毫不油膩，食完一啖又一啖5. 泰式鐵板蠔仔蛋 ($98)🥚🍳泰式鐵板蠔仔蛋外脆內軟，蠔仔比例非常多，性價比高6. 香芒椰汁糯米飯 ($68)🥭🍚香甜芒果,配搭黑糯米同埋白糯米,增添口感,加上大量椰漿 ,攞嚟做結尾就係一流嘅甜品總括嚟講，泰出色泰國餐廳嘅每一款菜都係咁地道嘅泰國風味，啲味道就好似係身處泰國一樣㗎。菜菜風味泰國情，別開生面用餐遊【評分】味道：5/5服務：4.5/5環境：4/5價格：4/5

魚肚羹 😀 大份 係一個砂鍋上，一黎到，仲見到D湯滾到起泡泡，熱力十足!!! 如果魚肚份量可以再多D就更好喇! 入面仲有雞絲 冬菇 同1/2隻雞蛋，比較特別既係會送上我地港式既紅醋做調味。呢個份量2個人share就岩岩好。豬手 😀 整得好夠入味，落單要求小肥多瘦肉，岩哂我胃口! 而且豬手下面仲有菜心底，唔怕食太多肉!!!串燒 ❤ 3雞3豬，必點! 配埋佢地既沙DAR汁，勁惹味可口，而且，肉既size都大大份，抵食又好味泰式明爐魚 😀 本身想叫䱽魚但餐廳賣哂，得返烏頭! 湯底小酸甜，食落好惹味，而且個火又係由頭熱到尾，送飯一流。

⭐️泰式秘制咖喱軟殼蟹⭐️軟殼蟹炸起金黃香脆，蟹身嘅醬粉漿啱啱好，唔會太多，件數都唔少，最獨特之處係配上泰式秘制咖喱，呢個醬汁好好味，一啲都唔辣但咖喱及椰香味十足，加上洋蔥、三色椒嘅香氣，就連醬汁都忍唔住飲咗幾啖🤭🤭🤭⭐️炭燒原隻燒魷魚筒⭐️原隻的魷魚筒，燒得好鮮嫩，啖啖充滿炭燒焦香味，肉質爽口富有彈性 ，又有嚼口。BBQ嘅風味非常惹味👍⭐️泰式冬陰功明爐魚～烏頭/盲曹/倉魚⭐️冬陰功嘅湯底非常惹味，口感更為豐富，冬陰功湯底，辣味溫和又不失冬陰功味道嘅精髓😋😋😋。今次楝咗盲曹，肉質嫩滑新鮮，魚骨唔算好多。⭐️香芒椰汁糯米飯⭐️香甜軟熟的黑白糯米，配上香濃嘅椰漿，配上大大粒嘅香甜的芒果，簡直是甜品界的絕配！

今日同朋友去天后食晚飯，見到間平民價泰國嘢。朋友話睇到menu幾抵，又好耐無食過泰國，咁就陪吓佢啦。餐廳好大，泰式裝修，牆上掛滿泰國掛畫。環境光猛，坐位又大又寬，坐得好舒服。朋友睇中超抵食特色多元化2人餐，套餐仲要免加一。餐牌有六個選項，有小食拼盤、湯、兩個主菜、炒飯同甜品，另外飲品跟餐仲有半價添，好多嘢食。泰式小食拼盤：有三款小食，炸蝦餅大件夠彈牙；炸春卷炸得幾脆口，配料豐富；沙嗲串燒豬肉燒得都可以，唔會太乾帶肉汁，點埋沙嗲醬仲好食。冬蔭功蝦湯 (細鍋)：蝦都幾大隻，仲有秀珍菇同車厘茄等配料，味道酸酸帶少辣，有層之感，幾開胃。泰式秘製咖哩炒海虎蝦：兩隻海虎蝦好大隻，蝦肉厚實爽口，咖哩偏甜唔辣，好有泰式風味。另外跟左蒜蓉飽2件，點咖哩汁就最夾。無骨海南雞：1/4隻都算大份喎，海南雞整得唔錯，口感夠滑，有雞味。菠蘿雞粒炒飯：食到粒粒雞，同菠蘿一齊炒酸酸甜甜，唔算太多油，食吓食吓又覺得幾好食。甜品：呢度泰式糕點特別多，有成10多款，日日新鮮製造。糕點有玫瑰花蘆薈膏、椰青膏、椰汁西米糕同芒果布甸。玫瑰花蘆薈膏係新出品，芒果布甸口感比較軟。四款糕點甜度剛剛好，其餘三款口感剛剛好，唔會太軟又唔太

呢間餐廳屹立天后好多年每次經過見到甜品櫃啲糕都好有衝動想買嚿嚟食🤤但次次唔係準備要去食野就係已經食到好飽咁經過今次終於可以入去坐低食叫完餐啲野話咁快就嚟到先嚟一碟泰式汁燒豬頸肉肉仲睇到粉粉嫩嫩嘅顏色面頭燒得金焦黃肉質軟腍沾佢地個酸酸辣辣嘅醬👍🏻個生菜包肉碎份量都幾多用曬啲菜都仲有肉碎剩低生菜爽脆肉碎惹味帶微辣酥皮青咖哩算係餐廳招牌見每檯唔係燒魚就係酥皮酥皮香脆浸滿咖哩入口正再專登叫個油酥餅襯佢食個人覺得芒果沙冰有驚喜因為真係飲到一絲絲纖維證明真材實料清甜解渴🫶🏻老闆娘好好人送左兩件糕椰汁西米糕底層芋頭綿密椰青糕爽甜每啖食到椰肉走嗰時仲見到芒果糯米飯做緊特價二十蚊就有一盒超級吸引但我就無買了🤪有無人可以話我知好無食港島區算係抵食嘅泰菜了—————————————————————🔸 泰式秘製醬汁燒豬頸肉 $88🔸 泰式辣肉碎生菜包 $80🔸 焗酥皮海鮮青咖哩 $162🔸 香油酥餅 $42🔸 馬拉盞炒通菜 $78🔸 泰式原個菠蘿海鮮炒飯 $108🔸 珍多冰 $26🔸 芒果沙冰 $36

朋友喜歡吃泰國菜就由她做嚮導在天后(泰出色泰國餐廳)開餐泰式店舖很多時擺放他們尊敬泰皇相片。店舖裝潢座位寬敞坐得好舒適。嗌咗二人餐分量非常足夠，更加喜歡泰式甜品，色彩繽紛耀眼，無法抗拒美味甜品😋😋食到要再order❣️特色多元化2人餐✴️泰式小食拼盤🔹沙嗲串燒豬肉~肉質鮮嫩多汁，搭配獨特的泰式香料，口感豐富且香氣四溢🔹炸蝦~外酥內嫩，紮實的蝦肉彈牙可口，搭配蘸醬更加美味🔹炸春卷~酥脆可口，內餡豐富，帶有香料的香氣✴️冬陰功蝦湯湯汁濃稠，入口滑嫩，蝦的鮮甜與湯底的香辣味相得益彰。配料豐富，蝦肉鮮嫩多汁，配合蔬菜的清爽口感，為湯品增添了層次感。✴️泰式辣椒膏炒海虎蝦跟泰國香葱蒜蓉飽~辣椒膏的味道非常獨特，辣而不燒口，帶有微妙的甜味，能夠增添菜餚的層次感。🦐虎蝦肉質鮮嫩，口感彈牙，帶有淡淡的甜味，與辣椒膏的香辣形成了絕佳的對比。✴️無骨海南雞~肉質鮮嫩多汁，經過獨特的煮熟過程，雞肉保持了其原汁原味，搭配特製的辣椒醬，增添了一抹微辣的風味。✴️菠蘿雞粒炒飯~香氣誘人，口感綿密，菠蘿的酸甜與雞粒的鮮嫩完美結合，令人回味無窮。✴️甜品泰式甜品豐富的色彩和多種口味，碟豆花椰青糕清爽口感，椰汁紫薯糕甜而不膩....

同朋友🧒🏻一齊喺天后嚟咗呢間泰國🇹🇭餐廳🍽️食飯🤣$78「星洲🇸🇬肉骨茶（細）」：「肉骨茶」用個小鍋上，下邊有個小火爐，熱辣辣，飲啖湯先，湯底味道好濃郁，仲有啲啲藥材味，好飲🤩；另外，全部都係肉排，豬肉🐷煮得好軟熟，啖啖肉，好味👍$88「泰式🇹🇭椰汁紅咖喱雞🐓」➕$38「泰國🇹🇭香蒜蓉包（4件）」：紅咖喱叫咗小辣，不過味道夠濃郁兼 creamy😋，雞肉亦都嫩滑，仲加咗好多菠蘿粒🍍，可能咁樣所以咖喱汁更加好味🤩；蒜蓉包 焗到脆脆哋，沾紅咖喱汁嚟食特別嘢味👍$87「泰式🇹🇭蒜蓉🧄炒芥蘭，」：芥蘭菜🥬非常新鮮，顏色嫩綠，咬落爽脆😆，蒜蓉🧄落咗好多，整體炒得香口仲感覺幾健康👍$152「泰式🇹🇭燒原條盲曹魚」：呢個係即叫即燒，所以大約需時30分鐘，不過非常值得等（其實食食吓其他菜就已經上嚟）🤣👍；盲曹魚大大條，冇打鱗又搽咗啲鹽上去先嚟燒，魚皮就會燒到硬硬哋，咁樣可以比較鎖住魚汁；仲加咗好多香茅同埋南薑喺魚肚裏面🤩；魚肉肉質鮮甜，夠juicy，好味😋，又因為加咗香茅同香草，加上盲曹夠新鮮，所以完全冇腥味😋$26「椰汁🥥冰」：叫咗少冰少甜，幾清新🤣

行完花展過天后一帶搵食，見這間泰國餐廳好像不錯，人流出出入入生意幾好，故入去試下。 餐廳不算新淨，因為是路中間的加枱所以枱與枱之間有點密，環境感覺有點舊。我們點了:泰式乾炒牛肉河($82) – 炒得乾身，有鑊氣，不錯。馬拉盞炒通菜 ($78) – 有鑊氣，不會過咸但又惹味，好食的。青木瓜蝦沙律 ($92) – 這個認真麻麻，青木瓜絲OK的，酸酸甜甜，但蝦肉明顯是雪藏貨，沒有任何味道，質感是”林林”的，好像是肉類”嗱”過口感，還有那些花生碎，大部份都是燶燶黑黑的，食壞人，兼且影響整碟沙律的味道，廚師見到燶都用這點有D問題了。除了那碟沙律我覺得食物是OK的，住果頭或路過食碗泰式炒粉麵是不錯。

睇完花展，路過搵食。見街坊泰菜坐滿餐廳就一試，點了大蝦炒金邊粉炒得太濕，豆腐乾又怪味，大蝦霉又無味。馬拉盞炒芥蘭，大大碟，但味道較淡又油。叫左個鐵板蠔仔蛋又太老，最後失望敗走。

今晚做到有啲夜，妝都唔化就咁落樓下「泰出色泰國餐廳」食個飯先。呢間泰國菜喺天后已經開咗好耐。好多人有時經就算唔買正餐都會喺門口度買啲泰式糕點甜品返屋企食㗎。我哋入到去，好快就決定要「晚飯添鮮配a+b」 set （$488）. 呢個set已經包咗兩個白飯，而如果要加嘢飲就半價。A. 泰式明爐冬蔭功湯烏頭魚：烏頭魚可以選擇蒸熟定係炸熟，好少舖頭有得咁樣揀。我哋揀咗炸熟。食落較有咬口，而且炸過我自己覺得香口啲。條魚好大條下。冬陰功湯配埋魚一齊再煮熱，魚吸收咗湯汁之後，味道層次更加提升左B. 泰式辣椒膏炒大肉蟹一隻：冇諗過個餐唔算好貴都比咁大隻肉蟹我哋。隻蟹仲要有啲膏，食落蟹膏香味突出。呢個菜式可以揀辣度，我哋揀咗小辣。不過佢呢種泰式辣味冇川菜嗰種辣味咁勁，所以大家可以比平時叫辣少少。大肉蟹配辣椒膏炒，真係好惹味。啲汁仲可以用嚟撈飯。飲品：叫咗一杯涼粉椰汁冰同一杯龍眼冰，涼粉同龍眼嘅份量都多，飲完覺得好潤。我哋另外再叫咗甜品，一個椰青糕同一個西米糕。椰青糕味道清新，椰青味濃郁，好似飲緊椰青水咁。而西米糕相對椰青糕甜，西米底層黏黏哋咁，幾得意。#泰出色泰國餐廳 #天后美食 #天后泰國菜 #咖哩#

約咗朋友嚟天后食晚飯，朋友想食泰國菜，帶咗我嚟電氣道呢間「泰出色泰國餐廳」。聽朋友講，餐廳主打正宗泰菜，喺區內開業超過10年，一直深受街坊歡迎，而且咁多年都依然屹立不倒，實力可見一斑。我哋點咗👇碳燒豬頸肉，豬頸肉燒得好香口，肉質爽彈又軟滑，外脆內Juicy，點埋個秘製泰式辣汁食，超惹味。平時去食泰菜，最鍾意就係點泰式明爐蒸烏頭，今次搞搞新意思，試下燒原條烏頭魚。烏頭即叫即燒，外層用鹽包住，入面塞滿泰式香料。掀開魚皮，魚肉鮮甜嫩滑，點少少泰式辣醬食，香辣醒胃。泰出色海南雞飯轉髀，海南雞皮薄肉滑，入口雞味好濃郁，加上已經全部去晒骨，食得好方便。油飯水準亦唔錯，粒粒油潤，乾爽又帶香味。泰式蝦球炒雜菜，雜菜好足料，有西蘭花、粟米仔、紅蘿蔔、芥蘭同椰菜等。蝦球肉厚爽彈，有6大隻，配埋啲雜菜食，有營又健康。 臨尾仲嗌咗椰青糕同椰汁西米糕，椰青糕味道清甜、口感爽脆；西米糕柔軟細緻、甜度剛好。

平常不常在呢區搵食，所以選這間餐廳午膳也只是基于剛好有位子不用排隊等位。一行三人，點了炭燒豬頸肉湯河，泰式菠蘿蝦炒飯，馬沙文咖喱牛腩飯，炒芥蘭和泰式鳳爪。炭燒豬頸肉爽口，湯頭一般般。泰式菠蘿蝦炒飯，只有幾粒蝦毛，炒飯唔難食，但應該改名為菠蘿炒飯，大家就無期望。炒芥蘭和泰式鳳爪，坦白講唔多掂，芥蘭太腍，無爽脆既口感，泰式鳳爪一點都不入味。整頓飯來說，馬沙文咖喱牛腩是唯一亮點，香濃可口的咖喱帶少許辛辣風味，讓人不斷一口接一口。牛筋入口即化，可惜牛腩偏柴口，不然真想再叫多碟食。

路過檔口時，偶然聽到有兩位路人說：「呢間 d 馬豆糕好正架！」於是我就看了看這些糕點，有位阿姨也在旁邊看看，於是我就說說剛才聽到的對話，她馬上開心買了兩份。馬荳糕的整法跟廣式糕點很不同，所有買了一塊試試，見不到半粒豆，全都磨成蓉，變成淡黃色的糕點。第一口只覺得，以前吃過的馬荳糕都是白吃了，沒想到這制法更美味十倍，真是食過返唔到轉頭。別的泰國甜品店也沒看到這制法，一般通常只有椰汁糕賣，以後認準這家店先！椰奶椰青糕分成兩層，咬下去非常爽口。而紫米糕的紫米是粒粒分明，感覺不夠軟。吃慣廣式的軟棉口感，有點不習慣爽口的版本。

泰出色泰國餐廳 (天后).近銅鑼灣嘅天后就會多啲小店食，自從感冒左兩個月好耐好耐無食過泰國野了🥹🫶🏻. ▪️黃咖喱牛肉再跟白飯▪️.可以叫蒜茸包/薄餅配咖喱食，但我今日想食飯所以叫左個飯咖喱牛肉份量都好多.▪️炸恐龍蝦餠▪️.又一誘人炸物，蝦餅包裹住皮蛋，配酸甜醬好好食！.▪️蒜茸炒椰菜苗▪️.椰菜苗要加$15，炒得翠綠又爽口.▪️泰式青木瓜蝦沙律▪️.青木瓜沙律綠，大蝦好清爽，一客有四隻勁大隻！.最後叫左個甜品，係想食好耐嘅芒果糯米飯！有得揀黑/白or黑白糯米！另外餐廳都有送個西米糕同椰青糕！.📌 泰出色泰國餐廳 (天后)天后電氣道86號地舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️