泰仔美食

營業中

休息中

黎到九龍城點可以唔食泰國野但選擇咁多 又唔想食嚟食去都係果幾間 點揀呢？Duck duck🐥🐥有好推介！🤩九龍塘必食- 泰仔美食🤩泰仔袖子沙律🥗 個醬勁酸甜開胃袖子都多汁清甜加上花生脆蒜片好香脆 口感好正💰$88泰式烤豬頸肉🐖豬頸肉好爽口 唔乾肥瘦剛好 油香十足加埋佢既秘製醬汁 唔會油膩💰$88青咖喱🍛雞 配 龍眼冰 呢個係lunch set，好扺食！雖然係青咖喱 但唔辣一入口好重椰奶味 好正雞既份量都唔少，重有啲菇菇飯量好多 不過就偏硬身而龍眼冰竟然有新鮮既龍眼肉，夠曬清新 解渴💰$50泰國式冬陰功湯🍲好濃味 好夠辣真係足料煮出黎既冬陰功所以香料味都好出配飯一流💰$78 (細)👎雖然樣樣都好好食，但其實都好濃味，食完好口渴，要飲好多水，如果你平時食得清淡，呢間就唔啱你啦回頭率 : 🐥🐥🐥🐥/5

平時經過都見到幾多人等位，不過晚餐限時80分鐘又好似好趕，今日星期四8點3先黎到，等左4個字，泰仔話你地8點半入座唔會限時，因為無下一輪，坐到收舖都得，咁又不錯喎👍一坐低即刻叫個生蝦先，再叫左串燒豬併雞，飛天通菜同細椰汁雞湯。生蝦新鮮但無乜甜味，都算爽口厚肉，個汁同塊蒜片辣勁夠。串燒睇落燒得好香，雞肉串不錯，燒得外面夠乾身但又唔會柴，可惜豬肉串燒好肥，似係幾層肉夾埋黎燒，無肉香，只靠個辣汁，沙嗲醬極難食，唔洗點。椰汁雞湯勁多雞肉，湯好香椰味，好好飲，但飲完勁口渴。飛天通菜正常發揮。最尾叫左個椰青，係我係香港飲過最好味椰青，好清甜，椰肉又好香，正！

一間服務超級差嘅食肆! 從來未試過去一間餐廳俾錢食飯，20分鐘就明目張膽咁講你走。大時大節食飯出邊有人要等係好正常嘅事,明明仲有一半嘅嘢都未食晒,食嘢食到一半，話出邊有人等位，就係咁過嚟收嘢，明明仲揸住碗筷子食緊嘢，諗住放低對筷子飲碗湯，走過來，連你對筷子都收走埋，擺明唔想比食，過一陣，唔夠30秒就逐個碟逐個碗收！ 放張單喺枱面，企喺你面前話出邊有人喎，講你走！鍾意做乞兒嘅就過去幫襯呢間啦！祝君好運!

喺九龍城行過見到成條街係得呢間有人喺門口排隊，唔執輸又試吓先～～～蝦餅熱辣辣好大件，勝價比好高👍🏻 豬頸肉都燒得好好同大碟，炒菜都好惹味，份量唔少，炒飯香辣唔會過分油膩我地仲叫咗條魚，香料味相對較少，比出面食嘅少咗種泰式酸汁味，但啲湯就咁飲埋都唔會好搶，清清地唔覺意一啖接一啖，粉絲同菜吸哂啲味好正餐廳環境較逼同食得較趕，不過食物質素好高，係抵食街坊之選～

因限聚令4人一檯一直冇咩機會全家人出去食嘢，適逢開返8人一檯，嬤嬤生日又過去冇幾耐，屋企人決定去食泰國野。之前去開泰簡單，但今次有人推薦九龍城泰仔美食，一於就試下。我地前幾日就訂左檯，當晚去到都好多人等位，成個場滿曬，都建議提早打電話留檯🤣我地分左兩檯，樓面姊姊搞到有啲亂，我地兩檯都有叫燒魷魚，我呢檯等左好耐都未有，同樓面追單佢地話一早比左，原來佢以為得一檯有叫燒魷魚😓😓搞到我地食完好耐都一直係到白等。除左呢樣嘢其他都冇得談😆嘢食超好味😋😋😋😻皮蛋呢個皮蛋唔係簡單既皮蛋😹😹外皮出面包左一層炸蝦餅，十分煙韌同彈牙！加埋皮蛋既香氣，非常好味👍🏻👍🏻😻飛天炒通菜我最鍾意既泰式炒菜🤩🤩去到任何一間泰式餐廳既必食😋通菜火候好好，食落口好脆，係啱啱好斷生既口感，鑊氣十足，加上微微既辣，好開胃！😬燒魚我本身對燒魚冇乜特別鍾意，不過屋企人鍾意食，食完我又唔覺有乜特別😂😂但我爸爸話好嫩好甜。我覺得主要係個沾汁好味😂條魚只係得魚皮既鹽燒味。😻香葉肉碎炒飯最愛係呢個！平時屋企附近既餐廳賣既香葉肉碎飯都係白飯加肉碎，碟頭飯咁上。呢個係炒飯🤩🤩肉碎同飯炒埋一碟超級超級香！加埋豆角碎係入面，食落都好有口感，真係超

端午節相約好友一家去九龍城食飯聚舊，喺openrice search後決定試下泰仔美味。等上菜期間， 突然....朋友發現黎度食嘢係「限時」...係「限時80分鐘」，吓... 食放題都唔止80分鐘啦～ 何況...我地係黎食飯， 本想好好享受食物， 依家變左要追趕時間，真係無諗過食泰國菜食到咁急趕， 一定無下次。食物質素整體一般， 唔係話好出色。最滿意係香芒蟹肉炒飯， 芒果香甜、蟹肉不少， 仲有瑤柱絲， 炒飯粒粒分明口感幾好。（原來忘記影相）

同大肚婆朋友去，見到即刻送個野飲比我地 臨走又送多一輪，野食唔錯 呢個價錢當然唔好要求係高級泰菜 但整體都唔錯，高過九龍城平均泰菜水平店內裝修同一般九龍城泰國無咩分別 有神枱 簡單座位 有泰國畫 絕對唔係一間食環境既泰國菜舖頭 但如果你有一日想食下泰國菜 回味一下去泰國旅行果陣感受到既友好熱情款待 真係可以考慮一試。老闆有時仲會飲下酒行過黎吹下水搞下氣氛 但唔係煩果種 一句起兩句止唔會阻你好耐😂推薦咖哩軟殼蟹 咸魚炒椰菜苗都好好食。

同朋友係九龍城揼完骨之後，店舖嘅職員介紹我哋去泰國仔呢間餐廳，所以我地就試下！我地未夠六點已經入座，但已經坐左三份一既入了。食完都只係七點，門外已經排滿曬人，真係好高人氣。到底佢既食物係點呢？我地叫左一份雞肉濕炒河、辣肉碎生菜包、木瓜沙律、雞及豬的串燒同炸蝦餅每樣都係好大份，個人認為最好食的是串燒同炸蝦餅串燒兩款肉都係好嫩，而且非常香烤味，仲要點埋辣辣的泰式醬汁，好正！炸蝦餅係啱啱新鮮炸起，好厚肉之餘，明顯係見到好滿滿既蝦肉，仲要有成8舊！！食完已經好滿足

平日放工同朋友食晚飯來到九龍城搵食就一定係食泰國嘢🤣我哋7pm去到，餐廳入面都已經算多人3個人叫咗7款食物開始驚食唔晒，但好彩最後都岩岩好食晒/—生蝦—有冰粒喺底冰凍住啲蝦蝦都算新鮮爽口中意食生蝦嘅人都知道醬汁係重點呢度醬汁夠辣！似泰國口味/—蝦餅—份量多，上到來係熱辣辣蝦膠爽口，外皮夠脆身配合埋泰式辣醬夠晒惹味/—蠔仔炒蛋—似蠔仔餅，偏油，好重油味圍邊煎到脆卜卜香口/—蒜蓉包—普普通通，上到菜有啲凍咗凍咗先食就咗食仲有啲硬中意啲朋友可以配咖哩食/—黃咖哩雞—唔辣，雞嘅份量比較少汁比較多，可以配飯/蒜蓉包食撈埋汁/—炒金邊粉—材料配料都多，有兩隻蝦正正常常/—飛天通菜—有指天椒蒜頭炒，惹味得來偏咸/食到8pm左右可能因為出面有人等位收枱收得好趕，未食齊嘢已經上咗甜品不斷行過來睇有冇野執有少少趕客feel順帶一提，有跟人頭送嘅免費椰青糕做甜品好好食！但如果再凍啲而唔係喺我哋食到一半果時送上會比較好人均消費每人約$200

👍🏻印尼炒飯(包嘢飲) $48鑊氣十足！炒得乾身唔油膩，飯粒粒粒分明配料有洋蔥、三色椒、蛋花同三色豆調味適中，微微辣，聞落有少少蝦醬味，好香🤤跟一串雞肉串燒，旁邊淋上大量沙嗲醬雞肉唔會燒得太乾身，肉質嫩，仲大大舊肉沙嗲醬花生味重，有花生碎粒，甜甜地唔辣點哂串燒仲有好多醬淨，撈飯食又得🤪大大碟份量好多，呢個價仲包龍眼冰或汽水，好抵食😎！味道：9/10性價比：9/10-👍🏻香葉辣椒肉碎煎蛋飯(包嘢飲) $48肉碎香葉味好突出，混左蒜粒炒香，辣辣地味濃得嚟唔會蓋過豬肉香，超惹味😍肉碎濕濕地有汁，用嚟撈飯一流燶邊蛋煎得好香，可惜熟左啲，無流蛋汁整體好有鑊氣炒得好香，好好食👍🏻！味道：9/10性價比：9/10-👍🏻馬拉盞炒河(包嘢飲) $45三款嘢食之中相對較淡口味，不過一樣咁有鑊氣食到馬拉盞嘅鹹香，灑上炸蒜，微微辣😜雞肉係雞扒切條，肉質都算嫩滑有醃過調味但唔太濃味，無雪味份量唔少，而且舊舊都大大條配料仲有三色椒、椰菜絲同蛋花河粉口感彈牙，唔會腍啤啤痴埋一舊，炒河嚟講唔算好油膩😌味道：8/10性價比：9/10-👍🏻龍眼冰 (跟餐送)龍眼冰夠濃郁，直頭好似龍眼蜜😙唔似好多泰式餐廳跟餐個啲龍眼冰都淡

名不虛傳高人氣泰國菜， 真係泰好味。。。九龍城有「小泰國」之稱，衙前圍道、城南道一帶的多條內街，滿布各式各樣的泰國店舖，泰國人會聚集該區外，香港人都好鍾意去九龍城揾食，尋找純正的泰國美味，泰式食店選擇甚多，而且更有泰國雜貨店售賣泰國物品，例如零食、香料、糕點、手工藝品等。。。去到好彩我哋行先一步， 餐廳門口都開始有人排隊🤭一坐低急不及待即刻叫番個炸蝦餅先金黃色外面脆脆，入面蝦肉彈牙而且香濃蝦味唔會成口粉，可愛彩虹造型泰式燒雞翼好驚喜大大隻 而且好juicy一啲都唔乾青咖哩雞配蒜蓉包🥰🥰飛天通菜名不虛傳最後叫咗泰式蝦金邊粉店員送上甜品， 椰青糕用新鮮椰青水及椰肉，成分天然健康口感清爽，味道香甜😍

( ͡° ͜ʖ ͡°) 泰仔美食 - 泰 國 菜❝/ 九龍城搵泰仔🇹🇭/ 熱鬧地道泰國菜館❞▪️生蝦刺身 $98食泰國嘢一定會叫生蝦生蝦新鮮大隻夠厚肉同彈牙配埋蒜片酸辣醬汁好夠辣 好正呀▪️豬頸肉沙律 $78第一次試 平時食開生菜包竟然幾有驚喜‼️燒豬頸肉炒紫洋蔥配埋香辣泰式醬汁一碟滿滿豬頸肉份量都幾多 好惹味～夾埋生菜食一流呀😋▪️泰式蝦炒金邊粉 $86炒得幾好酸酸甜甜食落唔乾夠惹味有兩隻大蝦 粉唔會太淋 唔錯呀▫️象啤 $30食泰國嘢點可以冇啤酒 正呀喂欣賞佢夠冰凍同兩隻大酒杯 推介指數：🌟🌟🌟🌟/ 5

呢一間餐廳係九龍城最旺既泰國菜，基本上每一晚都好多人，所以今日我就同朋友過嚟試吓，睇吓佢哋咩料！去到6:30嘅時候，人流都開始多，所以大家記得要訂位！因為人流多，所以服務態度都一般般，亦都有留單嘅情況，吹佢嗰陣時就有黑面！但係呢度必定要叫佢哋嘅豬肉串燒 （$68）&燒雞翼（$68），非常之多肉汁，而且仲有炭燒嘅香味另外仲叫咗豬肉碎生菜包（$78）食落都幾辣細冬陰功（$78）- 唔係好辣，但好足料，湯入邊都仲有好多蝦炭燒魷魚（$118）呢一款就不過不失啦馬拉盞炒通菜（$80）冇咩特別，只係每一次都會叫嘅菜

泰式蝦炒金邊粉 $86不得了👍唔食唔知，一食驚人❗呢間店比起其他店炒嘅粉，食落唔乾之餘，醬汁同粉仲炒到啱啱好！值得食過番尋味😋泰式串燒 雞➕豬(大件d) $68 半打雞串，我表示還好但係豬肉串就真係令我好驚喜！肉同汁互相鎖住，咬落去我只有一個唸法：真 好 味😋👍豬肉碎生菜包 $78見餐牌寫【受歡迎菜式】，唸住試試佢，點解佢係辣嘅🔥而且分量好足🍖好彩同我一起食飯嘅朋友可以食到辣，如果唔係就真心嘥野啦！*飲品隨喜嗌🍹我：龍眼冰➕我朋友：鹹檸七

放工又係星期一唔想煮飯嘅時間啦！一於去九龍城搵嘢食就泰仔啦！今日個燒雞翼燒得好靚，咬落去皮脆又有肉汁！個燒鯽魚都係一樣，打開有肉汁，今日火候控制得好好！另外泰式雞腳，生蝦都係一定要叫啦，個汁酸酸甜甜又辣到爆好惹味。叫咗個冬蔭功，因為唔係好鍾意食椰子，所以叫佢少椰奶，仲好食過平時叫嘅冬蔭功，飲咗幾碗😅唔知點解去到食泰國菜就算價錢貴啲都一定要嗌個小食拼盤，個蝦餅好食😋仲有推介佢哋嘅蒜蓉包，叫埋咖喱一齊食仲之味