泰仔美食

區內應該都幾有歷史的一間餐廳，做到出年就結束營業，有同香格里拉酒店合作過午餐飲品可選龍眼冰，甜甜地幾清龍眼味，有幾粒龍眼肉泰式乾炒豬肉炒河：炒得乾身，豬扒都幾淋泰仔蝦豬肉炒河：同星州炒米味道似，更香同惹味，兩碟炒野份都多可惜九龍城一帶要重建，附近餐廳都一倖免……查看更多

♡九龍城正宗泰國菜🐉. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁.都唔知第幾次嚟呢間，但依然好好食🙂‍↕️◝☆ 炸蝦餅🍤 $89外層炸得酥脆，熱辣辣的.ᐟ‪.ᐟ配埋泰式甜辣醬，甜中帶微辣，唔會覺得膩૮₍ ˶ᵔᵕᵔ˶₎ა ◝☆ 泰式串燒(豬肉+雞肉)🐖🐓$89燒得啱啱好，外層微焦，內裡保持嫩滑，配上泰式辣汁，鹹香中帶少少酸辣，幾有層次.ᐟ‪.ᐟ◝☆ 飛天通菜🪽 $69炒得好嫩，調味唔會過鹹，簡單又惹味( ˘ᵕ˘ )♡♡◝☆ 泰式乾炒牛河🍴 $69正常發揮，整體中規中矩‪ ‪ꔛ‬♡‪ ◝☆ 泰式冬蔭功🌶️ $89酸辣味突出，湯底濃郁但椰味唔出.ᐟ 怕辣嘅我淨係飲到幾啖(><)◝☆ 椰青🥥 $35椰水夠清甜解渴，仲可以撩入面啲椰肉*͈ᴗ͈ˬᴗ͈ෆ 最後餐廳仲送咗奇亞籽椰汁糕，椰香味濃，質感輕盈～୨୧ 平時呢間鋪都幾多人，成日要趕住食完俾位，但我去果日因為有颱風，啲人少咗，可以慢慢食，唔使咁趕✌🏻⚠️餐廳將於2026年上半年搬遷，鍾意嘅朋友記得趁仲有機會嚟試～…查看更多

想黎呢間試下係因為睇到openrice啲相見到都幾靚所以放工就飛到過去希望唔使等位，去到真係唔使等順利入坐。環境就間間九龍城泰菜都係咁上下迫，泰籍員工都算友善。我哋兩個人叫咁3樣野，諗住邊食邊加，第一樣上枱嘅係炸蝦餅，熱辣辣又彈牙係正嘅，第二樣就係燒雞翼，因為喺泰x閣食開所以就試下呢間嘅水準…點知一上到枱就知龍與鳳，你明明係寫燒雞翼，但好明顯係炸嘅，你真係估人哋唔知咩係燒咩係炸咩！！呢刻就知呢間野咩料，唔怪之得個燒爐咁細都可以應付到咁多燒烤嘅單啦，攞去炸就一定快過慢慢燒啦，冇誠意可言！唉😮‍💨最慘係我第三樣嘢係叫咗燒魷魚…上到枱白雪雪一啲燒過嘅痕跡都冇，如無意外都係白烚多，仲要調味搽唔勻循，一啲就冇味一啲就咸到死！呢刻已經冇興趣再試佢任何嘢，咁啱員工見我哋食到7788已經急不及待隊張單埋黎，我哋前後坐低都冇45分鐘，但牆上明明寫用餐限時80分鐘，不過你唔趕我都諗住走，以後請都唔會黎！唔明點解咁嘅質素都做到。…查看更多

琴日夜晚同班朋友一齊同九龍城食泰菜， 今次選擇左哩間泰仔美食， 哩間餐廳地理位置方便，港鐵宋皇臺站B3出口， 直行1-2MINS 就會見到。招牌係黃色， 比較出位，容易搵到間舖。我地一班朋友BOOK左19:30 食飯， 之前已經睇過網評如下: 有限時, 服務麻麻， 上菜快，但味道OK.........到達餐廳後， 入座感覺一如平時泰國菜館，坐得較為逼。我地一行5人，叫左9個餸 : 火山排骨 , 馬拉盞炒通菜, 泰式炒飯 (雞), 炒金邊粉, 辣椒膏炒炸魷魚 , 咸肉炒椰菜苗, 燒烤牛仔骨, 泰式生蝦, 蒜蓉包 。生蝦: 正常野, 冇特別..火山排骨: 外觀上冇 "嘩" 一聲既感覺, 味道正常排骨, 肉算嫩馬拉盞通菜: 菜幾好食, 不過比想像中辣 (個人不太吃得辣, 朋友吃得辣就覺得冇咩特別) , 各位朋友自行衡量泰式炒飯: 夠香, 好食, 足料, (佢有得選擇雞, 牛, 豬) 我地揀左雞， 不過雞就 "鞋" 左D...可能係D雞胸位, 所以飯好食, 雞麻麻辣椒膏炒炸魷魚: 哩個餸主要黎配蒜蓉包食, 不過估唔到佢D魷魚又整得幾嫩, 易咬。炒金邊粉: 正常野, 不過都好食燒牛仔骨: 哩個對我黎講係成枱最好食, 有驚喜, 有燒烤香, 點埋個醬汁, 正正正最終埋單 人均 $275 (我地另外有叫兩支啤酒,幾杯野飲)服務方面: 普通, D阿姐態度還可, 差不多時間會不停有動作催你埋單 ; 有個高瘦男人好似黑面神咁, 唔知以為得罪左佢總括而言: 如果真係只係想食下泰國菜, 唔介意坐得舒唔舒服, 有冇人趕你走既話... 佢都係個唔錯既選擇…查看更多

食物水準差, 明爐魚未食到一半就冇火, 完全冇檸酸味. 脆肉炒菜唔係脆肉, 係韌肉.食物未到就上贈送凍糕甜品, 食過陣熱哂. 好似餵飽你就算快D走, 真係唔明仲咁多人排隊幫襯.…查看更多