泰仔美食

營業中

休息中

泰仔美食地址: 九龍城九龍城南角道30-32號地下#yauyau_九龍城上次食完泰皇閣係九龍城周圍行，見到好多人排隊，我哋就bookmark 咗要嚟呢到食，我哋兩次嚟都係大概五點半就直入，六點後開始大枱就會滿㗎啦。小店價廉物美，自然座位就會安排得迫少少，不過食飯嘅空間十分足夠，唔會放完兩三碟餸冇位食飯。呢次食評食咗兩次呢間餐廳，第二次嚟佢仲換埋傢俬，睇下面張相。🍤🍤炸蝦餅 $89炸到外皮好酥脆，內裡鮮美，入面夾住大塊新鮮蝦肉，口感豐富仲好好味。沾上泰式辣醬，讓這道菜嘅口味更加豐富。🍗🍖泰式串燒（豬肉/ 雞肉) $88串燒外焦內嫩，肉質鮮美。免治豬肉棒同雞肉都有選擇，每啖都帶有香料同炭燒嘅味道，再點上香甜嘅泰式辣椒醬，令人倍感滿足。🥗🥗馬拉盞炒芥蘭 $68芥蘭綠油油，外面爽脆入面水嫩，配上香辣嘅馬拉盞醬汁，勁重蝦米同鑊氣，真係食指大動。🥗🥗蒜蓉炒通菜 $68通菜炒得恰到好處，通菜口感爽脆，蒜香味濃郁，清爽可口嘅菜式。🍚🍖香葉炒肉碎飯(豬) $69香葉炒肉碎飯是以豬肉為主，加上香葉同各種香料，味道鮮美。炒飯好乾身，鑊氣十足，有明閣嘅水準，飯粒口感Q彈。🍖🍝泰式鮮蝦金邊粉 $79金邊粉配料好

九龍城一向多野食，今次食泰國菜！位置都近地鐵 幾易搵食泰國野 必點嘅生蝦 新鮮，配埋蒜頭同汁 調出個味！冬蔭功 少少辣 夏天飲下夠哂爽包包 我地點埋下面個咖哩汁食咖哩牛 估唔到又幾好食 個咖哩幾香 好開胃金邊粉 合格 份量十足 生菜包 正常發揮 食得多會覺得有少少少辣 通菜

❤️‍🔥❤️‍🔥❤️‍🔥眾所周知九龍城有「小泰國」之稱，暫時唔得閒去泰國，但又好想食泰野過吓口癮嘅朋友仔一定要試下呢間泰國餐廳！「Thai Hot」由泰國人打理，菜式都好正宗地道！我要🤤性價比高！店外長期有人排隊等入座，店內環境逼夾，不過table turnover 速度快，都唔需要等太耐。店內冷氣強勁🥶 絕對解暑！店員態度熱情❤️‍🔥👅泰仔生蝦 $ 99大大隻噶生蝦刺身，肉質爽口彈牙！有成堆冰係底冰鎮住，食到最後都keep 到咁cool!!!重點係啲庫克真係好大隻，一啖都食唔晒，夾埋生蒜一齊食，真係好正！👅泰式燒鯽魚$ 159平時喺街市見到嗰啲鯽魚都冇咁大條，兩個人都差啲食唔晒！廚房已經預先將魚骨肉分離，方便客人食肉👍啖啖魚肉，鮮甜又唔腥😋👅蟹肉炒飯$ 79喺泰國食過蟹肉炒飯之後，返嚟香港食過嗰啲都唔好食😫呢碟炒飯絕對係好食過泰國嗰啲！必點🤩🤩🤩睇落去平平無奇，但入邊有超級多大大粒嘅蟹肉🦀️！炒飯夠乾身，粒還粒，又唔會落太多油！ 好有鍋氣！👅泰式豬頸肉炒椰菜苗 $79食肉獸都鍾意食噶菜式，皆因有炭燒豬頸肉一齊炒，感覺上食啲菜會健康啲😆但係真係炒得好好味😋👅 泰式凍奶茶食泰菜點可以唔叫番杯奶茶飲

自從般去九龍後，九龍城已經成為我同老公既飯堂，由於我大肚口味奇怪🫄突然想食泰國菜，老公就二話不說帶我去九龍城既泰仔美食。我地上星期約埋屋企人食泰菜時見到泰仔好多人排隊所以親今日平日就過去試，不過都好full，好彩唔洗等位。今次係我第一次寫食評，因為今次用餐體驗非常地好！老闆好好一入去見我大肚即刻安排我坐一邊費事俾人踢到。最令人窩心係一坐低老闆送左個椰青俾我話請bb飲💜好有愛講番食物：老公叫左個青檸梳打無影低。埋單三百幾，好抵食，走時老闆仲不停親切咁問我地岩唔岩我地食💜我地一定會再黎！

經過門口多人等位咪去試吓，點知……基本上係比一般泰菜淡味汁：籃尖找得個甜，唔辣冇味，籃尖seafood又係淡淡地泰式鳳爪：竟然會有蔥？！冇蕃茄冇莞茜，個汁又係水汪汪香葉肉碎炒飯：個樣吸引但又係唔香又冇味！完全食唔出啲配料嘅味道，啲肉唔係肉碎，係啲根位仲要一片片？明爐冬蔭烏頭：個湯唔夠酸唔夠辣又冇香料味，又係冇莞茜！泰式咖喱炒蟹：個汁可以，但隻蟹竟然走個油，喺九龍城未食過會咁整！飛天通菜：仲點係呢個，未食個一間泰菜會係用粗碌水通菜去炒！！！大佬我係食泰式飛天通菜唔係本地嘅椒絲腐乳通菜呀！個味都唔對板！結論：價錢唔貴，九龍城嚟講可能叫平，但每度菜喺面前，我地一行五人一路食就一路覺得唔知食緊咩？究竟我地係食泰菜定係食緊泰國菜館嘅廣東菜？真係完全食唔到泰國菜嘅味道！連最基本嘅酸、辣、濃味都都冇，有啲食材仲係估唔到！係我喺九龍城食過最意想不到嘅一間泰國菜館！

星期六6點15分黎到，等左幾分鐘就入得，佢話6點半就唔派飛嫁喇。叫完野食，就送左兩件椰汁糕。見到舖頭入面有得即燒，就叫左豬頸肉。完全唔焦香，口感似係烚完之後再煎兩下咁，有少少失望。隔離既辣醬係冇層次既辣，一食就辣到去喉嚨，重食到好多辣粉，同時又好甜。酸辣鳳爪，都幾辣，但好似冇落鹽。馬拉盞炒椰菜苗，比起其他係淡味d，但感覺冇咁味精。鮮蝦炒金邊粉，蝦唔”梅”，金邊粉炒得唔濕，但係味道去唔到應該有既位置，唔夠酸唔夠甜唔夠鹹唔夠香。

上個星期週末晚來, 好多年青人排隊。自己其實都係睇某某 U tuber 嘅片所以來襯下墟，但實在太多人去咗另一家食。 今日係週日反而可以直入就坐。食物方面大概以79蚊為起點, 好似今日嘅豬肉碎生菜包就係呢個價。 份量好足, 要少辣來的都是少辣。豬肉碎內係有肥豬肉粒的, 如果介意肥的話可能要揀其他了。因為無可能揀返出來。燒全雞翼$6x /4 只燒得好好, 皮下脂肪已經無乜, 翼尖少少脆。起碼3個"讚"鮮蝦炒金邊粉, sorry 真的比較細份量。一個人都可以KO 佢。同埋甜咗少少咁囉!整體OK 不過午市好早就攞單埋嚟, 先結帳 please! 呢樣對香港人嚟講可能會被客人唔like. 明白嘅! 收錢枱要埋午市数。注意午市都要加一。

收工去佐九龍城揾朋友食飯傾計🍚朋友話出到九龍城不如食泰國菜🤤介紹佢家附近嘅泰仔美食😋去到有數位客人排隊等咗一陣,入到去環境ok嘅,但枱與枱之間坐得好密,傾計就唔太適合😅如果齋食就走,就ok嘅！我哋叫左4樣野食：🦐🐟泰式生蝦、炸蝦餅、海鮮炒粉絲,仲有飛天通菜。菜有鑊氣好夠味🔥但菜梗比較多葉小😅唯一比較遜色嘅係炒粉絲,鑊氣爭D,同比較淡。蝦餅炸得夠乾身彈牙,朋友讚不絕口。最後會送上甜品,亞麻籽椰汁糕！唯一唔好既地方係愈食愈趕,明明寫80分鐘既用餐時間,但好似好急咁,好彩出菜都快,收嘢收得好快,好想你快啲食完,畀下一枱客😅

係樂富行完格仔山就順便行埋嚟九龍城，本身用openrice book左另一間，點知去到現場好少人，反而旁邊嘅泰仔好多人企係度等入去，羊群心理就排埋一份😂咖哩炒蟹 $358 +薄餅 $30花蟹都幾大隻，肉質未到話好新鮮實正，但係都甜嘅，同埋重點係咖哩好正，薄餅又保持到酥脆，一齊食好惹味，果然係必食之選！飛天通菜 $68通菜都新鮮冇渣，唔會話好辣，但係比其他就好似冇乜特別🤪燒雞翼 $68見佢出面枱枱都叫，賣相又靚，就叫來試下～四隻全翼，新鮮熱辣外皮仲脆，裏面就嫌佢唔夠juicy ，醃得唔夠味，要點甜酸醬總結：e間餐廳連平日都相當爆場，咖哩確實好食，不過唔知炒蟹一般幾錢，之前去BTS站食見到係時價所以揀咗咖哩軟殼蟹連法包，e度就明碼實價有心理準備，其他非海鮮類都幾平，食物質素個人會比中上地址：九龍城九龍城南角道30-32號地下評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️⭐️價錢：⭐️⭐️⭐️

自從地鐵開通加上密集式抄牌之後真係少咗去九龍城食泰國菜。今日喺酒店開N個會已經食咗N個餐，5:30先離開尖沙咀酒店飲完杯cocktail，6:30又去九龍城食晚飯。星期五晚門口等位一大堆人，然後叫兩張兩人枱，較後號碼的兩位男子九秒冲入去，我地坐他們旁邊，他們每一人佔兩張椅子，我常說，人以群分，為什麼銀行區和街市區的人不同，是因為思想決定了行為。那兩人後來做什麼也沒有意思追看。我哋入座後不到五分鐘立即下單，5分鐘後上前菜活蝦刺身，他的活蝦刺身都是放谅了的急凍活𧎚，蝦肉有點霉，醬汁酸辣味道剛剛好。之後一分鐘上光速招牌黃咖喱泰式炒軟殼蟹及燒豬頸肉。軟殼蟹脆口，不過好咸，加上黃咖喱更濃味，黃咖喱顏色鮮黃，沒咖喱香味，適合小朋友及冇味道要求的人。脆軟殼蟹放黃汁上面秒速送到客人面前。等了十分鐘客氣地問了一位先生我們點的麵包有沒有，被大罵了。好戲在後頭，當我的筷子放下的一剎那，被侍應掉下來的帳單盤子嚇到了，扣除等上菜的五分鐘，我們的真正用餐時間只有約25分鐘，不是吃一盤碟頭飯，而是兩人一個full course dinner. 甜品還未吃喔，唯有去便利店買雪糕。如果計佐敦澳洲牛奶公司是光速餐始組，泰

本身有朋友介紹話好好食。我地就book左6點半早左去到。點知係一張12人枱分散坐。但店舖內有好多空位都唔比人坐。算了就坐佢安排嘅位係比人夾住係中間咁坐都算了點知一坐低就有好多螞蟻。叫了幾碟小食。食完無耐就收走你嘅碟。仲要趕人走，明明講話80分鐘，但未到80分鐘就趕人走。我哋本身仲想叫嘢食。點知我地無叫埋單就拎張單叫我地埋。但係比張單係擺低就行左去，多謝點點點果d説話一句都無講過。服務又差搞到食唔飽就走左。成肚氣。唔會有下次

下午六時已排隊取位，因為孩子未到，要齊人。我們明白，斉人便通知門口大聲安排的人。後我們的，剛斉人，只好眼白白退後。門口大叔说，6:30大把位，因為第一輪食客夠鐘。到了6:20，告訴大叔我們斉人，他说得得得。無奈，到6:40，大叔叫了比我們遲的人，說他們有打電話。跟著，連叫幾枱四人的。我跟大叔說我們六時前已站在門口，他說我們未斉人。我連忙說早已斉人，他說安排6:30 先。我們很不高興，他還說我們小氣。最後，我們離開，他背後還罵我們。

星期日成個九龍城都好多人，周圍泰菜館門口都排長龍。泰仔美食門口都一大堆人，好彩等一陣就有位。舖頭唔係好大，所以啲枱有啲迫。叫咗青咖喱豬肉，豬肉好嫰，咖喱夠味，配蒜蓉包食OK。細冬陰功湯， 偏鹹少少，但都味道可以，好似有三至四隻蝦，，材料夠。只係菇菇淡味咗啲。柚子蝦沙律，正常味道。燒牛仔骨，呢個牛肉夠嫩，醬汁夠惹味，唔錯。炒飛天通菜，少少辣，OK。仲有肉碎生菜包，呢個普通。炒泰式金邊粉，味道偏甜，但都可以。仲有芒果沙冰，正常， size唔及其他泰菜館大杯。整體OK，只係味道偏鹹，所以要係咁飲嘢。另外店員超級有效率，基本上你夾完最後一舊，佢就已經企喺側邊即刻幫你收碟，明明你杯嘢仲有少少，佢不斷地有人嚟想幫你收隻杯。你一放低筷子，佢就即刻幫你收埋晒所有碗碟。當你一起身下一台客已經企咗喺側邊準備入座。所以如果你要休閒地食就最好去第間啦。不過亦都因為咁，所以都等到有枱食的。四個人計埋+1 ， $788 ，算係OK的九龍城泰菜。

其實係好耐之前已經食過，個時已經多人，而家更加多人了。食物的而且確係非常好味，連朋友都都讚不絕口。唯一唔好既地方就愈食愈趕，明明寫80分鐘既用餐時間，邊食邊收走碟，朋友剛拎起最後一串串燒，未點汁佢已經收走左，覺得食得好趕。好彩佢出餐時間係快，我地4人叫左7樣野食。有燒雞翼、炒通菜、炒咖喱雞配蒜蓉包、海鮮濕炒河等。雞翼係得到一致好評，皮燒到脆脆，通菜大碟之餘，仲好有鑊氣。咖喱汁充滿椰香同味道甜甜地，配蒜蓉包的確係惹味。唯一比較遜色係海洋濕炒河，冇鑊氣同冇咩味道。

門口個叔叔店員好熱情，一人送咗一包米餅，仲有認真推介熱門嘢食俾我哋。入座之後坐嘅位置比較迫，所以幫我哋換咗其他闊位。限時80分鐘，但上菜都好快，所以都唔會太趕時間。真心我覺得泰仔可能係成個九龍城服務最好嘅泰國餐廳！*燒牛仔骨 $168招牌牛仔骨，醃到好腍好入味，重口味之選。鍾意更加重口味可以點汁，甜甜微辣，平衡牛仔骨鹹味。豬肉碎生菜包 $78好辣，全場最辣！無論係肉碎定生菜都份量好足。雖則有好多蔥粒/九層粒，但都比較單調，唔夠惹味。蝦醬炒通菜 $68蝦醬香噴噴又唔會過鹹，炒通菜都唔會太辣。青咖喱雞 $68青咖喱微辣微甜，椰子味唔算香，比較似湯水，但好好飲。雞肉份量慷慨，滑但冇雞味。配料有泰國茄子、大量四季豆，好豐富。薄餅 $30兩片Roti一開八，脆但厚身，未夠香，而且略油。蒜蓉包 $30六片法包加蒜蓉醬，烘到脆脆，但蒜蓉醬未免分得太唔平均啦呱。椰青 $35椰青水非常解渴解辣，仲可以挖椰肉食。