泰亞萊海南雞專門店

營業中

休息中

「小心雞滑 ⚠️🐔」平時成日都經過，因為終於試吓出色海南雞。(*´∀`)~♥🐔招牌海南雞飯 $58 （+$10 雞髀）雞皮散發處淡淡油光，入口雞肉好嫩滑 ，肉質肥瘦適中，配合雞皮嘅脂肪滿滿，加$10雞髀非常之值得，好味！配上特別醬汁：已經調配好的薑蓉豉油醬汁入面加咗碎辣椒，但唔會好辣，配合滑捋捋嘅雞更加惹味。🥣附送嘅湯竟然有咁大隻雞腳同冬瓜，個湯就比較清新，但入面滲住少少胡椒味，當一個餐湯送飯都合適，可以清一下口腔嘅味蕾。💛🦀泰式黃咖喱蟹肉飯 $60呢個真心有驚喜：首先蟹肉超級多，做法係平時泰國餐廳黃咖喱做法，咖喱汁比較杰身，中間加咗好多香料，但係唔會太辣，咖哩入面少量香甜洋蔥同蔬菜，送飯超級好食，呢個價錢好抵食！🍋‍🟩青檸梳打 $8檸底酸酸哋非常開胃，可以自己加糖水好貼心，唔需要再叫少甜，呢個夏天必點！🍹龍眼冰 $8龍眼肉又大又多，有成8粒肉，非常香甜，呢個價錢非常抵！🧡海南雞份量對我嚟講啱啱好，套餐飯量好多，感到大滿足，中午時間餐廳生意都好好，下午茶仲抵，會有85折優惠（星期一至五 2:30-5:30pm），大家想食滑雞可以試吓！🐔泰亞萊海南雞專門店 (深水埗)📍深水埗福榮街97號地

買個陣都有問過，可唔可以多飯，佢地有答可以及不用加錢，見收銀機個螢幕都有多飯嘅選項。雞都還可以，好過一開始開店個陣，個陣時啲雞一時鞋，一時係正常。主要係講個飯量，外賣自取，如果你唔夠飯可以講聲白飯又好，等你煲又好，或者直接寫要多飯要加錢仲好，好過我叫多飯，出到黎個飯量仲小過我以前未叫多飯個陣買嘅外賣。雞小都冇所謂，食過幾間海南雞都係咁，但飯都咁小？叫過幾次外賣多飯，得2次真係多飯，其他外賣飯格個邊都係未裝平，仲要空左一角，滿都未滿，好彩係叫多飯，我唔每次都叫多飯嘅話咪一半都冇？叫過幾次都係咁嘅飯量真係搞唔掂，差唔多成$60，仲要食完都會飽。

深水埗呢個地方美食林立，咁啱我行過呢個福榮街搵嘢食。睇到呢間海南雞就入去試吓。睇完餐牌之後都係點返呢度最主打嘅海南雞飯，仲加咗一個炸嘅蝦卷。整體嚟講呢，味道係唔錯，個雞都算滑嘅，有啲脂肪，雞皮係幾厚嘅，油飯一般，個湯都係一般。講真，我試過好多唔同舖頭嘅海南雞呢間，我覺得只係中等水平，見附近冇海南雞飯，所以我諗佢先可以提供其他選擇比深水埗區嘅客人。 我諗比起蘇珊媽媽或者勇記海南雞，呢間只係屬於一般。咁當然，佢比其他地方就會平咗$8至$10。

深水埗有間食泰國海南雞飯嘅專門店比大家選擇！見到佢地晚市時間都好爆滿🐤▪️招牌海南雞飯($58)🐓雞肉味濃郁嘅原因係採用左三黃雞，雞肉切得好大嚿又做足去骨嘅工夫。去骨後食落啖啖肉，雞皮爽口，肉質嫩滑。而個油飯就有雞油蒜香茅嘅味道，再配個清甜靚湯，滋味十足😋▪️黃咖喱蟹肉撈公仔面($60)🦀咖哩味濃厚唔會辣，有淡淡嘅椰奶味同花生醬香味，撈埋啲公仔麵食到停唔到口，不過公仔麵份量實在太多🤣而咖哩汁都係爆多唔使驚撈唔匀，蟹肉多到有啲驚老闆蝕本▪️泰式奶茶(+$8)🧊唔會偏甜~以往飲起嘅泰式奶茶甜度極高，令到茶味被掩蓋左，呢杯嘅比例啱啱好，茶味充足。▪椰汁涼粉冰(+$8)🧊係必飲，涼粉係一條條，飲嘅時候又唔會塞住飲筒又唔使突登篤爛佢，椰汁味好重👍▪️優惠價配泰式豬肉燒賣(+$15)平時都係辣油配豉油食燒賣，今次就試下泰式醬汁配燒賣。燒賣炸到好脆口，豬肉餡料又足，食起黎酸酸甜甜又辣辣地。

___________🏖店鋪狀況🏖___________ 🌶📝很久沒到深水埗區了，今天去試試一間朋友上班會去吃lunch的餐廳——泰亞萊。餐廳主打海南雞飯、泰式咖哩、喇沙......-當天光顧時間正值晚餐高峰期，餐廳非常旺場所以店員們都東奔西跑，忙得一頭煙☺️餐廳屬於小店類，座位不多，客人之間相對較close一點🧡- _____________🍽食物🍽_____________🐥 招牌海南雞飯 $58推介指數 ■■■■□雞件份量不少而且很嫩滑😳配上泰式醬汁跟雞油飯🧡一流呢！跟餐會奉上蘿蔔湯，湯加了雞殼一起熬製，有濃濃雞香味👍🏻，整體來說很不錯，價錢實惠🌶📝最後連湯也喝光💖-🦀 泰式黃咖哩蟹肉飯 $60推介指數 ■■■□□蟹肉數量比想像中多😳而且味道鮮甜，超級驚喜💖不過咖哩汁醬剛好不對🌶📝口味，不辣之餘還帶有一點點酸味🥲？有點奇怪-🌶 泰式酸辣鳳爪 $15推介指數 ■■■■□大約有四五件鳳爪☺️味道酸酸辣辣但不會過辣，口感爽脆，跟餐只需要+$15👍🏻抵食-_____________🥂飲品🥂_____________🍀 珍多冰 $8推介指數 ■■■■□椰香味十足😳超多配料，粉條煙煙韌韌，另外加

📍泰亞萊海南雞專門店 (深水埗)深水埗福榮街97號地舖==============================餐廳最近推出季節限定菜式，有香濃喇沙四寶湯粉，泰式黃咖喱撈公仔麵，泰式酸辣肉碎湯粉等等，非常吸引==============================泰式黃咖喱蟹肉飯🦀咖喱味香濃，唔算太辣，蟹肉份量非常多配埋白飯，食完成身暖笠笠泰式青咖哩豬頸肉🐷湯金邊粉青咖喱比黃咖喱辣咖喱味同樣濃烈，金邊粉爽口彈牙，豬頸肉份量好多味道不錯冬陰功湯湯底香辣，材料豐富，湯底是比較酸的個十分喜歡👍🏻椰汁冰椰汁冰內椰汁份量很多，每一啖都有滿滿的椰汁味道一便飲冬陰功湯一面飲椰汁冰非常正😍

收工同老公行深水埗竟然俾我地搵到一間又好食，價錢又經濟既泰國菜泰式黃咖喱蟹肉飯 咖喱係甜而不辣，蟹肉鮮甜足料，用黎撈飯一流青咖喱豬頸肉飯好濃青咖喱香味，豬頸肉香口再加左二款小食蝦餅春卷

作為海南雞控既我 試過唔少海南雞飯。會令我回頭嘅選擇唔多 呢間將會係其中一間😊 話明招牌 咁就梗係要試下。雞件份量唔少 半雞髀半雞胸上。唔鍾意食雞胸嘅我覺得呢度嘅雞胸處理得相當恰當 唔會鞋恰恰。雞髀滑就梗㗎喇 識食一定連皮食。雞油香洋溢豐富 去骨可以大大啖食唔使lur 爽呀！油飯軟硬適中 冬瓜湯胡椒味重。 椰汁西米糕好足料 食到啖啖芋泥 係出面比較少見 好鍾意。 雖然上面椰漿較solid 多過liquid。 椰汁涼粉冰啲涼粉係條狀 好易啜😚 埋單 $81 有湯 有飯 有雞 有嘢飲 有甜品 咁抵食冇complain👍

深水埗行完街搵美食，見到有海南雞食就入左去🤭見佢地平同有泰國野食就一於試下🤪招牌海南雞飯佢地啲雞好滑，個醬汁好好味😋我撈晒成碗飯食🤭海南雞飯套餐仲會跟一碗雞湯😋泰式炸蝦春捲小食有好多款式，我揀左蝦春捲，炸得非常香脆，唔錯唔錯👍🏻喇沙四寶金邊粉係呢個店員推介，話係新嫁，菜單都未有，估唔到佢地間唔曾少許辣，湯底濃好惹味😋麵煮得剛剛好連湯下齊食好好味🤤泰式千層糕煙煙韌韌好好味😋椰汁味好香😚椰汁冰飲落香甜 ，仲好解渴添😚

Intro: 之前喺石門試過泰亞萊海南雞專門店嘅外賣，而喺深水埗就開左堂食嘅店舖，菜式更多，仲可以加配特飲；不過呢到嘅冷氣有幾凍得幾凍，收碟速度有幾快得幾快，目標係做多幾單生意～ ___________________🍽 招牌海南雞飯（送湯）💰 58 ⭐️7.75/10✍🏻 海南雞嘅份量好多，有四五大舊到，雖然呢次無轉雞髀，但都算幾滑好多肉；✍🏻 有足足成碗油飯，但油飯嘅顏色偏淡，油香一般般，但總算唔覺肥膩；✍🏻 不過點海南雞嘅汁就好普通，唔夠酸同辣；✍🏻 正常泰式湯都都係偏鹹同過鹹，但呢碗湯嘅味道有冬瓜嘅少少鹹，仲有原隻雞腳；🍹椰汁涼粉冰💰 跟餐+8 ⭐️ 7.25/10✍🏻 因為啲冰太多同太大粒，椰奶就衝淡左影響呢杯應有邪惡嘅濃味；✍🏻 涼粉係一條條好幼細嘅啫喱，同真多冰嘅賣相好似，+8蚊當係甜品都唔錯。___________________🏠 泰亞萊海南雞專門店📍 深水埗福榮街97號地舖⭐️ 7.75/10___________________

泰亞萊海南雞專門店有很多分店，今天我們路經深水埗買聖誕裝飾，當然要到此吃招牌海南雞飯了。店面裝修簡潔，非常多食客，我們要等了一會兒才能入內。海南雞飯的雞肉十分嫩滑，肉質鮮嫩多汁，除了雞翼外，所有雞肉都是去了骨，啖啖肉！沾上醬汁一起吃，再搭配熱騰騰的湯和吸收滿醬汁的雞油飯，大滿足！我們還點了喇沙四寶金邊粉。喇沙湯底十分濃郁，充滿香料的風味，金邊粉很爽滑，配搭着豆芽、豆腐、蝦、魚角和紥肉等。配菜盡吸了喇沙湯底的精華，非常入味，好吃！另外，我們加了泰式豬肉燒賣和泰式千層糕。泰式燒賣炸得香脆，豬肉味道很鮮美，配上特製的泰式醬汁，咬下去卜卜脆的，很開胃！泰式千層糕的質地柔軟，口感綿密，味道香甜可口。吃落有淡淡的椰香和甜味。這道傳統的泰式甜點有令我們這餐簡單的泰國午餐有畫龍點睛之效果！最後配上甜爽清涼的龍眼冰和有濃郁椰香和甜味的椰汁冰，這餐簡簡單單的泰國菜令我們回味無窮！

🥗今日到深水埗福榮街購買聖誕飾物，一出B2地鐵站行幾分鐘，就見到新開嘅泰亞萊海南雞專門店，於是入內覓食😋📌招牌海南雞飯$58海南雞嘅份量頗多，雞肉嫩滑，有雞味。還有一碗白飯及雞腳冬瓜湯。（足料低食之選）📌泰式青咖喱湯粉$56肉類可以選配：豬頸肉/豬扒/雞扒我們選配了豬扒：大大碗🥣青咖喱唔會特別辣,香料味很重,湯底好好味😋✅升級套餐+$8就有涼粉冰飲。好低飲。✅追加泰式炸蝦餅$15即叫即炸👍炸得香脆，點埋甜酸醬，爽口彈牙。💕下次嚟深水埗又有一個好😄嘅地方食飯喇👏👏

泰亞萊海南雞專門店今日到深水埗見到呢間泰國菜嘅海南雞專門店。本身都鍾意食海南雞飯，於是入內叫咗碟：招牌海南雞飯$58海南雞嘅份量頗多，雞肉嫩滑，都可以的。還有一碗白飯及雞腳冬瓜湯。用呢個價錢食到呢個餐，真係幾抵👍

臨近聖誕，黎左深水埗玩具街呢一邊買啲聖誕裝飾打算佈置一下屋企，買到夜夜地，就決定食埋個晚飯先返去，見到呢一間叫做泰亞萊嘅海南雞飯專門店，價錢經濟實惠，一於試吓佢🤤🐥招牌海南雞飯 $58 嚟到海南雞飯專門店，點可以試吓呢，呢間餐廳嘅海南雞飯又抵食又好味，雞肉嫩滑多汁，而且油飯味道香濃，仲配埋中湯，喺凍冰冰嘅天氣，飲一啖熱辣辣嘅湯，食一啖熱辣辣嘅飯，真係好暖心🦀泰式黃咖哩蟹肉飯 $60 黃咖喱可以話係我嘅至愛，因為能夠食得到咖喱香濃嘅味道之餘，又唔會太辣，呢間餐廳嘅黃咖喱只有好輕微嘅辣度，椰香味好濃，配埋面頭滿滿嘅蟹肉，一啖咖喱一啖飯，真係食到停唔到口🦐泰式炸蝦春捲 +$15 熱辣辣新鮮炸起嘅蝦春卷，香脆惹味，入面嘅蝦好爽口彈牙，係必定要追加嘅小食🍲冬陰公湯 +$10 黎到泰國菜餐廳點可以唔飲冬陰功湯，呢間餐廳能夠用個經濟受惠嘅價錢就可以試到，價錢雖然平，但餐廳一啲都冇吝嗇到佢嘅材料，冬陰功湯同我喺泰國飲嘅味道一模一樣，而且仲要係真材實料🧋泰式奶茶、珍多冰 +$8 叫咗泰式奶茶同埋珍多冰嚟飲，椰汁味好香濃，珍多冰嘅表面仲有芒果肉點綴，簡直係畫龍點睛，至於泰式奶茶味道好適合我，甜到剛剛好📍

深水埗抵吃的泰國菜✨🦥✌🏻小店的海南雞是必吃，價錢抵，性價比高，而且餐廳更有自家製的海南雞醬，不像平時吃到的薑蓉、辣醬，小店設有自家製的海南雞醬，很有心思，能把海南雞的風味大大提升！《招牌海南雞飯》$58性價比極高，份量滿足，海南雞出名嫩滑可口，皮薄爽滑，雞肉味道濃郁，且已經去骨，方便享用，配上獨家的醬汁，風味大大提升，雞油飯也出色，飯粒香氣十足！《泰式青咖哩豬頸肉湯米粉》$56不吃飯也有米粉的選擇，青咖喱味道頗辣，最岩喜歡吃辣的朋友，令人開胃，感到惹味，重點是米粉也很好吃，米粉質地柔韌，富有彈性，水煮不糊湯，乾炒不易斷！而豬頸肉肉質肥瘦混雜，粗而帶韌性，口感爽脆有彈性！跟餐有菜式小食，追加泰式炸蝦餅$15和泰式木瓜沙律$10，泰式炸蝦餅蝦味濃，彈牙超口感，而泰式木瓜沙律口感爽脆酸辣，開胃小食。跟餐飲品只需$8《青檸梳打》《龍眼冰》