泰之味

營業中

休息中

好友帶我去位於九龍灣宏光道80號麗晶商場地下G8號舖的《泰之味》食泰菜，環境舒適，空間寬敞，餐廳設有下午茶餐，有好多選擇。尤其是不設加一服務費。我點左個 泰之味海南雞配油飯 $55，好友點左個 菠蘿豬頸肉粒炒飯 $58，小食係 香茅豬扒 $48，泰式魷魚粒炸蝦餅 $68，自選泰式串燒6串（豬/牛/雞各二）$72，餐飲係熱咖啡（跟餐），熱檸檬茶（跟餐）。泰之味海南雞配油飯賣相吸引，無骨海南雞的雞肉嫩滑好味，啖啖雞肉，油飯好食；菠蘿豬頸肉粒炒飯份量不少，炒飯粒粒乾爽不油膩，每啖飯都有菠蘿粒和豬頸肉粒。香茅豬扒好香口；蝦餅好味；3款串燒十分好食。

在**泰之味**（九龍灣），你可以享受一個超值的泰式二人餐，只需$238！🍽️🇹🇭- **炭燒豬頸肉** 🍖：外焦內嫩，豬頸肉經炭燒後散發出誘人香氣，搭配特製醬汁，令人垂涎。 - **香芒蟹肉炒飯** 🍚🦀：鮮美的蟹肉與香芒的完美結合，炒飯口感豐富，讓人一試成主顧。- **蒜蓉炒通菜** 🥬：清爽的通菜，蒜蓉的香味讓這道菜更加美味，是餐桌上的必備配菜。- **芒果沙冰軟綿綿** 🥭❄️：清新甜美的芒果沙冰，口感柔滑，為這頓豐盛的餐點畫上完美的句號。快來**泰之味**享受這份泰式美味吧！ **地址**：麗晶花園商場地下G8號舖📍

小店主打多款泰國菜 建議啟德站行過去/揸車泊附近地方都好方便 晏晝去嘅時間都有好多上班族特别捧場🤫｜泰式雞肉炒金邊粉 ($65)金邊粉份量十足 炒得分明均匀 加左雞肉 雞蛋同芽菜 蛋香更加豐富🥰｜冬蔭功海鮮湯 ($88)冬蔭功海鮮湯用細鍋 點火慢慢烘熱暖笠笠‼️湯底偏辣充滿椰香 有魷魚青口娃娃菜等配料｜泰式串燒3串 ($36)豬牛羊醃得入味 牛肉鎖住肉汁 稍嫌火喉時間太長 外皮較亁身🥶｜馬拉盞炒菜 ($78)通菜炒得濕潤 配馬拉盞微辣調味幾惹味～｜椰汁涼粉冰 ($28)冰凍椰汁飲品 食泰菜可以解渴 涼粉好飽肚😚｜椰青 ($35)大大個椰青好清甜 可以刮埋椰青肉出嚟食🥥

今晚，我到位於麗晶商場地下的泰之味餐廳享用晚餐。這家餐廳的氛圍溫馨，位於麗晶商場外圍，非常方便。我點了冬蔭功海鮮湯，湯色紅亮，香氣撲鼻，裡面有新鮮的蝦、魚片和蘑菇，口感酸辣適中，胃口即時大開。接著，我品嚐了泰之味小食拼盤，這道菜非常豐富，包含五款美味的小食：香脆的蝦餅、魚餅，還有金黃酥脆的春卷和雞卷，最後是嫩滑的豬頸肉。每一口都讓人忍不住讚歎，特別是搭配店內特製的醬料，更添風味。最後，我點了椰汁涼粉冰。涼粉冰清涼爽口，椰汁的香甜與冰涼感完美結合。整體來說，泰之味餐廳的食物色香味俱全，服務也非常周到，是個值得推薦的好地方。

最近發現九龍灣麗晶商場新開咗一間泰國餐廳，菜式選擇都算多，而且免收加一服務費！週末晚上見到好多街坊支持，平日附近上班嘅朋友又多咗一個新選擇～🥳泰式鮮蝦炒金邊粉 $108 🍤🍝 金邊粉炒得夠乾身，而且有鑊氣🔥，每啖都好惹味！蝦肉新鮮彈牙，份量亦都唔錯～👍泰之味小食拼盤 $138 🍢🍤 呢個拼盤真係抵食又大份，有蝦餅、魚餅、春卷、雞卷、豬頸肉5款小食，每款都有 4 件，岩哂一齊share！我個人最鍾意佢個春卷，餡料豐富，仲有粉絲係入面，口感好滿足～蝦餅亦都好彈牙鮮味，推介！😋椰青蛤蜊湯 (細) $78 🥥🍲 冬天飲返碗熱辣辣嘅湯，真係暖入心～🍃 呢款椰青蛤蜊湯湯底好鮮甜，天然嘅椰香味，飲落清新又舒服！蛤蜊份量唔少，肉質鮮甜，再加埋洋蔥同菇類，成個湯既暖胃又滋味！🔥整體嚟講，呢間泰國餐廳價錢親民，份量唔少都幾抵食！推介比附近街坊 / 返工嘅朋友，可以試試呢間新餐廳～😄▫️▫️▫️▫️▫️📍 🗺️ 泰之味 九龍灣宏光道80號麗晶商場地下G8號舖

抵食街坊泰菜二人餐.泰味二人餐 $238.炭燒豬頸肉豬頸肉燒得唔錯就咁食都有豬肉嘅香味.招牌全換香芒蟹肉炒飯蟹肉都有幾多加咗芒果甜甜地幾開胃炒飯都算大碟幾有鑊氣.馬拉盞炒通菜馬拉盞唔會太辣好有泰式風味如果真係怕辣嘅話可以揀蒜蓉炒.個餐仲會送甜品聽講會不定期更新今次係送椰汁糯米糕椰汁味好香幾清甜.Ps我哋仲加咗個小食香茅雞翼雞翼外皮炸得好脆，甜甜地幾好食.泰之味地址：九龍灣宏光道80號麗晶商場地下G8號舖

今日去咗九龍灣附近，約咗朋友食飯，本身以為呢一間餐廳係點心舖，但係原來已經轉咗手，而家係食泰菜。生蟹嘅選擇都算好多，而且菜式都好傳統。呢個椰香青咖喱豬頸肉真係好香！咖喱味濃郁，椰漿添咗一層淡淡嘅甜味，令肉質更加柔嫩。豬頸肉本身有啲肥膩，但搭配上青咖喱，反而唔會覺得油膩，反而非常開胃。食完之後，口中仍有咖喱嘅回甘，真係令人意猶未盡。薄餅呢個薄餅薄得剛好，外脆內軟，口感好好。餅底有啲焦香味，配搭上豐富嘅餡料，真係每一口都充滿驚喜。芒果虎蝦米子卷呢個芒果虎蝦米子卷係一個清新嘅選擇！米紙包裹住新鮮嘅蝦同芒果，口感特別爽口，配上少少花生醬，味道更加出色。每一口都係果香同海鮮嘅完美結合，令我感覺好似夏天一樣清爽，真係好適合當小食。珍多冰最後呢個珍多冰真係好正！冰沙滑順，配搭上豐富嘅配料，無論係紅豆、椰漿定係水果，都令味道層次分明。甜度剛好，唔會太膩，食完之後令人感到心情愉快，特別適合炎熱嘅天氣，瞬間可以帶走所有疲倦。

經常都喺九龍灣食嘢嘅我，早排去咗麗晶商場發現《泰之味》呢間新餐廳，餐廳主打泰國菜，價錢實惠💖我哋叫咗係泰味2人餐，有小食、主食、炒菜、甜品，都係$234咋，好抵🤑🤑！👫🏻泰味2人餐（$234）小食方面有泰式鳳爪、炭燒豬頸肉揀，我哋揀嘅豬頸肉好大碟😍 仲燒得好香好惹味添，推薦🌟！🥭 招牌全換香芒蟹肉炒飯主菜方面我哋揀咗香芒蟹肉炒飯🦀 炒飯加入咗芒果，感覺清甜輕盈🥰 蟹肉都好足料🥳🥬 馬拉蓋炒通菜食泰國菜我最鍾意叫馬拉蓋炒通菜😆 最有泰式風味，仲大大份🥳🍮 奉送甜品另外我哋仲叫多咗個🐥無骨海南雞 配 油飯 （$72），海南雞嫩滑好味，油飯夠香！泰之味📍 九龍灣宏光道80號麗晶商場地下G8號舖

呢間街坊泰菜好抵食🇹🇭開業冇耐 已經大排長龍 座無虛席✨午市套餐份量大 價錢平 仲免收加一 難怪深受歡迎👏🏻.📌泰之味無骨海南雞 配油飯 $62雞件份量幾多 皮爽肉嫩富雞香 無骨啖啖肉🍗配上薑蓉同酸辣醬 辛香惹味🫚🌶️油飯好正 飯粒乾爽分明 香口唔油膩💛.📌白咖喱香茅豬扒焗飯 $75白咖喱辛香得嚟帶陣陣椰奶甜味🥥混入大量香茅 清爽香口🍛豬扒好厚切 肉質軟腍唔嚡口🥩加埋芝士焗 超滿足🧀雖然唔係炒底 但全部夾埋食 好正🤍.📌田園素菜青咖喱 $78青咖喱辛辣十足 濃滑creamy💚素菜種類豐富 有：西蘭花, 青豆, 雜菌, 椰菜, 紅蘿蔔🥦🫛🍄‍🟫🥬🥕清爽惹味 都幾辣下🥵.📌蒜蓉炒通菜 $52午市小食都勁大碟 通菜青綠爽脆 搭配蒜粒炒 香口有鑊氣 唔重口味 清爽健康🥬🧄.📌椰青 $35椰青水好清甜 厚厚椰肉爽滑嫩口🥥.📌熱齋啡(午餐包飲品).如欲查看相關食物相片 可查閱本人已上傳之影片🎦

大家記唔記得周星馳演繹嘅國產凌凌漆去咗嘅麗晶大賓館？ 🎬我今日終於去咗麗晶大賓館個friend——麗晶商場！🤣🤣 帶你哋睇下呢個麗晶商場入面有咩平靚正又好食嘅嘢啦！🍗 泰式無骨海南雞半隻：108元，隻雞好大隻又嫩滑，真係超值！🍢 大大串沙嗲泰式串燒三串：38元，估唔到咁大串一串等於人哋兩串，真係抵食！🍜 泰式滑雞炒金邊粉：68元，仲送餐飲，真係好抵！🍲 海鮮冬蔭功湯：68元，呢個價錢離曬大譜咁平但係咁多海鮮，真係難以置信！🌟 舖頭環境好好，親切而舒適，非常適合一家大細或者同朋友聚餐。而且食物好平好好食，份量又大，大家記得多啲支持下小店呀！

好耐冇過嚟啟德，估唔到誤打誤撞都俾我發現到呢間新開嘅泰國嘢😍 飛唔到泰國住就一定要過下口癮😚 呢到係免收加嫁一，份量都好多，價錢好親民呢✨～ 強烈建議大家記得要嗌set，會再抵啲嫁😛1️⃣ 熔岩火山咖喱軟殼蟹農夫包🦀店長十分推介嘅菜式果然係冇得輸，份量大大份🙈 一份入面有6件切半嘅軟殼蟹，炸到好脆～加上有咖喱汁黏附住，超好味😋農夫包好鬆脆，最中意蘸住咖喱汁食🥰2️⃣ 芒果虎蝦米紙卷🦐虎蝦好新鮮、肉質彈牙😚～用米紙包住虎蝦、菜、甜甜嘅芒果🥭外皮煙煙韌韌口感極佳～3️⃣ 燒泰式豬頸肉🐷爽口嘅豬頸肉燒到焦香～ 好有去泰國個時食嘅味道👅而且份量都唔少嫁，食到舔舔脷😍4️⃣ 飲品🥤嗌咗泰式鹹檸七同椰汁涼粉冰🥳 估唔到居然仲有原隻大椰青添🥥

人人吃生牛肉河時，我就必定要吃豬扒撈檬粉 ，尤其喜歡口感酸酸甜甜，正如人生甜酸苦辣五味紛陳，滿滿人生經歷在目，講吓味道先，豬扒肉質好鬆化，多汁，香茅味都好入味!泰之味小食拼盤小食拼盤份量十足，而且非常有賣相，包括有蝦餅、魚餅、春卷、雞卷、豬頸肉，個人特別喜愛春卷和蝦餅，春卷外皮酥脆，內餡鮮甜多汁；蝦餅香氣逼人，豬頸肉燒到外脆內嫩，惹味無比!招牌金不換蟹肉炒飯芒果粒及蟹肉滿佈整個炒飯， 熱辣辣香噴噴，賣相吸引！ 芒果鮮甜，啖啖蟹肉十分滋味!

朋友介紹麗晶有間性價比高嘅泰國野"泰之味" ，今日放假一於去試下佢⭐冬蔭功海鮮湯有兩隻大蝦、兩隻青口、 魷魚圈、魷魚鬚、幾款唔同種類嘅菇、蕃茄仔，飲落有d辣，不過飲落好香，仲好鮮味，正😋⭐招牌蟹肉炒飯好大碟，好抵食🤤個面有好多蟹籽，驟眼望埋去就已經有好多蟹肉，仲有蛋、菜、紅蘿蔔絲，仲加埋辣椒炒，食落少少辣，不過好惹味😋炒飯唔會炒到好乾身，飯粒粒粒分明，一啖食落去，就食得出蟹嘅鮮味⭐椰汁沙冰落枱就比佢嘅外型吸引左，好大杯😍好香椰汁味，真材實料，正呀😋⭐芒果糯米飯食泰國野必食嘅甜品今次同平時食嘅好唔同，平時係椰汁係液體，今次li個係沙律醬嘅狀態糯米飯夠痴，芒果清甜，唔酸，唯一美中不足入係醬唔係多，因為個人喜好，自己鐘意多醬🤭

泰式海鮮乾炒河最愛嘅炒河之一😍河粉彈牙，海鮮又炒得恰好，同埋海鮮份量都比較多，魷魚彈牙！仲有兩舊大青口😍牙菜又爽口彈牙～一齊食口感豐富又美味😋 加上炒得勁有鑊氣，令到炒河到有別一番風味😳😳無骨海南雞配油飯雞皮帶金黃色，食落皮爽肉滑既海南雞 雞肉入口嫩滑，油飯粒粒分明有咬口🍚好食😚😚泰之味三寶撈檬豬扒真心唔錯～大大份同埋又多肉！加埋泰式醬汁一齊撈檬粉，好易入口😋泰之味📍九龍灣宏光道80號麗晶商場地下G8號舖

最近又有朋友搬新居 探佢同時當然唔少得去探索下佢住果頭附近有咩食啦🤣 今次就揾咗呢間主打街坊生意嘅平靚正嘅泰菜館 價錢親民 而且每道菜份量十足 性價比都幾高😗 雖然擺盤未必最精緻 但勝在價格合理 份量夠多 加埋小食好有驚喜 大推炸蝦餅呀😍-🍜火車頭湯粉 $72牛肉湯底清澈得嚟都好夠味 配菜都好足料 有份量唔少嘅生熟牛肉片 夠呀田嫩滑 仲有彈牙牛丸 芽菜等 好豐富呀😙-🐷泰式滷水豬手飯 $68豬手一份都有好多塊 滷得好入味 皮同脂肪部分膠質滿滿 加上酸汁中和番唔會好膩✨ 滷汁都比得好足 撈飯一流🤩-🍤泰式魷魚粒炸蝦餅 $68炸蝦餅外層炸得金黃香脆 入面好彈牙 仲有粒粒魷魚 口感好豐富😙 小店都做到呢個心意同水準真係會加分😍 一份有六塊 每塊都大大件 兩個人share最啱-🍢泰式串燒 3串 $36有齊豬牛雞各一串 串燒嘅燒烤味都突出 個沙嗲汁都幾香口 仲有少少花生粒 肉感唔會乾柴🔥-📍泰之味 (九龍灣)九龍灣宏光道80號麗晶商場地下G8號舖