泰串越盞

營業中

休息中

今日輪到試食呢間越南粉, 門口都有好多人等外賣, 另外等位都有, 此終堂食座位有限, 大概人數只有20-25個位左右, 可能地方細食完成身油煙味生牛肉拼牛腩河 - 牛肉同牛腩每款3-4件燒豬腩肉湯檬- 串燒幾香口, 但感覺偏油, 湯檬要快食, 如果唔係好吸水, 成碗發脹, 呢到既檬粉同出面越南粉麵店有分別生牛肉河 - 牛肉偏少而細片, 牛肉係幾爽口好食, 河粉未撕開一條條,夾上去窄身千層糕咁 四五層既河粉, 口感麻麻如果論價錢$45一碗河粉確實平既, 但一分錢一分貨囉, 濃底唔濃, 同區泰式越式粉麵有另一間價錢$62包埋飲品, 賣相果邊略勝一籌, 同樣生牛肉河, 配料起碼有蘿蔔,通菜,炸豬皮, 湯底亦有牛湯味 

喺觀塘返咗成個月工都未上過嚟駿業熟食市場， 今日一個人食飯當然過嚟試試。揀咗 "泰串越盞"， 因為一來門口阿姐 (可能係老闆娘) 落力拉客， 二來我都鍾意食越南嘢。叫咗個蕃茄蟹肉檬粉， 凍奶茶， 再加串炸魚腐竹卷。 份量好足， 舊蟹肉都唔細啖啖肉食得好滿足， 佢個湯濃味都啱哂我。而個奶茶充滿泰式風味， 都唔錯。 不過個魚腐卷可以慳番試其他😬價格都算中等， 承惠 $86， 不過久不久都可以encore， 下次試佢其他嘢。(對筷子真係幾靚， 難怪寫明嚴禁偷拿🤣)

今日午餐在觀塘的泰串越盞享用，點了生牛肉湯檬、豬肉串燒和雞肉串燒。整體來說，這餐飯非常滿意！首先，生牛肉🐮湯檬的份量十足，湯底鮮甜🍜，牛肉新鮮嫩滑，令人回味無窮。檬粉爽滑彈牙，配上新鮮的芽菜、香葉，更添一份清爽。湯底加上新鮮🌶️辣度適中，不過於刺激，非常開胃。豬肉和雞肉串燒同樣出色。豬肉串燒醃製得入味，烤得外脆內嫩，肉汁豐富，每一口都充滿香氣。雞肉串燒同樣鮮嫩多汁，沒有乾柴的感覺，調味也恰到好處，不會蓋過雞肉本身的鮮味。最後，還喝了一杯滴漏咖啡☕️，咖啡香濃順滑，為這頓午餐畫上完美的句點。整體而言，泰串越棧的出品質素高，價錢合理，絕對值得推薦給各位朋友。但總體來說，這是一頓非常愉快的午餐體驗。 強烈推薦給喜歡泰式料理的朋友們！

自從返左呢份工後都好少lunch出去食，今日朋友過黎觀塘搵我食晏，附近好多餐廳都食過，最後去左熟食中心食一間未食過既泰越菜.香茅豬扒檬粉 $48湯粉有檬粉同河粉可以選擇。份量勁大碗，完全食唔哂😂豬扒醃得幾入味，但無香茅味，同埋煎唔夠乾身，呢個價錢整體都ok.青檸梳打 +$12夏日炎炎最岩飲杯凍野消暑～.燒豬腩肉檬粉 $55腩肉食落有口感，油脂豊富，但就油左少少.椰汁紅豆冰 +$12.魚腐竹卷 $10幾好食，本身仲想叫其他小食但飽左😂

泰串越盞📍：觀塘駿業街67號駿業熟食市場1樓30號舖🚗：觀塘地鐵A2出口 步行10分鐘📞：+852 4645-6699💲：~HKD40-60/head for lunchFood quality✔️：牛柳越式法包、凍椰青、珍多冰、菠蘿冰👌🏼：香茅豬扒河粉、會安雞飯總結：😋觀塘熟食中心嘅一間cp值高嘅泰式越式小店 食物🥘唔錯 整體飲品食物CP值都頗高 😋最招牌嘅牛柳越式法包 🥖係我食過最脆口嘅法包 牛柳好厚身牛味都濃 配埋椰菜 青瓜絲同紅白蘿蔔絲 因為冇落醬所以味道單調但係簡單嘅美味😋食泰越嘢飲椰青好似係必然嘅 午市+$20真係抵飲 切開呢啲基本嘢都做足😋午市嘅飲品🍸都好抵飲 珍多冰同菠蘿冰都係加 +$12🤔香茅豬扒河粉同會安雞飯就正常 大份兼抵食 配料醬汁充足🤔坐喺走廊會有路人行過 三人以上要坐走廊位 老闆娘好好地提醒🔔我哋女士同男仔調位較好😨熟食中心衞生就真係麻麻 有潔癖嘅朋友就避免下😨想打卡嘅朋友就唔太建議 環境都係普通熟食中心 如果坐唔到室內 就要坐走廊🥲

每次黎親呢間都一定必點番茄蟹肉檬粉🤌🏻次次都keep到水準，叫呢個一定唔會錯！66蚊已經有大大碗好夠飽，正常呢個份量去第二度食一定80蚊起，真心抵食夾大件🤩

觀塘駿業熟食市場一直都係打工仔放飯食堂，當中餐廳雖然價格親民，但每間都各有特色。泰串越盞就主打越南菜及泰國菜，每日午市都非常有人氣大排長龍，值得一試再試!!🏬- 蕃茄蟹肉檬粉 HK$58 🍅🦀🍜每日限量招牌必試蟹肉檬粉!!蕃茄湯底為味道清甜，天然又順喉。蟹肉超大量帶出鮮甜香氣。湯檬亦加入大大塊肉碎蛋肉味甜美，非常飽足!!配料亦非常豐富，豆卜吸收了蕃茄湯及蟹肉精華，豬紅及扎肉添加味道層次!!檬粉比得大方，胃口大的食客亦一定捧腹離開!!- 生牛肉河 HK$48 🐂🍜- 咖哩牛腩飯 HK$53 🐂🍛

今日又嚟到觀塘街市覓食，經過呢間餐廳～就比嘢食嘅香味吸引咗😍！見到餐廳都滿座，啲餸賣相又唔錯～就決定試一試佢啦🤪！始終係熟食市場，環境比較地道，衛生就一般般㗎啦～所以我哋今次主要Focus講啲嘢食啦🙈～✨ 會安雞飯 $55雖然係喺熟食市場入邊食，但係佢嘅賣相唔hea～成功提升到我嘅食慾🤩～不過佢個會安雞食落同普通海南雞差唔多，冇乜特別😂～特別要highlight佢個油飯！見到佢放咗好多香料落去整，所以食落都幾香～就係一個中規中矩嘅海南雞飯啦🤣⋯✨熱越南滴滴咖啡 +$12睇住啲咖啡慢慢滴落嚟真係好治癒☺️～飲落有啲椰香味，味道幾特別！但係就偏苦啲～我都係貪得意先試一試🤣✨炸燒賣 +$10正宗炸燒賣，外皮脆卜卜～想食燒賣過吓口癮係幾正嘅😄✨蕃茄蟹肉湯檬 $58飲落個湯底唔算好濃蕃茄味，有啲油🥲⋯但勝在好足料！有好多肉碎、三片扎肉（係薄咗少少姐🙈）、三嚿豬紅、豆卜同一嚿蛋～其他材料都正常，唯一不解係嚿蛋😅⋯食落去凍冰冰，要靠浸返啲熱湯先有啲溫度，又偏鹹，成件事唔係好夾～只可以話佢係一碗普普通通嘅蕃茄湯粉😂⋯始終佢唔包嘢飲，$58真係唔算特別抵食喇🙈～下次有機會再嚟，我應該會試吓其他嘢～見隔籬枱

之前喺OpenRice睇，揀咗觀塘區呢間店食晚餐，星期六嘅觀塘人流較少，到達見到嘅係一家三口打理嘅小店，點餐之後都係要有啲耐性等吓，其他台枱嘅人好似熟客咁，大家都係邊等邊飲印象深刻嘅係嗰個好澎湃嘅火鍋，值得等待，有肉有菜又有海鮮，視覺感好滿足，火鍋湯底濃厚正，生菜包好香又乾身，串燒、野飲唔錯，下次會再去😆😆

史努比又嚟介紹觀塘平靚正食肆😚今次去咗熟食市場嘅一樓～雖然環境就一定唔系話好好架啦但衛生唔差 啲姐姐態度都唔會好差🤣最緊要系 啲嘢好食又抵食🤭一齊嚟睇下史努比食咗咩🤪👍🏿番茄蟹肉檬粉 $58份量勁足👊🏿👊🏿超多料湯底番茄味都幾濃 不過稍為甜咗啲啲如果有啲啲酸就好啦😝史努比prefer酸酸甜甜嘅茄湯🤪檬粉幼滑 掛到湯而且唔會太鹹👍🏿豬紅有兩件 夠淋夠入味😋有4-5件豆卜 呢個先系精粹!!索晒啲湯濃郁番茄味好正🤤另外仲有扎肉同埋大量豬肉碎肉碎一啲都唔鞋口 肥瘦均稱 可惜蟹肉就唔系好明顯 叫番茄檬粉比較適合😂但整體幾好食～配料夠晒多 抵呀🤪味道: 8/10性價比: 8.5/10👍🏿雞肉串燒 (午市優惠 $10)雞肉燒到好香 外面微脆做到外脆內嫩嘅效果😍食落juicy 肉質真系好滑用咗黃咖喱粉去醃夠香而且好惹味👍🏿呢個價錢冇得輸🙌🏿味道: 8.5/10性價比: 9/10👍🏿豬腩肉串燒 (午市優惠 $10)五花腩片唔會切得太薄 食落有口感香得嚟肉質夠淋不過略嫌油咗啲啲🤣鐘意啲肉油脂豐富嘅話你會好like🤪🤪味道: 7/10性價比: 9/10👍🏿牛柳越式法包 $44姐姐話呢個製作需時 等咗大概15

見到網上食評幾好，專登放工過嚟開餐。價錢都算實惠，餐廳隱藏喺熟食市場入邊冇地圖，所以都摸左一輪行晒成層先見到。夏天喺入邊行其實都幾熱下，不過一日舖頭有涼返晒。最驚喜係個椰青，好耐冇試過咁大同埋新鮮。串燒好食，牛肉好滑、豬肉就腩肉片幾特別。食咗個魚腐竹卷檬都有特色。天氣涼少少會再嚟幫襯，試吓其他嘢食同埋飲多次椰青🤭朋友食咗香葉肉碎炒飯都大讚，聽到隔離廚房即時落鑊同埋炒起個飯，識落口特別有鑊氣香口。

糧尾恩物，平均一星期食一次XD 可怒吃😋・・・・・・・・・・・・・・・・・・・・🍜 香茅豬扒撈檬 HK$45 (外賣+$2)・味道：豬扒大份而且醃得幾入味，泰式香料香茅味就冇㗎喇，不過呢個價OK啦。・口感：幾軟熟嘅，比一般豬扒厚身，檬粉蔬菜都好多，整體大份！・・・・・・・・・・・・・・・・・・・・🤰性價比：高～🤰9衝度：9衝～🤰結論： 呢個價錢份量，抵！・・・・・・・・・・・・・・・・・・・・

餸多湯底重茄重辣，主角蟹肉唔夠濃味🫥・・・・・・・・・・・・・・・・・・・・🍜 蕃茄蟹肉檬粉 HK$58・味道：都幾辣…而且同蕃茄酸互相搶風頭，但兩隻味又夾唔埋一齊，errr還好😅。不過toppings夠多，有魚餅、扎肉、魚肉春卷、豆卜，正常發揮。反而想講個蟹肉，似乎係畀湯底搶過風頭。不過齋食都唔夠出味，鮮蟹肉香/蟹膏味都差咁啲☹️。・口感：份量幾大，檬粉都微彈口，類似蒻蒟麵質感，不過就冇乜米味喇。・・・・・・・・・・・・・・・・・・・・🤰性價比：中～🤰9衝度：可試～🤰結論： 呢個冇撈檬咁抵，亦冇撈檬咁好食，還好而已～・・・・・・・・・・・・・・・・・・・・

扎肉同魚餅失色咗啲☹️，薄又唔夠味⋯⋯・・・・・・・・・・・・・・・・・・・・🍜 扎肉撈檬 HK$40 +魚餅HK$10・味道：撈檬底同樣都係酸味開胃嘅，不過扎肉已經係冇餡平嘅款，而且切到好薄，食空氣咁😶‍🌫️。魚餅個味奇怪🥲，青檸味為主，冇乜魚味，但我係先將魚餅扎肉放喺蓋上再倒醬汁，所以啲醬唔會影響魚餅味。・口感：配埋蘿蔔同菜係幾爽脆，多口感～・・・・・・・・・・・・・・・・・・・・🤰性價比：中～🤰9衝度：可試～🤰結論：希望下次有進步吧～・・・・・・・・・・・・・・・・・・・・

已經想mark定下次再食了，惹味香口又fresh😘・・・・・・・・・・・・・・・・・・・・🐤 越南春卷撈檬 HK$40・味道：酸甜辣都齊晒，好fresh欸。生菜同紅白蘿蔔好生鮮好甜，冇草青味。春卷唔鹹幾惹味，內裡有好多肉👍，比肉碎大粒好有口感，不過食耐咗會有啲油。・口感：春卷外賣返嚟都脆，impressive！好好食🍢 雞串 跟餐加HK$10・味道：果然抵加，嫩滑香口juicy雞串，yum！・口感：最出色嘅位係，凍咗同熱食一樣咁嫩，少少鞋口雞絲口感都冇，掂👍！・・・・・・・・・・・・・・・・・・・・🤰性價比：高～🤰9衝度：9衝～🤰結論：呢到示到愛，好喜歡好好吃欸🫶・・・・・・・・・・・・・・・・・・・・