波士頓餐廳

營業中

休息中

💚 波士頓餐廳📍 灣仔盧押道3號地下------------------------------ 1️⃣ 夏威夷豬扒配洋蔥汁 $146推薦指數：👍🏻👍🏻👍🏻豬扒有兩片 配上炸薯條🍟雜菜（豆角 西蘭花 蕃茄仔）豬扒較薄 味道普通2️⃣ 美極雞扒配黑椒汁 $145推薦指數：👍🏻👍🏻👍🏻👍🏻雞扒鮮嫩有肉汁😆黑椒汁香辣 配菜與豬扒一樣 比較推薦這一款😂3️⃣ 餐包、羅宋湯、餐飲推薦指數：👍🏻👍🏻👍🏻羅宋湯足料 味道偏辣😆餐包和餐飲都非常普通 ------------------------------這間餐廳食的是回憶和情懷🤣不要追求好食 卡座坐得舒服 而且把汁淋到鐵板上冒煙的一𣊬間 很懷念😂總評味道：⭐️⭐️⭐️環境：⭐️⭐️⭐️服務：⭐️⭐️⭐️

波士頓餐廳係一間馳名嘅港式快餐 細細個屋企人已經帶我去食，唔知咁多年冇食質素係點餐廳地址位於盧押道，亦都近灣仔地鐵站，地址唔算好難搵 午飯時間都唔算太多人，店員可以安排我哋直接入座朋友就叫精選牛柳，而貪心嘅我就叫咗雜錦海鮮拼盤套餐包一件大蝦魚柳同帶子，有餐湯餐包意粉同飲品 我就揀咗黑椒汁，炸一聲淋落去，熱辣辣嘅鐵板，即刻冒出熱氣 魚柳嘅味道配埋黑椒汁嘅配搭唔錯，有傳統茶餐廳嘅味道 個汁亦都唔會太鹹，濃而不辣！反而大蝦同帶子就冇乜驚喜 不過不失連加一大概每人$200

90年代已識已去過，起碼十幾廿年冇嚟過，好彩呢度冇受呢幾年嘅變化而影響……近排都總是想去食番以前到過啲餐廳，今晚終於有機會，輪到呢度……但太耐冇嚟，已裝修過，冇乜印象以前嘅食物味道……七點前到，想坐卡位所以等咗陣，被安排坐倒窗邊卡位很不錯……我地二人叫咗炸德國咸豬手及美式什扒鐵板餐share……＊羅宋湯濃厚好味＊是日廚師推介～炸德國咸豬手，皮脆，吾錯，伴隨嘅薯條好好味，熱辣辣但又冇炸到脆、吾燶＊什扒餐配意粉（洋蔥汁）～豬扒、牛扒、白肉腸、煙肉、鷄脾仔……豬扒牛扒好腍吾“鞋“，好好味……鷄脾仔肉嫩，白肉腸同煙肉都ok……整體今晚嘅食物也沒有失望……可能太耐冇食，廚師推介嘅吾係餐，冇包冇湯冇飲品，要散叫的……坐卡位舒服，環境都乾淨，卡位前後還有隔板，感覺食得安心，服務也ok……

今個聖誕節，平安夜特登出去食聖誕大餐，帶小朋友去睇燈飾，影吓相去到灣仔附近諗住食西餐啦，不如帶佢哋去我細個公公婆婆成日帶我嚟嘅，懷舊餐廳鋸扒！今日平安夜我都知要等位，我哋仲專登遲啲先去😂🤣諗住唔使排咁耐，點知都要排一個鐘有多😅我哋一行六人等唔到大枱分開枱坐，但小朋友見到鋸扒就感覺非常之有氣氛我叫咗個牛柳，其實我知道佢肉質一般，但味道唔太差，喺平安夜嚟講算叫正常嘅套餐😂佢最出名嘅火焰牛，我哋冇叫因為好重酒味小朋友食唔到，如果鍾意打卡嘅朋友可以叫呢一個

已經差唔多有60年歷史，係一間好平價又有歷史嘅西餐廳，又唔小明星都有去過呢間餐廳食飯，而且2樓窗邊嘅位置可以望到電車街景，好適合節日慶祝食飯😍鐵板餐有九款，當然就叫咗最出名嘅火焰牛柳黎食，條片裏面嘅情景真係睇到我眼都突埋，原諒小編大鄉里🤣🤣牛柳整得啱啱好大概5成熟，肉質好軟糯。但係另外叫嘅炸豬手就比較失望，可能因為本身期望太高，而且屋企人好耐之前都試過呢間餐廳，諗住今次返嚟嘅時候會同以往一樣咁好食，點知佢哋嘅豬手炸得太乾，而且炸粉一般，所以都比較失望😞但係環境同性價比絕對係一級捧👍🏻

細個間中黎呢間鋸扒，當年係一件大事黎架，衣家人大咗，都間中想黎懷舊一下。海鮮大薈有蝦帶子魚柳等，鐵板上。西冷牛扒係廚師推介之一，配燒汁都真係唔錯。呢個係魚柳牛柳雙拼，如果唔想咁Heavy可以叫呢個，起碼有件魚柳而唔係全部都係豬扒牛扒。鑊仔牛柳D牛柳都算嫩，雖然細細件，不過份量都唔算少。Rib-eye肉眼扒因為比西冷扒肥少少，所以又會淋少少，都OK架。當然，整體味道都係一般，尤其是差唔多$200一份，不過呢類舊式扒房買少見少，懷舊一下啦。

今日去左食屹立係灣仔區好多年既老牌港式扒房，相信呢間餐廳係唔少人童年既鋸扒回憶。 上鐵板燒時，侍應會提你拎起餐巾紙，然後先將d淋汁上塊扒到，咁d汁就唔會彈到你成身都係，非常貼心。精選肉眼扒鐵板套餐🙆‍♂️我地一行3人都覺得肉眼扒係3個鐵板餐裡面無論牛扒厚度定係咬感都係最好，只係筋位有d 多。魚柳牛柳鐵板套餐🙎‍♂️魚柳肉質比較實，牛柳質素都okay，薄過肉眼，但厚過塊T骨，完全無筋位👍。T骨牛扒鐵板套餐🙅‍♂️塊扒仲大過個鐵板，但其實好薄，完全無食牛扒既感覺，實在可一不可再。香辣雞翼🙅‍♂️普通炸雞翼，香脆熱辣辣，但無辣味。

波士頓是一間老牌港式牛扒店，新裝修過，價錢也不同了。我哋叫咗兩個火焰牛柳套餐，一個黑椒汁，一個蒜蓉汁。包餐湯和包，仲有一杯飲品。餐湯和包:叫咗紅湯，比較濃味同咸過頭，餐包只係微溫，口感一般。火焰牛柳:賣相十分驚艷！店員先把牛放在一邊，倒上酒精再點火，在熊熊烈火時放在你台面。眼睛先吃！店員會提你先準備好餐紙遮擋濺出的汁，也算貼心。甚本上幾個牛扒餐的牛柳都係一樣，只係煮法不同。建議叫這個比較特別。肉質方面，比想像中軟滑，有肉汁，可以叫三成五成生一點，鐵板會令牛肉再熟點。不過黑椒汁都係比較咸，可能厨師比較重口味。整體來講，用餐過程十分愉快，整潔程度中規中矩。

食物味道普通，忌廉湯夠結身，員工有禮貌，服務態度不錯，但食物質素不值這個價錢，羊架醃得不夠味，牛扒都有同樣問題，薯條尚算可以，飲品一般大路貨色，應該唔會咁快會再去一次。

成班人冇heart, 求其到一個點！收碟砰砰鵬鵬！D嘢飲差，室內油煙味好臭👎，啲杯又邋遢！雖則老鋪但如果老闆想繼續經營唔該換過晒啲夥計試過一次就算以後唔會再去，我唔想po相因為冇晒心機去影冇晒心機去食，嘥我時間

12/3 午餐黎食！ 可一不可再！ 午餐一個餐都要81蚊，仲要加一！埋單要89！ 差唔多成100蚊！ 而且！員工態度差！ 落單求其， 送餐湯黎時，倒瀉晒！ 仲要冇道歉！ 仲要冇玲紙巾黎抹！ 我出聲話要張紙巾黎抹先識攞黎！ 再加上！ 我個鐵板燒好似隔夜咁，塊板係凍既！ 又係我出聲先換！ 個菜式都好奇特！ 個牛仔肉係冇牛味， d汁淋上去，薯條鋪底，係軟淋淋，再浸埋係d汁度！咩餐廳黎？常識呢？最後，連杯野飲個杯都超嘔心！一開始果杯喺杯柄都喺爛，成個杯容容爛爛！ 又係我叫換過杯，但張相呢個杯有眼睇！ 又係污糟邋遢！ 我差唔多俾100蚊，但俾街市都不如既野我！ 仲要服務差！ 加上污糟！ 我知道市道唔好！ 但唔該開得門！ 就做番一間餐廳個樣出黎！ 仲要係午餐100蚊！ 茶餐廳50都好過呢間1萬倍！ 食到成肚氣！

～服務態度勁差～樓下櫃檯呀姐見你入去就問幾位？我：3位(2大1細)/當時5:45pm櫃檯 姐姐：先取飛 再等等、好快 6:05 就入得，只好等候到了6:10 櫃檯姐叫我號碼 可以上去了…..，你們到齊未？當時我先生在門外講電話….，聴不到我叫他…..，我跟櫃檯姐說我先上去吧，她不給我上去說一定要等齊人…..，我說小朋友肚餓坐低會馬上order ……，我邊說邊上樓梯，沒有理會這位呀姐，我和小朋友坐下之後馬上call 我先生叫他快點上來、這邊很煩、一定要人齊才能入坐……！1.我覺得又不是book 了30人只到了一個人？ 就1人你就話要等齊啫！我哋3個人 有2個到咪入得囉…..？原來只客人尺坐一半客人、另外餐廳只坐了一半客人，這是什麼玩法？樓下在等待的很多是老人家來的，可以先讓他們上去先坐下嗎？我們order 牛柳 及葡國雞飯…..、食物質素一般都唔在講…..，只是坐了一半餐廳位置而不再叫給客人坐而叫客人在樓下呆等目的何在？大家心知肚明！

好多年冇黎依度食扒了，今日經開要去想當年，餐廳由以前綠色格仔枱布，變左新裝修，成間餐廳冇以前咁暗忌廉湯加餐飽，餐飽熱上自己加牛油再淋忌廉湯食係好美味呀肉眼三乘熟鐵板上，鐵板後再淋汁，肉唔太生口感係正如果唔怕血淋淋的話，同冇咩根先係重點！火焰牛柳五乘熟，職員拿到枱時著火，小朋友見到覺得十分新奇會著火既牛扒，現在都好小地方可見到了著完火一陣冇晒再淋汁，切黎食依度牛扒都keep到，牛扒冇咩根，外熟內生再配意粉都好夠飽好味呀

今日嗌咗塊鐵板肉眼，其實都好早，得幾張枱有人，上枱時諗住用紙巾遮下，點知冇想像中嘅啫啫聲，鋸都好難鋸到，塊扒又多根又唔熟，得條邊熟食到，係嗌咗三塊鐵板，三塊都唔夠熱！本身想幫襯下老店，呢間blacklist

平時去波士頓据扒多今日食早餐點咗羅宋湯通粉 腸蛋多士 要成$42但凍飲唔洗加錢 個通粉軟硬度適中 好多羅宋湯料腸蛋 煎得好靚多士都整得啱啱好 無燶 脆口好高質 好味 食飽先係Good Morning 👍🏻