波士頓餐廳

營業中

休息中

位於灣仔嘅懷舊扒房餐廳 位置相當方便 當日叫左兩個set 同埋一支酒 埋單嘅時候大概800蚊<羅宋湯>係港式餐廳羅宋湯嘅味道 但係佢係辣嘅<餐包>值得一提個餐包係暖嘅 我見到有個櫃係暖住啲包 值得欣賞既係除咗有牛油 仲有牛油刀<火焰牛柳>哩度菜系視覺嘅享受😂 點餐時有溫馨提示呢道菜有酒 牛肉雖然唔喺最靚嘅牛 但都未至於用梳打粉醃到冇質感 呢嚿牛柳比較厚身 食落有少少牛味 同埋都juicy<精選西冷扒>西冷扒反而比較薄身 雖然大家都係medium rare 但食落比較韌

今晚 Friday night 又嚟咗波士頓~ 火焰牛柳過程全面睇🔥🥩 夠膽講差唔多每枱都會 order 這一道名菜。這是最喜歡的份量兩件牛柳唔大又唔細帶有少少酒香淋洋蔥汁上鐵板發出嘅咋咋聲好有氣氛成個presentation 充滿儀式感又有視覺效果非常夠氣勢！餐前嚟個熱辣辣足料羅宋湯加軟熟餐包大滿足！波士頓未必係新一代嘅拍拖約會打卡的勝地但食個近60年的歷史情懷懷舊一下揾童年回憶呢度有! #波士頓餐廳 #火焰牛柳

尋日同friend黎呢間食lunch扒係好食既 不過服務態度認真差 咪就係嗰個高高瘦瘦既「年輕」戴眼鏡侍應生囉我睇有啲食評都話佢態度差佢落order嗰陣 問我地飲咩講嘢語速機關槍咁 我聽唔太清楚叫佢重複多次 佢即刻就好唔耐煩😂重新講嗰陣仲要皺曬眉 同埋依然機關槍語速 口氣明顯係重左 落完order就一手搶走我menu 心諗 你講咁快 expect啲客會聽得切 ??之後叫佢幫我地影張相 佢依然好唔情願 一副「點解要幫你影」既樣 隻手仲要係fing出黎接我手機That’s very rude actually😂講真 你咁唔想撈 就唔好番工我黎食飯架 唔係黎受你啲氣 專業啲好無

始自1966 年嘅波士頓餐廳🍴食嘅就係嗰種回憶中嘅味道同歷史，波士頓餐廳係香港著名嘅老式豉油西餐，亦係鐵板西餐嘅先驅~嚟到當然係要試吓佢哋嘅鎮店名菜鐵板火焰牛柳，店員會喺你嘅席前將牛柳加上烈酒，經過熊熊烈火嘅加持令牛柳外帶焦香，而入面仲係keep 到粉紅細嫩~而食懷舊港式餐廳係一定要配港式羅宋湯，酸酸夠開胃。懷舊港式西餐個人覺得呢間係好食過金鳳㗎，起碼啲肉唔會比梳打粉醃到完全無曬質感~ 不過裝修上反而比較新淨無咁舊式

歷史悠久的扒房非這間於六十年代開業的 #波士頓餐廳。基本上每次突然想鋸扒的話都會選擇這間。不過當然愈食愈貴吧。但是除了價錢增加外，食物感覺變化還是不大。🥩鴛鴦扒 (HKD 188)  是套餐來所以包括了餐包、餐湯和一杯餐飲。這裡的羅宋湯足料之餘，不會太酸，配餐包吃剛好。鴛鴦扒是豬扒 + 牛柳，選了很惹味的黑椒汁。豬扒很香口軟嫩，牛柳也是非常細嫩多汁加上意粉、薯條和配菜都幾飽。如果肚子還有空位，可以考慮一下吃甜品。🍫朱古力心太軟伴雪糕 (HKD 79)真的有做到流心的效果，而且非常香濃。

之前晚上經過這餐廳，常常都很多人，一直都好想試試。今天，星期六，下午4:30來到，直入不用排隊。原先諗住點下午茶餐，但店員在收起餐牌，在派晚餐鐵板餐牌，沒有其他菜式，可能因為是父親節前一天吧。追問下，服務員才拎午餐餐牌給我們。只有A， B兩款餐，我們都點T骨扒餐，不能要求牛扒生熟程度。T骨牛扒來到，肉的部份很難据開，十分硬實。而且份牛扒，超級多肉筋，跟本砌不開。雖然我們點的是比較平價的午餐，但相比其他一般茶餐廳的牛扒，也未試過這樣差的肉質。以後不用對這餐廳有期望了。

肉眼扒冇要求嘅都會覺得唔ok。D肉醃到進入化境，又紅又淋～街坊level 既金鳳或者polka 牛扒餐好好多。呢間性價比超低😮‍💨芝士肉醬焗意粉感覺成口粉🤢，唔知係咪肉醬用太多麪粉撈定係意粉煮得耐，D starch 出哂黎⋯味道冇特別到冇嘢講成個餐牌得前菜、沙律、鐵板餐（牛肉/非牛肉），焗飯意粉幾大類⋯⋯叫最普通嘅2樣嘢都瀬嘢😪好多人講係兒時回憶，如果唔係黎食回憶嘅，唔需要試～抱住試下老店嘅你會失望😔

波士頓餐廳@灣仔🌟依家係一間傳統嘅港式扒房，係小朋友嘅回憶，細細個屋企人成日帶我哋去食，今日就去慶祝屋企人生日，焗田螺就冇乜大特別，配埋普通嘅薯蓉，可以唔叫。反而佢嘅T骨，就非常有風味，我哋叫咗五成熟，加埋黑椒汁，同埋佢本身叫嘅薯菜，成件事非常好食，我哋叫咗意粉，整體嚟講成份餐都幾大份，不過價錢就唔係真係太平，以回憶講都可以接受嘅，大家可以考慮一下。另外餐湯有少少咸，唔係太推薦。好食程度（5粒🌟）🌟🌟🌟🌟抵食程度（5粒🌟）🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

已經好耐冇到訪過波士頓餐廳，今次我哋決定去懷緬吓兒時嘅回憶，睇吓味道係咪同以前一樣。首先，餐包有溫度，餐湯都幾好飲，足料。主菜方面，我揀咗精選肉眼扒配黑椒汁，五成熟。而另一半就揀咗火焰牛柳配蒜蓉汁，都係唔成熟。一開始食嘅時候，個侍應會俾你見識下名副其實嘅火焰牛柳，而食肉眼扒應該嘅時候，侍應亦都會好細心提醒你要用紙巾擋住面前好熱嘅鐵板。正所謂一熱遮三醜，一開始食嘅時候覺得味道還好，當食到差不多一半嘅時候，就感覺到餐廳用咗梳打粉去醃腍啲肉。餐飲方面，我哋都係飲凍奶茶，偏甜多奶。總括而言，今次純粹係想懷緬吓以前食西餐嘅感覺同埋味道。味道冇變，值得一讚嘅係侍應嘅服務態度，有禮貌。

冇得講，呢度係情意結，就算餐廳變得幾咁殘舊，呢度嘅鐵板餐都係好味！霓虹燈，喺灣仔裏邊有好多霓虹燈已經拆卸，但係呢個波士頓餐廳霓虹燈仍然存在！老一輩應該非常喜歡！門口都係一樣！餐湯選咗紅白兩款有餐包！熱辣辣！鐵板餐依然大大份，可以選擇薯條或者係飯或者意粉！上鐵板餐時SaSa聲，需要用一張大紙巾遮住前邊，等啲汁唔可以彈到自己！食咗鴛鴦扒餐，魚柳餐，海鮮雜扒！味道如一！睇住 啲 餐具 同埋 蕃茄汁，李派林喼汁！非常有童年回憶！學生時代最喜歡！

之前系哩度食過早餐都幾滿意，今日特別來試午餐，比較失望，尤其是服務。服務— 午餐得4款選擇，吾多，本來有一個好想食的牛仔骨，可惜一叫佢話無曬,吾睇玩野啊！1213叫午餐牌野話無，離譜，佢話轉牛柳，本來算數，但到上餐時聽道同一個waiter話剛剛有返，但我果個吾轉得返。—  有一個年輕高瘦的waiter服務態度好差，仲幾寸。— 人手系非常足夠，但每個人都無笑容，香港服務業好難追到深圳。裝修系之前食評寫過，window seat，喜歡懷舊氣氛就OK性價比今日吾高，只要系服務差餐包(1分)—吾軟熟菜湯(1分)—以老牌餐廳來講，真系比較失色，吾夠菜吾夠辣吾夠色。泰式豬手飯配酸菜($96)4分—豬手好淋好入味，酸酸l微辣吾黐牙—酸菜就一般般烤牛柳燒汁($103)1分—$103得好細塊又薄，睇隔離果檯後來叫的牛仔骨差不多放滿一隻碟，梗系吾滿意—又無問幾成熟，收咁價錢無理由吾問，來到熟到不得了。—意大利粉吾彈口

係灣仔想帶老婆食牛扒,諗住試一試佢上到去原來午餐得3款可以揀🥲叫左兩份牛扒set lunch $110首先見到個餐包有小小發霉,當睇唔到搣咗佢西湯差,菜水咁🫠酸到不得了牛扒黎喇,以為有咩咁出名肉質韌到不得了,用刀都好難切得開肉嘅質素好差牛扒尾段有個位舊厚身小小,完全唔熟🤢入邊係生肉咁,唔係幾成熟,係完全唔熟我好肯定我自己煎牛扒一定好食過佢好差好差,我一定唔會再去食,不知所謂仲要加一服務費,仲話老字號西餐廳

抵食window seat”早餐”系灣仔食過好多間餐廳早餐，哩間老牌餐廳“早餐”真系好抵食。今日差不多9點去到，好多客人都陸續落樓離開去返工，所以上去好多檯都未執，大把位，但做低啊姐好快就埋來搞掂。哩間餐廳話1966年開始有，當然吾知道現在的裝修系幾時搞啦！但有一定歷史，但又無d舊鋪臭味，難得。而且環境很大，大部分有window seat, 但d卡位已經凹陷，但影響不大。扒餐只收$42,仲可以有一丁，又有另外兩個配餸,灣仔一定無，同level其他地方未搵到，其實哩間肯定比普通茶餐廳level 高。早餐都比個鋸趴刀，好過癮啊！咖啡比只細杯仔，好似好高級，但味道都中上。豬趴吾多醃料，又吾系死炸，似煎，幾好肉味。一丁比其他茶餐廳似真一丁，有彈力。

1.港式西餐一早已經唔再係潮流飲食之選，懷舊亦唔係長遠吸引食客嘅原因，能夠屹立至今嘅都一定有其原因。2.細個時由屋企人帶住嚟波士頓餐廳，而家就同另一半用大人嘅味蕾嘗嘗兒時回憶中嘅味道。3.身邊人話要試火焰牛柳，我就點咗精選牛柳配蒜蓉汁。4.先講個紅湯，有時啲餐廳無論紅湯白湯都好似只係心意心意象徵式有個餐湯，無話好飲唔好飲，呢度嘅紅湯飲落有陣清香，係加咗檸檬皮嘅效果，原本以為檸檬皮會好澀，點知！咬落一啲澀味都無，加分。5.上枱時，啲汁淋上鐵板嗰陣咋咋聲真係好好氣氛，但又唔會彈晒油搞到好狼狽。6.火焰牛柳作為重頭戲係當之無愧，其實唔係話太花巧同浮誇，待應處理得更像是斟杯茶般常務工作，但看著火焰開始至慢慢熄滅呢個場面看著還是小壯觀的。7.2份牛柳都點咗5成熟，肉質淋滑但唔係梳打粉醃到了無生氣嗰種質地，火焰牛柳更帶點酒香。薯條仲係波浪粗薯條，開心。8.另外點咗個田螺薯蓉，略油。9.回頭指數：🌝🌝🌝🌝🌝

我接觸這港式扒房的時間相對較短, 就是在第一份工作的時候, 這裏是我的飯堂, 因為方便而私隱度比較高, 這裏提供的就是如金鳳及森美等港式鐵板牛扒, 肉質當然不能和高級扒房媲美, 但給我們的就是童年時的回憶感, 第一是將黑椒汁放入鐵板上發出渣渣聲的聲音, 第二就是用上特大塊的紙巾當作餐巾圍着頸子, 除了防止黑椒汁彈在自己身上, 也有一種高級西餐的虛榮感.除了鐵板牛扒外, 這裏的火焰牛柳是其他港式扒房沒有的, 將牛柳插在不鏽鋼條上, 當然之前經過處理,在上碟之前淋上烈酒作最後燃燒, 吃起來有少少酒香, 但最重要的當然是視覺效果. 同樣的處理方法, 也在經典甜品火焰雪山上可以見到, 這裏的是傳統的大塊兒, 表面的蛋白微微烤香, 內裏是朱古力蛋糕和雪糕, 以我現在的年紀當然吃不消, 但人越大就是想找回這種回憶.