泡泡麵館小廚

營業中

休息中

今日我和同事選擇了這家新開張不久的麵館食午餐。這家位於觀塘商廈內的食店地方寬敞，好有空間感。這裏主要提供廣東/京川滬/粉麵飯，價錢也公道，吸引不少附近工作的藍領和白領，是午餐的熱門選擇，食客絡繹不絕。我選了招牌⭐️胡椒豬肚雞花甲湯麵，一上桌便聞到濃郁的胡椒辛香，乳白色雞湯浮著少許金黃雞油，雞件嫩滑，豬肚好爽口，吸飽了雞湯精華，花甲脹卜卜無沙好鮮甜，麵用上台灣扁麵，麵質爽彈，真的有驚喜。另一碗叫咗⭐️花膠雲吞雞湯麵濃郁的雞湯，同樣是彈牙的扁麵，兩件清透的花膠，入口有黏唇感，夠滑溜，雞件鮮嫩，上海雲吞餡料飽滿夠味，真材實料只係$88，好味抵食😋我們還叫了兩個小食，紅油抄手，一碟有六隻，蒜香紅油配搭雲吞，微辣，超好食。土匪雞翼，炸得皮脆肉滑，濃厚孜然味，雞翼面灑上少許辣椒粉，重口味😂加$2熱飲加$4凍飲熱菜蜜、凍檸茶，味道正常。呢餐食到好飽，滿足😊

最近去咗一間新開嘅泡泡麵館，個湯麵真係好有驚喜！超級推介大家去食😋😋餐廳位置比較隱蔽，喺駿業街嘅商廈，今次我哋都係誤打誤撞發現到😆溏心燻蛋蛋黃流心，咬落去滑溜又香濃，搭配少少鹽，味道更加突出，真係好正😋陳醋青瓜白木耳呢道小菜清新可口，青瓜脆口，白木耳滑嫩，淋上陳醋，酸酸甜甜，食完之後好開胃，真係好適合配麵🤩泡泡招牌小籠包一咬開就見到湯汁流出，肉餡鮮嫩，味道香濃，皮薄得嚟又有彈性，真係一口一個，根本停唔到口🤤上海排骨湯麵上海排骨湯麵嘅湯底濃郁，排骨炸到外層鬆脆香口，肉又juice又夠嫩，麵條吸收咗湯汁，食落去好有味道👍花膠雲吞雞湯麵湯底非常清甜又濃郁，雞肉嫩滑、花膠嘅口感滑溜，雲吞餡料豐富，湯麵搭配埋個湯底真係冇得頂🤤🤤真係要試吓🙌📍 泡泡麵館小廚 (觀塘)觀塘駿業街64號南益商業中心6樓C室#隱世餐廳 #必食推介 #觀塘美食 #湯底濃郁 #泡泡麵館小廚 #駿業街美食 #性價比高

喺觀塘想食抵食又好味既麵館，「泡泡麵館小廚✨」真係唔錯～ 佢哋提供多款美味嘅上海拉麵同埋菜飯，仲有多款小食，價錢又實惠👍🏻「胡椒豬肚雞花甲湯麵 🍜」湯底用豬肚同雞肉煲出嚟，味道濃郁，花甲嘅鮮味，令整碗麵都充滿香氣，加上胡椒味，帶出一點微辣，非常惹味👍🏻「招牌酸菜魚湯麵」用咗新鮮嘅魚片，酸菜魚湯底味道酸酸辣辣，非常開胃，魚片滑嫩，搭配拉麵一齊食，好有滿足感「蕃茄牛肉湯麵」蕃茄湯底酸甜適中，牛肉煮得剛剛好，軟嫩多汁，配上麵條一齊食，鮮甜好味🍅「上海小籠包」小籠包皮薄餡靚，咬一口就有湯汁流出，味道鮮美🥟「陳醋青瓜白木耳」開胃嘅選擇，青瓜爽脆，加上白木耳嘅口感，陳醋嘅酸味，真係解膩又清新，適合配合主菜食。有時間一定會再去👍🏻

老豆之前同同事食過讚不絕口，星期五晚決定點都來試下新餐廳！上樓入咗去見到餐廳空間超大，不過冇乜客食緊？問左員工其實可以打電話預訂小炒烤魚，冇預訂就好似我咁同下午個餐牌一樣～上海排骨菜飯 $65呢個CP值超高！超大塊豬扒，其實適合兩個人食用😂炸得酥脆，肉質唔差，配埋菜飯簡直一流～❤️碌鵝飯 $？？抱歉唔記得價錢😂佢又係做得超好，啲碌鵝夠滑身，調味都好正，到時夜晚唔食飯嘅我都食咗超多⋯❤️胡椒豬肚雞花甲湯麵 $78個湯底好鮮胡椒味重而不辣，空口飲都冇問題，絕對唔係味精湯；花甲非常新鮮，脹卜卜又大隻，豬肚亦都清洗得好乾淨，雞就因為係雞胸，所以冇想像中咁滑酸菜牛腩湯麵 $68絕對係重口味之選，好濃郁嘅湯底，好好餸麵/飯，雖然牛腩冇想像中咁大嚿同埋咁多粒，但整體都係好食脆皮春卷 $32春卷皮夠薄炸得亦都非常脆，不過個餡料係齋，冇肉的😂泡泡上海小籠包 $38小籠包個皮做得夠薄，亦都有湯汁，豬肉亦都調味得好好👍🏻❤️家鄉蔥油餅 $38根據我阿媽老豆嘅評論呢個做法係超正宗傳統，咬落唔係完全脆晒，仲保留到個餅嘅鬆軟口感，無返咁上下功夫都做唔到，個人都係覺得超級好食，必食之選❤️總結：其實樣樣嘢都做得好出色同埋有

真心唔錯，除食物好食同低食之外，環境、廁所都舒服乾淨👍👍👍約朋友食飯而家真系好難搵到一間可以唔會成日想趕你走嘅食店👍👍👍尋晚同班fd吹水到夜晚12點幾先走😄老闆同d火記都非常好服務態度，老闆仲話夜晚都可book私房菜，下次朋友生日同 gathering 會再去🎉🎉🎉

今日中午發現駿業街新開了一間麵店值得推介一試，地方寛躺，價錢相宜，消費平均每人五六十蚊。 點了蔥油排骨麵 排骨味道不錯 另外一個係胡椒朱肚鷄麵 胡椒味很出 湯亦好飲 最後點了小龍包 雖然不是很出色 但價錢便宜仍可接受。 整體來講呢間麵店性價比高 店員服務態度友善。

今晚來到觀塘工業區尋覓食本來想去食一間咖哩湯食嘅經過工商廈的樓下見到有位靚女在單張我看完之後就決定上了去探新店點知都有一點驚喜😊#花膠魚肚零吞湯易麵👍🏻好足料#上海排骨菜飯 排骨夠鬆化😄#自家梅菜扣口肉飯 肥而不膩的感覺因新張誌慶贈送一客 #上海小籠包味道正正常常😬服務態度非常好好原祝貴店生意興隆