河內越式料理

營業中

休息中

必食豬扒🐷生牛肉🐮🍜大大份正宗越式料理🥢🌴河內越式料理（尖沙咀）好耐冇食越式料理，今次嚟到尖沙咀，地鐵站A2一出，就見到哩間餐廳，哩間餐廳我地之前都食過好幾次😉佢除咗選擇多，味道唔錯，份量仲夠曬大，啱曬大胃王既朋友仔😙我地叫齊主食、小食、飲品，兩個人埋單都係$200左右，性價比都幾高🤭大家都食到捧住個肚走～✨ 河內生熟牛肉湯河粉 $68大大碗既河粉，一上枱好香既越式香葉味，牛肉大大片🐮顏色仲好粉嫩，食落牛味好香，肉質嫩滑，吸附上滿滿既湯汁🥰配上新鮮青檸檬汁，味道更清新👍🏻食完超飽，份量多到差啲食唔曬🤣✨ 越式香茅豬扒撈檬 $64講到越式料理，我最鍾意食撈檬😋酸酸夠開胃，充滿夏日既氣息🌞估唔到佢嘅香茅豬扒超大塊，煎得金黃香脆，食落超腍滑，真係好少食到咁出色既豬扒🤩👍🏻👍🏻✨越式炸春巻（2件）$23春卷炸得金黃酥脆，入面有木耳絲、紅蘿蔔絲、豬肉等等，出食落一啲都唔油膩，口感好清爽，充滿越式風味😋✨香茅雞翼（2件）🐥 $22雞翼上佈滿香茅等越式香料，味道好香好吸引，煎得好金黃，雞肉很嫩，保持肉汁，越食越上停唔到口🤭✨鮮芒果西米露 +$12新鮮芒果果然好鮮甜，椰汁味好香，粒粒果肉配上椰汁西米

尖沙嘴河內越南料理交通勁方便，尖沙嘴A2一出就係，禮拜五黎勁多人。呢碗牛三寶河粉裡面有牛展、牛丸同生牛肉，牛展肉質鮮嫩多汁，牛丸口感彈牙，生牛肉切得好薄，一入口即化。湯底清澈爽口，有淡淡嘅牛肉香氣，湯底清而濃味。我同朋友仲試咗佢哋嘅炸春卷同炸蝦餅。炸春卷外脆內軟，裡面嘅蔬菜豐富，真係好好味嘅開胃小食。炸蝦餅係外脆內嫩，好彈牙。我同朋友叫咗杯青檸梳打同椰汁冰做飲品。青檸梳打清新帶勁青檸味，微微酸甜，好解渴。椰汁冰就係正常發揮。總括而言，尖沙嘴河內越南料理味道正宗，價錢非常抵食，生意都好旺，值得再黎。

嚟呢間餐廳會有選擇困難症，因為佢款式多籮籮，有湯麵、撈檬粉、飯類、米紙卷、特色小食等等，好啱叫朋友一齊食！特別推薦每次必點嘅：順化番茄蟹肉扎肉湯檬$69番茄湯底濃郁得嚟又非常甜，仲有少少蟹肉味令個湯變得更鮮甜。而蟹肉、扎肉、檬粉嘅份量偏多，作為晚餐都非常夠飽！

一直都好鐘意食越式野🥰清清地又得 濃味又得 視乎自己果一日既心情😍係尖沙咀搵到一間好食又平民價嘅越南餐廳 真係非常值得再食✐極品牛三寶河粉 湯頭清徹 有濃濃的牛肉香味🫶🏻生牛肉、牛丸、牛展表現不俗 會附上青檸仔同埋辣椒並配搭上洋蔥絲、金不換、蔥花👍🏻令成個河粉味道十分豐富😋✐魚露雞扒蛋飯 雞扒炸得酥脆😋有淡淡魚露味 ✐越式炸春卷 現炸皮薄酥脆 餡料十足裏面有肉碎、甘筍絲、木耳絲、粉絲 清新不油膩👍🏻✐越式炸蝦餅 脆口彈牙 沾上甜辣醬更惹味🥰✐椰汁紅豆冰&椰汁珍多冰 椰汁味重、大大杯

係尖沙咀行完街街，就近搵間餐廳醫肚，見到呢間越南野好似幾好阿，入面滿晒座，要等位都試一試啦。 🍴極品牛三寶湯河粉有生牛肉、牛𦟌、牛丸3款肉都唔錯有大量葱 洋蔥同薄荷 好清香湯底清甜 一定唔少得唧埋青檸汁落去加添少少酸味仲正 🍴越式香茅豬扒撈檬夏天最啱食撈檬蔬菜爽脆 加上酸甜嘅醬汁超清爽豬扒都幾大塊 好香口 🍴越式炸春卷外層勁脆卜卜 係薄脆嘅餡料好飽滿 🍴越式炸蝦餅外脆內軟點埋甜辣醬食好好味 🍴椰汁紅豆冰🍴椰汁三色冰唔會好甜 夠晒大杯

🐮極品牛三寶湯河 $72🍝越式豬頸肉撈檬 $66🦐越式蝦餅 套餐+$32🐖越式香茅豬扒 套餐+$24🧋冰鎮凍奶茶 +$10🍋凍檸水 +$8🔸一間成日都滿座嘅親民越南嘢，餐牌選擇好多，要乜都有😎今次試咗個越式豬頸肉撈檬，肉質好口感好好，每啖都保持到肉汁，而且好香口，份量都多❤️牛三寶湯河啦啲生牛肉好滑好嫩，同埋湯底好鮮甜，仲有啲牛丸同牛展，水準同樣十分高👌🏻🔸小食方面香茅豬扒就好香，同埋啲香茅味好濃郁！蝦餅表皮好脆，一咬落去，好有口感，而入面嘅蝦肉係多同厚身😄🔸最後呢度有冰鎮凍奶茶飲好正，一路飲都唔會變淡，值得一推👏🏻

間唔中都想食下越南野，可能時間早，經過唔駛等位就試試先。⭐️生牛肉湯河粉 $60湯頭幾清甜，份量偏細，女孩子食應該岩岩好，牛肉偏韌。⭐️酸辣無骨鳳爪 $75有少少失望。酸辣味係有，但只限個汁，咬落去係冇味，要每啖點汁咁食😅⭐️鮮芒果西米露 +$12椰汁西米露+芒果粒，飲唔到芒果味🥹

🩵尖沙咀·河內越式料理🩵餐廳環境算大 座位都幾舒適 做街坊生意食物選擇多CP值幾高❤️❤️多數$60-90已經食得滿足😌除咗有招牌牛三寶湯河/河內招牌豬扒飯仲有其他咖喱飯/撈檬/湯河粉🍲極品牛三寶湯河 $72一碗有齊晒生牛肉+牛腱+牛丸牛肉仲係半生熟 幾細心 預埋上枱時間剛好食得👍🏻👍🏻牛腱厚身但軟腍 牛丸彈牙爽口牛骨味幾鮮甜唔會好鹹 飲完唔覺得口渴/油膩啲河粉彈牙薄身幼滑 份量好多😱🤩同朋友share都夠食越式咖喱牛腩飯 $64越式咖哩唔似泰式咁重酸辣味 運用食材中和辣度 帶有淡淡嘅椰香味 食落好有層次👍🏻餐廳嘅牛腩都夠軟嫩 間中一兩嚿幾有咬口份量都唔少 同咖喱係好朋友 送飯唔錯特別適合香港人口味😌😃越式炸春卷 $23炸春卷有兩件 餡料夠多夠大件💁🏻‍♀️最緊要熱辣辣上碟🔥皮薄超脆又唔會好咸 冇乜味精入面餡料有木耳+紅蘿蔔+豬肉 點埋個越式撈朦汁食酸酸甜甜仲好味😎香茅雞翼 $22雞翼炸得剛剛好非常香口 食到流曬口水咬落香脆之餘仲有陣陣香茅味雞肉肉質鮮嫩唔乾 得2隻唔夠盡興😋😋鮮芒果西米露 $12加$12就可以配搭特飲 當埋飯後甜品😁轉做特飲都幾有意思 飲落有好多芒果粒椰汁味道唔會過甜 西米

極品牛三寶湯河粉❣️生牛肉、牛展、牛丸賣相：🐧🐧🐧🐧🐧味道：🐧🐧🐧🐧🐧湯河湯頭的牛骨味道濃郁，熱度十足，迅速燙熟鮮嫩的生牛肉片，入口牛香四溢，軟滑可口。湯河另附有不少配料，包括蔥絲、金不換、洋蔥絲和芽菜，令湯河清香又開胃。順化蝦餅撈檬賣相：🐧🐧🐧🐧🐧味道：🐧🐧🐧🐧🐧大件蝦餅切件送上，炸得金黃香脆，內裡蝦肉滑彈爽口，鮮味十足。餐廳提供多款醬汁，例如魚露、酸辣醬等，可按個人喜好加到撈檬內調味，自由度極高。越式炸春卷賣相：🐧🐧🐧🐧味道：🐧🐧🐧🐧🐧炸春卷火喉剛好，炸得油香四溢，不會過於肥膩，外皮薄脆香口，內餡鹹香富嚼口，沾上酸辣醬超級對味，必食推薦。越式豬頸肉賣相：🐧🐧🐧🐧味道：🐧🐧🐧🐧🐧豬頸肉烤得焦香惹味，又不失軟嫩，不會過乾過韌，配搭百搭酸辣醬汁，風味絕佳。熱情果梳打椰汁紅豆冰賣相：🐧🐧🐧🐧🐧味道：🐧🐧🐧🐧🐧熱情果梳打微微酸香，清爽鮮甜，解膩消暑一流。椰汁紅豆冰甜度適中，椰香味濃，紅豆又多又軟，入口冰涼清香，降燥又爽口。環境：🐧🐧🐧🐧餐廳以綠色作主調，裝橫壁畫富越南特色，風味十足。🐧❤️結語：清新美味越南粉麵，夏日消暑必食。

我好鐘意去越南旅遊，咁多個地方，我自己其實最鍾意河內，咁啱得咁蹺，香港我最鍾意食嘅越南餐廳個名亦都有河內兩隻字！相對嚟講，呢間餐廳啲價錢好親民，食物質素都有保證，食物選擇亦都好多，不論係飯類，粉類，小食，三文治或者飲品，每一樣嘢都有好多選擇。今日要左順化番茄蟹肉扎肉湯檬 $69同極品牛三寶湯河粉 $72。最鐘意番茄蟹肉湯底好濃番茄味，至於極品牛三寶個湯底都特別清甜，有生牛肉，牛展同牛丸，超級豐富！兩個都追加左小食，包括左個細越式炸蝦餅 $32同個細越式豬頸肉 $32。蝦餅好脆口，豬頸肉口感好好，調味夠。天氣咁熱，當然要叫返杯凍飲，就要左杯鮮芒果西米露 $30當埋甜品。

餐廳客人都是滿滿的，車水馬龍，人流不絕～順化番茄蟹肉札肉湯檬～湯檬的肉碎超多，有惹味的鹹蝦醬味，拌麵吃一流，而湯檬內還有鮮蟹肉、札肉及豆卜，豆卜吸了湯汁更美味～河內招牌豬扒飯～有一大片豬扒，豬扒鬆軟好吃，還已幫忙切件，很方便吃，非常貼心～越式炸蝦餅～是套餐加購的，份量也不少，有4件，炸得很香脆，內裡Q彈～上湯勺田園蔬～是生菜來的，也是套餐加購換的，份量也不少～龍眼冰～超多粒龍眼，差不多半杯都是龍眼肉，飲品內還有大量杞子，甜甜的，很足料～

今次呢一間係位於尖沙咀堪富利士道地下嘅越式餐廳佢係叫做河內越式料理齋睇餐牌其實佢都幾豐富餐牌設計都唔錯又有圖又有相我覺得有圖嘅餐牌都係其中一個優點嚟嘅因為可以大概知道你係將會食緊啲咩啊賣相會係點呀之類佢係類似有湯有飯又有小菜嘅粵式料理啊而我哋最終係叫咗兩碗湯河粉一碗係豬扒湯河而另外一碗就係生牛肉湯河兩個人食嘅價錢係152即係平均每人76咦越南湯河嚟㗎呢就唔算特別華泰平嘅因為越南湯河都係比較廉價嘅食物嚟嘅而佢重點嘅豬扒同牛肉都唔係話特別出色但係晚餐黎講可以接受味道亦都唔錯嘅

之前喺佢另外間分店食過都唔錯，今日就去近啲既河內分店食lunch～-越式咖喱牛腩飯 $64之前成日都食撈檬或者湯河未試過食飯今次就試吓先佢啲牛腩都炆得幾淋啲咖喱唔辣偏甜撈飯一流😋-牛肉撈檬 $64平時成日都覺得佢哋份量好多今次記得少檬粉佢哋啲檬粉幾好食幾爽撈埋啲酸汁越食越有胃口👍🏻牛肉比啲醬汁包住又唔鞋幾好食～-香茅雞翼（2件) $22啱啱炸起仲保留到好多肉汁🥰-越式炸蝦餅 $32好鍾意佢哋嘅炸蝦餅外酥脆內彈牙調味亦都好岩我口味😍-椰汁綠豆冰 $12椰汁椰果西米露 $12兩杯飲品都幾好飲唔會太甜椰汁味都好香☺️

河內越式料理尖沙咀堪富利士道10號地舖近來食得煎炸嘢多，想簡簡單單搵越南菜食，第一時間就想到河內越式料理。呢間越式餐廳，鄰近尖沙咀地鐵站，店內地方闊落乾淨好坐。必食招牌牛三寶湯河，有生牛肉、牛丸及牛展，牛丸爽口彈牙，食入落口索索聲，好好味，好有口感。牛展好入味，食落口好似返咗越南，好有風味。而生牛肉可以慢慢浸湯之後變熟，河粉同牛骨湯好配合湯底清香，有好濃郁牛肉味，再飲一啖秘製湯底絕配好食都唔識講嘢。蝦餅撈檬蝦餅金黃軟熟熱辣辣，非常新鮮，感覺似即叫即炸，配搭撈檬、魚露同啲甜酸醬酸酸辣辣好可口十足清新。呢間越式餐廳，經濟實惠，食物質素相當唔錯，喺我心目中值90分，值得推介

今日喺尖沙咀突然間好想食越南粉麵然後喺OpenRice度發現呢間越式餐廳有好多個舔舔脷😋一個喊樣都冇於是就入咗去試即使已經係下午接近兩點餐廳依然滿座證明呢間餐廳的確幾受歡迎因為落雨嘅關係 我拎住咗把濕嘅縮骨遮門口姨姨好殷勤咁開問使唔使俾個袋我裝住 super nice🥰最後叫咗香茅豬扒河粉河粉份量十足👍🏻而豬扒係另上的豬扒好香口煎得啱啱好唔會乾爭爭得條細骨 唔會有太多肥肉總結：性價比極高嘅越南餐廳，下次會再嚟試其他食物😇