河內越式料理

營業中

休息中

好耐冇食過越南粉，突然之間好想食生牛肉河見到menu入面除咗有生牛肉河仲有極品牛三寶梗係要試下啦生牛上碟時半生熟，有厚度之餘，肉質亦鮮嫩，牛肉湯香味撲鼻而來，配搭九層塔等香料味道更是非常清新；至於牛丸，肉質緊緻細膩，入口時鮮甜肉汁更大爆發，口感豐富，牛展結實、且佈滿了牛筋，肉味濃。就連河粉吸湯能力也非常出色，每啖都鮮甜可口！順化豬肉捲撈檬豬肉卷外層香脆，有著嫩中帶Q的口感， 撈檬加埋青瓜，紅蘿蔔絲 一齊食更加清新，再慷慨地澆上酸酸甜甜的「碌冧」👍🏻小食叫咗香茅豬扒外層香口吃下啖啖肉又鬆軟，超滿足椰汁三色冰梳打青檸唔會好甜啱啱好

同友人尖沙咀行街，突然想食檬粉🍲就搵左一間越南野食！一入去，嘩！勁多人，感覺應該唔太差😋餐廳內部都裝修得好有越南既特色！！侍應好有禮貌，亦會介紹咩係熱門野，仲介紹我食順化蕃茄濃湯蟹肉扎肉檬粉，見到隔離都有人食緊，所以決定試下佢啦👍🏻😂好快野食就來到，一擺低勁香蕃茄味，好多蟹肉🦀🦀，抵食！湯頭好濃郁，甜甜蕃茄味，果然冇介紹錯！🍅🍅仲有兩舊豆卜吸晒啲蕃茄湯汁，一流呀👍🏻👍🏻👍🏻我仲加左青檸汁同好多辣椒仔入去，辣辣地好惹味！入面有三塊扎肉，食越南野必食！蟹肉撕成一條條，碎上，撈埋檬粉食，正！😋飲品方面試左蜜糖桔仔冰，勁多桔仔🍊🍊，甜甜酸酸，開胃得來又解渴！唔錯👍🏻

Hello readers,Great value I must say. I ate the tea menu price. Chicken with Vietnamese vermicelli. Quite tasty and fulling. On the side, there were given chili chopped with a piece of lime.Which really hit the spot. Cos the broth is basic, not spices. I haven’t eaten Vietnamese PHO for sometime, so I forgot the broth contains a hint of sweetness. Which was sufficient enough. Will surely visit next time. Tea Menu if you order the meal. Drinks are at reduced price. Thank you for read

難得得閒去尖沙咀，又唔知食乜好，見到呢間越南嘢，都幾多人去食，不過好彩唔使等位，入到去環境都唔錯，兩個人每人叫咗一碗粉麵，追加左兩個小食，加一杯嘢飲起初仲以為正常粉麵大細，一嚟到見到係兩個頭咁大嘅碗，份量好足，好抵食，炸雞翼雖然要成10蚊1隻，但好嫩好Juice 👍👍另外一個小食係春卷，春卷入面嘅材料都好豐富，有冬菇、紅蘿蔔、仲有好多材料，食完口感好豐富。嘢飲龍眼冰就比較偏甜，唔想飲咁甜嘅朋友可以試吓走甜。如果下次經過，大家可以過嚟試吓

尖沙咀假日不用等位的餐廳～本來沒有太大期待，想盡快醫肚就算但都有驚喜😜1. 308 順化蕃茄蟹肉扎肉湯檬 $69推薦指數：⭐️⭐️⭐️算係一眾普通牛肉湯底突圍而出嘅湯麵～一入口有蟹味，不過蟹肉略少，加三塊扎肉仔，中規中矩嘅味道～2. 301 河內生牛肉湯河 $60推薦指數：⭐️⭐️⭐️都係中規中矩，可以想像到嘅味道😜友人推薦可以牛肉湯加撈檬嘅酸汁，大讚好味🤣大家可以一試！3. 501 越南炸春卷（追加小食）$23推薦指數：⭐️⭐️⭐️入面有菇、蘿蔔等等嘅料，炸得好香脆！但味道冇咩特別～要靠點醬先有少少味！想食下香口野都可以叫。4. 502 香茅雞翼（追加小食）$22推薦指數：⭐️⭐️⭐️⭐️⭐️雖然雞翼好細隻，但佢個皮炸得好香脆👍🏻雞翼入面仲保留到個種juicy嘅肉汁感！大推！！！5. 217 龍眼冰 $30推薦指數：⭐️好甜！太甜！叫左少甜都係超甜！龍眼好冧，冇咩咬口🥹總括而言，呢間餐廳表現中規中矩，如果假日唔想排隊想快啲食野落肚，又唔想太伏，都可以嚟呢間！整體指數：⭐️⭐️⭐️

尖沙咀堪富利士道越南餐廳，中午食飯推介👍🏻👍🏻 食物選擇種類多，價錢親民，而且上餐速度快，啱晒尖沙咀返工食✨//越式炸蝦餅//外層嘅面糊炸到香酥可口，咬落去口感彈牙//豬扒湯河//味道很好吃😋湯底足料，有白蘿蔔、芽菜、生洋蔥等湯底清甜。豬扒不會炸得很乾，醃得好食//豬頸肉撈檬//燶邊豬頸肉夠晒香口，點上泰式醬，再加魚露汁撈檬，味道不錯～有時中午夜晚諗唔到食咩，一碗粉麵再加小食再加特飲，都係百幾蚊有找✨👍🏻 親民之選

尖沙咀鬧市中抵食之越南粉✨越南河粉、撈檬、飯類、小食、飲品，全部都抵食，而且份量都好大份，味道也很好味！👍🏻《極品牛三寳湯河粉》$72極品牛三寶的食材包括有餐廳招牌的生牛肉，另外亦有牛展和牛丸，喜歡吃牛的朋友可點這款，大滿足的選擇，河粉的香料也很足，香茅葉的香味也很香！《越式扎肉撈檬》$60不吃牛，可選其他食材，豬肉、春卷、香茅豬扒、雞翼、蝦餅、軟殼蟹⋯⋯⋯很多選擇呢！是此我點了越式扎肉，自行倒入酸味味的越式醬汁，涼爽的撈檬完成！👍🏻另外可追加小食。《越式炸蝦餅（細）》$32《越式豬頸肉（細）》$32小型份量的越式小食，為主食增添色彩！蝦餅烤得很外脆卜卜，內裏很彈牙！而豬頸肉很大塊！👍🏻飲品也很有越式風味！《龍眼冰》$30《椰果椰汁西米露》$30

連續2個禮拜五都冇出去食晚飯，今晚卒之冇打風冇黑雨，可以出去食飯，好耐冇食過越南河粉，今晚去尖咀呢間試吓。我同老公一人一個小食、湯河加杯嘢飲，好似個餐咁，一如以往，叫黎一齊share。順化蕃茄蟹肉扎肉湯檬$69個蕃茄湯底都幾香濃，蟹肉份量都ok, 食落味道好鮮，個扎肉爽口，湯檬份量好多，最喜歡有大量肥短芽菜。順化豬肉卷湯河粉$66個湯河粉口感順滑，湯底濃郁清甜。d豬肉卷幾特別，惹味不過又唔熱氣，真係好好味，如果有多幾件就好了越式炸蝦餅（細）呢個炸蝦餅話係細，不過份量都唔少，食落外皮炸得好脆，內𥚃彈牙鮮味，蘸上泰式酸辣醬食，味道更惹味。越式香茅豬扒(細）$24好大件，d香茅味好重，豬扒入哂味，冇乜骨，啖啖肉，必選小食。椰果椰汁西米露$12主食加$12，清爽椰果加上椰汁西米露，夏天飲舒服當甜品。熱菜蜜$5主食加$5，食完煎炸食物飲幾潤喉

-餐廳：河內越式料理-極品牛三寶湯河粉 $70大大碗既河粉，有生牛肉，牛展同牛丸。啲牛肉全部都好大塊，食落牛味好香都好嫩滑🥰🥰-香茅雞翼湯河粉 $60雞翼炸得好香好脆，佢仲有配埋新鮮嘅青檸汁加埋落去好清新👍🏻👍🏻-越式豬頸肉 豬頸肉燒得好有焦香而且好惹味，又不失軟嫩，佢配搭埋酸辣醬汁真係好好味😋😋-順化炸蝦餅 好大件嘅蝦餅厚切送上，炸得好金黃香脆，啲蝦肉好爽口, 下次要再encore ❤️❤️❤️❤️-

最近天氣冇咁熱，多咗人講去越南旅行，同朋友尖沙咀行街都建議一齊去越南玩三日兩夜，朋友話不如喺香港食越南菜，留返啲錢喺香港玩仲好啦，之後帶咗我去位於堪富利士道嘅餐廳，門面望落冇乜特別，就係間普通嘅越式料理，但有驚喜有驚喜地食得出越南嘅味道！▪️ 蕃茄蟹肉扎肉湯檬 首先講一個湯底，好香濃嘅蕃茄個湯好似食緊蕃茄蓉，豆卜吸收左蕃茄湯所以咬落好濃蕃茄味，餐廳一啲都唔吝嗇，有好多新鮮蟹肉美味指數:🌟🌟🌟🌟🌟 ▪️香茅雞翼 即叫即整上到枱熱焫焫，亦好重香茅味，不過我覺得可以有四隻及加埋牛油就肯定100分美味指數:★ ★ ★ ★ ☆⁣▪️ 椰汁珍多冰 好耐都冇喺香港飲珍多冰，所以見到餐牌有得叫就揀咗，好香嘅椰汁味，比即開嘅椰子更濃椰香美味指數: 🌟🌟🌟🌟🌟—————————————環境分數:★ ★ ★ ★ ☆美味分數:🌟🌟🌟🌟🌟服務分數:🌟🌟🌟🌟🌟價錢分數:🌟🌟🌟🌟🌟—————————————

喺尖沙咀行完街shopping搵到一間好抵食味道又唔錯嘅越式餐廳位置仲好方便 直頭糧尾恩物🤭🍜生牛肉湯河粉（$60）生牛肉好鮮嫩，肉質非常嫩滑入口真係做到冇渣，配以爽滑河粉好正🍜越式香茅豬扒湯河粉（$64）豬扒煎得好出色表皮香脆但仍能保持肉汁肉質唔會乾柴 水準之作🐖越式豬頸肉（$32）豬頸肉同樣煎得出色，保留到豐富肉質配埋酸辣椒，非常開胃🍗香茅雞翼（$22）雞翼幾大隻，煎得幾香口但唔會煎到肉質乾鞋🍹鮮芒果西米露（跟餐$12）好香椰汁味，芒果肉幾新鮮，飲落好有咬口🍹椰果椰汁西米露（跟餐$12）椰果好Q彈，配埋西米一齊飲，口感豐富

平時次次經過都見到門口人山人海心諗一定好好食但係lunch一個鐘時間 真係見到個人龍都無辦法一試發現賣平台外賣自取有75折今日同事們又要開會 得返自己一個食 一於買外賣孤獨食 炸蝦餅撈檬 蝦餅返到公司仲係熱仲係脆既外賣每樣野都分開裝 個汁撈檬 隨意自己落 好食

番茄蟹肉紮肉湯檬 69HKD老闆推薦招牌湯檬，湯底係牛骨湯，清清地加上番茄，好開胃，仲有一大勺蟹肉碎，讓整體風味更鮮美。越式香茅豬扒撈檬 54HKD香茅豬扒都好香，不過唔算油，入口仲好香酥，配上店家特質撈檬汁拌食酸酸甜甜辣辣，夏天好解暑。越式炸蝦餅 32HKD小食跟餐有優惠，我地追加左蝦餅。呢間既蝦餅相對較大隻，切成四塊我地兩個人share食。野飲我地嗌左，椰汁芒果西米露同越式青檸冰，芒果西米露小小偏甜，青檸冰青檸量好足，好refreshing！

香港天氣太熱，所以本來諗住食乜都無所謂。而之前去過旺角分店食lunch，覺得唔錯，所以決定入去食dinner。好彩都算早入座，所以人相對少。香港地食飯，仲要係尖沙咀，所以唔可以期望環境會係大。生牛肉湯河: 湯底本來還好，但河粉又粉又林。香茅雞翼撈檬: 香茅雞翼好香，但無味，好似無醃過咁。越式炸春卷: 春卷即炸夠脆，但好多粉絲。小總結💬整體好失望，完。(滿分為🤤x5)好味指數: 🤤抵食指數: 🤤回頭指數: 🤤

PHO😚😚生牛肉湯河同撈檬都係唔少越式餐廳嘅主打🤣🤣。今次我地就叫左越式豬頸肉撈檬同河內生牛肉湯河~再加配左越式香茅雞翼同越式炸蝦餅~份量都好大份 性價比好高。👍🏻👍🏻👍🏻香茅雞翼炸到好香，而且好juicy🤣🤣💸💸河內生牛肉湯河 $60越式豬頸肉撈檬 $66 越式香茅雞翼(兩件) $23越式炸蝦餅(細) $32椰汁紅豆冰 $30越式青檸冰 $30📍河內越式料理（堪富利士道）地址: 尖沙咀堪富利士道10號地舖