沙田18

營業中

休息中

是日數人行分開枱而坐星期日一啲都唔多人同以前截然不同幸好沙田18嘅玫瑰露叉燒極之出色，燒腩仔同蝦角亦都一樣咁好食侍應推介嘅糖冬瓜檸檬薏米雪葩亦非常令人驚喜味道清新希望疫情過後再開開心心去飲茶

其實沙田18都唔洗介紹，佢哋啲水準有番咁上下，雖然近年會有時差啲啲，同埋個洗手間唔算乾淨到似五星級酒店，基本上都仲係中上餐廳。好少嚟食晏，但隔咗好耐冇出街食飯，就同business partner嚟咗食Luncheon。晏畫我少有地唔叫佢啲set menu，叫咗餐牌入面啲點心，冇叫餸食飯。兩個女仔，叫咗8樣嘢食，都幾大食吓。鮑魚义燒酥，超好味，好邪惡 帶子餃唔記得名，但好食呢個有蝦嘅餃但唔係蝦餃，好味，認住個樣小籠包必食蘿蔔糕呢個超好食嘅甜品，有芝麻及糯米包住，跟著再係一個酥餅咁，非常香非常好味花鵰雪糕，至愛晏晝叫點心抵食過叫餸食飯，叫set menu會再抵啲，呢度咁多嘢加埋酒水HK$750度，唔太大食嘅叫少啲嘢就會平啲啦～

因為疫情，不能大夥人一齊共膳，只有我和媽媽，今次是第二次到中餐廳用膳，但係猜不到午飯時間， 人流不少，服務水準也不錯，今次點選的點心也是媽媽喜愛的，比較特出的“蒸北京烤鴨卷”，包子軟綿綿內餡料烤鴨香噴噴，醬汁濃，不錯！甜品“腐乳芝士蛋糕”，也很別出心裁，猜不到兩樣濃味的食材擺在一起，引起十分特別化學作用，還有少許鹹，必試！至於蝦餃皇，皮可以再做薄些，賣相有晶瑩剔透感比較好，味道都很好，至於另外一個甜品就有少許失望，“紅棗貝殼蛋糕配橙酒吉士醬”，蛋糕做到外脆內軟 ，但是個吉士醬不點也吧， 完全橙酒香味。我也會再來試其他菜式。

補食父親節飯，一個月前已經訂檯，只有2個時段，分別係5:30 同7:30 選擇，我揀咗早輪5:30。當日一行7人，5:15左右到達，要先登記，準時5:30會安排已登記客人入座。安排坐喺窗邊位置，太陽仲未落山，光猛開揚。訂檯時順便預留一隻北京填鴨，選擇三食。第一食，填鴨都唔洗等好耐就上菜，目測填鴨皮似漏咗氣，唔太夠脹卜卜。師傅練熟咁手起刀落片鴨，第一碟只有鴨皮，服務員建議沾糖食，都唔算薄嘅鴨皮食落好乾、比較實、冇鴨油香，加咗糖食嘅話，可能因為冇咩鴨油嘅關係，真係同預期落差甚大。第二碟係只有鴨肉片，鴨肉嫩滑，不過毫無肉汁，而且鴨味唔濃，又再失望。第三碟係鴨肉連皮，其實綜合咗以上鴨皮同鴨肉嘅食感，配上厚薄適中嘅薄餅、青瓜、蔥白、蒜泥同甜味恰到好處嘅甜麵醬，靠咗啲醬同配料，鴨肉味其實已經唔濃，感覺配菜先係主角。第二食嘅生菜鴨崧喺啱啱切好晒第一食就上菜，咁即係唔係同一隻鴨同埋可能係一堆炒定。可能炒定分配上碟關係，鴨崧份量少，用上啲細size嘅大豆芽炒，調味一般，唯一可以讚吓啲生菜新鮮甜脆。三食係鴨湯，唔係一煲上，又係應該煲定一大煲，一碗碗送上，望落湯色濃白，內有津白同豆腐，飲落淡如水，一啲味道都

《沙田18》開業多時還是第一次去，鳴謝後輩早早已經訂了檯, 平日中午原來也一位難求｡｡｡菜式方面今日特意主要是為烤鴨，一鴨三道的菜式.胸肉/腿肉/片胸肉，自己就最為喜歡片胸肉，皮肉夾雜在口中油脂香加上肉質味美口感，蠻滿足~至於口水雞方面,大家都覺得比預期為差，辣道純粹是BB级入本版，如果一心抱有口水雞的感覺這一道真的令人較為失望~至於鱼湯菜苗入口絕對是薑味濃郁,完完全全蓋過了應有的鱼湯味道~一鴨三食的炒鴨鬆,上枱撲鼻而來完完全全是乾炒牛河的鑊氣味道，真教人有點摸不著頭腦~ 甜品方面對五糧液雪糕與及花雕話梅雪萉抱著絕大的好奇心之下來選, 絕對是創意無限但不會回頭的一道特色甜品~整體來說自己就覺得整頓頓飯以平平穩穩內形容應該是最為貼切,沒有太大驚訝但亦不會令人搖搖頭埋單的午飯。★附上當日影片, 如要睇片可坐定定在大電腦前按入圖内收看★

We came to Sha Tin to visit friend and decided to try this famous restaurant. The Beijing duck need to be pre ordered so we missed it this time😔The staff there are very nice and show us the table.It was very fun because we sat next to one of the open kitchen and we could even saw how the pork belly was cooked🤩Pork belly was very delicious and other main dishes are all in good quality. Overall a highly recommended Chinese restaurant in Sha Tin.

今日仔仔在沙田18請食母親節晚餐！因為已訂位，并不需要等候太久，餐廳環境很舒服，待應服務態度非常好，很細心！服務周到！ 叫咗一個燒味拼盤，叉燒非常 嫩滑，肉汁保留得很好， 肥瘦適中。 燒肉係三層嘅半肥瘦但係但係略偏肥，味道還可以。 山藥蟲草花甲煲 花甲非常新鮮！ 香蕉炆牛筋腩 牛筋腩炆得非常之林滑惹味。椒鹽鮮魷也很好味！總的來說是一個非常好的晚餐！特別嘅就係啱啱坐低，待應就送上玫瑰花作為對母親嘅小小心意，我覺得非常窩心！👍👍

這中菜廳出名片皮鴨、但我今次冇食、反試点心、冇另人失望、点心同樣有水準、今次試左五款、蝦餃、烧賣、鮑魚糯米雞'春卷-粟'蓉烧鹅酥'五粮液朱古力雪糕、下次一定會再去試皮片鴨、值得讚的是凱悦沙田18D的服務員十分有禮貌

▪️傳統北京烤填鴨 半隻$538一食：片胸皮、胸肉、腿肉青瓜、大蒜、黃面醬、砂糖、薄餅胸皮點砂糖，先脆後鬆，不過膩左少少胸肉包薄餅加配料，因為腿肉較濃，亦建議加埋大蒜，的確係好fresh 😂二食：生菜片鴨鬆用生菜包住鴨鬆放進口，口感清爽三食：紹菜豆腐鴨骨湯 製作需時，想食既話book枱嗰陣先預留。肥師奶覺得包三食個款幾抵.▫️午市套餐 $268/位海帶𢇃拌鮑魚➕麻辣醬拌拍青瓜➕瑤柱粟米羹➕三杯汁芥蘭炒牛肉➕雲腿扒娃娃菜➕揚州炒飯➕腐乳芝士蛋糕➕花雕話梅雪糕呢兩件特色甜品好古怪，芝士蛋糕落到喉嚨嗰陣真係有啲好似食緊腐乳禁～好奇怪而雪糕就似飲緊花雕酒既冰😆呢兩款甜品可以話係好出色，因為食完一定會記得，好在細細件，真係唔係人人都接受到😂.

片皮鴨絕對是香港目前最好的！烤鴨風味、口感不輸北京大董。鴉皮入口即溶，鴨肉全熟但仍然很嫩。最好的仍然是皮肉一體，兩種不同口感搭配，一流！配料正宗。甜麵醬濃厚，甜度、鹹度適中。卷鴨餅更是很薄、很有嚼勁，麵點師水準很高。再到鴨湯，煲的也很到位，沒有鴨子本身的腥味。清清爽爽，吃完烤鴨印一碗，個胃都好舒服。鴨鬆配生菜就一般般，可能是鴨子不是很適合小炒。其他菜品，各式各樣、全國各地都有，相比較只能是不過不失，沒有很多特色。可能是本地廚師做，粵菜水平相對高一點，川菜就實在麻麻。一定會為烤鴨再來！

沙田18的食物之前雖然食過好多次，但今次係第一次喺餐廳裏面食lol. 作為五星級酒店的中菜廳，水準當然不可以馬虎。蝦餃同帶子餃食得出係新鮮蒸起，真正新鮮熱辣。 蝦餃裏面非常juicy. 帶子餃上面加咗江瑤柱，令味道更加多層次。春卷同蘿蔔糕都不錯，最重要係上枱時夠熱！好多時一般酒樓的炸物都係預先炸好，上枱時都係凍冰冰。係沙田18當然唔可以唔食佢哋著名嘅北京填鴨。片皮鴨本身已經分開三種食法，淨皮點沙糖，浄肉同埋皮加肉。三種食法三種感覺，各有喜好。另外再加鴨崧生菜包。我唔敢話沙田18嘅北京填鴨係全香港最好食，不過一定係top 5. 另外清清地叫咗一碟腐皮浸菜苗，竟然係全場最大驚喜。難得菜苗真係吸收晒上湯嘅味但又唔會過鹹。一個非常滿意的午餐。

Shatin18 片皮鴨一向出名，之前晚飯都食過幾次，但係晏晝食都係第一次，最鍾意有三碟，一碟淨皮，一碟淨肉，另一碟就係有皮同肉😋😋加埋個生菜包，簡直完美嘅配搭🤩蝦餃燒賣，點心全部都一樣出包，好足料，大大粒😍

友人生日，但又唔想食buffet，所以搵d靜少少同環境好d ge餐廳慶祝即使只有2人，店員仍然安排4人枱比我地，等我地可以坐得舒適一點.片皮鴨要預先訂定，我揀咗傳統北京烤鴨三食😛感覺比較抵d師傅會係我地面前，即場切片皮鴨，分別片出鴨皮、鴨胸、鴨腿肉一食有片胸皮、胸肉、腿肉、連青瓜大蒜、和麵醬及薄餅，鴨ge油脂分佈平均，師傅仲教我地點砂糖食二食係生菜片鴨餸三食紹菜豆腐鴨骨湯.不過我哋就顧住食冇為第2，3食影相😂😂沙田18 錦繡拼盤有叉燒、燒肉、牛油果同雲耳除咗燒肉皮比較脆身之外，其他都普通左少少🤏💬如果下次再黎食都係會叫返片皮鴨三食👍🏼

今次來沙田18不再是吃她的烤鴨, 而是吃點心和她的順德菜, 因為烤鴨而令很多人以為她是傳統的京菜, 但事實上她京川粵菜甚麼也有, 是個大集燴的中菜廳. 至於她的點心就是很不過不失吧! 蝦餃和蘿蔔糕也是很傳統的味道, 蝦餃蝦肉彈牙但麵皮太厚, 蘿蔔糕煎得焦香但一夾就散, 而燒鵝酥配上栗子是很有冬日氣息的料理, 但燒鵝煮得太溶, 口感如棗泥一樣, 浪費了外面的酥脆. 最吸引到我的, 是禮雲子帶子腸粉, 禮雲子是鏞記其中一道Trademark, 咸香而脆口, 配上彈牙而清淡的帶子是個好的配搭. 順德菜點了黃酒煮雞, 雞肉十分彈牙而且沒有脂肪, 是典型的走地雞, 但黃酒味道較淡, 有雞香但缺乏酒香, 湯喝下去與喝普通雞湯一樣, 這樣的藥力和補身能力是否足夠, 我真的有點懷疑呢! (笑)

🤤🤤同朋友到沙田18吃午飯~▶️欖角焗蠔蠔夠肥美新鮮，加上欖角嘅香味，似傳統菜色。▶️自製雪糕 五糧液 朱古力餐廳自家製嘅雪糕係我認為今餐最好食嘅， 值得推介 。雪糕嘅朱古力味非常濃郁而且食得出係優質嘅朱古力! 配有五糧液嘅酒味， 令到成個雪糕嘅香味昇華。▶️花雕話梅這個雪糕都好出色， 同五糧液朱古力雪糕比，呢個雪糕比較清新，酸酸甜甜而且加上花雕酒 ，好味好香。個人比較鍾意食朱古力，所以呢個雪糕都係得第二位啫 ，哈哈。