沙嗲王 (現時點)

營業中

休息中

星期六同巴士迷朋友搭102出油麻地，網紅冰室太多人排隊，於是改去招牌勁大嘅沙嗲王，感恩唔駛排隊直入～下晝三點幾兩個人都坐到卡位，係開心嘅。鮮茄蒜香芝士焗溫泉蛋雞扒飯$68朋友讚不絕口～食物今次真係十分。雞扒：肉質唔錯，應該炸過。飯：好有蛋香味。配料：有蕃茄、菠蘿、洋蔥、蛋，數量唔錯，最緊要新鮮。份量：剛剛好。新鮮度：比滿分，因為即焗。百事另外加杯冰：跟餐免費，令人開心。冬蔭公湯海蝦墨魚粉絲$68估唔到個麵或係可以轉粉絲，正～可惜係上檯時啲湯已經乾咗啲，如果可以比返多少少湯就好。服務：員工充足，夠主動。價格：睇黎偏貴，但質素好。環境：好闊落。地理位置：交通方便，唔駛就住。不過由商場上二樓就要兜一陣...最後留意返，呢間開11:30，冇早餐～亦都不設下午茶餐牌，堂食有加一服務費。

好耐無食沙嗲王了，記得初出來做野果陣，都成日去食今日經過便入去食吓，餐廳幾闊落， 我2個人，都安排卡位，坐得好舒適分別叫咗白咖喱香茅豬扒飯(跟餐飲)，沙嗲牛肩胛粉絲(跟餐飲)，再加錢配蒜蓉牛油雞翼白咖喱香茅豬扒飯食落一如以往味道，豬扒有3塊，都幾大塊同厚肉，肉質腍滑，好易咬開，用白咖啡喱汁撈白飯，雖然好邪惡，但好野味，同好食沙嗲牛肩胛粉絲(轉幼麵)沙嗲湯底非常濃郁，幼麵浸住沙嗲汁，每啖都食到沙嗲味，牛肉係簿簿、軟軟果種，雖然唔食好食到牛味，但食落都差蒜蓉牛油雞翼有2隻，食落雞翼熱辣辣，外脆內嫩，牛油味同蒜蓉味都唔濃，但味道都唔錯跟餐飲品叫咗熱檸水同熱奶茶，飲落普普通通啦整體來講，環境舒適，服務唔錯，價錢可接受，食物份量足，雖然味道唔係激好食，但起碼有一定嘅水準，同有回憶嘅味道

中學校已經好耐冇食過沙嗲王，突然間很懷念咖喱的味道，決定去懷緬一下是否能尋回當年的味道平日的晚上，和朋友二人去到餐廳不用等位👍🏻而座位亦算舒適第一時間當然要叫白咖喱香茅豬扒飯，上菜後忍唔住要即刻食兩啖先，差啲唔記得影相，白咖喱汁一如以往味道，無可取替，而香茅豬扒肉質亦嫩滑，以$69呢個價錢食晚飯已經很不錯了另一碟係滑Lulu蛋沙嗲牛M O R E王飯，有驚喜，想不到滑蛋和沙嗲混合出來的味道，竟然這麼匹配，牛肉就不過不失啦！同樣是$68的價錢，性價比算不錯了蒜蓉牛油雞翼$29兩隻，較平日越南餐廳的牛油雞翼細隻，但新鮮炸起的有溫度，味道亦不錯，牛油味香濃，蒜蓉味就不是太濃這杯飲品叫菠蘿碧海，藍色糖漿加上罐頭菠蘿、話梅，再加入梳打水，味道較為古怪

喺嚴寒嘅冬天食咗個熱辣辣嘅蟹粉豆腐鍋飯😋成個鍋份量都多，面頭有唔少份量嘅蟹肉，再加埋鹹蛋黃調味，令到成個豆腐鍋鹹香鹹香咁都幾過癮，但就唔覺得有食到蟹粉，似乎就係將鹹蛋黃扮係蟹粉了，身為蟹粉fans嘅我覺得有啲失望😔。第一啖食嘅時候味道都好濃郁，但食多幾啖嘅時候就略嫌有啲dry同滯，因為全部餸都食晒，剩返啲豆腐同埋飯。Overall嚟講價錢都唔算平，呢個價錢有好多其他選擇，可以一試但唔會食第二次個鍋了。

好耐好耐無來食過, 今晚就過來食一下, 難得大把位又唔洗排隊👍 叫番每次必食的蟹粉🦀🍲豆腐煲🍚配白飯, 唔要白咖喱, 要左黃咖喱🍛香茅豬扒飯🐷🐽, 另外見到加8元有酥皮龍蝦湯🦞, 無要前菜, 另外要左個孜然炸雞🐔, 野飲要左芫茜菠蘿梳打☘️🍍同青檸🍋‍🟩柑梅蜜, 甜品要左一個H字頭的曲奇味雪糕🍪🍧, 另外一個也是要H字頭的士多啤梨🍓雪糕🍧, 等左一陣, 蟹粉🦀🍲豆腐煲加白飯🍚送上, 熱辣辣好吸引, 加d白飯🍚一起吃, 好野味😋😋有d咸香味🥰😍, 再之後來黃咖喱🍛🐽🐷香茅豬扒飯, 賣相吸引, 撈飯加汁好好食😘舊豬扒🐽亦醃得幾好食😙😁, 再來孜然炸雞🐔, 熱辣辣好新鮮👍👍有d孜然味好夾好好食😄, 整體味道今日幾好, 再來二杯凍飲, 我第一次叫青檸🍋‍🟩柑梅蜜, 酸酸地唔太甜, 幾開胃😛😜, 份量十足, 十分滿足, 一定夠飽😀, 另外第一次飲佢的酥皮龍蝦湯🦞質素算係唔錯, 而且又夠熱💞, 最後來杯🍧🍧雪糕真係非常完滿💯 第日再過來幫襯🤪

出咗嚟社會工作愈嚟愈繁忙，最近發現旺角既餐廳同以前好多都唔同曬。仲記得讀大學既時候，同班hall mate最鍾意落旺角食飯，我哋係沙嗲王常客。今次lunch time食嘅係大學回憶啊！點滴在心頭～我order咗白咖喱香茅豬扒飯，餐點賣相唔錯，加啲聯想力好似沙灘咁( ´▽` )ﾉ豬扒味道醃得岩岩好👅珍珠米粒粒分明 亦都好好食～ 但係整體嚟講個汁份量比較多、濃郁，完全蓋過食物本來既味道，依個位有少少失色。若果汁既份量少啲，相信會為依個餐點加好多分！特別一讚就係侍應服務態度好親善，整體serve我哋既員工都相對上有親和力🙂‍↕️

黎到旺角呢邊lunch 都有好多選擇可以揀，見咁耐無食過沙爹王所以今日就再食，不過質素就真係一般，食完之後過左幾個鐘都覺得口渴。白咖哩豬因為都算出名吧所以都點了呢個試，白咖哩汁係多不過味道就比較一般，感覺味道唔夠，豬扒味道正常，口感無咩特別，成個午餐份量都係正常，汽水唔駛加錢，罐裝汽水，凍飲就要另外加錢。環境都算闊落坐得算舒服既。不過最大問題食完呢餐之後幾個鐘仍然覺得口渴，食左呢次就算了。對於個人而言就唔係吸引，盛惠72蚊。

星期五收工諗住食沙嗲王招牌白咖喱結果 非常差的體驗事緣我們在七點左落單等咗大概半個鐘左右發現連啤酒都未到 其中一位朋友催促店員結果只有啤酒到了等咗大概九個字 發現店入邊好多食客都冇嘢食而且開始有食客投訴食物等得太耐隔籬枱等到走咗 朋友再次去到收銀位置詢問店員開始阻止新乘客入座以及同門外的客人解釋單機壞了但是我們坐了大概一個鐘都冇人同我哋解釋過點解冇嘢食？單機壞咗 係突發情況店員係咪應該同食客解釋情況？而唔係由得客人喺舖頭白等雖然食物質素沒有什麼影響然而最後經理在事情發生後一個鐘先出嚟同食客道歉 我認為當知道有突發情況立即同食客解釋 更為妥當希望下次再有同類事件 處理手法可以更加恰當

沙嗲王是香港人的童年回憶，招牌菜是沙嗲/白咖喱，今日相隔多年都是同一個味道。今次去到油麻地店，裝修完全煥然一新，好光猛又乾淨！睇個menu，比以往多了選擇，而且是親民價！石鍋沙嗲牛肉烏冬石鍋熱辣辣，可以保持熱度！沙嗲湯底非常濃郁，亦有厚厚的花生醬味；配料包括振興牛丸，牛肉，豆卜，金菇！當然芫荽愛好者可加配多芫荽！不得不提細心位，餐廳將振興牛丸切開一半方便食用！烏冬亦分開另上，避免浸淋！咖喱香茅豬扒飯豬扒多的是，而且是炸過醃過，十分厚切！絕對是沙嗲王招牌菜。咖喱味也非常濃烈，讚越式春卷上菜時明顯是剛剛炸起，好鬆脆！配上微微辣的醬汁十分惹味。另以半價加配了鮮芒椰汁沙冰配寒天波波！很多新鮮芒果肉，椰汁味都十分重，夏天喝透心涼今餐完全是回憶之旅，吃的是兒時味道👅

喺旺角行街行到肚餓，突然想食白咖哩豬扒飯，又咁啱有沙嗲王，所以就嚟左食😁我哋一家今次叫左：無骨鳳爪👍🏻👍🏻-份量少，好夠酸味少辣椒鹽脆豆腐👍🏻-唔係平時出街食嘅脆豆腐 ，層皮一啲都唔脆仲好稔，不過 豆腐好滑炸饅頭👍🏻👍🏻蒜香雞翼 👍🏻👍🏻-夠熱又夠脆，聞起上嚟好香蒜味，但食就唔覺越南春卷👍🏻-入口有陣胡椒味但唔辣白咖哩厚切吉列豬扒飯👍🏻👍🏻👍🏻-炸得夠脆，雖然厚切，肉好易咬開 白咖哩味道同以前一樣 ，少辣幾惹味特濃朱古力沙冰 👍🏻👍🏻-飲晒成杯都唔覺得係沙冰鮮芒椰汁沙冰配寒天👍🏻👍🏻-比較甜，塞天好有咬口後記：而家乜都電子化，落單要用app，埋單原來冇左以前食左幾多錢就送幾多張實體優惠券同辣椒醬，就係用app送優惠券，感覺冇以前咁抵食

以前中學讀書時代已經成日食沙嗲王，印象中又平又好食，今日去油麻地經過見到好想重溫一下味度。12點已經坐滿人，仲有好多學生，等咗一陣就有位。睇吓餐牌先，午餐都有好多選擇，亦加入咗好多台式飲品，穩穩陣陣點咗咖哩吉列豬扒飯，但係等餐時間真係有d耐，等咗接近20分鐘。咖哩汗完全唔辣，小朋友食都食到，豬扒大塊又厚肉，炸得都唔錯，外脆內嫩。地址油麻地彌敦道530-538號現時點2樓港鐵油麻地站B1出口，步行約1分鐘

由細食到大，必食嘅白咖喱豬扒唔使講，水準穩定到不得了，是日下午茶時間，叫咗個$58嘅下午茶餐，白咖喱豬扒飯跟熱咖啡，豬扒比平時單點細份，但足夠飽肚，同平時單點水準差唔多，最後當然，飯都冇得剩，熱咖啡正常，冇嘢要投訴，卡位環境闊落，乾淨企理，QR code落單，方便快捷，抵讚！

本來以為沙爹王係類似泰式餐廳，但又唔係😂跟同事食嘢先知白咖喱係佢哋嘅招牌🤔🤔所以就叫左白咖喱豬扒烏冬✨白咖喱係清淡版本嘅咖喱，完全唔辣的，適合唔鍾意濃味嘅人食😋豬扒唔會好肥，全部部分都係肉咁滯，烏冬就一般啦 唔係日本嗰種彈牙口感。

.#foodie #hk #hkfoodie #HTB美食推介【油麻地馳名白咖喱🐷｜童年回憶中的味道】🐨白咖喱香茅豬扒飯 $83推薦度：⭐️⭐️⭐⭐️雖然嚟到沙嗲王好似要食沙嗲咁，但其實小編獨愛白咖喱😽有獨特嘅香料味，少少辣最適合撈飯食～而香茅豬扒炸皮好薄，保持到豬扒嘅肉汁、鬆軟好食👍🏻.🐨蟹粉豆腐煲配薄餅 $109推薦度：⭐️⭐️⭐️⭐金黃色嘅蟹粉湯熱辣辣，以石鍋奉上🔥鹹蛋黃味都好濃郁，但蟹肉就比較少，配薄餅食另有一番風味☄️.🐨青檸柑梅蜜 $22推薦度：⭐️⭐️可能係因為蜂蜜底，所以成杯嘢飲偏甜，小編係咁拮青檸，都中和唔番🐝.🐨凍芫荽菠蘿梳打 $22推薦度：⭐️⭐️呢杯飲品儀式感滿滿好多芫荽、菠蘿，不過味道就一般... -----☼-----☼-----☼-----☼-----☼-----沙嗲王📍地址：油麻地彌敦道530-538號現時點2樓(分店)地址：銅鑼灣軒尼詩道502號黃金廣場5樓(分店)地址：荃灣大河道67-75號卓明大廈地舖🐨推薦度：😋😋😋/5 💰人均價格：$100-150🪸環境：👾👾🗣️服務：👍🏻👍🏻📸食物打卡度：💡💡🛠️分類：#HTB油麻地 #HTB現時點 .#油麻地美食 #油麻地 #現時點

由於有張$25券未用今日要用左佢因為就過期白咖哩依然係甘好食炸雞就第一次食，雞既數目都幾多，不過炸粉都幾厚配埋杯熱奶茶正環境唔錯不過有加一午餐來講就貴左D同唔太合理 LOR  都無咩服務要加一原價65減左25券